意樂餐廳 (良景廣場)

营业中

休息中

環境❤️❤️❤️🤍🤍環境一般得黎其個別特式風格都幾出，木枱木櫈配黑色框架，型格隨意路線，就算係好耐前食，我睇番d相都記得係邊間食衛生❤️❤️🤍🤍🤍記得都係麻麻地，都係個種好d既茶記式運作，抹台塊布感覺抹左大半日都冇洗過個種服務❤️❤️❤️🤍🤍都係一般，電話掃code落單，除左帶位落餐埋單，冇咩點接觸員工，都係d正常普通既對話，感覺平常食物❤️❤️❤️❤️❤️我同友人叫焗飯同加配左個薯條配芝士茄醬，實際菜式名已忘記😆飲熱奶茶價錢實惠，飯量足，有得加配食物，非常夠飽性價比高，食物味道可能係焗飯比較容易加分，個薯條冇話整得好香脆可口，但係個汁就真係好好食，不過食得多有d膩，應該飲檸茶檸水比較好，但我配左個奶茶，奶茶都係普通質素佢餐牌上都有好多選擇，唔同配搭，會令人諗下次黎食咩好總括：唔錯既選擇，咩時段食都岩既

仍然係我所喜歡嘅蒜香牛油多士邊又脆，心又軟，蒜又香不錯不錯色香味俱全🤣粉麵方面，今次第一次轉扁意粉，不過不失免費轉係幾好嘅呢度係食雞塊，並非雞扒，有好有唔好啦好：就唔洗切，逐嚿慢慢㗳，淑女啲啱哂我唔好：就覺得雞塊加埋冇一塊雞扒咁大，少少蝕另外，就係我自己問題，食左幾多次都繼續唔記得呢間係用檸汁，而唔係新鮮檸檬🍋（本人係鐘意鮮檸嘅‼️）最後，講多樣嘢，就係餐廳嘅服務普普通通，都仲係舉手落單，冇乜特別。

2024年11月14日早上1045，當天8號風球諗住同家人在屯門良景商場吃早餐，到處都多人見意樂餐廳無乜人等位就入去光顧，點知就是不遇快的開始，店長落單唔專心，總是落錯單又落漏單，個店長好似好忙咁一邊落單一邊又要留意耳機另一邊人的說話，落單落錯晒。落錯單都唔緊要咪換返我點既飲品同食物正確就算，好聲好氣追單幾次都無用，店員服務態度又差，最後再追問店員，店員稱已幫你追過幾次都未到都無辦法，食到一吐氣。

星期日晚上想嗌外賣返屋企食上OpenRice用連結AIA得到嘅Rice Dollars嗌外賣自取所以好抵，嗌咗個雞扒滑蛋蒜蓉汁飯，用Rice Dollars （-$20） $42😛落到去好旺好多人，都等咗一陣講返個飯，意樂用開珍珠米係好好食整體係OK嘅！如果多少少蒜蓉汁會更加好😝嗌咗朱古力飲，good🍫👍🏻平時唔想出得遠食，喺樓下食意樂都唔錯😁✨

2024年5月25日, 19:03 外賣點了一份三文魚炒飯, 4眼收銀男人替我點餐,過程中無重覆訂單, 無唔該或多謝, 講完價錢直接示意拍卡 (可能¨Café de Itamomo 意樂餐廳¨ 為亞洲國際餐飲集團, 自2010年開始創立的品牌,一間連鎖集團無需要店員提供稍為像樣的服務).15分鐘後致電意樂問外賣"746"是否已做好? 4眼男人問"咩平台訂"? 我表示櫃位已付款, 提供了號碼"746", 好似神不守舍,再重覆問2次"什麼是746?"4眼回魂後終於明白客人提問, 話"未有喎!".過了20分鐘再到店出示收據, 4眼男拍一拍收銀機旁桌上的外賣, 當然亦無講唔該或多謝,雖然無希望4眼男會主動拎外賣比客人,但過程中毫不掩飾對顧客的待客之道,認為對良景邨的公屋客人不需任何禮貌,不耐煩,全不掩飾令人大開外界,離開店前聽到4眼男大聲呼喝一位男店員,當狗般呼喝, 實在有公屋餐廳味道, 教人再次目不睱及.

