想甜嚐甜

营业中

休息中

Because of the recent coronavirus measures, the line here moves very slow, as there aren’t many seats in here.Still, it’s a nice place for dessert. I tried the 小丸子 as well as the ice cream with lava cake. Both were really good, and both came out really quickly. If you’re not in a hurry, I’d recommend this place.

🥣黑糖芋圖仙草 配德國🇩🇪忌廉 （$40）⠀一碗入面好足料，成碗都係啲煙煙韌韌💁🏻‍♀️嘅食材，芋圓、地瓜圓同紫薯圓都各有三粒。可以選擇德國忌廉或者港式花奶做topping ，今次試左忌廉，加埋仙草一齊食，都幾嫩滑。未加忌廉前，第一啖食落可以食到黑糖嘅焦香味，整體食落唔太甜，啱晒👧🏻口味～⠀⠀🍫黑朱古力烤杏仁布郎尼窩夫🧇配青蘋果味🍏乳酪（$64）⠀哩款👦🏻覺得幾好食。窩夫夠脆之餘有蛋香🙊🙊，面頭仲有少少brownie同朱古力醬，朱古力味岩岩好👄。隔離配左個青蘋果乳酪雪糕，有清香嘅蘋果味🍏🍏，然後有小小酸嘅after taste，唔假唔係藥水味。係雪糕周圍有啲杏仁碎，焗得好脆有類似爆谷嘅香味，起初唔知咩黎真係以為係爆谷添。👀👀⠀⠀🍿海鹽焦糖爆谷法式焦糖燉蛋🥧$34⠀嗌完黎到先發現「咦咁細既」🌝，不過後尾食完發覺係岩岩好，多啲都食唔哂。面頭係滿滿嘅焦糖爆谷，食到焦糖嘅香甜，同爆谷好夾，但就有啲脆有啲唔脆😲燉蛋面頭嘅糖燒得岩岩好，有一層薄薄既焦糖✨，有好香嘅焦糖味仲脆脆地👂🏻添。燉蛋味香濃，質地厚滑，好滿意。🦄⠀

想甜嚐甜每次嚟到堅尼地城都一定會會黎呢間野食糖水，每次都好多人排隊，證明香港人都真係好識食黑糖芋圓仙草有芋圓、地瓜圓、紫薯圓、小丸子，珍珠黑糖條、仙草、西米用料十足每一啖都食到芋圓同埋配料，黑糖不會太濃，配上芋圓味道好夾。花之水滴呢個水滴果然都係真係得個水滴，但係講到拎嚟打卡就真係性價比好高，賣相靚之餘食落去水滴嘅口感清甜裏邊仲有花香味而且另外會配埋個小雪糕，食完之後再食返個雪糕簡直冇得彈。椰芋有芋圓、地瓜圓、紫薯圓、小丸子、紅豆椰果、海底椰、西米同椰漿用料十足，不過略嫌味道小淡，不過整體芋圓口感煙韌，口感不差。

1️⃣ 黑朱古力烤杏仁布朗尼窩夫 $70 (7/10)窩夫控朋友今次揀咗哩個🧇 我地仲諗住窩夫用布朗尼做咁特別，點知原來兩樣野係分開嘅🤣 窩夫依然外脆內軟，配合埋黑朱古力醬好邪惡😈 旁邊仲有布朗尼粒，增加口感😆 朋友話都係鍾意上次棉花糖窩夫多啲😗2️⃣ 華田心太軟 $52 (6.5/10)繼上次試咗開心果味，今次試哩個少見嘅阿華田味😍 今次更加流心，更加爆漿😋 上面仲有啲脆脆，口感up👍🏻 但可惜似朱古力味多啲，唔算太濃阿華田嘅感覺🥺 不過如果當佢朱古力咁食，又幾正🤣 搵次試埋榛子味先😛3️⃣ 雪糕芭菲杯 - 粉 $48 (7/10)「粉」主要係荔枝，成杯芭菲感覺幾少女💕荔枝玫瑰醬少少甜，再加埋荔枝椰果就更甜😳 不過好彩有乳酪雪糕平衡返🥳配合原粒荔枝同穀物，仲有迷你甜筒，增加咗成杯嘢嘅口感😚哩杯推薦心情差，想食甜野嘅日子食🤪4️⃣ 炭焙烏龍珍珠奶茶 $26 (6/10)黎想甜嚐甜咁多次都未飲過野，今次就叫咗杯try try😆 有淡淡嘅炭焙味，但奶茶比較甜，蓋過烏龍茶味😳 珍珠幾有咬勁，唔錯👍🏻 整體ok嘅，不過唔特別難忘，都係飲返天仁啱我啲🤣

