忠記咖啡屋‧私房菜 (已結業)

食晏對我黎講的確唔鍾意太人多又要等好耐位既地方，今次又搵到間好食又岩曬我靜靜地既食店享受一下Lunch～呢間就係忠記咖啡屋私房菜！一聽私房菜以為價錢好貴，不過佢既價錢係好實惠，而lunch亦好抵食！避風塘炒米粉：朋友推介比我！一上枱巳經香氣撲鼻，上面滿滿既炸蒜，配埋超多款式既海鮮，有少許辣辣地，的確好符合避風塘呢個名，而米粉炒到夠乾身，又唔會成餅米粉咁，唔錯唔錯！而且份量唔細，不過好食既野就永遠多多都唔會夠既！而且呢間店好好，2:00PM後會提供任食是日精選糖水，而我呢日係超鍾意既咋喳，唔好以為免費野就會淡如水，真正既足料糖水，味道比得上出面甜品店$30先一碗仔既個d, 呢到仲要任添，見到店家既誠意爆燈！

有朋友介紹銅鑼灣忠記食中菜，佢食過好多次，今次終於黎到喇，星期四既晚上人客超級多，應該都係好野先咁多人食。叫左個涼拌，陳年花雕醉鴨舌$46，份量好多耶，食極都有，細細粒都有d 肉好有咬口，重點花雕味道剛好，好香不會苦，好味道。稻庭烏冬北海道帶子$40/1位，呢個係冷烏冬加左d青瓜、蟹籽、蟹柳，好日式，仲配埋個芥末同芝麻醬，估唔到係中餐都來個cross over，個帶子大大粒，有燒過表面好香口，肉質好鮮甜。茄汁爆原隻大虎蝦 (四隻)$150，超級大隻大虎蝦，差不多大半隻手咁大，熱辣辣又香噴噴，再加左茄汁爆一爆蝦，好惹味，蝦肉又實肉，仲俾埋刀叉比我地切開，so sweet! 酥炸美國桶蠔 (一桶)$168，有8隻，酥炸得好香脆，炸粉唔會太厚身，蠔味都好鮮甜同厚身，點埋少許醋，食落口都唔會好油膩，口感都唔錯！這碟桶蠔size大不在話下，連腥味也沒有！如果在醬汁方面加點辣也不錯。有海鮮當然不能沒有肉，招牌海南雞半隻$90，不愧是招牌菜，啖啖肉之餘，吃不到任何冰鮮味道。

朋友想食私房菜，經朋友介紹黎到銅鑼灣呢間忠記私房菜食，嘩，黎到人山人海播，好彩之後book左位，黎到就有位啦，我地睇完menu就不用煩，選左個2人餐🥰 $308 私房靚湯： 冬瓜豬骨湯，好清甜，個晚天氣好熱飲完好解暑！陳年花雕醉鴨舌：最中意食鴨舌，加左少量陳年花雕酒味道更上一層樓，但味道又唔會太濃烈，愈食愈滋味！稻庭烏冬北海道帶子（2位用）：呢度既招牌菜，大大粒北海道帶子，好有鮮味，倒了麻醬再撈埋稻庭烏冬一齊食，好滑身更加好味道！上湯杞子浸芥胆：清清地上湯浸芥胆，好腍身，帶有微微甘甜既菜味，所以芥胆用黎上湯菜色唔錯既選擇！野菌芥末安格斯牛肉粒：野菌好爽口，加上少許芥末味道有少少辣，令到口感及味道更佳，而牛柳粒亦都十分鬆軟和嫩滑，味道很惹味。生炒臘味糯米飯：個賣相好特別，糯米飯裝係印有福字既碗內好有特色，米粒生炒得很粒，唔會太軟，仲好多臘腸粒及蔥粒，好好食！精美糖水： 有好多類豆，各款豆好腍身，係甜左些少+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

