悠 定食屋 (已結業)

久唔久都會星期日來食lunch, 呢度勝在有大枱，可坐8-10人，岩一大班人一齊來以週邊餐廳來計，呢度確唔係sell 份量，而係sell 精緻，以午餐為例，最便宜都要40蚊，最貴可以要一百三十幾蚊，所以真係要有心理準備，但質素係幾好既，set 有菜沙律、面豉湯、漬物、一碗唔算細既飯，主菜（呢個確係唔多份量），接受到呢個價錢，又唔大食既，呢度係幾好既選擇，由於佢都係自己搵位，所以基本上無交枱既壓力，當然又唔好阻住人張枱總體說，久唔久幫襯是好的

間唔中都會黎呢到食野，味道係ok 既，但份量就愈黎愈少。今日叫左個雞扒飯，見到雞扒只有4 小塊，反而前菜沙律都多啲，真心失望。味道黎講有炭香味，調味係幾好，但份量就有點小家。上次跟友人黎食意粉，佢一個女仔食意粉都話唔夠飽，店主要反思下喇1 點幾去食，見到現場得4 成full, 好多吉台，希望店主調節下份量，份量同價錢成正比既，相信會多返啲客。店員收野，落單都快手既，食物都黎得快，環境舒服，係份量差啲啦😞😞

通常吾OT果日我都會轉登行過來食👍🏼呢間餐廳開係體育館入面，開頭以為好難食，點知好有驚喜！味道非常好，除左份量少左dd👉🏽👈🏽不過女仔食就無問題既😛旁邊果杯係Okinawa latte 正，其實係黑糖牛奶咖啡！可以係話難得既小店！吾轉登行去未必搵到🥰

咁啱嚟開打乒乓波，見到之前關門大吉嘅餐廳，原來已經轉咗做日式餐廳。即管再嚟試下先，望落去佈置比較簡單，都係貼咗啲日式海報喺牆度。 場地衛生嘅，不過唔好嫌咁多啦，呢個位成日都轉餐廳，都唔知呢間又可以做到幾耐。 最緊要啲嘢好食，留得住啲客。睇下餐牌有咩好食先最後我哋叫咗牛油露筍什菌，西京燒銀雪魚同 東京風炭燒雞扒加蕎麥麵。牛油味真係好重，有啲太重口味。 牛油味太搶，唔多露筍，但好多菇。銀鱈魚係厚肉嘅， 燒得好靚， 面頭好似加咗啲蜜糖去燒， 所以滑得嚟又甜甜地 。但份量真係超細 ，睇下你要食質素 定係食份量啦。我哋叫咗豬骨湯底，夠曬豬骨味。 湯底好滑好順好易入口， 雞扒份量都係細，不過有個蕎麥麵搭救， 呢一個都值得encore。

星期日，接個仔（興趣班)放學..見佢環境唔錯，開12點，都已經坐滿幾圍枱..相信都唔會太難食，一定唔會中伏侍應姐姐好快手即刻落單叫咗個咖喱雞肉飯，同埋和風牛肉丼..5分鐘唔使就送上嚟個咖喱雞飯唔掂，啲飯淋啤啤.食一啖就唔想食.咖喱汁唔算太濃..小雞肉三舊...飯多餸小..最致命啲飯好淋....和風牛肉丼賣相唔差，洋蔥蛋還可以，不過啲牛肉非常靱、個仔話吉野家仲好食過佢真係希望越大失望更大中伏、冇下次

今晚遲放工，做得好攰所以就揀咗間近近地嘅餐廳同朋友食晚餐，一入嚟成間舖只得一枱一家三口嘅客人。餐牌好簡潔，有套餐同單點菜式，但價錢好唔算平喔，朋友就要咗個意粉套餐，套餐包括餐湯、沙律、自選意粉、甜品同飲品，因我攰到無乜胃口，所以就單點咗個“卡邦尼意粉”。套餐嘅南瓜湯同香芒雜菜沙律先上枱，我每款都試咗啖，尚算可以～ 朋友揀嘅“輕煎帶子配自家製香草醬意粉”，帶子一食就覺得唔新鮮，香草醬意粉味道只係一般，而我碟意粉嘅份量同朋友嗰碟一樣小，而且汁醬略咸，但值得一讚係汁醬係剛好掛係意粉上，最後套餐嘅甜品“朱古力慕絲蛋糕”同“熱情果紅茶”都係無乜驚喜。

每逢星期日返完教會，指定動作都係諗食乜，一行7-8人，想一齊坐，都唔係間間餐廳都岩，一係去藍灣或杏花村，有時就會來柴灣運動場，之前個間cafe 搬左，而家開返呢間和風洋食，店內間格基本上無變，食物價位都好似差唔多，但似乎比以前貴少少，店內有幾張大枱，可坐到12人, 好岩一大班人去食今次我同朋友一齊點個鰻魚定食餐，我地都唔係好餓，見佢個定食又有湯，原條鰻魚，沙律同飯，其實都夠兩個人食，7成飽鰻魚其實都好難難食，呢個鰻魚是合格正常水平的，個沙律既菜唔算少，不錯，個飯面更有木魚，整個餐擺盤都不錯吧以佢既地理位置，食物價位與水準，會再來既

估唔到體育館內有間西餐廳，晚市唔太多人，提供套餐/散叫！呢客水牛芝士蕃茄沙律，水牛芝士幾香滑，配蕃茄無得輸！香煎大蝦茄醬意粉，份量普通，隻蝦煎得幾香，茄醬意粉味道酸甜開胃！主菜安格斯牛扒，好大塊又有厚度，切開仍有肉汁流出，肉味幾出！最後嘆埋杯咖啡，估你唔到的一餐就此結束！