聽講呢間甜品小店金黃得黎💛 甜品又有特色😋趁個機會飯後試一試🤣款式真係好多 賣相都好靚好吸睛👀 但係味道方面 尚有不少進步空間😅⭐️ 海鹽焦糖爆谷火炙香蕉窩夫配乳酪雪糕🧇聽起來好豐富 😋 但係窩夫有點太硬 咬落去好似餅乾咁🍪 完全唔夠鬆軟 好明顯睇到有D位燶咗🔥 海鹽焦糖 同爆谷原來係分開的 🤨焦糖醬好似漿糊咁淋上去窩夫 無乜誠意🌝有幾粒乾既爆谷做裝飾 完全無味🍿 而香蕉只有面頭有火炙🍌 欠缺焦香 中間仲係凍既 只有乳酪雪糕幾Cleansing 🍧尚算合格⭐️ 芒芋 + 熱情果肉 看似七彩繽紛乜都有🌈 但係芋圓 地瓜圓 紫薯圓🍠 感覺唔夠QQ 比較硬 另外 芋頭味都比較人工👎🏻 值得一讚係又有奶凍🍮小丸子🍡 水晶珠 口感好豐富😋 但係芒果汁同樣係似糖水🥭 同我Expect 既新鮮芒果有出入 熱情果甜中帶微酸🍊 可惜加 $8 之後份量都係比較少😐

1️⃣⭐️開心果心太軟⭐️ $62 (8.5/10)哩個真係好好好正😍 Pooh最中意食心太軟，呢個期間限定嘅開心果味係必點‼️ 開心果味十足，無諗過會咁正💕旁邊仲有開心果醬同開心果，成個開心果套餐咁🤣乳酪雪糕揀咗熱情果味，酸酸地又唔會太膩👍🏻反而配乳酪雪糕更加開胃🍦唯一可惜嘅係未算太流心🥺2️⃣⭐️玫瑰莓心心太軟⭐️ $50 (8/10)朋友哩個又係好少有嘅款👍🏻 食落好香玫瑰味，但又有草莓嘅甜🍓 相對哩個做得好流心，好心太軟🤩 配埋熱情果乳酪雪糕，夠晒清新😗哩個相對之下cp值更高，哩個價錢就有咁特別嘅味😚3️⃣ 蜂蜜烤洛磯山棉花糖窩夫 $68 (7/10)棉花糖加窩夫一聽就知正🥳 窩夫脆得黎又有咬口，倒啲蜂蜜落去食就啱晒🥰 棉花糖烤得啱啱好，外層烤到啡啡地，但裡面溶得好好⭐️ 相比之下哩個cp值就無咁高🙈 價錢係三款裏面最貴，但未算好特別

今日去完愉景灣玩完返屋企，又唔需要再食正餐，所以就食個甜品。返到西環屋企附近，就想食想食想甜嚐甜，叫咗兩個甜品，一個係爆芒，一個係椰芋。椰芋好香椰子味，芋頭也很香，小丸子同芋圓都好Q彈，唯一我覺得唔夾嘅係裏面有椰果，好似有啲格格不入，整體質素十分高。爆芒就大劑，芒果汁芒果味十分假，但係個人其實十分鍾意假嘅芒果汁，所以感覺幾好。但係西米就一團團，做唔到粒粒分明，爆珠同其他配料都正常。但係呢碗甜品其實似一碗飲品，最大劑係啲芒果好酸，絕對唔係菲律賓芒果，芒果肉本身偏爽，感覺像泰國芒果或者係澳洲嗰啲青芒。所以如果你鍾意假嘅芒果汁你會愛上佢，如果你唔係維他芒果汁嘅fans，你最好唔好嗌，包你失望。

好好味啊！不過因為疫情期間，只可以12個人係店入面，我都去左2次先有得入座。入到去坐位係細，不過小店都係咁，可以接受。乾淨俐落，坐得舒服。因為食完lunch過黎食甜品，本來無諗住食咩heavy野，佢細細份，又平，我覺得岩晒我啊！朱古力心太軟： 每日限定8份，個心太軟一切開，正到不行，流心朱古力配上熱情果雪糕，酸酸甜甜，好味道！而且8分鐘左右就上菜，好快手。碎蛋芝士牛角包：好好味！係可以Encore食物！當主食都仲得，濃碎蛋沙律味再加上上面塊芝士好香，牛角酥好酥脆。我要好似打手咁講，好好味啊！又平又好味既本土小店，值得再黎！

💛💛💛無錯又係最愛既芋圓💛🧡黑草絕對係必點黑糖底［芋圓 地瓜圓 紫薯圓 丸子 珍珠 西米 黑糖條 仙草］一碗有齊哂咁多個願望好煙韌 好滿足再配埋·逝去感情如何榴得住[ D24 榴槤 加榴槤糖水底 水晶珠 西米 奶凍］ 🍮一啖榴槤 一啖糖水 好好味呀成個口充斥住榴槤味 真係食完骨子裡都係榴槤人💛

