快樂餅店 (已搬遷) 新店位置

剛放完大假返工，實在要感激在我享樂時哽埋我份工作的同事，所以在”快樂餅店”買兩打蛋撻和雞批請他們吃，聊表謝意！百物騰貴, 蛋撻售價都不例外，原本＄2/個，現已加價至＄2.5，足足加價25個巴仙，不過快樂出品仍然是區內好食兼抵食的下午茶佳品，所以仍會繼續幫襯。唐唐，蛋撻都加25%，出年我們的加薪幅度可否睇齊？

4:45 pm 人在皇后大道東, 好肚餓, 走0左0黎未試過但留意0左好耐0既呢度買包... 雖然明知巴士上唔應該食0野, 但因為實在太肚餓(lunch 食得太求其), 未返到屋企已經急不及待0係車上開0黎食=P菠蘿包($2) 唔係新鮮出爐, 不過買完等了10 分鐘巴士仍然微暖, 層皮好脆, 個包就好鬆軟, 如果加塊牛油就perfect 喇! 雖然個人覺得金華的好食d (金華0個d 層皮仲脆d), nonetheless 呢度的都好掂, 仲要咁平, 100 個抵食. 推介!心形的蝴蝶餅($3.50)賣相好靚, 質感好實, 食落好脆口! 聞落帶牛油香, 味道帶少少鹹, 配上面頭好甜的糖霜, 幾對口味. 兩樣味道都咁掂, 兩0野就食晒落肚!睇佢d 環境, 呢度好似好多年歷史咁...? 希望佢長做長有! 會再0黎食包!

As I lived in WanChai for around 10 years,I have been to there...I bought pineapple bun all the time.The taste is petty good....Their pioneapple bun has been serving me for a long period....I Love pineapple bun since i went to this store....Thus, i must go there as i go to Wan Chai...Their stuff is really awesome...>3333<I love bread because of them.....=v=

So far 我o係香港試過最好味o既硬豬.

今天有同事請食蛋撻，下午三點三，一個電話就送過來了，蛋撻熱辣辣，入口時尚覺不錯，酥皮超鬆化，可是蛋味稍為欠奉，只能給個90分，也算很不錯的了～

哇哈哈今日5點幾到去左呢度買個菠蘿包吃...估唔到暖笠笠架...咬落仲要脆到爆咋!!簡直令人振奮仲試左呢度既忌廉筒,原來真係幾咸下...我都冇吃哂成個呀

一間有人情味的餅店，裝修仍是八十年代，價錢也在九十年代(大約)丹麥條只買大三大元，正確係$3.20，老闆張貼告示話因麵粉及其他材料上漲，因此需加價$0.2 - 0.3

快樂的包包一向有保證，今次要了蝴蝶酥卻是一般而已，不太脆，下次都是吃包包。

响楊記行出嚟，天漸黑，快步走响金鐘方向，Olala，我嚟啦...經過Teresa Festival，心諗未試過wor，但醒起太太都未wor，留番下次先...經過呢度，又俾佢D包香吸引。上次幫襯時係下晝，估唔到咁夜都仲有出爐麵包...上次食咗個雞批後，一D都唔快樂，希望今次開心D啦...見菠蘿出爐，即買即食...皮唔算厚，但極脆，甜度剛好；包又極軟熱，實集所有靚pineapple bun元素於一身...對呢度要改觀嘞...只賣二蚊雞，好過食什麼山珍海味...

特登o係pacific place行去大熱天時真係............要左個忌廉筒同蛋tart都係$4.5真係好抵但我又唔覺得特別好食d cream係咸有少少唔慣有少少後悔買左添因為真係好多cream好多都lur左hahaha真係唔好意思....個老闆娘(?!)真係好nice唔似豪華餅店咁趕客o係灣仔呢d咁平咁舊式既舖頭真係冇幾間lu可惜唔近呀如果唔係都食多幾次

我的最愛：丹麥條$3.00在早上8:30 - 9:00 經常買到熱烘烘的丹麥條，這是早上最滿足快樂的一件事其他麵包都好好食，價錢還比其他店舖平

合桃杯戟$2.50 ~ 味道好甜喎,蛋糕一般啦.之前試過雞尾包,也是麻麻地.

間店好細, 但忌廉筒好脆好好食, 菠蘿包就麻麻地, cookies好大塊好鬆化好重牛油味~

上星期日行開灣仔, 經過皇后大道東, 就諗起快樂... 買左一個菠蘿包, 雖然凍左, 但菠蘿皮依然鬆脆! 味道同以前一樣咁好味!!

今日番晏晝更, 特登出灣仔食我最愛之一o既快樂餅店其實當時仲未食晏, o係好鬼熱o既天氣底下, 終於行到去喇(o係灣仔地鐵行去真係幾係野嫁)成身汗, 照計應該冇乜胃口。點知買o左個忌廉筒同埋雞尾飽，隔住袋一摸, 天呀, 雞尾飽仲好暖, 說時遲那時快, 一手加一口已經將半個雞尾飽ko o左。真箇係"又香又甜, 個個都想要"淨低o既忌廉筒同埋雞尾飽就當做晚餐, 忌廉筒擺到傍晚依然仲脆。冇o係灣仔做野接近一個月，今日黎食返灣仔的最愛真係百般滋味在心頭, 悔不當初.....最鍾意呢d老牌餅店, d麵包又新鮮又好味, 最緊要係平, 才5.5, o係美心都只係買到一個凍包....