意樂餐廳 (良景廣場)

营业中

休息中

意乐的意大利粉相当不错，鸭胸天使面很好吃，鸭胸林滑但有咬口，天使面不林，幼的面要炒得不林也不易，似乎是用蕃茄醬炒，加上少许辣，正！他们的抽子雞冀也很好味，外层的醬汁有浓厚的柚子味，少少甜，配合得不错，皮脆肉滑，加上甜甜地的柚子味，好味。我喜欢喝他们的特飲，尤其是绿茶牛奶冰，很濃的綠茶味，茶奶比例合宜，裏面还有些啫哩。

在各屋村都有分店的意樂餐廳，主打西式美食。價錢中等但食物份量略少。叫了一個和風鰻魚炒飯，鰻魚粒寥寥可數，甚至飯量都少。pizza也是相當迷你！比較好的是他有啫喱利賓納，好喝，不過整體都是一般。不會常來啊！

今晚想方便，選擇快餐，但又想選一個比較高質素的快餐，這間也是不錯的選擇。叫了肉醬義大利麵，看似簡單，但要做得好吃，並不容易。這間用了扁意粉，肉醬非常多，不會太鹹，還不錯。

讀大學嘅時候附近有意樂，成日都會同同學去食，覺得又好食，價錢又平。薯蓉焗田螺：必嗌，熱辣辣嘅薯蓉同田螺一齊食，好夾牛扒：好大件，一個女仔未必食得曬飲品半價：最鐘意飲啫喱冰冰👍👍

*意樂*意猶未盡*今日同屋企人選間近近地食晚餐，就黎到意樂西餐廳。*首先點左一百都吾洗既美國安格斯牛扒，加配挪威煙三文魚比薩同埋熱柑桔檸檬～*埋單都係一百五十以內，非常推薦兩個人分享。*美國安格斯牛扒配牛肝菌汁，七成熟既口味係最完美。牛扒好大塊，咬落煙韌有彈性，仍然保留肉汁，配上牛肝菌汁，香味更升一級，簡直係最佳配搭。*牛扒旁邊有栗米，焗薯蓉同埋薯條，仲附送濃香野菌湯…食完真係一定夠晒飽。*挪威煙三文魚比薩，最上面佈滿木魚同紫菜，一上桌香氣撲鼻，跟住下一層有滿滿既蟹籽同芝士，再下一層係煙三文魚，洋蔥，蔥，昇華左依道料理既層次感，值得推薦比大家。*二人浪漫聚餐或者一家人聚餐都非常適合。*喜歡既請關注我：VictoriaChan1008

同屋企人係商場買少少嘢，之後去搵食，佢哋推介我食呢間～😂龍蝦汁海鮮焗飯龍蝦汁海鮮焗飯以佢價錢嚟講，真係好出色架喇！啲海鮮雖然係急凍嘢，但勝在夠多。個味都好好、汁好香。焗飯唔會太乾，飯嘅份量唔多唔少，啱啱好，我幾有驚喜～😂跟住兩老叫左海鮮湯麵，同海鮮湯意粉。我食左少少，都不錯，個海鮮湯意粉比較好食。芝士焗西蘭花芝士焗西蘭花呢個就好失色喇，不過佢啲嘢咁平就原諒佢啦～😆本身個西蘭花係白烚，之後淋啲芝士上面再拎去焗，所以啲芝士根本唔會入味～其實附近係屋邨，所以啲價位都係比較平，本身我都冇乜預期，諗住平平哋食一餐算啦～但佢主菜類都好唔錯，幾十蚊真係算好出色，仲要佢有好多唔同種類揀，平日嚟食係幾不錯選擇～

尼間就係屋企附近既餐廳，每次放假都同老公黎食下午茶☕️店內環境超大而且非常多選擇已經食過無數次，早、午、晚餐都食過了。今日訓到自然醒又同老公過黎食平日下午茶時間吾算多人，仲要好多款抵食TEA SET揀次次黎都必叫尼2款要推介《忌廉野菌天使麵》$35午餐要40幾蚊，下午茶同午餐份量一樣大尼個忌廉醬真係超足又夠味野菌洋蔥超夾再加上超幼既天使麵口感真係食吾停即使無下午茶，平日午餐、晚餐都會叫另外尼到最正係有得加$8配雞翼或沙拉🥗每次都會加雞翼，雞翼炸得好脆口，$8有兩隻真係抵，但今日全線停售雞翼無得食之後另一款必叫《氹仔風味豬扒包》$29仲有薯條🍟或沙拉🥗配埋本身叫左沙拉但佢上錯薯條，不嬲都鐘意食薯條所以照要左無叫佢換豬扒包超大個，佢既麵包皮係最好食既部分，用左超重牛油黎整，麵包皮脆得黎仲要好梳軟，食到停吾到啖啖牛油香，可以既話食夠兩個豬扒肉夠嫩個汁又香配埋番茄🍅生菜夠晒juicy薯條炸得夠香夠脆同個豬扒包皮有得揮相反飲品就無乜特別比平日茶記奶茶既淡口但勝在夠大杯，冷熱飲同size埋單仲要吾洗加一尼個係平民中既平靚正美食題外話、單據打多左走番茄

晏就唔知食咩好，是是但但入左呢間餐廳嗌左個駌鴦焗飯，個飯來到已經見到好大ber芝士係上面😋一邊白汁一邊茄汁，多料有兩大塊肉同蔬菜，份量算適中。跟餐有野飲~檸檬金柑蜜甜甜酸酸幾好🤓價錢唔算貴，上菜快，係打工仔午餐之選💁🏻‍♀️

