悠 定食屋 (已結業)

2019年12月17日 星期二今日難得約左屋企人出街食飯，去左柴灣體育館既一間餐廳食，之前從來唔知體育館開咗一間餐廳，原來係喺1樓壁球附近入到去發現位置都幾大，裝修得幾有格調，大枱細枱都有食物主打係日本風，有好多款唔同嘅食物可以揀，價錢仲要好平民，最後我哋一人要咗一個鰻魚飯再加一個小食先來嘅係麵豉湯，熱辣辣又夠味，仲食到有昆布添之後有我叫既京都風蒲燒鰻魚箱飯，鰻魚超大份，仲要幾厚身，差不多覆蓋晒啲飯，鰻魚汁加飯本身已經好好味，再加上鰻魚既肉質同油脂，完全係食到停唔到口屋企人就叫和風鰻魚炒飯，鰻魚切成一粒粒同其他配料一齊炒，見到啲飯一粒粒炒得好分明，而且顏色都好夠小食方面就叫咗紫宇甘栗餅同咖喱可樂餅share黎食，炸得啱啱好夠晒熱辣辣，裡面又足料，真係食到一粒粒栗子架埋單每人都係$100左右，估唔到呢個地方都可以食到咁高質素嘅食物，一定會推薦其他人黎呢度

同朋友係柴灣附近溫完書，想話揾間餐廳食個飯。上網查下有咩好食嘅時候竟然比我地發現係體育館入面有間日式餐廳，所以就即刻黎試下！餐廳主打各樣嘅日式主食同小食，款式多樣，中意食日本定食嘅朋友一定可以揾到自己最愛！有咁多小食，我同朋友當然要試下佢啦！首先我地叫左6件和風炸雞。炸雞唔會炸得太老，咬落脆卜卜，點少少沙律醬食夠曬惹味。之後我地叫左2款可樂餅，分別係咖哩味同牛肉味。佢可樂餅嘅size比我地想像嘅大件，可能3個share都足夠。2款嘅可樂餅味道都適中，唔會太咸。食完啲炸物，食翻少少輕食。我同朋友都比厚燒玉子吸引左。一份玉子有6舊，同朋友share岩岩好。甜甜地嘅玉子配上燒汁一齊食，可以減低食完炸野嘅油膩感。另外因為朋友好中意食雞泡魚乾，所以我地都叫左一份黎試下，佢魚味都幾濃，咬落都唔會太硬，作為下酒菜都應該係一個唔錯嘅選擇。到主食，我地叫左個原條京都蒲燒鰻魚。另外因為比比貓飯呢個名稱吸引到，我地再加錢叫左個set試下。餐廳提供嘅鰻魚果然大條，長度大概長過一對筷子。而且肉質鮮嫩，味道又唔會太咸。而貓飯其實就係飯入面會有牛油同木魚碎，店員另外再有提醒我地可以先試味道後再跟隨個人喜好去加醬油。

住咗係柴灣咁耐，平時都無乜特別會搵下有咩食，都係見到附近有咩食就會去食，但最近掛住溫書都吾想岀去食飯，所以就決定搵下柴灣有咩日本野，真係無諗過原來體育館都有餐廳。依間餐廳主要以日式定食同埋邊爐為主，仲有好多吾同既小食。我地見到個原條鰻魚飯就覺得好吸引，所以就叫咗個餐，升級咗做貓飯既餐。個鰻魚真係好大條，仲長過對筷子，而且仲好厚身。個餐包咗個麵豉湯、柚子汁沙律，仲有一個飯，依個飯仲係幾特別既，有啲木魚，同埋係個飯入面有日本既調味，店員仲叫我地可以因應個人口味去落啲豉油。之後我地仲叫咗幾個小食：和風炸雞厚燒玉子，個玉子真係幾厚切，而且上面仲有啲燒汁調味。厚燒牛舌，牛舌燒得吾錯，因為本身舊牛舌比較厚，而且佢入面都好淋，加埋啲醬汁真係好夾。牛肉可樂餅、咖哩可樂餅，依兩個係似薯餅，但入面啲餡都幾creamy。最後梗係吾少得我最鐘意既燒雞泡魚乾。

今晚去柴灣體育館做運動，順便在一樓的餐廳吃晚飯。朋友告訴我，這間餐廳其實是他在柴灣的飯堂，因為它在柴灣來說是一間比較高質的餐廳，非常受街坊歡迎。胡麻醬冷豆腐冷豆腐綿密細緻，口感幼滑，豆味重。作為前菜非常開胃又有益，胡麻醬醬汁甚多，味道香濃，配搭冷豆腐一起進食味道極佳！醬汁慢煮豬軟骨手打烏冬豬軟骨軟腍入味，幾乎入口即溶，木耳絲非常有咬口，豬骨湯底味道很濃厚，而手打烏冬十分幼滑。京都風蒲燒鰻魚箱飯嫩滑的鰻魚魚肉配上微甜的醬汁，上面加有蛋絲，和白飯一起吃超級滋味！總的而言，餐廳位置十分方便，食物夠美味，價錢亦非常貼地，我下次會再來光顧的！

