悠 定食屋 (已結業)

柴灣雖然都幾多嘢食，但好味嘅其實真係唔多，所以每日都要煩到底應該食咩好，前排見到體育館出面掛住個banner先知原來入面有間日式嘢，印象中1樓嗰個位好少人去，我自己都係細細個同屋企人一齊做運動先知道有間餐廳，而且當其時係一間好一般嘅茶餐廳嚟，點估到過咗咁多年都升級咗。餐廳有做定食，拉麵同啲日式小食咁，可樂餅 炸雞 餃子依啲傳統經典嘢，所以其實都有好多唔同選擇。味道就都算唔錯，以柴灣選擇唔多同夠平依兩點就已經可以食多幾次，啱曬住柴灣同埋依邊返工返學嘅人，經濟實惠之選。

呢間位於運動場入面既小日式餐廳，已經唔係第一次食，同區搵唔到對手。勝在地方夠隱閉，夠難搵，先可以唔洗排隊（好事定壞事？最近控制重量，唔食太多飯，就單點左個鍋。最平既豬肉鍋，裡面有好多蔬菜豆腐，湯底任揀，如果想升級做定食，可以加 $18 多個湯，沙律，飯，今日就無加。肉係最普通既豬肉，菜都無咩特別，份量就好多，以前加做定食無一次食得哂。多菜少肉，又飽肚，日式煮法調味唔會落得太勁，如果係健康既你值得考慮。至於瘦底既朋友，就當我無講過啦。

悠這間定食屋非常隱蔽～隱藏在柴灣體育館1/F中對面仲見到人打乒乓球/壁球~~之前都無諗過體育館中間會有餐廳😂😂😂悠主要食日式便當🍱今次試左佢既日式漢堡排便當漢堡扒味道唔錯～有牛肉味而且肉質口感都幾好～仲升級轉埋貓飯～～貓飯即日榮米飯係加左牛油/木魚/海苔/醬油～雖然好邪惡好肥咁🤣但食完真係好像MH食完貓飯咁HP/MP都爆燈！食完個Lunch真係充滿能量丫！但食飯時間都幾多人差不多等左30Min先有位丫呢個要有心理準備～～

首先標題黨，其實我無叫靚咖啡，飲唔洗加錢果啲，不過至少飲得出係磨出黎既咖啡豆。定食就正常日式果啲，中午六十蚊咁上下，仲有小食可以加，聽講可樂餅係好食的，如果三五知己一齊食可以試下。

悠定食屋主打和風洋食，開返一直都未有時間去，咁岩同朋友打完波，就黎到呢間係柴灣體育館既隱世小店食下午茶🤣店內有好多figure公仔，環境都算大，木檯木凳都坐得舒服星期六下午都有午市同下午茶餐，不過份量真係少好多，種類都幾多，拉麵、烏冬、便當都有，熱食為主🍱日本可樂餅（牛肉、紫芋甘栗）$28等左約15分鐘，上檯時真係幾吸引，外皮炸到好酥脆，餡料非常充足，特別係紫芋甘栗味，真係有一粒粒栗子，口感幾好，牛肉比較失色，唔算好香，同埋薯味比較重🙈醬汁豬軟骨烏冬 $38湯底有好多款可選擇，例如：豬骨、蕃茄、鰹魚、醬油等，我就揀左鰹魚味，湯幾鮮甜，不錯🤤豬軟骨好入味，軟腍適中，仲有其他配菜，烏冬彈牙煙韌，但份量真係比較少

主要想試貓飯，有啲失望，覺得十二蚊好貴軟骨太淋無嚼勁，不過而家大部分軟骨都用這種慢煮方法，整到好似牛筋咁，客觀來說味道唔錯。最驚喜個沙律，酸酸地正好消去豬軟骨的油膩，麵豉湯唔會太咸，收貨太太的汁燒牛肉弁當都OK，只係肉的份量少咗啲。接著是跟餐的咖啡，應該唔係即磨，好耐未試過咁淡的咖啡，唔加奶當齋啡飲才剛剛好太太直情要加糖提味近年很多小店都要顧客自行到收銀比錢落order，樣樣都要自己攞，價錢又唔係特別平宜，幸好這店服務好，上菜快，見你食完主動收碟，老婆轉咗幾次枱都無黑臉

上次食左個下午茶，平價份量又超OK，今日黎試lunch價錢明顯貴番啲 $68，份量再大啲，大約係 afternoon tea 1.5 倍，所以下午茶係堅抵下次唯有再瞓多一個鐘啦

假期一瞓醒錯過左 good morning ，替代既係難得既 Tea time。香港地最岩 on diet 既就係日式餐廳，少油少鹽，行開柴灣選擇唔多，就再黎呢間體育館餐廳。直接去圖啦

呢間位於柴灣體育館1樓仲要入少少既餐廳仔竟然比我發現到仲要係我中意既日本野雖然入去體育館要登記一次去餐廳又要登記一次 好麻煩不過無阻我支持小店既決心一入到去店員好有禮貌帶位比menumenu好多選擇 有定食有拉麵有小食一講日本野就緊係拉麵啦所以我地兩個人都揀左拉麵我就叫左個 日式大餃子豚骨湯拉麵 $68湯底同麵都有得揀既首先豚骨湯超入味好襯個拉麵而且份量都算多餃子有4隻 每一隻都好大隻唯一我唔係咁中意既係餃子唔係另上食到第3同第4隻既時候已經淋淋地如果另上會更好味朋友叫既 炭燒雞排豚骨湯拉麵 $68朋友話雞排都好好味小食叫左 一口蕃薯仔 $24送上黎既時候仲係好熱辣辣 正脆炸魷魚軟骨 $32好脆好味有口感 咸咸地總括而言野食方面 全部都唔錯 遲d想試埋定食環境方面 都算闊落 好多動漫裝飾服務方面 店員友善有禮想再食