有時候週末或週日，我和屋企人都會到附近大興圖書館看書，那天我和如常看過書後，到了鄰近的意樂餐廳午膳。其實意樂的水準可以，吸引處是經濟實惠。那天吃了個大圓鐵板餐，有豬扒，長腸薯條，煙肉，長腸，翠肉瓜，蕃茄，其實豬扒醃得好味，幾Juicy，但大塊先夠喉，長腸似乎煎得不夠透心，差少少，幼身薯條都好食，薯味濃，鐵板餐70蚊食得過。小朋友愛吃Pizza，和風烤雞pizza，有烤雞，菇，粟米，和芝士，芝士夠多好香，但烤雞和紫菜份量不足，但餅底厚，食落好香又煙韌，加番不少分數，只是四十元，算不俗。柚子芝麻雞翼是意樂的招牌小吃，好吃炸得夠香，醃得亦好味，表面有甜甜果香柚子醬，好開胃。香草忌廉煮蜆，蜆肉細細，味鮮無沙，加埋香草忌廉湯夠Creamy，好好味。唯一差的飲品是奶茶，無咩茶味又茶底不夠滑，不是傳統茶餐廳出品呀。

好耐無黎過依到附近，見到有間餐廳未食過就去試下，就叫左一個和風蟹柳蟹籽炒珍珠米同香草烤雞茄子忌廉焗珍珠飯，午餐有跟埋餐湯或者野飲。炒飯色香味俱全，但份量就真係好小，食完都唔太夠飽。焗飯幾濃忌廉味，除左茄子同雞仲有南瓜同豆豆，都唔錯架，雞肉有煎香過再焗，但唔知係咪又忌廉又芝士，食完有d滯。羅宋湯酸酸地幾開胃，但好似淨係得菜無肉，不過味道都ok。仲叫左杯利賓納者喱冰冰，有真係幾似羅柭臣者喱隻黑加侖子味。

呢度既下午茶真係又平又低食，成日都爆場，普通一個意粉加杯即磨咖啡，最都28蚊都食到，其他都唔會太貴，位置都算大同好坐。今次叫左熱即磨咖啡同凍奶茶☕️食野方面叫左個焗長通粉、炒意粉、番茄米粉。

今日經過咗呢間食tea, 計同類型係幾平喎。叫咗個意粉加雞翼兩隻，一杯凍奶茶，才49蚊。 當然質素唔可以同正正經經嘅相比啦點餐後，我見餐牌有款牛肉粒，張相幾靚，我就叫頭先幫我落order嘅呀姐加單，她冷冰冰的答"無", 我問係咪唔家得，她才答我呢間舖無賣。幾cool下！ 意粉到有啲淡，問位四眼經理攞支辣椒仔，佢就幾友善似啲樣。 到埋單時，收银處未見人，好快就有兩個妹侍應行嚟，唔知點解啲表情又係串串地？係咪想做公主是旦旦啦，食果幾十蚊……不過啲待客態度同間餐廳氣氛類型唔夾1) 意粉: 個汁希咗啲，淡咗啲，唔香2) 雞中翼: 黑辣辣，脆皮，唔夠辣下午茶约50蚊差不多啦，不過附近茶記有相近茶餐好似好食啲啲！

-今日去意樂食遲了的下午茶，我們叫了3個茶餐 。-吉列豬扒配滋味脆薯條，吉列豬扒比較細塊，炸得亦比較黑，但入口鬆脆，肉質尚算嫩滑,配上蝦肉色的沙律醬，好滋味。薯條唔熱，但好彩算是脆的，不會像有些薯條凍左會硬。魚柳大大塊，魚肉比較厚身，炸得剛剛好。-花生醬西多士厚厚的，熱辣辣，中間夾著的花生醬剛好，配上牛油楓糖，好味。茶餐加$6轉芒果啫喱冰冰，芒果啫喱冰冰味道偏甜。牛乳抺茶啫喱冰冰，牛乳偏少，喝到濃濃的抹茶味。

良景商場內其實無咩選擇，意樂餐廳勝在多選擇，坐得算舒服。店員見我同小朋友食，自動幫我走辣，佢既舉動雖然好貼心😅但應該問準客人意願先，搞到個唔辣既薯條味道下降，導致我唔想再翻食。薯條好脆，但配辣肉醬應該會好好多。慢煮秘製咖哩牛坑腩小鍋配珍珠飯牛坑腩分量很多，薯仔是連皮煮的，咖哩亦夠香辣惹味，雖然是慢煮但牛坑腩的肉質唔算軟腍。👌水牛城辣汁烤雞翼酸酸辣辣，外皮香脆阿華田牛乳奶凍完全冇阿華田嘅味道，連小朋友都話冇，牛奶味唔夠香， 好彩是加12蚊要的，原價的話簡直唔抵

本身朋友介紹嚟呢間食，都叫有啲期待，但1830坐低，1835落單，1900追單個時同我講話漏左單……我舉足5分鐘手先係四圍都有空閒侍應既情況下有一位男侍應不情不願咁過嚟幫手落單，佢用紙落單，係我order既時間對住我頭頂打噴嚏，我order完主菜準備講埋甜品時，頭也不回咁走左。後面有另一個男侍應攞住部落單既機望住佢，我就同佢講我想要焦糖燉蛋，佢好正常咁回覆我今日無供應，然後就走左。我份牛扒要整15分鐘，落完單我就煲劇，15分鐘後無嚟，我體諒我等多陣，25分鐘後我問個女侍應，佢話無落到單，仲問我係邊個同我落單，然後幫我落返單。依家再過左20分鐘，餐到左，食物ok，但服務態度真係完全唔ok。