悅滿軒

睇完咁熱血嘅鬼滅上一餐已經燃燒殆盡😂心を燃やせ🔥——————————————————附近有個饒宗頤文化館原來入面有間高級餐廳睇完戲去 個文化館已經收檔但環境的確好適合文青打卡紅磚魚池環境清幽雅致講番餐廳先 位於文化館二樓裝修簡潔有格調藍白雙色為主調好適合小資女三五知己小酎兩杯肚餓啦食番個海鮮意大利飯先個飯係中島最中意嘅軟硬度呀❤️有得咬又唔會好硬個海鮮汁好鮮隻紐西蘭大蜆嘅蜆肉好似食緊生蠔一樣飽滿多汁鮮味十足身為海鮮控嘅中島表示好滿足😋肉控嘅👨🏽‍🦱想食嘅肉眼竟然已經沽清最後變左牛腹肉呢個部位好似未食過五成熟咬落唔韌好juicy有牛味有三款醬 - 芥末 香草 黑椒磨菇其實本身塊牛肉靚唔點醬食都無問題不過既然俾左就梗係要試下啦香草醬好清新令牛肉冇禁油膩黑椒磨菇醬有香濃既磨菇同黑椒味芥末醬就好刺激好強烈wasabi😂但係都係原汁原味最好味😋——————————————————∞ 法式海鮮燴意大利飯 $268∞ 美國頂級牛腹肉12安士 298

為咗增添阿仔嘅文化氣息，今日就帶咗佢去饒宗頤文化館參觀，展館夜晚六點就關閉，正值晚飯時間，見到有間餐廳，就決定喺度食埋晚飯先離開。餐廳名字叫「悅滿軒」，起初仲以為係食中菜，原來係一間都幾有情調嘅法國餐廳。餐廳用上藍色配白色嘅椅子，內容充滿歐洲色彩嘅地磚，配合返文化館呢個位置同埋法國餐廳嘅特色。餐牌有頭盤、主菜、扒類、配菜和甜品，選擇多樣化。餐具都特別閃令令，另外餐牌嘅設計令人覺得有中西合璧嘅感覺。落單後餐廳職員首先會送上麵包，職員仲特別介紹呢個係自家製嘅番茄麵包，配上混入咗黑水欖嘅牛油，牛油香而軟滑，麵包外脆內軟，為之後嘅主菜揭開序幕。阿仔最愛食薯條，而呢度嘅係甜薯條，其實係用蕃薯製成的薯條，味道唔錯。老公話未食過威靈頓牛柳，見呢度有得揀，就order一份。威靈頓牛柳大概有手掌般大，賣相吸引。威靈頓牛柳嘅橫切面層次分明，由外到內分別係酥皮、巴馬火腿、蘑菇蓉、同大大件嘅牛柳，牛柳中間粉嫩，仍保持肉汁。另外旁邊仲有串茄，上面灑上少許鹽花，蕃茄稍稍焗過之後，食落就更加juicy。除咗有蕃茄仲有焗原個蒜頭，不過我自己就比較抗拒太濃嘅蒜味，所以唔識形容佢嘅味道，但我知識欣賞嘅朋友就一定會讚不絕口

如果唔係去文物館入面參觀 XXG都唔會特登行上美孚嘅呢一座山上面 然後發現呢一間極度高質嘅餐廳😂☺️▪️7.5/10▫️<< 蕃茄麵包 配 黑水欖牛油 >> 每枱附送一客自家製麵包同黑水欖牛油 好鬆軟 中間有風乾蕃茄 蕃茄味幾出 咸咸地易入口😋 牛油分別唔太大▪️8.5/10▫️<< 法國泥蟹湯 >> $78 鍾意蟹/龍蝦湯既人必叫！ 用左蟹殼打碎加上白蘭地忌廉 見到佢嘅顏色都知道夠晒濃厚🤤 入口蟹味濃到好似成隻蟹放入口咁 好香不過飲多有小小膩 提議可以用餐包沾湯食👍🏻▪️9/10▫️<< 香煎鵝肝 配 鵝肝批無花果芒果莎莎 >> $128 擺盤精美 味道不得了。。！鵝肝滑膩即化 唔係沙沙地個種 火候控制到位 鎖實哂入面嘅油脂 好甘香👅 配上芒果莎莎醬食 幾清甜 中和到油膩感～ 鵝肝凍批口感綿滑 肝香味重 唔使係高級法國餐廳先搵到 驚喜‼️▪️9/10▫️<< 法國油封鴨 配 焦糖蘋果 >> $228 依道菜好考廚師技術 好容易唔好食🧐 依度皮薄油脂多 肉質超鬆化 完全唔乾 油香