朋友們介紹黎到呢間忠記咖啡室，驟眼睇名本身仲以為係一間傳統嘅西式cafe，但上到黎原來係簡約以紅白為主調嘅中式餐館。見到佢有個4人餐啱啱好，當然要試下！北海道帶子稻庭烏冬帶子好大粒得黎新鮮，配上同樣口感爽滑的稻庭烏冬一齊食相當match! 而且加埋青瓜同脆卜卜嘅蟹籽涼食更特別開胃~三扒兩撥就好快食晒了！金牌口水雞賣相非常討好，份量有半隻雞左右。夾一件雞件，加埋佢面頭嘅香料同底下嘅醬汁一齊食，麻辣得黎香口惹味又唔會太辣，而目雞肉肉質嫩滑無太多肥膩脂肪👍🏻鐵板薑葱桶蠔一上菜就聞到好強烈的香葱味，而桶蠔隻隻都肥美飽滿😍食落去面層略略煎至香脆而一咬開彈牙有肉汁，非常滋味！鐵板茄汁大虎蝦虎蝦足足有成隻手掌咁大隻😱 而且唔係雪藏係新鮮蝦，蝦殼唔會痴肉而且無霉味，肉質彈牙唔會難，加埋茄汁作調味非常入味😛香炒江南小排骨外層炸得入味香脆，面且橙香黑醋汁味道酸甜中帶有橙香，食落酸甜討喜，仲可以解咗油膩感，肉質厚度亦適中，軟嫩中帶著咬勁！生炒臘味糯米飯糯米飯炒得顏色均勻，米質也不太黏，油香得來又有蛋香，臘味切得細緻且充滿油香，配搭埋蝦米炒得相當香口👍🏻

喺銅鑼灣搵野食唔一定食得貴先有高質美食, 渣甸中心1樓呢間忠記為你提供優質私房小菜1968年開業至今, 歷史悠久清蒸沙巴龍躉叫左個海上鮮套餐, 加$30就可以升級至石斑或者龍躉, 新鮮即劏既海魚當然係清蒸最能嚐鮮, 蒸魚既時間拿捏得相當好, 食落去魚肉又滑又鮮甜多汁🤤菠蘿沙拉骨沙拉骨工序繁複, 喺屋企媽咪多數唔想整, 所以喺呢度食, 油鑊要夠㷫先能夠爆香排骨, 沾上酸酸甜甜既醬汁, 加上沙律醬, 真正色香味俱全👍海上鮮套餐仲會送埋老火靚湯, 清炒時菜同埋傳統糖水喳喳👍蔥花蝦仁蕃茄炒滑蛋 - $70炒蛋係小弟最鍾意食既小菜之一, 新鮮大蝦配上鮮甜蕃茄, 炒蛋非常嫩滑, 從相片便可見一班芝士餅 - $15加埋件芝士餅, 非常滿足既一餐😍

今日相約咗三位知己好友在銅鑼灣食晚飯，大家都想舒服地坐低一齊食飯傾計，於是就訂了一間私房菜。餐廳位於渣甸街既渣甸中心，交通十分方便，環境十分舒服闊落。我地一行四個人點咗個四位用既套餐。私房靚湯完全係媽媽老火靚湯嘅味道，粉葛豬骨清熱祛濕而且粉葛的纖維豐富，連湯同吃有助清理腸胃。豬骨湯清甜滋潤，非常棒！稻庭烏冬北海道帶子帶子兩面煎到金黃，外脆內生，非常鮮甜，一口一隻非常滿足，爽口彈牙既冷稻庭烏冬配上鮮甜既蟹肉蟹子沙律，作為一道頭盤，非常之合襯。金牌口水雞半隻皮嫩肉滑嘅雞肉，配上香辣嘅口水汁，一道惹味非常既菜式，令人欲罷不能。酥炸美國桶蠔原隻既桶蠔，經廚師巧手酥炸後，手掌般大既蠔，外面香鬆酥脆，里面肉質鮮嫩，值得一讚。茄汁爆完隻大虎蝦原隻虎蝦走油後保持肉質鮮嫩，再加上外面既粉團吸收了酸甜嘅茄汁，就是一道開胃鮮味既菜式。家鄉私房椰菜炒肉碎經大火乾炒後既椰菜味道鮮甜翠綠，加上微辣既肉碎，集色香味於一身。生炒臘味糯米飯經生炒既糯米變得乾身，粒粒分明而口感煙韌，再吸收了臘味既油香，雖然係細細一碗，但食完之後令人非常滿足。精美糖水一餐完美既晚飯，一定少不了精美嘅甜品，甜度適中，口感綿綿既腐竹糖水，就是

