想甜嚐甜

营业中

休息中

如果想搵個地方喘息一下，用黃色經濟圈做一下抗爭，依一間小店係唔錯嘅選擇😄啲歌好啱聽，啲裝飾好靚 推薦推薦用自己金錢去支持一下同路人食都食得安心啲呢班年青人要加油加油

食完晚餐，口痕想食甜品，打開app搵下有咩鋪頭抵食，就搵到呢間甜品鋪裝修極之有心思，連背景音樂都係聽出耳油，絕對係同路人既必聽歌單我叫咗一份芒芋，40蚊一碗，價錢正正常常芒味十分重，加埋芋圓好夾，啲芋圓都好有口感，一碗仔食完又唔會好濟，係飯後甜品既好既選擇！我朋友都叫咗份黑糖芋圓，聞落好香，如果我個胃有多啲位，我都想食埋佢個份鋪頭仲有得差電，不過我就無享用到呢個服務啦整體嚟講，鋪頭好靚好乾淨，而且裝修極有心機，嘢食都好抵食！

又一黃店系列 🎨 一路食一路睇住個MV, 係沮喪嘅時候幫大家加加油 (雖然今日無電車，不過行20分鐘都值呀)黑糖芋圓仙草 📍$40好多配料呀 😍 地瓜丸，芋丸，紫薯丸，口感好煙韌，另外仲有小丸子，珍珠，西米，黑糖條，仙草，每一樣份量都好多。台灣黑糖唔會太甜，食落令個人都開心啲芒丸 📍$40有齊芒果，小丸子，西米，寒天... 芒果酸酸甜甜，再加埋唔同嘅配料，又多一份口感其實真係覺得幾好食喎，唔知點解咁多負評，好彩親自黎試咗啫

I went to the shop with my friends to have some desserts. We ordered "marshmallow waffle" and "mango chewy ball banana boat".The waffle was very nice as it was spongy inside and crispy outside. It was a perfect match to eat the sweet marshmallow waffle with some sour fro-yo on it. The banana boat was also tasty. There was caramel on the banana and some crispy flakes under the fro-yo. The desserts were very delicious and well decorated on the plates. However, it took us a while to wait for the de

首先安排入座就好有問題，入面明明有不少空位，可以安排到三位坐二人枱，可以請坐裡面坐最外排既請客坐入一格，騰出最外面，但就唔安排一下，等了最少十五分鐘。入到去發現入面仲有其他空位，後面有張空既六人枱。咁外面大排長龍係咩意思？呢度唔係新開張冇耐，可以比少少做食店既安排入座專業黎睇睇？甜品十分一般，糖水底唔太香，黑糖亦唔香，最期待係芋圓了。我係芋圓控，係香港食過好多間，台灣亦有食過，網友話呢間煙韌，其實係過韌。可推和拉既特性，就係所謂既韌性不足，也偏硬、橡皮一點了。芋圓味道還好，可以食到些少芋味蕃薯味。整體不太甜，還可以。反而最好食係普通冇餡既白色湯丸，咬落有粉香。糖水一碗份量中等偏少。呢間係已明標記的黃店，無問題，不過全店裝飾成黃店主題，討不討喜就見人見智。但單憑芋圓既口慼、甜品既性價比，實在冇辦法叫我去經常”懲罰”佢，唔好意思🥴

唔使多講，成間鋪頭都好有氣氛，啲圖畫非常之靚。前面排長龍，要等，又有幾個人等外賣。雪糕芭菲杯，自家製乳酪雪糕，「金」包括咗芒果醬，芒果粒，脆脆粟米片，迷你甜筒，好味😋👍🏻 有晒我想食嘅嘢，非常好嘅配搭!!另外，個「爆芒」都好好味，入邊有芒果，爆珠，寒天，芒果糖水同埋椰漿.******************************賣相：★★★★★味道：★★★★★抵食：★★★★★服務：★★★★☆環境：★★★★☆

/想甜嚐甜🇭🇰/#sa堅尼地城篇 #sa良心小店篇 #sa芋圓篇➖➖➖就係莫名其妙好想食芋圓所以就去左堅尼地城嘅想甜嚐甜點可以唔大大力懲罰😈💛除咗西環 黃大仙都有分店哦！入面仲有自己畫嘅畫同個記者像三款都好吸引 struggle 左好耐決定試芒芋💛➖➖➖芒芋 $40💛芋圓、地瓜圓、紫薯圓口感非常煙韌 算係我食過口感最煙韌嘅覺得好好咬😛不過覺得份量滿足唔到我唔夠喉啊～係丸嘅關係芋頭、紫薯、地瓜嘅味係會弱啲💛小丸子口感偏軟糯 不過食到糯米香😉💛乳凍口感順滑 奶味都幾濃～不錯！💛芒果有新鮮芒果粒 仲有芒果汁味道天然 有少少酸酸地顏色有少少似楊枝甘露🤣➖➖➖分數: 7.6/10 (特別鍾意芋圓口感)其他甜品都幾吸睛☺️➖➖➖⭐️要留意香港人米豬連指南標誌⭐️儲夠印可以換甜品(之後試其他)➖➖➖📍想甜嚐甜 堅尼地城士美非路15號||黃大仙蒲崗村道73號富佑大廈地舖

朋友推介堅尼地城有一間有特色嘅新派甜品店。一間支持香港人嘅良心食店，當然要去幫襯下啦!嘩！一入到餐廳見到呢個著哂gear既公仔，仲有靚靚既壁畫，真係好鍾意呢度嘅環境啊！香港人加油啊!!!!! 呢間餐廳部電視一路播住呢場運動嘅片段，令人非常感動！😌係芋圓呀!!!!!😍 身為芋圓控既我當然唔可以錯過呢度嘅芋圓甜品啦。嗌左芒芋同椰芋，芋圓好煙韌，兩款都好好味。特別鍾意椰芋，好重椰香味，好想再encore啊!!

