影片
更多
2019-05-07
1400 浏览
中菜有靚湯，又有風味有火喉嘅粉菜食，所以食野我多數都會簡D中菜館，等平時返工咁辛苦GE男朋友可以食餐飽飯XD放鬆下。忠記咖啡室私房菜於銅鑼灣近F出口，位置地段都幾方便，不過要上樓，唔係知架步GE人未必會知有呢間餐廳，但係呢度又幾旺場，相信應係係靠口碑。我地叫左個$308套餐黎食，事關望落都幾抵食，一個套餐有個靚湯、前菜、烏冬、兩個小菜、糯米飯，仲有糖水飲添，我地仲叫多左個炒生菜，追求均衡飲食呀嘛！先講個靚湯，粉葛眉豆豬骨湯，幾有住家嘅味道，飲落唔會覺得好口渴，應該無落味精，唔錯！岩哂我呢D平時少像湯水GE人。前菜係陳年花雕醉鴨舌，我唔食鴨舌，所以男朋友一個人自己清哂成碗，聽佢講話酒味好香，爽口入口，仲小小藥材味。涼浸浸GE稻庭烏冬北海道帶子，本身以為係主菜前GE，份量應該唔會好多，點知好似平時食正餐GE大細，認真誇張。帶子好鮮甜，輕輕煎過，所以外面有少少焦香，芝麻醬入面再加左芥茉醬，個烏冬同捐青瓜、蟹柳、蟹籽等撈埋一齊，好好食，同好涼快，正呀。2個中菜，分別香橙江南小排骨 同埋乾隆八寶生菜包。香橙江南小排骨，好食！小排骨入口啖啖肉，而且好彈牙！豬肉即叫即炸，上檯仲係出哂煙，而且脆卜卜，
忠記咖啡室私房菜於銅鑼灣近F出口，位置地段都幾方便，不過要上樓，唔係知架步GE人未必會知有呢間餐廳，但係呢度又幾旺場，相信應係係靠口碑。
我地叫左個$308套餐黎食，事關望落都幾抵食，一個套餐有個靚湯、前菜、烏冬、兩個小菜、糯米飯，仲有糖水飲添，我地仲叫多左個炒生菜，追求均衡飲食呀嘛！
先講個靚湯，粉葛眉豆豬骨湯，幾有住家嘅味道，飲落唔會覺得好口渴，應該無落味精，唔錯！岩哂我呢D平時少像湯水GE人。
前菜係陳年花雕醉鴨舌，我唔食鴨舌，所以男朋友一個人自己清哂成碗，聽佢講話酒味好香，爽口入口，仲小小藥材味。
涼浸浸GE稻庭烏冬北海道帶子，本身以為係主菜前GE，份量應該唔會好多，點知好似平時食正餐GE大細，認真誇張。帶子好鮮甜，輕輕煎過，所以外面有少少焦香，芝麻醬入面再加左芥茉醬，個烏冬同捐青瓜、蟹柳、蟹籽等撈埋一齊，好好食，同好涼快，正呀。
2個中菜，分別香橙江南小排骨 同埋乾隆八寶生菜包。
香橙江南小排骨，好食！小排骨入口啖啖肉，而且好彈牙！豬肉即叫即炸，上檯仲係出哂煙，而且脆卜卜，香橙味非常香甜，甜得黎唔會太Over，非常出色！
乾隆八寶生菜包，個肉碎煮得好入味，配生菜，再加少少烤鴨醬， Mix 埋一齊好好食！
家下係香港好難食到生炒臘味糯米飯，而呢度GE糯米飯煮得好香同好入味，入面有臘腸粒、蛋絲、蔥花等，D糯米飯粒粒分明，軟硬剛好，好有咬口，同埋好入味，食左半碗飯，姐已經係120%飽。
因為太飽，所以我地叫餐廳俾一碗糖水我地，上檯果時見侍應拎住個黑白奶杯黎，我地呆左一下，望真D原來係糖水黎，個糖水唔會太甜！今餐好滿足，男朋友即刻大讚我識貨啦！XD唔洗落廚都可以展現賢良淑德一面~哈哈！
张贴
