意樂餐廳 (良景廣場)

营业中

休息中

因為工作的關係，不時都會係尼間餐廳食下午餐。今日機緣巧合之下，第一次去食佢嘅下午茶，食完就拎起決心佢寫篇食評。下午茶的選擇都幾多，少至厚多士、公司三文治，大至焗飯、意粉都有。因為本身唔算好肚餓，見到隔離枱叫咗一份西多士，賣相十分吸引。忍唔住我都叫咗份西多士，加檸檬水，平衡一下自己嘅罪惡感。西多士一上枱，厚度及大小令人嘩然。佢份西多士目測有4厘米咁厚，而且新鮮整起，熱辣辣，見到塊牛油放係中間都溶左一半。加上，佢可以自己加糖漿，中意幾邪惡都冇問題！正！

記得之前食過沙嗲牛肉麵味道麻麻所以對佢印象不太好。但係家人習慣在這裏吃早餐所以決定俾多次機會。今次帶咗扒餐。雞扒+焗流心蛋+煙肉+ 蒜蓉厚多士+粟米配即磨咖啡。今次有驚喜雞扒幾厚肉，焗留心蛋比起平時食嘅煎蛋冇咁熱氣。最好味嘅係蒜蓉厚多士，烘到好香脆，配合蒜蓉醬一流。咖啡都幾香，下次會再黎

好難食既地獄拉麵，豬肉好似煮左10個鐘既野咁隻蛋勁假，d拉麵又未化開，湯既辣味唔夠，味精味有小小重，有小小麻味，湯底應該未煮開，唔係屬於可以飲既湯底。d麵份量一個女仔大約5下就食完，飲埋野飲算係中等7分飽，可惜湯底太味精飲唔到我食既係地獄义燒拉麵，黎時等左10分鐘左右55蚊似食左d乜咁，唔算太值肉有兩塊半，但好多軟骨，d菇都係岩岩熟，粟米得幾粒唔知係唔係無曬，糖心蛋係熟蛋黎，蛋黃同蛋白完全可以分離最好唔好食拉麵但位都多既，可以快入座。

我上午做產檢，醫院在老公公司附近，所以和老公一起出門口，再一起到意樂吃早餐。早上很多人，滿座。不過等了一兩分鐘，也能入枱。點餐後，餐點也很快送到，熱騰騰的。每人叫一個早餐set。沙嗲牛肉米粉 - 最common的早餐選擇，估不到有驚喜，沙嗲牛肉較茶餐廳少點，但有椰菜和菇菌，味道都不錯！蒜茸多士 - 老公另外加了$3元要了一件多士，兩份吃。好在兩份吃，我覺得得一般，$3不要要求太多。熱朱古力 - 味道濃，好味！

今晚是第一次吃裝修後的意樂，之前是裝修了一段時間，我心裡都暗暗期待會唔會裝修之後會好味呢😃😃店內人不算好多，晚餐時間不用排隊，我很快就點了磨菇天使麵，很快就上了菜，嗯吃起來真係比以前好味，小小辣又擺碟得賞心悅目，真係好有驚喜。下次會再試其他款式，新裝修新口味😃😃👍

放假通常都會陪媽咪食意樂。嗌左雞扒餐同全日早餐雞扒好香蒜蓉味煎得幾滑，煎焗流心蛋整到半生熟。多士都焗得好香。全日早餐有漢堡扒午餐肉同火腿加牛角酥。太肚餓嘅關係食到一半先記得影相。屋村早餐之選。

又嚟下午茶，貪佢夠多選擇，淨係下午茶餐牌都4頁，咩都有！叫左個公司三文治，居然係厚方包，食2舊都已經好飽，餡料顯得薄又少，覺得自己係度乾哽方包，做返薄包應該會好食d。味道冇特別，正正常常。

今晚去良景邨搵個friend食飯，本來想食泰國嘢，但太多人啦😑就去咗隔離食西餐🍴 意樂餐廳原來有好多分店，宜家至知😆 價錢相當親民，款式又多， 全日免收加一 👍 帆立貝海鮮意大利蕃茄湯扁意粉~海鮮超多料，意粉食到尾都保持爽口質感😋 秘製咖哩牛坑腩珍珠飯🍛~驚喜，係我鍾意食嘅咖哩， 類似巴基斯坦口味，最怕滿口椰漿味，牛腩軟腍+濕潤珍珠飯，堅好味🤤 整體感覺非常好，價錢大眾化，分分鐘好過自己煮，值得推薦👍

