悠 定食屋 (已結業)

今日又去柴灣搵食喇，有朋友介紹柴灣體育館竟然有一間日本餐廳。我見係體育館開得，點都唔會好貴，就算唔好食都無咩損失。咁就即管試試佢。講講個位置先，間野係體育館門口轉左就有升降機，上去一樓就見到一條長走廊，行到尾就係呀啦。入到去裝修都幾正路，係體育館開得既唔係唔會係好豪裝，但係都唔算係簡陋。果日我地係食午餐價錢都有平有貴。咁我就簡左黑松露雜菌忌廉汁扁意粉。賣相方面，我覺得對得住個價錢啦。食落去就無日式意粉果隻偏甜既味道，汁都好濃厚沾滿每條意粉，反而似返正式西式意粉。味道就不過不失，唔係太食到黑松露既味道，而雜菌忌廉汁既味道無咩驚喜。不過份量方面就真係比較少，一個男仔黎講就真係唔夠飽。我見如果叫飯份量就比意粉多好多，男仔或者食量大既朋友就可以選擇返飯餐喇。結論黎講不過不失，都可以一試。

應承咗阿媽今朝同佢出去嘆完早餐一齊去電器店睇嘢。我地本身諗住十一點半左右出去開餐，但在十一時多阿媽收到住附近的Aunty電話想拎在新加坡買的手信給我們。等埋Aunty黎，我們邀她一起吃午餐。原本想去運動場吃我的班尼迪蛋早餐。但原來果間餐廳早兩個月已經無做。轉了新餐廳。既然黎到我地都試下新開餐廳的食物。阿媽同Aunty都試了咖喱牛肉飯，我試吃了少少，咖哩好香對我來說也不辣。而且咖喱牛肉整得好滑。好味道～ 而我就試咗煎三文魚+蝦沙律+麵豉湯及貓飯。貓飯上有滿滿的木魚，每啖飯都和著木魚吃飯，味道很好。店員送餐來時有一樽豉油給我，也細心地向我說本身飯都有味道，提議我試了味再選擇是否需要加豉油。但就如店員所說，其實不用加豉油已經很香很好味了～煎三文魚整得好香好好食，我地算係盲中中食到間好嘢。呢間餐廳可以再encore。

早前柴灣室內運動場開左一間新既日式餐廳，今日肥鴿就趁住未夠鐘返工，去試下佢地質素如何。其實講真佢地個ALL DAY BREAKFAST以呢區黎講都幾貴...想食平少少既肥鴿決定都係叫D平D既野。又睇另一張餐牌：左諗右諗之下最後要左佢地個咖哩牛肉飯一試。咖哩其實係普通日式咖喱，無咩特別，但都算幾多配料，有大大塊既薯仔同紅蘿蔔，牛肉份量都唔少，女仔一定會食得飽。飯上高亦都有D飯素，唔怕唔夠味，雖然肥鴿都係覺得D汁多返少少會好食D 餐飲係熱檸茶，無咩特別。講下環境，肥鴿去個日係平日一兩點左右，出奇地無咩人... ...有一段時間甚至係得肥鴿一個客，坐係坐得幾自在既，侍應都好悠閒唔會特登趕你走。今次食物味道唔係太過突出，不過下次都會再黎，會試下其他野，先食得出真正質素係點。尤其對佢個早餐幾有興趣，去到1130最岩肥鴿呢D晏起身既人  

一個all day breakfast 要等40分鐘，1點10分落單，一點30分同事已經差唔多食完咖哩飯，我個all day breakfast 都仲未到, 1點35分 我終於催佢第一次（p.s. 成個場入座率得一半，20個人都唔夠）2個侍應 都係悠悠閒閒，闊佬懶理，咁問佢可唔可轉其他食物，會唔會快d, 又唔答我，1點45分話淨係爭隻蛋未整好，1點53分成個”all day breakfast “ 到左喇，但係煙肉唔見左囉。。。一個打工仔有幾多時間食飯，半個鐘？9個字？1個鐘。你有冇諗過 你地就咁浪費左人地好多時間食飯，不知所謂，最嬲係你地好似覺得冇咩問題

住左柴灣幾廿年，其實都無咩好野食😓，所以儘量發崛下有咩新野試。體育館呢間餐廳，不經不覺都轉左手幾次，今次開左間和風洋食店，假期唔想去得遠，就約左同住柴灣既朋友黎個短聚。簡簡單單兩頁既主餐牌，主打日式定食同all day breakfast, 價錢都幾親民。✨呢杯檸檬真係濃到澀，唔知可以點飲落去，真係好難沖到如此水準，真係比個茶包我算。。。餐飲檸茶明明同紅茶，伯爵茶同價，但係又無得轉，都唔好咁難飲嘛☹️。✨牛肉咖喱飯（$38): 朋友叫既，痴左啖黎食☺️~平時好少食咖哩因為怕辣，不過日式咖哩係幾好食易入口。薯仔夠腍，牛肉索晒咖哩汁，$38蚊黎講真係超抵👍🏻可以一試✨豚肉生薑燒（$46)+ $15升級定食：因為想飲湯，二話不說就加錢升級。個麵豉湯唔會過咸，清清地都ok~✨貓飯完來係比平時多左超級多木魚，同埋個飯大好多，不過我就唔多好木魚，同埋個飯太多lu, 只係食左一半，為左個湯而加錢有點浪費😢。見佢menu 話有牛油同日本醬油， 牛油就唔覺喇，醬油就係一樽比你自己落落個飯度，個醬油真係好咸，無特別。✨豚肉真係超級多，醬汁味道甜甜地其實都幾好食，不過有時真係貴精不貴多，因為個肉實在佔左太多肥膏

今日我的好同事帶我去運動場上層新開的食店，試下新的美食，我們叫了「和風咖哩牛肉飯」及「照燒雞排飯」，本來我試過D咖哩都好好味，不過自己知道自己腸胃不太好，等陣仲要返工，所以唯有叫另一款飯試下。「和風咖哩牛肉飯」，咖哩味道非常野味，不算太辣，牛肉夠軟，大大碟好抵食。另外「照燒雞排飯」，碗飯稍為細左D，但好好味，而燒雞肉很軟滑再配上美味醬汁，冇得彈，而且仲每個餐配一杯熱飲，價錢合理。不過熱檸水只有兩快檸檬似乎少了些，不夠味。而我同事叫左凍奶茶也是不太夠味，我建議可以不加冰，雪凍佢做冰鎭奶茶應該好味D。另外可加$15配面豉湯及大大碗貓飯，我見到人地有叫到大碗好多，好似好吸引，下次先試下。