悅滿軒位於饒宗頤文化館內的法國菜餐廳！今次第二次來到，感到餐廳食物水準仍然保持得好！餐包外層香脆，內裏柔軟，塗上少許松露牛油，好開胃！法國油封鴨髀配焦糖蘋果 $228油封鴨髀嘅皮烤至金黃色！鴨髀肉質酥軟味道咸香！焦糖蘋果粒柔香甜！每啖鴨髀肉都配上焦糖蘋果粒，口感味道層次更豐富！自家製闊麵配蒜片辣椒, 紐西蘭大蜆 $208大蜆肥大肉厚，鮮甜美味！意粉內有油浸蕃茄、車厘茄、蒜片及香草等，整個意粉油潤美味！自家製甜薯條 $45黃金香脆又甜美！

今晚約了朋友到饒宗頤文化館內的西餐廳吃晚飯，度過了一個快樂的晚上。餐廳空間廣闊，服務好，吃得舒適。 餐廳送上免費餐包，蕃茄味，幾好食。香煎日本帶子配牛油果沙律（$108）非常清新，有好多我喜歡牛油果，醬汁係熱情果汁，fresh。香煎鵝肝配鵝肝批無花果芒果莎莎（$138）鵝肝煎得非常香口， 鵝肝批入口細滑，擺盤亦精緻。自家製意粉配慢煮八爪魚海膽汁（$228）意粉好彈牙，海膽汁充滿鮮味，口感creamy，八爪魚嫩滑。

是日閨蜜日🥰約咗班好姐妹一齊去食好野chill下～今次揀咗一間比較冷門嘅西餐廳，但非常有驚喜哦😻呢間餐廳位於饒宗頤文化館，四周環境清幽，如果有時間不妨可以響食嘢之前行下，感覺都唔錯哦🥰介紹下食咗啲咩先～🥰前菜：香煎半熟深海黃鰭吞拿魚配菠菜苗•法國羊奶芝士•無花果黑醋汁吞拿魚一啲腥味都無😍，肉質結實，感覺好新鮮😆菠菜苗爽脆，無花果香甜，同黑醋汁係絕配呀！沙律另配法國羊奶芝士同橄欖，一來可以增加口感層次，羊奶芝士係神來之筆，獨特嘅香臊味，令味道生色不少😆前菜：香煎日本帶子配牛油果沙津•熱情果汁 帶子煎得剛剛好，肉質鮮嫩，好鍾意佢嗰個面煎得脆脆嘅感覺😍牛油果香滑，再配上熱情果汁，食落感覺好新鮮～順帶一提，佢嘅餐前麵包都好好食😍落左番茄乾，味道酸酸地，好特別🥰主菜：威靈頓牛柳配砵酒汁（澳洲M5和牛牛柳）首先一讚係佢整法好正宗，牛柳同酥皮之間真係夾住pama ham 同蘑菇碎，口感層次豐富🥰酥皮外層焗到脆卜卜，牛柳肉質嫩滑，超好味！配埋甜甜地嘅砵酒汁一齊食又係另一番滋味😆旁邊嘅烤蒜同番茄仔都好好食～主菜：烤西班牙乳豬配蘋果醋燴紅椰菜·印尼燒烤汁 四個字：皮脆肉嫩😍啲皮脆到sork sork 聲，