今日晚餐諗左好耐食咩因為男朋友肚餓想食飯但我又想食麵喎最後揀左意樂 因為飯同麵都有裝修都ok 茶餐廳黎講算幾有心思不過地下有少少污糟同有少少「滑」有個海景都算係唔錯題外話 有次朝早黎食早餐佢早餐好好食坐窗邊望正個海係一流只係枱同枱之間距離好窄住得唔太舒適我地2人六點幾去都要等2張枱先到我地我地叫左兩杯野飲一杯係芒果啫喱一杯係利賓納啫喱特飲黎 認真好一般飲番最普通個d凍檸水熱咖啡算唔值咁貴男朋友嘅飯蕃茄味好重 幾好食又飽肚我嘅意粉好好食！推薦 係野菌意粉黎但份量唔多 岩細食嘅人最黎埋單每人$6x總結係唔值加錢要特飲但飯同意粉都好食嘅

意樂終於裝修好，一分為二，變左兩間餐廳，店面和座位少了，現在連下午茶時間都坐滿9成。我好掛住佢嘅豬扒包，今日來食下午茶，享受下悠閒時光豬扒包餐可以配田園沙律或薯條，因為豬扒包熱量都高，唯有配沙律呃下自己話好健康咁個包好香好大個，好厚，非常鬆軟熱辣辣，包內有塗了層牛油，有生菜蕃茄千島沙律醬和薄薄的炸豬扒，好邪惡啊！但真係好好食，食完會成日掛住想食再配杯熱奶茶，呢個下午就完美了！呢個餐只不過32，好抵食呢～今日食到咁高熱量，晚上要跑步找數了

依個餐係炸吉列豬扒加薯條，三十幾蚊都算抵食啦，塊炸吉列豬扒都算幾大塊，而且炸得都幾脆，塊吉列豬扒都唔係好多肥膏，而且肉都好多，而薯條嘅分量都好多，不過薯條嘅口感好空，雖然係好脆，不過冇乜薯仔味，只得粉味，不過整體都好好味個餐仲有嘢飲，杯奶茶味道好香濃，唔會好甜亦唔會好苦，味道岩岩好

是日食tea,知呢間嘢由一變二，就黎試試啦...豬柳漢堡餐肉蕃茄扁意粉，比想像中好食,啲意粉算彈牙，唔會腍到爛咁...雞翼沙律餐，略少但要三十幾，感覺唔算好抵食，但雞翼係幾好味嘅...一拆二，做兩間，最大問題係空間細咗,但佢又唔想減太多枱,結果迫到啲枱好埋，無咗以前呢間坐得舒服嘅賣點，幾可惜。

知道這餐廳有很多分店，今次到了屯門良景商場試一試，星期日的中午，坐滿人，等了十分鐘便能入座，裝潢設計幾靚，有圓形高枱也有普通卡位四人座，我被安排坐在中間的2人枱，與旁邊的枱相距較近有少許逼。大概等了15分鐘就有得食，兩個人試了慢煮咖喱牛坑腩飯配珍珠飯和蛋黃煙肉卡邦尼長通粉。咖哩食左1,2啖已覺得有點辣，牛坑腩淋身好味，烤過的薯仔配咖哩好好味。相反蛋黃煙肉卡邦尼長通粉較為遜色，沒有卡邦尼的creamy質感，感覺像白汁長通粉，這道菜唯一加分的是配料很多，包括有很多煙肉菇類洋蔥。另外凍檸檬茶的茶底少許苦澀，並不是我喜歡的檸檬茶味道。也許下一次再嘗試其他吧。

好耐無去食意樂每次去幫襯都係食焗飯焗飯好好味架今晚去左良景果邊一去到轉左第二間餐廳以為佢執左行過少少原來意樂轉左隔離鋪好耐無食薯蓉焗田螺次次去食都話無今次終於有了一碟6粒真係超好味同埋佢唔貴兩個人share食都唔會太飽呢個就係我鐘情次次都會食既「帆立貝龍蝦汁海鮮焗珍珠飯」今次佢地既汁份量好多好足夠有帆立貝、蜆、蝦、魷魚....又夠熱辣辣而且份量都多一定食得飽我覺得佢地轉左裝修食物賣相都進步左以後又會多d去幫襯😂

星期日夜晚諗唔到食咩 就同屋企人落左樓下食呢間意樂 唔太需要等位 呢間餐廳都幾抵食 最吸引我係個牛扒餐 一百蚊左右 包左一個湯 薯條 薯蓉 個牛扒性價比好高仲有得比你揀幾多成熟 我個人就鐘意五成熟 個薯條都有驚喜 擺到最後都仲脆 不過就有啲熱氣啦 嗌呢個餐仲可以半價叫飲品 我就叫在杯啫利利賓納 都正堂 另外叫左個墨汁墨魚意大利飯 我幾鐘意個墨汁味 每粒飯都有黑汁 幾入味 環境衛生方面都幾乾淨 服務態度都幾好 啲姐姐好親切 總結黎講幾抵食 牛扒都幾值得一試