去左堅離地城海傍行左陣，有啲口渴，想食下糖水，行行下就見到呢間糖水舖。之前行過唔覺眼，想食嘅時候就見到，裝修睇落好似都悠閑。叫左個套餐，有芋圓同茶，有單叫芋圓。碗嘢好多種類，有長條，涼粉，芋圓，白色糯米......都好豐富嘅口感，仲可以落花奶/煉奶。仲有窩夫雪糕，$48，可以揀一種醬，我就叫左焦糖，反正係覺得個雪糕幾好食，同埋份量都好夠撈窩夫食。周圍都有啲畫呀 字句個啲望下，都寫得幾好，打卡一流。下午5點唔係太多人，兩三枱左右，唔洗驚多人，坐落都鬆動。

今日去買月餅黎到呢間甜品店一場黎到，當然唔可以空手而回啦～呢排限聚令，所以晚市無得堂食不過menu都仲有好多選擇不過窩夫一類，有埋精緻賣相嘅都係堂食開心啲！掙扎左好耐芒芋定椰芋揀左個芒芋🥰🥰夏天當然會揀啲清新易入口嘅糖品啦～外賣時店員都會問多句要唔要餐具👍👍環保啲呀要！芒芋足料！見到成個外賣碗滿滿！入面有齊三色芋圓淡紫色芋圓最出名👍芒果汁好fresh！襯埋個奶凍，就變得creamy🤤🤤入面仲有水晶珠，比西米更有口感仲有丸子添～豐富又好味！

超出名嘅糖水鋪，果然名不虛傳!叫咗個蜂蜜烤洛杉磯棉花糖窩夫，淨係個擺盤已經可以影十幾張相 🤣個窩夫脆口得嚟熱辣辣，配埋個熱情果雪糕真係好夾，下次要再試埋其他!😎

呢間鋪真係黃到不得了！鋪頭入面周圍貼住文宣，有人像，電視仲一路播住願榮光同片🥺睇返先知原來佢哋有送水比示威者，開門比示威者避狗，仲表明唔做狗生意，良心小店一定要支持☺️———————————————黑糖芋圓仙草($40) 呢碗糖水好足料啊，有芋圓、仙草、珍珠、西米、小丸子等等。芋圓唔係特別出眾，但都食到有一粒粒芋頭係入面，而每食一啖都有好濃嘅黑糖味道，啱晒嗜甜嘅你！芒芋($40)呢碗甜品嘅配料同上面差唔多，但以芒果汁做底，仲食到一粒粒嘅芒果🥭雖然而家已經過咗芒果嘅季節，但啲芒果都仲好甜😋而且仲加咗奶凍，奶味都幾香濃🍮阿華田心太軟配乳酪雪糕($52)✨✨呢個阿華田心太軟比到好大嘅驚喜我😍 一切開個心太軟，有超強嘅流心效果，啲阿華田朱古力醬即刻流曬出黎，華田味好濃郁😙 乳酪雪糕酸酸甜甜咁，但同心太軟好似唔係太夾，個人建議分開食會比較好啲😛逝去感情如何留得住 ($58)鍾意食榴槤嘅你留意啦🥰成碗都好重榴槤味😆甜品入面有好大堆D24榴槤肉，味道濃郁，仲有奶凍同水晶珠，榴槤迷必試！

今日同班同事叫左外賣糖水食，好快就送到，仲好足料，叫左椰汁芋泥西米露，有好大粒既西米露，仲有好多芋頭，大大件，好有口感，仲有椰香味，好好食呀！下次要試下其他甜品先~

一出街就忍唔住食好嘢，我知近海邊嘅堅尼地城都唔少正嘅餐廳，不過反而想去內街。星期一嘅夜晚都有好多人黎食甜品，仲見到有救護員一早order定甜品專登過黎拎。呢間一入去，好多文宣包圍你，仲有個記者公仔。店內播放嘅係高登音樂台嘅歌曲餐牌係好有心機，中間有幾頁係文宣圖。插畫都好精美，而且係分類分得好好，有啲甜品係用歌詞做做名。由於太多頁，頁頁都值得睇，無係度post啦。椰芋，40元。好豐富嘅一碗，又芋圓又椰果紅豆西米，喜歡椰子嘅唔好錯過。芝麻糊湯圓，36元，一粒花生一粒芝麻湯圓，芝麻糊係可以，如果芝麻再重啲會更好，價錢就略高左小小。抹茶心太軟，52元。擺盤都幾好，要左青蘋果，幾fresh，算係少有嘅味道。心太軟做得唔錯，呢個價錢黎講幾好。