聽朋友講饒宗頤文化館入面有間餐廳食法國菜🤔感覺充滿文化氣息又有情調😳今日就同男朋友黎試下😝每枱都附上自家製蕃茄麵包🍞連牛油都係自製 非常用心😝🐽 美國牛腹肉他他🥩 ($128)超有嚼勁嘅牛腹肉他他 份量都幾多撈埋生鵪鶉蛋 洋蔥粒 青瓜粒 酸忌廉口感係超豐富超有層次🤪🐽 香煎鵝肝配鵝肝批無花果芒果莎莎🥭 ($138)大推介!!! 又靚又好味嘅starter🤩大愛鵝肝批 超重鵝肝味又凍凍地咁😍而鵝肝配上芒果 好味又refreshing😝🐽 法國油封鴨配焦糖蘋果🍗 ($228)主菜就嗌咗幾出名嘅油封鴨髀佢外層香脆得黎入面嘅肉又香滑點上焦糖蘋果同醬汁 非常之香甜😆

期待已久嘅隱世西餐廳，見到d相環境要優雅時尚，好似一班女仔，情侶或特別節日慶祝。餐廳都幾大，坐得幾舒服。啱晒我哋可以慢慢食慢慢傾。食物方便都好高水準！😍🌟煎半熟深海黃鰭吞拿魚配菠菜苗•法國羊奶芝士•無花果黑醋汁 $108🌟吞拿魚邊有少少煎過，好香口，d沙律🥗都好新鮮，唔錯唔錯！🌟香煎日本帶子配牛油果沙津•熱情果汁 $108🌟帶子用牛油煎過，都好大粒，擺入口係一種滿足嘅感覺牛油果好新鮮剛剛好熟好好味😋🌟威靈頓牛柳配砵酒汁（澳洲M5和牛牛柳）$448🌟有驚喜威靈頓牛柳，我哋本身叫咗七成熟，餐廳員工同我哋講可以叫五成熟，放耐少少就會焗到七成熟，估唔到都幾好味。個酥皮好鬆脆，牛柳入口即溶。🌟烤西班牙乳豬配蘋果醋燴紅椰菜·印尼燒烤汁 $288🌟乳豬都好出色，出面層皮非常脆口，脂肪同肉嘅比例適中，又唔會覺得好大邪惡咁，食落好香口。所以不知不覺都識咗好多。🌟蒜蓉炒羽衣甘藍 $45🌟健康的寶寶當然要食蔬菜，見到有蒜蓉炒羽衣甘藍咁特別，其實都未試過，原來都好好味蒜蓉香其實都好配羽衣甘藍，食完感覺自己健康咗好多。🌟炒什菌$45🌟食完碟菜，感覺好有驚喜，覺得仲唔喉，所以嗌多一份炒雜菇，用牛油炒嘅雜菇非常可口

中午配完新眼鏡岩做文青mod下就黎到饒宗頤文化館，dinner諗緊食咩見到原來有間餐廳開在裡面,望入去巧多人又幾有情調就貢入去試左~~出左盤真材實料巧有誠意的麵包黎，外薄脆內軟佐以各式香料同蕃茄干，坐在個位都嗅到香氣。香煎半熟深海黃鰭吞拿魚配菠菜苗•法國羊奶芝士•無花果黑醋汁 $108P. S:第一眼係因為想試羊奶芝士所以就叫左，擺盤靚靚吞拿魚新鮮，菠菜苗係沙津黎架，配上第一次試的羊奶芝士帶黑醋汁開個胃先-香煎日本帶子配牛油果沙津•熱情果汁 $108扮健康之叫多盤沙津，煎香的帶子又大大粒又鮮嫩，沙津配上熱情果汁酸酸又開胃，牛油果落落去熟度岩岩好。兩款沙津比較上黎比較喜this one -威靈頓牛柳配砵酒汁（澳洲M5和牛牛柳）$448睇電視在外國餐廳就見得多，廚房煮到5成，出到黎變7成，忙住影相後切開外面酥皮內裡肉肉，仲有調味料ne做夾心，睇得出係尋於一款功夫菜，如何切得好優雅地食目前仲探索中，另有砵酒汁甜甜地演變成第2款風味，睇各人喜好，個人滿喜的（小朋友口味）。-烤西班牙乳豬配蘋果醋燴紅椰菜·印尼燒烤汁 $288切落去卜卜聲，食落去放幾耐都好個皮都巧脆口架，比左隻乳豬脾巧大隻又多肉，