這是家隱藏在體育館內的日式小店！😆以日本動漫人物的Figure作裝飾滿滿的日系風情☺️☺️其實從沒有想過會在香港的體育館內....會看到餐廳的足跡👣但！既然發現了...當然要來嚐一嚐😆·🍜日式芝士魚餅烏冬 $68主角是兩大塊芝士魚餅🧀🐟魚餅味道不錯😋👍🏻很喜歡它裡面的芝士是流心的🤤💕這次選了鰹魚湯底🐟湯道味道清甜🍭不錯👌🏻若是不喜歡鰹魚湯的人...其實還能選豚骨/醬油/辛辣/麵豉/蕃茄味總有一款是合口味的😚😚

當好夜先食到飯，最好就係叫外賣🤪因為政府啲政策，好多餐廳未到9:00已經last order 🥲好彩仲有呢間 悠 定食屋 ，而且估唔到外賣返到家都仲幾好味！~$80左右有主食，珍珠飯，沙律，漬物，最重要有飯素😂沖繩風海鹽燒鯖魚定食 $72：鯖魚份量算多，2塊都算大，魚嘅肉質唔錯，唔會好霉而且魚用左日本醬料煮得入味！ 食唔到腥味！和風汁燒牛肩胛定食 $78：牛肉就份量少啲，不過用燒汁煮過，每塊牛肉吸晒汁好濃味，伴飯食正！配料加左洋蔥中和個咸度不過個餐話包小食，我見唔到，唔知小食係咪飯素？🤔 (知道嘅朋友請話我知😂總結：外賣一般因為返到家凍咗/焗住令食物質素下降咗，相信堂食更好味，下次有時間試下堂食先！

出沒 柴灣/杏花邨 嘅朋友！有福喇！呢間隱世日式黃店位於柴灣體育館內，唔少打工仔同學生上去lunch架！✨味道72分，價錢唔算貴，地方都算大。.🔸和風牛肉配珍珠飯定食($68)超豐富，配埋麵豉湯，沙律，送熱飲。和風牛肉幾香口，送飯最啱。原本由普通珍珠飯，升級轉貓飯(+$15)值得轉！非常香口，就咁食個飯都好食，加左日本蒜香牛油汁，紫菜，木魚絲，日本醬油。不過飯質本身偏濕偏稔，整番硬身少少會再好食啲。.🔸咖喱豬肉飯($46)有別於印度嘅咖喱，日式咖喱唔辣，仲甜甜地。可見豚肉同咖喱分開煮，因為咖喱分布唔均勻，豚肉有啲部份冇沾到咖喱汁。跟飲品，凍飲+$2

原本想去的店舖，到了現場才發現是外賣店，只好立刻在Google map上找附近隨便一間餐廳，看到評價不錯的定食屋便果斷去試下，沒想到這是一間十分低調的黃店🐷 泡菜豚肉配珍珠飯 $68原本想試生薑豚肉，但menu改了，只好選泡菜的，沒想到會這麼失望，一整碟就只有一片豚肉，我什麼時候變了吃素的，炒過的泡菜配飯也不錯，但絕對是辣的，而不是店員所說的不辣，其他的配菜味道不過不失其實店員們都很友善，環境也不錯，雖然食物有點失望，但私心地希望他們可以繼續努力。

沒想到體育館會有一間日式餐廳😆雖然柴灣好多餐廳選擇，但同朋友做完運動直接入去食的確好方便！！！決定試一試😊我地兩個分別叫左套餐1️⃣吉列大雞扒配珍珠飯 ⭐️ 套餐包左麵豉湯、沙律同飲品，珍珠飯上配有柴菜配料，令成個珍珠飯味道更有層次👍🏻值得一讚👍🏻！雞扒是較厚身的雞扒，所以上枱時以為係豬扒🤣 吉列雞扒配上沙律醬一流❤️2️⃣吉列魚柳配珍珠飯⭐️同樣是套餐，都係有麵豉湯沙律同飲品贈送，主食魚柳入口並不乾身，配上「芒果醬」味道特別清新👍🏻推薦☺️評價：7.5/10

這間食店位於體育館肉，外面都無招牌，如果唔係朋友帶，都唔識去。佢哋主打日式食品，主要係熟食，並非刺身壽司，所以如果有屋企人唔食生嘢又想食日式就最啱。朋友叫左燒牛肉、我叫左燒花魚，兩款都可以加錢轉定食，定食有湯、沙律、酸薑、白飯。另外我哋叫左兩隻燒蠔當係小食。燒蠔有三款配料選擇，我哋選了明太子，超好食。花魚燒得好好，外面望雖然有啲乾，但入面仲好嫩，而且食得出佢係用靚嘅食材，唔腥又有魚味。白飯上要仲有芝麻紫菜，好細心。