朋友家附近有個運動館，那邊有一個餐廳，是由一班有善的朋友主理～我做完運動也會去一回～為什麼要選這喔？因為很有日本壽司屋風味呢，食物也很有日本感，朋友也經常來喔～ 玉子燒定食 味道很好，接近壽司店的玉子燒，朋友說過，到壽司店，必吃他們的玉子燒，因為玉子燒是美味，而且很考功力～ 討喜的外型，或鬆軟或扎實的口感，入口微微蛋香，和白飯為最好的搭配，充滿日本之親切～ 鰻魚飯 高質鰻魚飯不一定要到日本才有，這店子亦有上佳有質素之鰻魚飯～上佳之鰻魚飯，魚肉很嫩滑，上桌時有炭燒香，很重日本感覺，米飯飽滿軟糯～這店子鰻魚汁亦帶微甜，但又不會失去魚鮮。鰻魚飯，鰻魚飯是裝在一起，所以飯會充滿鰻魚～ 吉列魚柳 魚柳外包了一層麵包糠，油炸後外皮金黃酥脆，咬開內裡藏著雪白嫩滑的魚肉，香口非常，配飯作小吃也很不錯。吉列的特色是那又脆又厚的麵衣，很好吃。熱騰騰的金黃脆皮下，一咬下去便是嫩滑的魚肉。這店之蛋黃醬，甜中帶有日本芥末味。 這天到了一個日本感覺的好地方棒呢～

柴灣看起來平平無奇，想不到竟然在運動場裡藏了一間隱世鍋物呢。環境闊落，岩哂一班朋友gathering，同埋晚市好好生意，打定電話問有冇位好d hahaaa原來鍋物是冬日限定，呢d凍冰冰既時間食就岩哂。餐點種類多，有很多都很想吃！最後叫左一個鍋物，仲有包沙律同湯。沙律酸酸甜甜好惹味係好正既開胃菜，食材都好新鮮呀！還加點左個小食，酥炸雞軟骨很酥脆，新鮮滾熱辣。鍋物十分足料，裡面有彈牙烏冬、金菇、芋絲等仲有大量蔬菜係鍋底，好健康呀。牛肉極高質，入口即融，讓人感到十分溫暖。烏冬的軟硬度適中，爽口彈牙。湯底都很鮮味，是濃濃的壽喜燒湯底。總括而言，下次會來嘗一嘗其他的日式菜品，見到每款都相當吸引。

太耐冇喺柴室入面食飯, 原本入面嘅canteen已經轉左食一間日式餐廳週未午市都有唔少人排隊, 好多係一家大細, 由於我一個人, 所以好快有bar 枱叫左個京都風蒲燒鰻魚定食 ($72) + 波子汽水 ($18)店員奉上紙飲管, 但一吸波子汽水, D汽多到倒澭出條飲管京都風蒲燒鰻魚定食意外地有海帶同一大碗沙律, 好健康鰻魚份量不多, 但入口滿是鰻魚肉, 比起某D鰻魚飯專賣店, $72 算幾抵食, 質素亦不差珍珠米飯加左日式飯送, 配上不太濃味嘅麵鼓湯岩岩好

做完運動後食飯買餸直落，又或者附近睇完戲 圖書館睇完書黎食野都好方便。 餐廳係柴灣體育館內，位置唔顯眼，食物質素其實唔錯，環境都幾乾淨。一坐低店員就會送上茶或水一杯，服務周到。日式厚燒玉子28三大塊再切成六粒，香軟彈牙，蛋味重雞軟骨$20炸雞軟骨，不過不失以份量價錢取勝吉列豬扒$38 加招牌貓定食 28招牌貓飯係木魚絲加紫菜 ，自己再加醬油調味。隻醬油真係幾咸，一開始不要落太多。麵豉湯夠清甜好飲。牛肩胛烏冬74呢個係全晚最正既道菜，牛肩胛肉半熟既肉淋上熱湯，湯係醬油味咸淡岩岩好，令個牛好滑，入口即溶，鍾意食牛既一定不能錯過。店內仲有d漫畫可借閱，十分舒適既餐廳。最後一邊食布甸，一邊睇多陣書