知道柴灣體育館內有新開食店一直想試但未有時間趁今日假期過來吃個午飯燈光柔和昏暗 帶有cafe情調<香草番茄肉丸扁意粉>番茄汁配上肉丸 格外醒神！肉丸彈牙有口感扁意粉質感柔軟度適中<All Day Breakfast>以往我食過All Day Breakfast多數配上甜焗豆而呢款就没有甜焗豆卻有兩份提子鬆餅配上黑松露配煎蛋脆薯餅 香草腸及腸仔還有煙三文魚 雜菌及沾有麻醬的沙律菜賣相豐富 味道都ok! 食物方面大致上也不俗下次會再來試試其他款式😀

今日過左食晏時間，於是到柴灣室內運動場一樓呢間餐廳試下。下午茶餐有九款選擇，最平$28，最貴去到$66。於是叫左個碳燒鷄扒鰹魚湯稻庭烏冬。價錢$36屬中價餐。一心以為下午茶份量比正常午餐及晚餐少些少。點知碗烏冬黎到簡值嚇親。佢唔係用類似味千拉麵嗰種大碗，而係用屋企用嘅飯碗裝載。鷄扒有四小件，而且無調味衹係碳燒熟點些少和風汁就算。鳥冬得兩啖而且太淋唔彈牙。講到鰹魚湯就好似清水，求其加幾粒粟米就話係湯。簡直不知所謂！

朋友介紹食呢間。。果然冇介紹錯。。因為食材新鮮。。又有靚歌聽。。又有情調。。加上支持環保。。有相關餐具賣。下次會再黎食。。叫左蘑菇西班牙飯。。好飽。。望落唔大。。但食落好多好飽。。

無心插柳的意外收穫。午餐選擇由$38至$90，有日式定食，亦有洋式和食，豐儉由人，適合素食者和食肉獸。食物即叫即做，賣相不俗。帶子意粉新鮮好吃，服務亦佳。柴灣少有的好地方。I came across this place by chance. The lunch menu offers up to 10 choice s of Japanese sets (with rice) and pasta dishes. The price ranges from $38 to $90, which is highly affordable. I ordered pasta with scallops. The pasta was cooked just right and the portion was quite generous. Although they used frozen scallops, it tasted just as good. Quite a nice alternative lunch place in Wanchai.

做完運動就梗係食野喇之前見facebook既人都成日推介所以今次就有機會黎試試3大1細叫個2人餐。。 288蚊有12安士 安格斯牛同四揀1個主食。。跟兩杯飲品, 兩個湯。。兩個甜品, 3揀1個小食先黎餐湯 龍蝦湯, 好滑, 冇落麵粉, 冇腥味, 小朋友飲左好多小食3揀1, 我地揀左明太子雞翼, 兩隻雞再跟一堆沙律,好正主食揀左大蝦意粉: 3大隻煎蝦好香, 好厚肉, 意粉份量唔多, 但計埋甜品等十分飽肚, 意粉可揀辣或唔辣, 有香草蕃茄, 比較油安格斯牛, 5成熟, 十分大份, 好味, 唔係好熱, 個汁係紅菜頭, 有跟沙律同薯角。。 其實好大份仲有甜品, 3揀2, 有朱古力批同蘋果批, 餐廳冇hea 你, 朱古力批外表普通, 食落唔太甜有水準, 蘋果派雪到冰冰地又半融, 外表幾靚, 好味道餐飲, 熱既係蘋果茶, 我覺得濃左d, 凍既係玫瑰梳打, 好味又靚店員見到有小朋友會叫我地小心, 見我地有小朋友會主動俾多d餐具, 同見小朋友食朱古力批食到成咀都係又會主動俾紙巾, 好貼心既服務

認真 係香港依個美食之都黎講 小西灣,柴灣都算係一個美食沙漠 要搵D好食嘅野真係要花多少少力氣同精神 但係為左要食好西 我決定走到柴灣每一個角落今次 終於食到好西啦!!依間新開嘅餐廳都算係比較難搵，係柴灣體育館一樓估唔到係體育館裏面會有日式餐廳!首先睇下個Menu先有10個餐任君選擇 個價錢都可以接受啦至於飲品方面 都有好多選擇佢都幾著重佢嘅用料，茶都用Twinings今次比較可惜嘅係去到竟然無C1, C2, C3 同 C5可能係應為去得太晏啦如果想有多D選擇嘅話 就要早D黎啦好彩 我今次想食嘅三文魚仲有 我毫不猶豫咁就叫左C8上菜嘅時候見到賣相都唔錯食落去都覺得味道ok值得一提嘅係 依個C8係免費升級定食㗎 配麵豉湯同埋貓飯貓飯D鰹魚碎好足料 好正阿惟一中伏位係 麵豉湯飲到底時鹹到一個點 要小心最後用一杯咖啡做總結~

今日去左柴灣睇戲，地頭蟲親戚帶左我同家人黎食呢間日本野。萬萬都估唔到運動場內有餐廳。lunch time都幾多人，不過好在都有位，唔使等。不過以運動場內嘅餐廳黎講，呢間嘅價錢都唔係話特別平，當然你揀啲普通咖哩飯就會平啲。但如果想食定食就要成$80一個餐。我就叫左東京風豚肉生薑燒，賣相係唔錯嘅。但我唔係好鍾意沙律同豚肉放埋一齊，因為啲沙律撈埋啲麻醬，掂到啲豚肉個味好怪。另外個豚肉完全食唔到薑味，淨係食到甜甜嘅味淋味，雖然個味唔錯但有啲失望。反而個白飯有驚喜，加左啲調味粉好味好多。P.S. 餐廳用木枱好文青，求其影張相就已經好靚。