想甜嚐甜

营业中

休息中

屋企附近都有唔少甜品鋪，無一間好食，呢間都唔例外。間野都算好坐既，裝修幾靚，d graphic又做得唔錯。坐低左就叫左個黑糖仙草芋圓，外貌真係幾靚，食落就太甜，芋圓唔多，偏硬，花奶得少少，大部分都係仙草。另外就叫左個芭菲叫「黑」，有d朱古力、brownie,、杏仁、foyo同綠茶雪糕，brownie 食落好似泥膠同埋幾苦、foyo同雪糕混埋一齊食都幾難食，食都食唔哂。去到俾錢淨係可以俾現金/支付寶。對我呢d八達通愛好者都幾唔方便。再無下次

對於喜愛芋圓嘅我地，見到西環有新開嘅甜品鋪有個好足料嘅芋圓，當然要嚟食吓啦~🍡黑糖芋圓仙草 $38哩個芋圓數埋數埋總其有十種材料，包括：芋圓、地瓜圓、紫薯圓、小丸子、珍珠、水晶珠、西米、黑糖條、仙草同埋台灣黑糖。另外仲可以揀配德國忌廉或者港式花奶嚟食，我地就揀咗花奶～事不宜遲，係時候淋落去啦～撈勻碗芋圓後，我地就馬上試吓入口到底邊樣配料最搶眼～第一樣感受到嘅當然係黑糖底，配埋花奶提味，入口特別香滑。之後當然唔少得最大件又有口感嘅仙草啦。但下一樣估唔到嘅係黑糖條比各式圓類搶眼，好似啫喱咁match番個黑糖底。終於食到三款圓啦，可惜係啲圓煙軔得嚟唔得彈牙，喺彈牙方面小丸子反而更出色。就成碗芋圓嚟講，佢唔會過甜，配合得都算恰到，係唔錯嘅～🌋華田熔岩心太軟配乳酪雪糕 $52個華田心太軟拎出嚟時都未上枱就已經聞到非常香濃嘅阿華田味！伴隨住哩份咁吸引嘅香味，我地係時候剷開個心太軟啦！一剷開，朱古力醬就有如哩個心太軟之名咁，好似熔岩咁湧出嚟，賣相給力！但可惜朱古力好快蓋過咗華田味，大概因為佢地大家都有可可成份，融合得太好了吧～不過配埋旁邊嘅乳酪雪糕，馬上為濃濃嘅朱古力味帶番啲清新感覺，唔怕越食越膩

今晚在西環剛吃完晚飯，路經這甜品店，想起有同事曾提過及極力推薦這間店，那也不妨一試，等了差唔多半小時入座，這裡地方細小，但佈置都很雅緻，座無虛席，侍應小姐很有禮貌招呼客人，眼見席上很多人點心太軟及飲品，賣相很吸引，我們點了一個爆谷焦糖燉蛋及榴金歲月燉蛋不太甜，很香滑😋榴心歲月吃起來很似楊枝甘露，唯一不同的是榴連糖水配合黑糯米，棷果，芒果，西米，配合得很好，不太甜，值得一試。下次我一定再來，試試其他

慵懶既星期六，除左不事生產、瞓晏覺，當然要配番個下午茶啦。聽講依度係第二分店，第一間係黃大仙，而且有上過日本旅遊雜誌報道，當然香港既都有啦。叮叮話開業數星期，見到晚晚都有人排隊，應該都唔會太伏。 香草火灸芝士碎蛋牛角包(3/5)牛角包一開二，令人容易進食而且欣賞到餡料。但認為有半塊牛角包較為焦香，質感硬左些少。調味非常好，香濃既香草味都散發出來，令人垂涎三尺。但餡料同牛角包唔成正比，哈哈，食到尾有D空虛。 黑朱古力心太軟配乳酪雪糕(4/5)外觀非常吸引人，心太軟外圍有鏡面朱古力漿。一口心太軟，一口雪糕，可以中和番，唔會覺得好甜。 雲南普洱/碧螺春珍珠奶茶只要下午茶餐加12蚊就可以飲，我就覺得好抵啦，半價有多。每款茶有唔同味道。認為普洱會容易接受，碧螺春則紅茶味較重。 自己雖然唔嗜甜，但覺得唔錯。1. 裝修係重工業風，而且有特色畫版展示唔同風格，都有唔少擺設帶有玩味。2. Menu有甜有咸，而且有飲品配搭，所以好岩唔同人既口味。3. 環境安靜，又有音樂，大聲番少少就好。 雖然出餐有D慢，但自己覺得係接受既，因為仲有D裝修未搞好。但如果能夠出咸點再即刻有飲品

係香港好多唔同地方都食過芋圓，有d 個芋圓係好食嘅但可能只會配中式糖水底，式者普通黑糖水。但呢到有三個底俾你簡， 黑糖（忌廉/花奶），芒果，椰芋。重點係勁多唔同嘅料，唔會淨食芋圓咁悶。仙草同黑糖條都好好食！不過仲食個 伯爵茶焦糖燉蛋就比下去，冇咩茶味....下次會試埋其地野食，非常推介嘅糖水鋪！🤗🤗

港島區終於有分店啦！舖面大好多、位置好近地鐵站添啊。叫左乳酪加分！雪糕加分！其他甜品都好食花花甜品之前在黃大仙有食過已經唔錯。星期五與閨蜜去的新舖，靜靜的環境美美的食物，滿足一切影飽食飽的要求。特此來讚一下腦細ㅋㅋㅋㅋㅋ

見間甜品舖新開，食完飯就過去試下。個荔枝枚瑰水滴超靚! 唔捨得食! 個榴心嚐甜心太軟有好香同濃嘅乳治綠茶味，有d鍊奶中和綠茶嘅澀味。紅豆起沙唔甜! 仲有個乳酪雪糕真係好香滑呀! 身為街坊一定要再黎!