中菜有靚湯，又有風味有火喉嘅粉菜食，所以食野我多數都會簡D中菜館，等平時返工咁辛苦GE男朋友可以食餐飽飯XD放鬆下。忠記咖啡室私房菜於銅鑼灣近F出口，位置地段都幾方便，不過要上樓，唔係知架步GE人未必會知有呢間餐廳，但係呢度又幾旺場，相信應係係靠口碑。我地叫左個$308套餐黎食，事關望落都幾抵食，一個套餐有個靚湯、前菜、烏冬、兩個小菜、糯米飯，仲有糖水飲添，我地仲叫多左個炒生菜，追求均衡飲食呀嘛！先講個靚湯，粉葛眉豆豬骨湯，幾有住家嘅味道，飲落唔會覺得好口渴，應該無落味精，唔錯！岩哂我呢D平時少像湯水GE人。前菜係陳年花雕醉鴨舌，我唔食鴨舌，所以男朋友一個人自己清哂成碗，聽佢講話酒味好香，爽口入口，仲小小藥材味。涼浸浸GE稻庭烏冬北海道帶子，本身以為係主菜前GE，份量應該唔會好多，點知好似平時食正餐GE大細，認真誇張。帶子好鮮甜，輕輕煎過，所以外面有少少焦香，芝麻醬入面再加左芥茉醬，個烏冬同捐青瓜、蟹柳、蟹籽等撈埋一齊，好好食，同好涼快，正呀。2個中菜，分別香橙江南小排骨 同埋乾隆八寶生菜包。香橙江南小排骨，好食！小排骨入口啖啖肉，而且好彈牙！豬肉即叫即炸，上檯仲係出哂煙，而且脆卜卜，

平時朋友聚會都少食中菜，今次決定轉轉新意思黎到忠記食小菜!!! 忠記位於銅鑼灣，地點方便，位於一棟雲集不同食肆嘅大廈。忠記餐牌多元化，有好多菜式選擇，人多啲可以試多幾款。佢地仲有二人同四人餐，而且還提供私房菜呢，但私房菜要6位起~🔹私房靚湯: 粉葛赤小豆眉豆湯🔹有媽媽煲湯的味道，清甜少油，去濕一流!!!!🔹金磚豆腐🔹豆腐外皮炸得香脆可口，內裡非常嫩滑，令人一口接一口，好佩服師傅可以用嫩豆腐炸得甘好!!!!🔹黃金雞棒🔹雞槌炸到酥脆，有椒鹽，金莎同蒜蓉三個口味。最愛金莎雞棒，有香濃蛋黃味!!!🔹鐵板茄汁大虎蝦🔹上枱後，店員會淋上茄汁，好香噴噴，引死人!!!虎蝦好大隻，外殼嘅茄汁當然不能放酸甜開胃!!! 蝦肉爽口彈牙，而且仲有蝦膏，好正!!!🔹海南雞🔹招牌菜海南雞，差不多每枱都點的招牌菜!!! 海南雞已貼心去骨，雞肉嫩滑不嚡口，雞皮有啫哩層，爽滑唔油膩!!! 🔹燒汁和牛粒炒飯🔹炒飯粒粒分明同乾身，有和牛味，唔油膩，燒汁甜甜地，都幾好味!!!餐後仲有雪耳糖水潤一潤，甜度剛剛好!!!忠記仲可以book房食圍菜，一家人食飯食得好又有私隱!!!

