悠 定食屋 (已結業)

一般政府體育館只有運動室，很少有食肆，即使有都只是一個小食亭。今天到柴灣的體育館和朋友打乒乓球，想不到這裏竟然有一間日式餐廳，甚是驚訝，所以決定打完球後在這裏吃晚飯，一試究竟。我們叫了一個和風滑蛋鰻魚丼丶和風牛肉鍋和原條燒茄子。鰻魚丼除了兩塊鰻魚和滑蛋外，更有大量紫菜，滑蛋有蘑菇和洋蔥，增加口感和味道。白飯淋上和風汁，很滋味，鰻魚亦燒得很香，配上麵豉湯，完全想不到這間日式餐廳竟可以媲美外面的高級日式餐廳。牛肉鍋選用了美國肥牛，配上壽喜燒湯底，看起來熱騰騰的，令人垂涎三尺。另外配料亦不少，有金菇丶大啡菇丶紅蘿蔔丶芋絲丶高麗菜和豆腐，份量非常多，本來還想加半份烏冬，看來不用了。原條茄子果然是原條，而且十分大條。 茄子燒得很香，我和朋友我一條你一條，不知不覺就吃完整條了。能夠做完運動能立刻大吃一頓是多麼的滿足，大家如果有機會到柴灣體育館時務必一試啊！

柴灣本來都好少機會會去到,但見有網友推薦一間係柴灣既日式餐廳就諗住今日放工去食,但完全無諗過原來呢間餐廳係係體育館裏面！雞絲炒烏冬份量超多又足料,烏冬用左稻庭烏冬,以醬油炒香再加上黑椒令烏龍底帶少少椒香味.烏冬唔會炒到糊晒又痴埋一舊舊之餘又炒得乾身,唔會好油同肥淋淋.充滿爽脆蔬菜絲同雞肉,烏冬面上灑上紫菜同木魚絲令成份炒烏冬風味更日式.日式漢堡扒定食配上貓飯.碗白飯上加上刨片既木魚絲再適當地加上醬油就得出一碗簡單又滋味既貓飯.漢堡扒外層煎得十分脆,內裏漢堡扒充滿油香而且肉質軟腍,再加上面層少少芝麻脆卜卜送貓飯一流.炸雞軟骨外層炸得乾身鬆脆,入口脆卜卜.咖哩薯餅起推介！薯餅炸皮十分薄細而且入口鬆化得黎唔會咬落成口沖,咖哩餡香甜而且咬落會食到粒粒薯仔.

今日放工黎左柴灣體育館入面食日本野。之前黎過一次，今天一於試下D唔同的野食。呢度有不同類型的日本料理供應由於痠惰的關係，餐具及水都係自己出去拎。而餐廳亦備有搓手液給客人使用。呢碟西京銀雪魚$146，係職員推介!!哇，真心好食~成塊銀鱈魚沾滿醃料，味道帶甜，而且每100克的銀鱈魚含有920毫克的Omega，非常有營養價值呢~每個主食加$12 就有沙律及湯仲可以加$18 轉貓飯，唔多地方食到呢~貓飯一道簡單的日本菜，將木魚刨成，放在飯上面，先把飯拌好，如果覺得夠味可以不加入醬油。極尚牛肉鍋$166揀左壽喜燒湯底，牛肉夠嫩也不太肥~ 入面好多材料，包括蔬菜，紅蘿蔔等~好豐富最後食番D酸野消下滯~好滿足的一餐日本料理

悠定食屋- 體育館中的日本菜很久沒打運動了，最近體育館重新開放場地預約，有機會重拾羽毛球拍，運動過後不想到處走走去覓食，發現體育館內有一間日本菜，決定放低球拍醫醫肚。牛肉可樂餅、芝士年糕即叫即炸的小食，外脆內鬆化得很的可樂餅，內裡混合著牛肉碎；拉絲熱溶的芝士年糕，非常邪惡。和風吉列雞扒定食大大塊的脆炸吉列雞扒，香口的吉列炸皮，雞扒嫩滑多肉汁，配上招牌貓飯、麵豉湯、前菜、沙律，招牌貓飯是加入木魚碎、紫菜絲而成有底味的飯，相當特色。和風牛肉鍋採用美國特選肥牛，薄切肥牛腍身油脂夠，配上甜甜的日式壽喜燒湯底，配料十分多，有娃娃菜菜、小唐菜、金菇、冬菇、京蔥、洋蔥、甘筍、蘿蔔、芋絲、鳴門卷，最後加份烏冬，完整度十分的鍋物。

好少黎柴灣呢頭,呢日公司有野要黎呢頭做,所以就黎左柴灣區同事帶左我黎呢間日本和食店食野,估唔到體育館入面都有餐廳,真係第一次見,大鄉里出城,無人帶真係唔識黎搵食食晏時間黎食,價錢係日式餐廳黎講真係平到飛起,份量唔少,味道OK,但只係$52,去茶餐廳食個飯都要呢個價錢店員都幾NICE,餐廳環境都唔錯,坐得幾舒服GE,最鐘意係個麵GE腐皮,好有咬口好好食,湯底唔太咸,麵質都唔錯仲有好多款野想嗌黎食,但返工放飯時間又限,胃又得一個,時間又得一個鐘,食唔到咁多,睇下下次黎柴灣做野仲有無機會再黎食過啦