曾經有住柴灣的朋友向我提起區內康文署體育館有一間餐廳💁‍♂️當時覺得最多也不過是一間吃港式頹飯、茶記大排檔類型的餐廳，沒想到原來和我想像中截然不同。餐廳在體育館的一樓，無論指示還是餐廳的入口都極之低調🙂🙂餐廳內部燈光偏暗，更添了一份神秘的感覺🙊✨厚燒玉子 $28賣相討好，味道亦不錯，上桌時仍然保持溫熱，讚😘✨紫芋金栗餅 南瓜薯餅 2件/$20 單點$12四款口味中我們選了這兩款，口感香脆可口不油膩，餡料部份亦不會太重味，推介作為餐前小食😋😋✨和風牛肉鍋 $68 (轉定食套餐+$18 - 半份飯或烏冬/$28 - 一份飯或烏冬)意想不到這間餐廳還有鍋物提供🥘雖然沒有配備爐火，但鍋物材料豐富，性價比十足!✨滑蛋雞肉丼 $64除了鍋物外還有各種日式丼飯和烏冬拉麵供應，朋友選擇了滑蛋雞肉丼，雞肉嫩而醬汁能完全滲入雞肉丼之中，高質!😜餐廳的員工很能注意客人的需要，還有玄米茶提供，朋友都說下次來體育館打波時一定要再來呢!👅

星期五晚找男友家附近食野，佢話帶我去體育館食，初時我也覺得奇怪，乜體育館有野食㗎咩？上咗一樓見到一排壁球場，走到最入，原來真係有一間日式料理店在。 店內沒什麼裝修，只貼上與日本相關的海報為裝飾。坐下後店員就問我們要茶還是要水，態度親切有禮。餐牌上的選擇也不少，最後我地點了一個鍋物+貓飯set、燒魚+白飯set、牛肉可樂餅、咖哩可樂餅及雞蛋布丁。和風豚肉鍋($68)+貓飯set(+$28)鍋物有幾款湯底可以揀，我地就揀咗豬骨湯，味道比較清。除了豚肉外，仲有好多菜墊底，豆腐、紹菜、芋絲、金菇是基本，比較特別係有豆苗，完全是健康之選。貓飯是在珍珠飯上加入木魚、紫菜、牛油，之後自己隨心加日式醬油，即使沒有餸也能食哂成碗! 另外set 仲有沙律、麵豉湯及蘿蔔漬物。沙律菜新鮮，加上適合的芝麻醬係無得輸。麵豉湯無坊間咁咸，唔錯。 漬物正常無乜特別。燒日本油甘魚鮫($98)+白飯set (+$18)在香港有燒魚鮫的日式料理店通常都比較貴，見到這裏有當然要試試。魚皮燒得剛剛有少少燶，好香口，魚餃的肉亦很多，近魚鰭位置油份最多，食落最滑~連骨都啜埋。牛肉可樂餅+咖哩可樂餅($20)一個可樂餅$12，兩個$

今晚約咗朋友柴灣地鐵站旁柴灣體育館打波 ,就係同一座大廈一樓 有間日式餐廳  "悠 定食屋" 望見裝修得幾有風格同舒服 ,一於入去試吓。睇見餐牌好多選擇,曰式食物價錢一d都唔貴 我地最後點咗個東京風汁燒牛肉$58 ,清酒煮蜆$58,煙燻鴨胸沙律$38 ,吉列炸蠔$48 ,和風炸雞$24 ,極尚海鮮火煱$158。東京風汁燒牛肉 用新鮮牛肉配洋蔥本身都惹味 再配埋個日式風汁燒加上紫菜同蔥花 色香味區全。清酒煮蜆 蜆肉好肥美 ,配埋清酒煮好鮮甜 ,正到我地連個湯底都飲晒。煙鴨胸沙律 個鴨胸好滑好厚切 好有煙燻味 配埋甜粟米.生菜.車厘茄加上日式沙律醬味道好夾好清爽 仲好夠份量啊 呢個必食。個吉列炸蠔外脆內軟 好有口感。 和風炸雞醃得好入味 入口滋味鬆化。好味到要襯熱鬥快搶食啊。極上海鮮火鍋一鍋內有好多材料 ,有鮑魚.生蠔.扇貝.蟹鉗.青口. 魷魚.蟹柳. 芋絲.旺菜配埋個豚肉湯底  勁正呀  呢間真心咁高質素 街坊價錢 下次都要約多幾個朋友黎 一定要試勻晒所有先至得。