星期六同朋友出街放鬆一下🥰 佢話美孚饒宗頤文化館入邊有一間餐廳好好食😯佢唔帶我去我都唔知原來入邊有間餐廳.. 雖然有啲隔涉🥰 但食到好滿足🥰一開始上左餐包先餐包都好有誠意 整得好鬆軟 🥕蒜蓉炒羽衣甘藍 $45呢個太特別🦦 要試一試生既就食得多😂 蒜蓉炒真係第一次見口感都幾特別 少少硬身 但幾脆嫩🥕威靈頓牛柳配砵酒汁 $448酥皮焗得勁香脆🥰 仲要勁完整完全無變得濕笠笠🤩 中間果層磨菇茸都好乾身 味道超香濃我地唔食太生 所以要左七成熟但佢都提醒我地 佢會煮五成等佢慢慢焗熟😍 一切開～ 熱辣辣😍 牛肉仲係粉紅色酥皮 磨菇蓉同牛肉係無分離😍 好強大 牛味重之餘 肉汁仲好豐富 超級高質😍 係我地掛住影相擺耐左🙈

House of Joy 悅滿軒 (美孚)-係隱世法國餐廳💖 喺文化館入面，充滿文化氣息之餘，估唔到呢度有間隱世高質法國餐廳🍴 環境氣氛一流，又chill又高級，又有情調嘅感覺💕 朋友聚會或者拍拖一流💕-首先，每一台都會有餐包，係意大利蕃茄包配黑水欖牛油。餐包係新鮮熱辣辣即刻烘返，食落去脆身，特別配搭黑水欖牛油好香🧡-🔍 Daily soup $58今日嘅是日湯係南瓜忌廉湯，南瓜味唔係話好重，不過飲落好滑身😋-🔍 蘋果目煙燻美國野雞 $238係超級吸晴嘅煙燻野雞！係大大個煙燻雞，拎埋個煙燻爐出嚟，再係你面前上菜😍 野雞包晒雞髀位、雞胸肉，肉質食落嫩滑，再配搭呢個甜甜地再夾有少少辣嘅汁，簡直prefect match!-🔍 炭燒西班牙伊比利亞羊扒配自製羊肉腸 $248賣相一流嘅羊扒🥰 肉質好香，羊味十足，但又唔會蘇，特別欣賞佢個醬汁，甜甜地，配合羊扒更加能帶出羊嘅香味，好match! 當然佢都有配埋薄荷啫喱，平時最鍾意薄荷醬嘅我，但我都覺得淨係佢個自家製醬汁已經夠晒😍 因為真係好出色😍 羊肉腸亦都好吸引，食落口感絕佳，亦唔會酥🤤-🔍 自家製甜薯條 $45好高質嘅甜薯條！食落好香脆脆身之餘

今次搵好野食可以話尋幽探秘😆點解？因為呢間餐廳位於饒宗頤文化館，我呢種鄉下仔當然對呢個地方一無所知啦。不過，出外靠朋友，多得友人介紹呢間餐廳，亦感謝佢帶路，今晚先食得到呢一餐美味既晚餐😋我同友人由美孚港鐵站行去，去饒宗頤文化館其實10分鐘路程，到達門口亦有足夠指示，所以唔需要太擔心搵唔到。沿路去餐廳都見到文化館有好多展館，不過由於我地係晚上去既關係，好多已經關閉，希望下次有機會早上時間再去睇下😆由門口行數分鐘就到達餐廳門口，當我踏入餐廳俾佢環境深深吸引住。餐廳裝修，燈光，氣氛一流，座位亦十分寬敞舒適，有一種浪漫感覺，絕對係情侶一同共進晚餐好地方。坐低同友人研究左一陣，決定係Main Menu點2款一齊食，分別係「法式海鮮燴意大利飯」及「蘋果木煙燻美國野雞」餐前麵包麵包熱辣辣新鮮送上，麵包帶有蕃茄味，外層香脆，中間鬆軟，口感有D似蒜茸包。麵包附帶特制牛油，配搭埋一齊食就更加好味😋法式海鮮燴意大利飯 海鮮燴意大利飯原煲上桌，有別於用碟上菜，感覺意大利飯，海鮮溫度更易保持，呢個做法我相當喜歡。意大利燴飯醬汁味道香濃，飯粒軟硬度適中，粒粒分明，配上海鮮相當好味。尤其帶子同大蝦十分出色。帶子略略