懲罰黃店💛文宣送飯系列又黎啦柴灣出晒名「美食荒漠」🏜🌵黃色🎗小店冒起簡直係手足既福音🌟家庭式既日式小店，邊個話冇驚喜？豚肉生薑燒配招牌貓飯🐱招牌貓飯入口有種好特別既味道原來係加咗幾種唔同既配料食落有種爆谷味🍿豚肉生薑燒亦都真材實料，冇令人失望👍🏻天氣涼涼地加埋個牛肉窩燒烏冬同燒秋刀魚真係大滿足des💯Bar枱位附近仲放滿文宣同揮春，真係好過份，叫人點專心食野，大家行過不妨懲罰下佢。

【和風吉列雞扒定食】 HKD56.#黃色經濟圈 💛(曾為前線義務救護員籌備物資/店內有反送中書籍，etc...).係體育館⛹🏼‍♂內嘅日式餐廳🍴，位置唔顯眼，稍為少人知。希望咁多位朋友仔👨‍👩‍👧‍👦假如黎開依頭，又或者係體育館，附近球場打完波🏀去支持下。我試嘅依個定食，雞扒🐥炸得夠脆又夠多汁，炸粉厚度適中，不過雞扒就細塊啲。整體黎講，味道普普通通，但係咁嘅價錢💸有埋珍珠飯🍚、沙律🥗、麻醬豆腐同麵豉湯算係唔錯👍🏻。

柴灣都有好多嘢食，不過睇下你有冇發覺姐！今次同朋友去咗柴灣體育館嘅悠定食，好唔錯喎。叫左呢間店大推嘅日本鰻重即係京都風蒲燒鰻魚箱飯配麵豉湯，woooow! 好大條嘅日本鰻重，味道好甜，口感軟熟。醬汁的味道整得剛剛好... 同蛋飯的味好夾，超好食wor，又夠飽！另外叫咗一個東京風汁燒牛肉 配貓飯$68加$28估唔到呢個貓飯都幾好食，帶有好香嘅木魚乾同埋芝麻，食落甜甜地，仲帶有少少牛油味添！另外，汁燒牛肉好味，夠軟身，又炒得幾香喎。整體來講，呢間野都唔錯，值得一試。

和風牛肉鍋可以加錢加個烏冬或者拉麵，半份$18、一份$28。所有材料已經煮熟左，唔需要用爐火慢慢等佢熟，一拎上枱就食得！入面有好多料！除左主角牛肉，重有豆腐、金菇、黃芽白、京蔥、豆苗、芋絲、魚板、紅蘿蔔同白蘿蔔。湯底揀咗豬骨湯，美國特選肥牛牛肉味濃，香濃嘅牛肉味剩係飲個湯底。烏冬好滑。紫芋甘栗餅好甜，但甜得黎唔會膩。點埋啲沙律醬，加添左少少酸味，更滋味！出邊塊吉列皮唔會太厚，炸得好脆。炸日式餃子有五隻，皮薄餡靚，外皮好脆。旁邊有沙律醬可以點。另外重有醋。任君選擇。餃子細細隻，食起黎好方便，可以話係「一口餃」！下次黎開柴灣體育館做運動就識搵食lu！

位置柴灣體育館入面既一間日式餐廳🍴重點佢地都係黃店黎嫁😉食物價錢中等其實都幾抵食😂-和風炸雞 $48炸雞熱辣辣沾沙律醬一流🤣但炸雞炸粉太多咬落雞肉其實好細塊😂-八爪魚燒餅 $48呢個推介！類似大阪燒但就薄D但非常足料😍大量八爪魚同海鮮粒😋-牛肉/咖哩薯餅 $20/2件薯餅單件$12 叫2件就平D廚房好先會剪開一半方便食又可以share🤣咖哩薯餅入面有牛同豬肉粒唔錯咖哩亦都入味👍-鰻魚炒飯 $78炒飯個味夠濃而且鰻魚都幾足料！個飯都幾大碟可以兩個人Share😌-和風牛肉鍋配壽喜燒 $96呢個壽喜燒就一般因為個味唔夠濃但好足料好多配菜芋絲都有🤣另外可以加個烏冬或者飯見人叫左個貓飯即係紫菜同木魚絲😂