大食妹今晚同朋友仔打完邊爐, 覺得個口有少少寡想食返啲甜品中和一下, 見到附近嘅想甜嚐甜都幾多人排隊, 就走過去趁熱鬧<黑朱古力烤杏仁布朗尼窩夫配乳酪雪糕>原本見到佢個名, 仲以為呢個甜品會有好多朱古力, 但係出到嚟只不過係啲窩夫上高加上一啲嘅黑朱古力醬, 再加幾粒嘅小布朗尼 朱古力嘅成分唔係好多, 有少少失望 乳酪雪糕嘅味道都唔係好重, 口感偏水, 質素一般<榛子之心配乳酪雪糕>榛子之心應該係榛子餡嘅心太軟, 但係一切開個心太軟嘅時候並冇流心, 同樣地有少少失望雖然心太軟係熱辣辣嘅, 但乳酪雪糕 味道較淡, 亦好水, 冇辦法做到冰火相容嘅感覺...

朋友介紹黎食發現真係一個好大既驚喜佢有三款芋圓既組合芒果底 椰汁底同黑糖底我地就叫左芒果同黑糖底兩款黑糖底唔好以為佢好普通佢係我食過最有黑糖味又唔會太甜既芋圓而且佢既芋圓粒粒都有味配料都算豐富另外芒果底既芋圓我就極力推介加8蚊加熱情果落去瞬間層次豐富左幾倍芒果既甜味同屬於熱情果獨特既香味同酸甜味 食得多都唔覺得膩美中不足就係佢唔算大碗

這家店超過份的，真的沒在給你客氣的，榴蓮肉好放肆放超多🤤榴蓮迷表示他們選取的果肉是新鮮高級熟透的榴蓮☝🏻超級滿足🥰旁邊的西米也是非一般的熟西米，很爽脆，是從未嚐過的口感！朋友的爆米花配乳酪雪糕也是清新之選🤤 清淡爽口的乳酪雪糕中和邪惡的爆米花，罪惡感全消🥁焦糖香蕉烤得剛剛好🍌個人很怕烤香蕉暖暖軟軟的口感⋯⋯但這根剛剛好！薄薄的焦糖很脆，香蕉還沒暖，維持着水果的口感😂哈哈哈看你們這樣幽默下次晚餐不吃這麼飽，來多點一些啦😝

跟朋友飯後約出來想食個糖水佢帶左我來西環尾試可能係平日既晚上，所以去到就有位了兩個人，一人叫左一個芋圓糖水一個就黑糖仙草為主一個就椰漿加海底椰加埋彈口既芋圓 感覺幾有層次價錢三十幾至四十幾蚊左右店內設計都幾有心思有bar 枱 亦有4人枱都可以坐左15個人左右^_^仲有芒果/榴槤為主題既甜品都岩唔同口味既朋友一齊去食晚上8點後最低消費每人叫一個甜品都合理的 始終貴租～食完仲可以去海傍坐低吹下風傾下計都幾舒服架～

今日想滿足下港女身港女心well.. 其實適當時候都要搵一啲衝擊去調劑下生活工作讀書 總之就係身邊所有壓力同negativity食下靚嘅嘢 真係可以好開心froyo 好正路 但係唔知何解會溶得咁快 所以好擒青咁eat eat eat個水的我本身expect係會水liao liao 但係原來係一嚿好穩陣嘅jellojelly成舊水滴都好荔枝好清甜好fresh再點埋碟邊嘅小配料 就會覺得冇咁單調如果想食個fulfilling嘅甜品嘅話請試佢啲芋圓 有勁多selection味道：6.5/10想甜嚐甜花之水滴配乳酪雪糕 - 荔枝玫瑰水滴 $56📍堅尼地城

西環食完晚飯，想食個甜品，就試試附近嘅想甜嚐甜。餐廳裝修幾新，設計用心，幾有格調。桂花花釀湯圓（芝麻）$32我想養生就叫左個桂花花釀湯圓，芝麻湯圓味道唔錯，桂花糖水有淡淡桂花味，不過更重嘅係糖水味，味道似啫喱糖，有少少甜。廿四榴心 $58我自己麻麻地中意榴蓮，我男朋友就係個榴蓮控，廿四榴心賣相唔錯，榴蓮味重，中意食榴蓮就覺得好好食，我就唔太好。旁邊如乳酪雪糕奶味重，不過可能比旁邊榴蓮傳染，都有榴蓮味。榴蓮甜品一般都比較貴，$58價錢都算合理。

喺附近食完晚飯, 順便嚟食個甜品。店舖嘅座位唔算多, 要等一陣先安排到入座。黑糖芋圓($40)價錢唔算平, 但一碗入面有齊多種配料, 食得好滿足, 而且每一啖都食到黑糖香味。個人最鍾意黑糖條嘅口感, 夾住芋圓嚟食係perfect match!紫心甜薯心太軟 配乳酪雪糕 ($52)心太軟嘅製作時間比較耐。心太軟味道唔算有好大驚喜, 但絕對唔差嘅。乳酪雪糕只有原味, 下面放咗脆米, 增加口感, 但雪糕好快溶, 會有機會漏出甜品碟, 有啲狼狽。