快樂餅店 (已搬遷) 新店位置

我反而鍾意o既麥包，好細個果時以為麥包一定有提子，因為落麵包鋪買o既所謂麥包都係提子包，不過快樂餅店o既真係麥包，仲係又抵，又香麥味，又好咬口，仲唔會一啖咬落去就扁晒，雖然包仔細細，但係熱辣辣食完好滿足~

今日好想食,於是買左忌簾筒($2.5)..但亦都見到有老婆餅($3)..買埋~!忌簾筒個皮今次salty左dd,,哈哈!!似乎整餅師傅真係好隨意~! XDDD老婆餅都OK, 不過已經涼了~裡面冬瓜蓉唔係咁甜,fit for唔太好甜的人客而我食食下...竟然比我咬到冬瓜粒@o@! 因為好少會有粒粒咬下,所以覺得好特別=)

家姐見到食評讚忌廉筒, 佢又好鍾意食butter cream, 就央求我買個俾佢. 咁o岩呢排公司無咁忙, 所以有機會蛇過黎買. 要左個忌廉筒後, 見菠蘿包新鮮出, 忍唔住都買左個食. 忌廉筒$2.5, 菠蘿包$2, 取價合理. 菠蘿包個包身非常軟, 記憶中都無食過咁軟熟o既包, 可能同新鮮出爐有關啦! 菠蘿皮略嫌唔夠脆口. 下次會買無餡o既包試試.

^_^前言:由於本身特別對餅舖裡能吃的都十分有興趣.又於灣仔上學.於是search下有哪些餅舖位於灣仔.一search之下,發現了Happy Cake Shop 的評語...經過2個街口,終於比我找到了!咦? 都幾多人光顧喎!忌廉筒:過了一晚才吃.筒很有Denmark條味,而且好香酥味,又酥化!可惜不能齒頰留香. 與其Hard Cream一起吃,感覺..十分滿足.酥皮蛋撻新鮮出爐)一直以來,吃蛋撻時我喜歡吃餡後才吃皮.因為蛋餡美味之外,撻皮更好味~!回家後叮返熱品嚐~蛋餡唔錯,不過唔夠好味..食得出師傅好似整得好求其..撻皮咬落依然酥化,但..我食得出好重豬油味..唔...呢個分開食都係麻麻~試下成個食先..good,豬油味冇左,蛋味香左!互補不足.* * *p.s. 見到過去給此評過「忌廉筒」,於是專登走去買!因為小時很愛吃,但家下好少餅店有.同時見到好大好正既酥皮蛋撻..仲有好多我都中意..「意亂」之下..終於忍痛決定只買忌廉筒和酥皮蛋撻..

嚐過朱古力曲奇，今天再試埋另一主打「忌廉筒」。酥皮部份，香脆無比，忌廉量少，偏硬，但質感、味道、價錢都相當討好。夫復何求！？

前言：住合和途中，路經此店，遂試試馳名食品。食物和評語：朱古力醬夾心牛油曲奇餅（$2.5）：牛油曲奇餅部份，質素絕對係殿堂級：「香酥而不膩、鬆脆而不散」。「奶油酥麵糰」似乎係此店的強項！至於作夾心的朱古力醬部份，則因為用了廉價朱古力（或合成朱古力）的原故，相對之下略失色。註：裝修古舊樸實，沒有長長的人龍，店員笑容可躬，態度殷實客氣。跟中環「泰x餅家」和深水的「坤x糕品」這類人氣店相比，「快樂餅店」的親切感令我感染到‘快樂’的氣氛。好些人氣食肆的服務態度令我敬而遠之。正所謂：「人怕紅時，豬怕肥」。

美食焚化爐兄說我不吃麵包，其實當然不是，麵包吃了咁多年，簡直係可以話係伴我輩成長的食物，只不過平時太多其他野寫，才寫不到，難道不寫喜萬年乳豬去寫雞尾包嗎？尋日去吃馬拉王，心血來潮，順腳又來圓買個蛋撻吃。幫襯左呢度至少有廿幾年，因為呢度係以前返學必經之路。賣的是自家即製麵包，一日中有很多時間，都有不同的款式在新鮮出爐，好多時都可以買到熱辣辣的。吃了酥皮蛋撻，這裡的酥皮不是壇島有很多層那種，但都鬆化，勝在亦無咁油，2蚊一個，抵食。常吃的還有一頭醮了朱古力醬的曲奇餅及忌廉筒，都係便宜又水準不錯的。可能自少食慣熱辣辣的麵包，硬是覺得如果有自家焗爐的麵包舖，有熱辣辣的麵包出爐，才幫襯得過。