影片
更多
2006-10-22
31 浏览
食完EOS時間尚早,走上皇后大道東個邊行,途中見到呢間快樂餅店,原來就係呢度,決定行完大運返轉頭買包食。細細一間舊式麵包店,的確有好多款式選擇,剛剛見到菠蘿包出爐,即刻買左幾個,另外再買左幾款,滿載而歸。菠蘿包:熱辣辣一袋,一路坐車一路聞到麵包香,菠蘿皮好香脆鬆化,因為返到屋企已經散晒=p 麥豬仔:有別於平時所食豬仔包,麵包有質感有咬口,仲有粒粒麥粒,幾特別。腸仔包:包身甜甜地,同樣有質感,加埋腸仔當然好味,相信熱食會更妙,食一個都相當飽肚。蛋糕仔:個人好鐘意買蛋糕仔食,見到呢度有當然唔會錯過!蛋糕面有d脆,蛋糕心就軟,唔太甜,好過有d餅店淋pat pat,呢個好食。今次見唔到奶油筒,有機會再試其他;第一次行過時見到阿老闆,真係幾好笑容!只可惜到我買時,老闆應該係餅房整緊餅,緣慳一面哩=)
細細一間舊式麵包店,的確有好多款式選擇,剛剛見到菠蘿包出爐,即刻買左幾個,另外再買左幾款,滿載而歸。
菠蘿包:熱辣辣一袋,一路坐車一路聞到麵包香,菠蘿皮好香脆鬆化,因為返到屋企已經散晒=p
麥豬仔:有別於平時所食豬仔包,麵包有質感有咬口,仲有粒粒麥粒,幾特別。
腸仔包:包身甜甜地,同樣有質感,加埋腸仔當然好味,相信熱食會更妙,食一個都相當飽肚。
蛋糕仔:個人好鐘意買蛋糕仔食,見到呢度有當然唔會錯過!蛋糕面有d脆,蛋糕心就軟,唔太甜,好過有d餅店淋pat pat,呢個好食。
今次見唔到奶油筒,有機會再試其他;第一次行過時見到阿老闆,真係幾好笑容!只可惜到我買時,老闆應該係餅房整緊餅,緣慳一面哩=)
张贴