我地呢個組合通常都係食西餐，一係就打邊爐，今次大家想轉轉，朋友就話有驚喜俾我地，食私房菜。呢條街好多手搖飲品，應該都唔陌生。上到黎餐廳係一間好普通嘅裝修，不過已經全場爆滿。4個人如果點餐無得選擇，於是就事旦幾道小菜。坦白講係好抵，6個人以上有好多餐可以揀。入面如果有唔啱，我相信老闆都可以改到。唔同嘅意義，都有得送，壽桃、酸薑紅雞蛋都有。先上湯，粉葛眉豆湯，好清，住家嘅味道，無味精味道，飲落好舒服，亦都係我地揀中菜嘅原因。呢個超有驚喜，蕃茄但配咗日式麻醬加芥末，唔會過辣，而且超開胃。金磚豆腐我地食到好滋味，新鮮整，豆腐夠滑，係蕃茄個醬千祈唔好收走，除左點喼汁，點呢個醬係首選，估唔到咁夾。3款雞翼，都幾香口，脆皮，食得出唔係翻炸，可以點小小店鋪特製嘅西西里醬。鐵板茄汁大虎蝦，上枱個刻再落茄汁，我地個個都忍唔住拎手機出黎影。啲汁落去後即食，蝦肉夠多夠鮮，點小小汁，係一流。黑蒜子上湯芥膽，啲配菜夠哂味，令到個湯夠味。菇係煎過先再整，好香口。呢個係招牌菜之一，海南雞，係無骨㗎，而且好嫩滑。旁邊係酸酸地嘅蘿白絲。仲有一碗和牛粒炒飯，濕炒但不過份。糖水係雪梨雪耳，好味，係一個完美飯局。等無咁多人先影

平時食兩碗飯先飽既大胃女王，今次都要投降忠記加啡屋聽個名以為係cafe 好彩上openrice 睇過食評先知係一間私房菜而且仲要係好大碟既私房菜令到出名大胃女王同事J 都要打包走第一道菜鮑魚撈起，佢隻碟佔了張枱3分之一真係無眼花，第一道菜已經強勢出現鮑魚很結實同時亦彈牙，口感一流五小福鸭舌用花雕釀造，特別香口入味溫室番茄大荳牙焗蠔，好厚肉，蠔味十分特出猴頭菇花膠雞湯，好多湯渣，猴頭菇好入味東江鹽焗雞，皮少少脆，雞肉帶有咸香蜜汁豬扒皇，好巨型，size 同隻碟一樣大蜜汁甜甜地好好味之後仲有杯茶消一消滯仲有甜品生果炒飯真係無論如何都食吾晒要打包

裡面既環境頗温馨 就算多人都唔會坐得迫住唔舒服既感覺 感覺乾淨企利😌第一道上既係豬肺湯 湯既味道清甜 唔會太鹹或清淡 完全唔係街上買既味精湯個種味道 而豬肺清潔得十分乾淨 肉食起黎唔會柴 🤔接續而來既係稻庭烏冬北海道帶子 我最欣賞既係呢道菜 因為烏冬既口感完全唔係冷藏或有酸既味 食落有D彈牙 而且帶子係外面燒熟但裡面依然保留帶子本來既鮮甜 再澆上加了芥茉既芝麻醬 互相配合👍🏾第三道係香橙江南小排骨 用香橙製既醬汁完全覆蓋係排骨表面 味道酸酸甜甜十分開胃 再加上橙肉🍊感覺更清新 而且排骨煎得外脆內軟 又唔會難嘴嚼第四道係鐵板薑蔥桶蠔 以鐵板上所以能夠保持温度之餘又避免左涼在之後會有油膩感 每隻桶蠔都好肥美之後就係鐵板茄汁大虎蝦 虎蝦每隻都有手掌咁大 加上肉質鮮嫩爽口 🍅🦐茄汁都與蝦都能互相配合得好 第六係金牌口水雞 雞既質感一D都唔乾同柴 仲好嫩滑🐓口水雞又唔會太辣 配料亦十分多 加上青瓜既爽脆 口感更豐富尾二既糯米飯既配料十分充足 飯既調味剛好 不會搶過其他料既味道 而且飯粒粒分明 口感極佳🤤最後上既甜品係杏仁糊蛋白糖水 個杏仁糊係即磨 飲落係食到杏仁既粒粒磨得幼細 好