同朋友去左柴灣室內運動場打波，打完肚餓，朋友同我講這裡有間美味日式餐廳，不過比較隱蔽，在1樓，一出𨋢門，大屏幕後就見到。我跟他的指示，見到一間以黑色為主的日式餐廳，門外掛著一個“悠” 字，室內貼滿兒時最愛的宮崎駿動畫海報如風之谷、波兒、千與千尋亦有其他日本動畫的貼圖如柯南。座位寬敞唔迫，還有藏書角供人閱讀，頓覺年輕又文青。職員面帶笑容邊帶位，邊詢問幾多位同要水或玄米茶我要了玄米茶，這間是原包玄米茶給你，所以特別濃味餐單都有3張，分別有和風主食， 丼飯，炸物，小食，鍋物，拉麵等， 種類選擇多，圖文並茂， 易睇記得小時候，每次做完運動，爸爸都會帶我去大x屋，食個鰻魚定食加飲波子汽水， 這裡竟然有齊哂，當然要點來回味一下童年啦！點了鰻重（$98）連麵豉湯， 再加煎日式餃子（$32）同跟餐加$14的波子汽水，最正是唔收加一。麵豉湯： 味濃, 海帶多， 還有滑滑豆腐鰻重： 的確“重”，份量重， 日式便當盒送上，一打開熱騰騰的醬汁鰻魚味不斷湧上來，筷子咁長的醬油芝麻鰻魚橫躺在幼滑蛋絲，紫菜絲同香軟的珍珠米上，真的令人流哂口水。一口咬下更有欲罷不能停口的感覺， 鰻魚入味， 皮微脆肉肥味來到煎餃子，煎

今日離開做運動，先發現原來柴灣體育館裏邊有間咁高質嘅日式隱世美食😍OMG真係相逢恨晚～一嚟到見到環境好乾淨，而且呢度嘅職員全程都好有禮貌，贊贊贊👍🏻我哋見到Menu有好多選擇，基本上日本食到嘅食物依度都有，我同我朋友總共叫咗七樣嘢食，食到勁飽都係埋單$400有找，咁高質嘅嘢食，性價比超高！第一樣叫嘅係極上海鮮鍋，火鍋底都可以自己揀架，我揀咗豚骨湯。湯底勁入味，而火鍋材料好豐富，有青口、蟹柳、冬菇、大大隻蟹鉗，而且每一樣都好鮮甜😍清酒煮蜆、燒汁牛肉，依兩樣係必食推介，蜆煮得好入味，仲用咗青就嚟調製，味道好夾，而燒汁牛肉都好正，牛肉好香牛味，同燒汁簡直係絕配😛🤟🏻吉列炸蠔、和風炸雞，離都日式餐廳必食嘅美食，兩樣炸物皮薄餡靚，蠔勁鮮😝最後叫咗個燒鴨胸沙律同原味梳打，個鴨胸超爆好食呀，鴨胸好鬆化好厚，落重本！沙律好Fresh👍🏻食咗咁多嘢配返個原味梳打飲，解渴清新🥰正啊！以後都會再嚟食😙

今日同朋友係柴灣運動場打完波，見隔離就有間餐廳就直接入左去。餐廳既裝修都幾別緻，頗有風格。我地叫左一個和風鰻魚炒飯，一個滑蛋豬肉丼，一個炸雞軟骨同埋一個芝士年糕。和風鰻魚炒飯整得好好食，使用左日本米，每一粒飯粒粒分明，鑊氣十足。鰻魚嘅份量亦都頗多，每一啖都可以食到鰻魚肉。炒飯入面仲有蛋同埋葱，為炒飯增加左味道上嘅層次。最後炒飯亦都炒得好均勻，鰻魚汁佈滿每一粒日本米嘅表面，每一啖都係一個享受。滑蛋豬肉丼亦都不俗，不單止份量多，味道亦都好好。滑蛋唔會整得太熟，豬肉亦都嫰肉多汁。另外個人十分喜歡飯入面加入左洋蔥，為飯嘅口感增加左層次。小食方面，芝士年糕炸得十分香脆，一咬開就發現入邊有好多芝士湧緊出嚟。炸雞軟骨同樣炸得好香脆，口感十足，建議大家一試。總括來講，餐廳嘅位置十分方便，好適合大家喺柴灣體育館做完運動之後去食。

屋企附近的柴灣體育館入面，有間餐廳叫悠定食屋，係主打日式定食嘅cafe，平日都有幾多街坊幫襯。餐廳環境幾休閒，牆上貼左很多日本卡通海報，裏面仲有個大書櫃，放了好多圖書，可以自己借嚟睇。今晚同囡囡兩個撐枱腳，每次囡囡食日本嘢，都會叫波子汽水，今次特別啲，點咗蜜瓜味。我地仲叫咗炒野菜，八爪魚燒餅，原條燒茄子同埋紫芋甘栗餅，南瓜薯餅。囡囡好鍾意紫芋甘栗餅，因為炸得好香脆，裡面有粒栗子。呢度嘅招牌貓飯一定要試，貓飯即係白飯加咗牛油，紫菜，木魚，撈少少豉油食好香，囡囡 一路食一路讚好食。 最後就是甜品時間，選擇了餐廳自製嘅雞蛋布丁。 今餐點嘅全部都係小朋友喜歡的，所以囡囡食得開心又滿足。