今日夜晚8:45分去到餐廳，門口個4眼店長望一望我，我話一位，之後佢話就收工，所以我就冇食啦，仲記得以前啲餐廳8:30都仲好旺，估唔到咁早就冇得食，唯有上去上面食譚仔三哥啦⋯

今天行完菠蘿山，落山時大家已又餓又累，在附近良景商場找了一間食肆坐下休吓息並嚐過午膳。環境🌿：座位多而且寬敞，坐得舒服的。點餐🌿：我們order左兩個午餐🍽🥄1 日式燒汁牛肉丼飯🍚$58可配红白餐湯或熱柚子茶，或加$6配特飲。紅湯(羅宋湯)🍲都颇多材料，不會太稀，酸咪咪，好開胃。日式燒汁牛肉丼飯🍚飯好多，餸好少，而且送來時不夠熱，我需要請他們翻熱。2 茄汁豬扒🐽焗珍珠飯🍛$58豬扒大塊厚身。

日式豚肉炒烏冬$60豚肉份量都幾多，唔韌。烏冬彈牙冇酸味。黑椒鴛鴦扒配珍珠飯加配白湯$56豬扒同雞扒肉質都嫩。百香里烤雞配沙律•珍珠飯$65雞皮脆、肉質有少許柴，點埋個汁都可以。加配 半溶芝士配一口炸雞$29芝士溶得啱啱好，份量多到可以用嚟撈飯。熱柚子茶&熱奶茶

意樂良景分店🕌下午茶時段 tea time🍵無需等候 直接入座 終於唔洗再安心唔洗再針卡！直入餐廳既暢快好耐無感受過🍴恭喜零針朋友捱出頭 可以瘋狂約食飯ʕ •ᴥ•ʔ餐飲業更興旺 有更多好餐廳可以得以保生計🍵柚子蜜味雞翼配薯條/沙律🥗$34柚子雞翼炸得非常之脆 雞翼內裏肉嫩多汁 柚子蜜 甜蜜蜜 小小甜甜酸酸 正好解油炸既膩🍯上碟有四隻雞翼 薯條份量都okay ！略嫌薯條偏凍🍟🍵 邪惡西多士🥞$32非常之之之邪惡啊！一大舊牛油🧈大量花生醬🥜再加上好似溶岩既楓糖漿🍁糖尿病之選hahaha西多士煎到金黃色 多士有厚度 唔會扁踢踢 🍴切到細細舊 啱啱好一口一啖 好滿足🍫配 凍朱古力$3朱古力好濃味 甜度岩岩好 唔會太稠 飲完喉嚨全部都係痰街坊餐廳黎講 價錢同普通連鎖式快餐店相若但係環境 質素都唔差 咁啱行過又唔知食咩 可以一試💓

🌟#好多分店我一直覺得都係一間價錢比較親民 但種類算幾多 幾好食嘅連鎖餐廳🌼和風牛肉豬骨濃湯拉麵- 濃濃豬骨湯-拉麵唔會煮得太𢢭 仲會有煙靭口感🌼和風汁煮牛肉闊條麵 配芒果啫喱冰冰-呢個係fusion版 闊條麵 日式＋西式-和風汁絕對令人停唔到口-芒果啫喱冰冰 有大半杯都係芒果啫喱 好正🫢🌼美國安格斯牛扒定食-牛扒厚度適中 有啲幼-但以午餐黎講 牛扒 size 算係咁-額外配薯菜白飯🌼飛魚籽三文魚滑蛋炒珍珠飯- 又係令我停唔到口嘅一個炒飯-三文魚份量好多 又有飛魚籽 每一啖都好爽口😁😁-醬汁好好味-平時根本唔會輕易食晒一個炒飯 今次竟然食晒😆🌼黑椒安格斯一口牛柳粒珍珠飯- 牛柳粒好稔-黑椒汁 薯菜 牛柳 永遠都係好好食ge配搭🤪