平時如果多人食飯，通常都會揀大排檔或者點小菜，可以一齊share多幾款食物～叫咗個小食先，陳年花雕鴨舌 ($46) 酒味好香而且唔會太重，鴨舌食落好滑我諗喺呢度食嘅人，一半以上都有叫呢個海南雞半隻套餐 ($208) 連一個小菜揀咗粟米黃金班塊。海南雞都幾嫩滑，但係略嫌雞皮肥咗少少。同油飯一齊食味道唔錯。粟米黃金斑塊，粟米同滑蛋份量好多🥰 用黎撈飯係一流👍🏻 班塊味道都唔錯冇雪藏既味道。瑤柱肉鬆蒸滑蛋 ($68) 蒸水蛋係一樣好考功夫嘅餸！呢度嘅蒸水蛋係可以整到好滑，同埋水同蛋嘅比例係啱啱好，但係肉鬆就有少少過肥，用多少少瘦肉會比較出色菠蘿沙拉小排骨 ($72) 小排骨嘅醬汁酸酸甜甜幾開胃，因為醬汁偏酸，所以連埋沙律醬一齊食係可以中和返個味道，個人幾鍾意食呢個餸🤤

前幾日爸在生日 見佢之前講過話未食過私房菜所以就諗住帶佢去試吓！之後朋友推介呢間幾抵食 食物質素又唔錯 所以就要去試吓🙈餐廳位置都近地鐵站 一上到去全層都係間餐廳 所以啲位置都幾闊落👍🏻之後我哋四個人叫咗個私房菜套餐首先嚟嘅就係佢地今日嘅 白汁豬肺燉湯☺️好難得可以飲到豬肺湯 因為通常都要晒好多時間同功夫去洗個豬肺 但呢度嘅豬肺湯洗得好乾淨而且亦都好夠味👍🏻每碗都有一舊豬肺㗎🤤 落足料👍🏻飲完個湯就正式開始我哋嘅套餐啦！首先嚟嘅係 鐵板燒帶子配稻庭涷烏冬！粒帶子好大粒 而且外邊煎得好香 但入邊仍然有保留小小刺身嘅感覺 好鮮咩🙈個涷烏冬配埋芝麻醬同魚子一齊食 好開胃！之後就到 香橙排骨！每件排骨都掛咗啲酸酸甜甜嘅汁 就算係食緊肉都唔怕太膩而且個師傅首先將個排骨炸過 然後先至嚟買啲汁一齊炒 所以個排骨就有外脆內軟感覺 好有咬口🙈❤️之後就到 重口味嘅鐵板燒桶蠔！呢度嘅後門一隻都好大粒 好有肉地！而且佢用鐵板燒嘅煮法 令到每一隻蠔拎咗出嚟之後 都仲keep到佢嘅溫度👍🏻仲有我最期待嘅茄汁大虎蝦！雖然虎蝦一人一隻 但係佢嘅size好大 一定夠食😂另外蝦肉好彈牙 而且師傅唔會煮得太老🙈之後走到最後一

銅鑼灣都有出色既小炒, 價錢實惠, 質素都一樣好清蒸沙巴龍躉, 百幾蚊左右, 好大條, 魚肉雪白而有彈性, 蒸煮還原返魚既鮮味，一點腥都無, 帶出點點海水味, 薑, 豉油同蔥, 有佢地既加持, 能吃出魚味的精華, 口感嫩滑，讓人回味無窮, 沙拉骨, 叠成三角金字塔, PRESENTATION非常之好, 送上枱的時候已經聞到陣陣香味， 真是能做到皮脆肉嫩的口感， 一點也不乾身，入口還很有肉汁, 用千島沙律醬, 味道酸酸甜甜, 綠豆沙 , 香滑清甜, 吃到綠豆皮沙沙的口感, 滿足

對於私房菜的印象，一向是比較高價矜貴的。因為打算與家人於銅鑼灣用家，看到店名：忠記咖啡廳私房菜，感覺平民的咖啡廳x 私房菜，感覺很有趣！看看其他人的介紹，菜單有特色而家又很親民，於是決定一試！我們四大一小，點了四人餐，份量很足而且味道有驚喜！前菜：到庭烏冬帶子，帶子的賣相已10分吸引，配合烏冬及特製醬料，味道令人回味！海南雞：味道中規中矩也不錯！酥炸美國桶蠔：味道比較失色，吃不到好蠔的鮮味糯米飯：是這裡的名菜，做得出色椰菜炒肉碎：惹味的菜色有驚喜茄汁大蝦：新鮮不錯另外單點的壽包，兒子很愛