最初知道要走入體育館去找這餐廳時真的有點不敢相信，只能說是自己孤陋寡聞，同時也是體育館的用心良苦，方便到達的人士，在辛苦運動的前後可以吃點東西。但對於以運動來減肥的人士來說，情況似是太誘惑吧。而自己這次卻是純粹的吃飯，罪疚感似乎也沒有很多。體育館的外圍與一般的體育館無異，驟眼看真不會預計可以在這裡品嚐到美食。進入體育館後，在水牌上仔細觀看，終於在細小的角落看到有餐廳的指示，也放下不安的心走上一樓。到達一樓之後其實仍是與一般的體育館無異，還可以看到不同的人士在打球。但只要緊持，在不長的走廊盡頭便是美食的所在了。餐廳的門面不算華麗，簡單的毛筆字便是餐廳的招牌了，不過內裡便是別有洞天的感覺。暗淡的燈光顥示了有格調的情懷，長枱的設計都頗適合一班朋友的共聚。當中還有不少日本的小裝飾，增添不少和風感。到主角了，先來一盒日本鰻重。魚肉嫩滑，沒有骨刺，質素高，絕對喜出望外。遇有一碟蒜香一口牛柳粒，牛肉味很濃，肉質嫩滑，很易入口。更佳的是洋蔥煮很夠軟，沒有辛辣味，配上蒜香，口感留在口中久久不散。這次絕對是新的體驗，在體育館內的美食就是要鼓勵辛苦做運動之餘也要好好地對待自己。

收工嚟到屋企附近食晚餐，見好多人都推薦體育館嘅悠 定食屋，主要係提供日式料理，小本經營，值得嚟撐下場呀😸.叫左個肥牛鍋($68)🐗 熱辣辣的，揀左鰹魚湯底，甜甜地🐥🐥 上面嘅肥牛唔會硬，味道正常，而底就有好多金菇、娃娃菜、豆腐等🤗 另加左28蚊要烏冬😚 好彈牙煙韌！定食亦包埋沙律同湯😆.另外再叫鰻魚飯($98)💁🏻‍♀️ 一上枱已經好驚喜！鰻魚好大條，又夠肥美，上面d汁咸甜適中，仲要冇哂骨！好正，加上下面d珍珠米，每粒都飽滿咁撈埋汁食，嚟到一定要試下🐟🐟

 柴灣日式餐廳不多但柴灣體育館內有一間小店,日式風餐廳主打各種主食,料理,定食最近連鍋物都有呢!小店味道和食材都唔錯整體水準都中上,價錢不算貴,每天都爆場呢!我們今天兩人到訪點了一客手打烏冬和牛肉鍋份量多,用料也好,值得介紹! 美國特級牛肩胛烏冬$74可五選一湯底豬骨,醬油,辛辣等等食烏冬就點了醬油!份量好夠多,有木耳絲,蔥花,海帶粟米等配料最重要啖湯夠熱,食麵最重要夠熱!暖胃開胃牛肉片切薄上,夠嫩滑!烏冬係用靚野,彈牙幼嫩 冬日鍋物 $68起和風特選美國肥牛配料已經備有各種蔬菜,京蔥,豆腐嗚門卷等~基本上加多個烏冬已經夠1.5個人食!仲有高級版有齊鮑魚同廣島蠔,不過我食肥牛鍋就夠配埋貓飯同前菜漬物湯非常夠食!貓飯今日加料,係用蒜蓉牛油,加埋醬汁拌勻食特別香口,加少少湯食更加出味,有木魚花絲 鍋物中有多款食材配搭我選了壽喜燒湯,夠甜味,但如果可以再濃郁一點就好,湯食到尾唔夠重味,但整體感覺都好豐富,多到幾乎食不完~ 柴灣怡順街6號柴灣體育館1樓

很久之前有來過吃午飯，那時的客人不算很多。沒想到這天晚市再來，差不多是滿座的狀態呢晚市餐牌看來豐富得多，除了有滑蛋丼、拉麵、手打烏冬外，還有炸物、小食和鍋等最後我選了 - 東京風汁燒牛肉 ($58) 加$18可以轉成套餐，會有飯、麵豉湯、前菜和沙律不過由於我要 招牌貓飯 就需要加$28囉這裡的貓飯其實就是醬油拌柴魚片~再在底層放上紫菜，做成一碗有味的飯。如果覺得不夠味，可以再加點醬油調味~ 不過我覺得不加都已經夠 ... 因為配汁燒牛肉一起吃就剛剛好，那汁味道是甜甜的。牛肉則是半肥瘦適中!! 麵豉湯不會太鹹或太淡~最後還有一杯玄米茶！是一個茶包來的呢

事先沒查過大概很難知道體育館入面有餐廳，但當你試過就會不停回想起這裡的飯餸。當他們問你要茶或水的時候，記得他們挑的玄米茶不錯。和風豚肉鍋(壽喜燒) ♥♥♥♥ 雖然有幾款不同的湯底可以挑，但當我看到壽喜燒就立馬決定就是它了!(全份烏冬定食+$28)最難決定的反而是烏冬要半還是全份，店員姐姐有強調說鍋裡面有很多很多菜，有點後悔沒信她講，全份烏冬真的有點太多了。肉的份量也很多，不過菜和配菜的種類更多，像是豆腐、津白、大蔥段、蘿蔔、豆苗、紫洋蔥、金菇、芋絲etc.絕對比一般快餐店的一人鍋要豐富，也很鮮甜。沙律/麵豉湯/酸薑沙律醬料感覺有點像泰式但不辣的醬，可能有點難理解，跟酸薑一樣不是開胃就是很會消滯。麵豉湯就是一貫的味道。