第一道上台就係蟹湯配餐包。餐包搽埋個牛油食就好香口，點蟹湯食就有另一個味道。個蟹湯好濃蟹味，上面有少少蟹肉，飲落蟹味更濃。推介！海鮮燴飯份量唔算少，帶子外面煎到金黃入面唔會乾，重有好香嘅帶子味。個蝦就剪咗d腳，用刀叉去剝殻都好易，兩隻都大大隻。個意大利飯加埋蕃茄去煮，酸酸地幾開胃。油鴨脾個皮好脆，輕輕用刀壓一壓都聽到有聲。本身諗住個皮好似乳豬咁，有d嘢咬下，點知入口即溶。點埋個焦糖蘋果汁食，會冇咁滯，間唔中食下d蘋果同提子乾可以清一清個口d油膩感。值得一試。

自家製意粉配板主八爪魚 海膽汁 $228自家製意粉已經夠晒特別加埋佢超濃郁既海膽汁 完全覆蓋係每一條意粉上面 而且入面既八爪魚都十分彈牙 食得出好新鮮 結合係口入面味道十分豐富 香煎鵝肝配鵝肝批無花果芒果莎莎 $138呢次鵝肝分左兩種食法 一款係乾煎鵝肝 一款係鵝肝他他 乾煎鵝肝更增加左鵝肝既香氣 配合芒果醬 香味一下提升 ，而鵝肝他他比乾煎鵝肝濃肝 口感好似食緊芝士蛋糕咁 好綿密阿拉斯加焗雪山 $88食之前侍應會幫上淋冧酒 係蛋糕既cream面 成個蛋糕點起左火 好新奇 似火山多過雪山🤪 入面既朱古力同出面一層熱暖左既cream 形成一種冰火兩重口感 好得意😎

喺百年歷史既三級歷史建築文物內，享用一試難忘既法國菜既寫意又有文代氣息，有一種比高級更高級既感覺.由美孚市區行上山上既饒宗頤文化館，大約要10~15分鐘地方相對偏遠，環境非常清幽，但人流基本上無停過當你享用過佢既美食同服務，你就會明白，因為...你都會變成一個回頭客.侍應態度友善，對食物質素好有信心，會自豪咁讚餐廳既食物__________🔹前菜麵包 (贈送一客)👰🏻:🌕🌕🌕🌕🌑🤵🏻:🌕🌕🌕🌕🌑中間有風乾蕃茄乾、有少少蕃茄甜味、幾raw 麵包有烘過，特別鬆軟，外層微脆，配有黑水欖牛油雖然就咁食已經幾好食，留一半沾湯亦係一流.🔹法國泥蟹湯 $78👰🏻:🌕🌕🌕🌕🌕🤵🏻:🌕🌕🌕🌕🌕加入白蘭地忌廉連殻打、香味重濃過龍蝦湯、濃到飲左隻蟹落肚咁仲食到法國泥蟹既蟹肉建議留返一片麵包、唔係食唔到個底啲湯、一定會後悔如果唔係餐廳氣氛高級...老公差啲想用脷奶乾脆個碟底.🔹法國油封鴨配焦糖蘋果 $228👰🏻:🌕🌕🌕🌕🌕🤵🏻:🌕🌕🌕🌕🌕油封做得好脆，個皮癲左咁好食油香比乳豬更香、口感更鬆化鴨味好重、但唔係討厭嗰種鴨味伴住個蘋果黎食個味啱啱好.個脾幾大隻、條骨好幼、啖啖都係肉、只有少少脂肪最邊邊既肉位受熱啲，