快樂餅店 (已搬遷) 新店位置

昨晚去開灣仔到此買了兩個鷄批(每個五蚊)俾林小B, 見到有芝麻麥皮豬仔包又買了兩個, 超抵呀每個只係兩蚊好過我自己焗。鷄批- 林小B見到勁開心, 佢話好食過批&撻, D白汁杰身, 饀料豐富；出面好多都水汪汪兼無咩味,有時仲食到有鷄粉味。芝麻麥皮豬仔包- 我今朝先食, 勁多麥皮, 雖然隔咗一夜但入爐焗一陣仍然好好食, 師傅拍包技術好, 中間唔會有窿，麵粉我無估錯應該係香港麵粉廠出，因為剛焗出來有陣麵粉味好似係呢隻。

有時朝早，已經買了早餐，但當我經過"快樂"的門口，嗅到那新鮮出爐麵包的香味，我的腳會自動步入店中，口會自動自覺的吐出"唔該一個菠蘿包，一個酥皮旦撻。"…唉，那天原本一早已買了的早餐，只好轉為午餐了。快樂的菠蘿包及酥皮旦撻，我愛死你們了！！！

昨晚放工後都已經19:30, 和林小B經過這間餅店就入內買了一個鷄批、一個曲奇、一個蝴蝶酥。鷄批- 買了即食, 饀料不似出面的水汪汪, 味濃不鹹不會搶走鷄味, 批皮很鬆, 但不是爛。曲奇- 第二朝都很鬆化。蝴蝶酥- 可能我都係第二朝先食, 所以外圍好腍, 但內裡仍脆, 糖不是落太多, 所以不會只食到甜味。

1月23日14:00得到專兄提示，便到香港公園影花花。隨後遊蕩到這裡，被店內的老餅吸引著了。既有久違了的蝴蝶餅，更有至愛忌念筒。因要留肚食正餐，祇好二選一。要了忌念筒：酥皮極鬆化，酥皮應用動物油搓成。那帶微黃的忌念，軟滑咸香，應混有牛油。以上配撘妙極，但追求食得健康之仕，會避之側吉。但我覺得偶然放縱一次，亦無妨。題外話：見到其他食評，忌念筒HK$2.5-，為何收我HK$3.8.-?????

好耐無過黎呢間老牌餅店買麵包食. 是日工作令到自己心情鬱悶,由公司出黎散下心時咁o岩經過, 就買左個雞尾包食.以前都講過, 呢度o既麵包包身非常軟熟, 不過是次食雞尾包就食到d個人唔係好喜歡o既香精味. 但係個雞尾餡就好好味, 總體都係一個笑面包包=>

聞名不如見面!放早工專誠走去食個波籮包,$2一個,新鮮出爐熱辣辣,size較一般街上買到o既細小小,o岩晒我喱D至在過口隱o既人.麵包相當軟淑,上面層野好鬆化,甜度適中,唔會好硬,亦唔會一咬就散開哂,真係唔知點可以做到咁.

行經呢度肚仔餓, 記得呢頭有兩間老牌面包舖... 搵到呢間快樂... 因為成五點半, 入到去差唔多冇晒d包, 心諗d包應該係唔熱, 但點都要買番個食下.. 因我好鍾意呢d老牌餅家.. 買左個菠蘿包. 諗住食個包算, 點知.. 俾我見到有d酥皮蛋撻.. 正!!!! 兩個唔該.. 一共只係6蚊雞, 出乎意料咁平.. 拎上手, 不得了, 個包仲有微溫, 蛋撻就仲係熱辣辣... 菠蘿包個皮仲脆, 只係面粉有dd, dd (羅)味.. 不過真係好小,ok.. 好味,蛋撻入口仲係辣咀架... 仲唔係放係電熱板果種熱而係新鮮出爐果仲.. 蛋漿唔太甜, 皮好鬆化.. 食得好開心..

平時係灣仔玩開~~~一肚餓又唔想食咁多野就會去呢間"快樂餅店"因為食左會快樂lor~~~係一間好舊式的餅店~~~蛋撻很香很好吃

因工作關係, 經常食無定時, 有時好多個鐘頭都無野食, 廿一世紀, 仲慘過打仗果時. 紀得有次餓到成兩點幾, 早餐\都未食, 就係行過快樂, 好快咁買了個熱辣辣的麵包, 邊行邊食趕去客人處, 就係咁記住呢間舖頭.今日下午有客改期, 所以五點幾好得閒, 在對面的客人處去買下午茶, 叫了蛋撻, 雞批及忌廉筒.蛋撻剛出爐熱辣辣, 香噴噴, 雞批亦然, 同金鳳真係有很揮. 忌廉筒就很少見, 見到大家在Openrice 推介, 所以買了一個. 但對於喜歡香滑軟熟的我, 卻不我的那杯茶, 中間的忌廉有點膩, 不知雪凍了會不會好吃呢?客人推介食雞尾及波蘿包, 我就相信無論任何時間行過, 都有新鮮出品供應.這類舊餅店已買少見少, 同樣的店舖我會推介九龍城的豪華餅店. 可惜Openrice 沒有紀錄, 誠屬可惜.

$5有３個，size唔係太大，外形有ｄ提子粒&紅色既櫻桃粒（罐頭雜果入面紅色一粒粒0個d呢）賣相幾好，又紅又黑咁，而且唔太甜，又平喎，值得買呀!

今日下午買左個蝴蝶酥$3.5及椰撻$2,兩樣都吾掂!好似擺左好耐咁,始終麵包穩陣d !

break time 時買左個雞批---皮超鬆化!雞粒有口感,有肉味!曲奇---吾掂!淋既!差!

我係附近返工，曾有一段時間，常常以佢的菠蘿包做早餐，我鐘意佢係新鮮出爐後，夠熱及軟熟，但我會選擇係買後，將個膠袋口微微打開(免有倒汗水)，之後等到佢差不多就黎攤到凍，但仲有微暖的時候(表面的"菠蘿"先至特別脆)，先至一啖一啖咁吞噬佢,wa...簡直係人間極品，皮脆包軟...其實最好係加多塊一片厚厚的牛油(仲係動物油)咁就為之"very good"。當然，要付出的代價係.... 增磅...

今日lunch專登行過黎買麵包,1點左右都幾虛堪,師奶客多;買左cream cone $2.5---有想像中咁好食,酥皮可以再鬆脆點,但cream都挺滑;雞尾$2 & 菠蘿包$2---菠蘿包同金鳳有得揮!軟熟+煙韌,極有口感,雞尾餡不過甜!好!旦撻$2.5---一般而已!咁既價錢, 超值!

經過此店，有舊式麵包鋪feel，好想買嚟 試試，就買咗個雞尾包，好軟熟，內裹嘅餡仲好香甜，好味道。