快樂餅店 (已搬遷) 新店位置

擒日晌中環做完野打算行去銅鑼灣做gym. 行行下行到一間不大起眼, 附近都係重建中既唐樓.初頭都唔為意, 見到門口有忌廉筒喎, 就知道呢間一定係快樂餅店. 入到去,有好多出爐麵包, 咁岩有少少肚餓, 就晌咁多麵包中要左個最簡單既- 菠蘿包. 呢個包比坊間既size細少少,盛惠2蚊, 摸上手, 暖暖地, 咬落去一種好微妙既感覺. 好似係細果時同媽咪出街, 行過麵包店買包畀我食...味道...包質好軟熟, 麵粉冇臭粉味, 甜甜地, 加上兒時既回憶, 幸福同快樂既感覺湧上心頭. 2蚊, 換來兒時既回憶, 千金難買此時既快樂.

知道呢間舊式麵包店係因為公司0係鰂魚涌搬過0黎灣仔, 中意搵好0野食0既我當然成日search 0下附近有咩好0野啦, 就發現0左有呢間麵包店. 雖然未幫襯過但係個心一直都有記住, 擒日簽完contract, 21 號就last day, 於是今日就快快去買麵包!試0左雞批同雞尾包, 2 樣都係暖0既, 雞批比我想像中細, 一食, 好中意個牛油皮, 好香, 料足亦有肉味,第一啖甜0左少少, 不過整體上係好食0既!雞尾包好軟熟, 唔太甜, 不過我覺得甜d 先似雞尾包~ 終於試0左想食0既0野, 感覺好滿足快樂...

食完EOS時間尚早,走上皇后大道東個邊行,途中見到呢間快樂餅店,原來就係呢度,決定行完大運返轉頭買包食。細細一間舊式麵包店,的確有好多款式選擇,剛剛見到菠蘿包出爐,即刻買左幾個,另外再買左幾款,滿載而歸。菠蘿包:熱辣辣一袋,一路坐車一路聞到麵包香,菠蘿皮好香脆鬆化,因為返到屋企已經散晒=p 麥豬仔:有別於平時所食豬仔包,麵包有質感有咬口,仲有粒粒麥粒,幾特別。腸仔包:包身甜甜地,同樣有質感,加埋腸仔當然好味,相信熱食會更妙,食一個都相當飽肚。蛋糕仔:個人好鐘意買蛋糕仔食,見到呢度有當然唔會錯過!蛋糕面有d脆,蛋糕心就軟,唔太甜,好過有d餅店淋pat pat,呢個好食。今次見唔到奶油筒,有機會再試其他;第一次行過時見到阿老闆,真係幾好笑容!只可惜到我買時,老闆應該係餅房整緊餅,緣慳一面哩=)

雞批好食。真的好味。Office下午茶，好多時同事都買呢度的雞批。熱肋肋，好好味。蛋撻都係好好味，只售兩元。抵!

早餐還沒有食過，經過這間看上去已有不少歲月的麵包店，隨便買了個看上去很普通的雞尾包，摸上去還有餘溫，味道亦相當不錯，軟綿綿的包皮，加上不太甜的餡;，再加上一杯茶(茶是自備的)，簡直是完美的配搭。此刻感到很快樂呢!

食完D蛋撻同忌廉筒,都唔好食,蛋撻冇蛋香，個餅皮死實實，個忌廉筒仲差，又硬D皮又帶鹹，一D都唔吸引,一句到尾，差

走在街上，炎炎熱火...呢間老鋪真係幾難揾，差D放棄，最後卒之揾到...係典型老鋪格局，殘殘舊舊，細細間...滿心歡喜買咗件雞批，揸上手仲有微温，餅面脆脆，感覺上應該可能OK...一口咬下，餅皮好鹹，餡亦好鹹，好失望...卒之食咗一半就放棄...>___<...十萬個唔開心..

look from the outside, it a very local, rather old fashion barkery. but their bread's quailty is way way better than a lot of other big names...quality wise, I think its the hong kong style mandarin cake shop..if you are the same as me, tired and fell up with maxims, taipan and all that chain store...then you msut give it a try..

其實我小時的幼稚園是在快樂樓上, 好多年無幫襯. 好掛住好掛住! 這年來開始幫襯了蛋撻. 好吃! 酥皮好鬆. 每次去到不知為什麼,總是剛出爐. 老闆也是超好人,不怕我煩~~浮誇的話不多說了. 我只知道蛋撻雖不至檀島,但絕對比太多的店什至金鳳好吃. 見快樂好像總沒\"名氣\",心裡有點不值呀!

因為在灣仔區工作，所以有時中午都會到快樂買麵包作午餐。我喜愛呢度蛋撻及紫菜肉鬆包。除此之外，呢度亦有$5三個迷你包，選擇有三款: 迷你吞拿魚包、迷你叉燒包，至於第三款係咩????因為經常沽淸，我都幾次買唔到，哈哈! 我都唔記得係咩添!

前排慕名去左快樂餅店..買左牛油筒同埋雞尾包...可能個牛油筒已經凍左所以個外層唔夠脆...但入面d牛油仲好滑好香...而個雞尾包o岩o岩出爐....d餡好香好好味....但可惜對於我呢d住新界ge人呢講唔方便...如果o係我屋企下面我一定日日去呀!!

個日行過呢度買左雞批同兩個包...雞批好好食呀，個皮好鬆脆，就算隔左夜叮番熱佢都好好食，好有雞味...唔...我覺得同pie and tart 的有ｄ唔同，不過兩度個都好味啦！仲有紅豆包，紅豆餡唔太甜，好多紅豆，好食過其他地方的紅豆包！最後個提子麥包就冇乜特別啦．．．．．．．

唔知係咪自己去得多d舊式舖頭幫襯, 部份人都唔會有太好既服務態度(我只係講部份不是全部啦)所以走入去都唔expect會有咩笑容/服務.估唔到昨日第一次入去買包, 位亞姐又有笑容又有好服務真開心. 不過老實佢地d麵包我就覺得麻麻地好味, 菠蘿包都ok, 蝴蝶酥就真係唔使試.

經老闆極力介紹,走到呢間好聞名的餅店,貪吃的我買了雞尾包和菠蘿包各一:雞尾包個餡好好味,好香,又足料,同埋個包身夠軟;菠蘿包層脆皮都好食,不過可能我食左雞尾包先,所以個菠蘿包食落好漏樣樣都賣2元,大件夾抵食

今日比老闆點左出街由銅鑼灣及灣仔中間行去灣仔頭，之後再去返銅鑼灣~著住對高跟鞋勁慘......正當自歎悽慘之際...突然比一陣麵包味吸引住～望左望～竟然見到好耐冇食過o既奶油卷筒！$2.5買左一個黎試～個皮已經林左少少～不過d奶油就好好味噃！夠香夠滑又唔太膩～最衰自己平時完全唔會到個頭，住得又唔係近～如果唔係我日日都會幫襯下呢間快樂餅店～快樂下啦！