今朝諗住食個豐富早餐，見佢出咗個期間限定早餐，有野菌炒蛋，火腿濃湯通粉配牛角酥，包一杯飲品。通粉可以轉鮮奶燕麥片，盛惠$40。我同老公都叫咗呢一款外賣攞返屋企食。好肚餓，滿心期待食，點知老公話聞到成陣囉味，心諗唔通隔離燒燶嘢。原來佢話係一打開通粉個蓋，未食已經聞到燶味😱唔掂好失望，只好掉吃嘥食物，浪費😓。炒蛋雜菌正常，但食慾已大減。唔明白點解廚房聞到有囉味但都照出，無職業道德。其實呢間我食過好幾次，整體都滿意，價錢又合理，希望今次只係意外。

今晚同屋企人去呢間餐廳度食晚餐，諗好哂食咩叫人落單，想叫pizza個侍應就講「對唔住，暫時無pizza。」好啦，咁咪食第二啲。就叫住滑蛋飯同埋黑松露唔知咩扁意粉先。跟住個侍應比返張單埋嚟，張單上面多咗3個餐同1杯野飲，以為佢比錯檯單但睇完張檯號又無錯，咁就叫返個侍應埋嚟改返張單，佢行開咗一陣再返返嚟，先同我地講無意粉轉意大利飯得唔得，問佢點解，佢話咩廚房無落貨定唔知咩，總之就搞笑，你週末唔落貨做咩生意？聽到咁已經無哂心機食同埋有啲燥，叫乜無乜都唔係第一次，本身已經想走但佢又嚟咗個滑蛋飯，唯有食埋佢。之後有個灰色衫女人拎外賣出嚟係咁望住我哋，然後就有個黑衫女員工走嚟問我地點解叫哂餐又取消。首先你拎住個張單就係頭先比我地個張，檯號唔同咗，即係頭先有人入錯檯號；第二，叫咩無咩咁可以食啲咩？灰衫個個唔知係咪經理定管理層，淆底唔敢過嚟問原因要推啲細嘅出嚟問？定你管理層知道發生咩事所以唔敢過嚟驚樣衰？廚房換哂人？點解週末都唔落貨返嚟？你連個場都封咗後半，我當你無人手返工封後半場我理解，但你無食物供應就係你問題，pizza得兩款你都無得賣，咁你貼係門口話比人知都好吖。我自己都做過好多年飲食業，我尊重

🔹️意樂餐廳 (良景廣場)🔹️我都食過好幾個地區既意樂 ，意樂既下午茶餐都好抵食又多選擇既，又有麵類、飯類、牛角包、三文治、薯條小食都均有選擇🔹️蕃茄肉醬扁意粉🍝醬汁都比較多，但肉醬、醬汁和意粉都未有混合好，味道各自發揮，要一口意粉再一口肉醬醬汁咁樣食，才勉強食到味道 跟餐可以加購🍗+$12 柚子蜜味芝麻烤雞翼 烤雞翼系列從來都無令我失望，烤到雞翼內都保留到肉汁，保持到嫩滑口感 🦪+$20 白酒煮鮮蜆蜆肉無沙易入味，蜆湯味道正常發揮

平時都食開～今次嬲到震！今日傍晚落左去食，叫左個腸仔雞扒飯，包埋白湯。平時小朋友都係用幾啖白湯加埋飯混埋一齊食，就係今日出左事！成日飲既白湯點會諗到出事？酸架！係酸架！我就係食完飯先黎飲白湯，先發現有問題～於是就向四眼男店長反映，呢條友竟然話無問題，啲人食都無問題老實講，自己店啲食物有問題，會吾會大大聲講「係啊！啲野食有問題！」離晒譜做得店長好心就訓練下點同客人講野啦！教埋你 「明白 知道 會跟進」吾會再食！！！！！

Saw the limited time special item outside the restaurant: Roasted Chicken with Thyme, salad and Pearl Rice. I mean... $65 for half a chicken and soup?! It’s a must to give it a try! It turns out to be very similar to the photo - cripsy skin, tender and succulent inside... Expect the size is at least a quarter smaller than the pic. Pls just expect it to be a light meal for gals.