德美壽司

营业中

休息中

一人晚餐唔知食乜好，通常都揀食日本嘢，醒起厚福街呢間日本野都幾多人推介，坐吧枱用QR code落單!! 🔘三色魚生飯跟味增湯同沙律，刺身件件厚切鮮甜，有三文魚、油甘魚、帆立貝，仲有少少蟹子喺面，溫泉蛋撈飯加Wasabi豉油好味，滿足左我想食魚生嘅慾望!! 🔘燒雞軟骨/汁燒雞肝成日都想attempt雞肝呢個食材，發現唔同居酒屋做出嚟嘅雞肝都幾唔同，今次嘅雞肝係多醬汁甜甜的，外層有啲燒焦了嘅感覺好香口!!

德美已經食過幾次 呢個行動都似乎證明咗佢嘅嘢食有返咁上下質素少有地安排左坐bar枱，好有omakase feel 🧑🏻‍🍳睇住師傅密密做 好想快啲食鐵板牛柳粒濃濃牛肉味 yum 紫蘇沙追魚海膽天婦羅沙追魚同海膽勻埋就好似咸蛋黃，加埋紫蘇的獨特香味，外脆內軟煎鵝肝帶子卷鵝肝充滿油香，同爽脆帶子成強大對比，連埋上面的脆脆，多重口感盛合、活赤背壽司、芥辣八爪魚軍艦除左刺身夠新鮮，每件壽司飯都好紮實，食得出師傅的功架芒果味奶凍，完美作結

由於現今疫情關係，好多人都冇得返家鄉日本，我就掛念日本美食，一心搵搵日本餐廳就搵到尖沙咀H8既德美，於是就去食返餐日本菜。玉子壽司（2件）：玉子外面好有特色印有自己餐廳德美2字，玉子鬆化入口即溶加上飯非常夾又好食。花之戀：外表用上大大塊三文魚加上頂部有大量魚子望見已經流晒口水加上沙律醬一口食落去真係非常滿足。鰻魚扑葉飯：鰻魚飯食得多，但加上扑葉蒸都係第一次見，扑葉香味混係飯中香味撲鼻食落清香，鰻魚啖啖肉食到唔停手。最後走時發現外賣自取有9折，下次可以買返屋企同家人一齊食。

以前會成日嚟德美食，因為一嚟價錢配返壽司🍣嘅新鮮，值得食嘅，好耐無食過，一早都醒目知道星期六尖沙咀難揾食，一早去等位，首先入座時間係90分鐘，極速點左嘢食同枝酒，sake要佢座熱佢，點知真係座到好熱蕃茄豆腐沙律啲豆腐好硬，而且食物都無以前咁新鮮，都有啲乾睜睜！如果700幾蚊一位嚟講，我覺得依家質素大不如前，唔太值，立鮨會好過佢

去尖沙咀厚福街食lunch , 我12:00 入座，場內大把吉位。 坐在冷氣風口位置，我覺得好凍，我自行要求換位，長髮年輕女職員好無禮貌，黑面大聲對我說「呢度唔凍」，示意唔俾我換位。 而家我覺得凍，為什麼唔準換位？ 而且店內好多吉位，場內只有3 檯客。為什麼店員這樣沒禮貌？ 我很驚訝。 食物性價比高，上菜快，食品質素滿意！雜錦魚生刺身飯😋好好食，刺身材料很多，夠大件，性價比非常高！刺身有啲色澤看上去未夠新鮮，但幾十蚊一個套餐都算很優秀！ 蒸蛋好滑夠材料，麵豉湯沙律正常品質！Bar 檯師傅製作認真而且快手但侍應女職員如此惡劣態度就算食物好食，下次唔會再幫襯。 做日本餐廳，要有日本人最基本禮貌 ！ 惡劣員工只會破壞品牌，食物幾好食都無用。

德美的超然享受 bee bee: 首先帶眼鏡中年嘅同事禮貌非常好，會與客人傾談，我懷疑係老細😅1，士多啤梨汁鐵板鵝肝賣相清新，有綠葉襯托，鍾鵝肝煎得外脆內軟，再加埋士多啤梨汁點綴，帶出柔中帶剛，更加突顯鵝肝嘅味道。2, 汁燒帶子三粒帶子配上碎紫菜，每一啖都能夠食到唔同層次嘅味道。3, 鰻魚朴葉飯一個大木箱再配上朴葉嘅包裹，一大條鰻魚呈現眼前，已經非常吸引，加上蛋絲切得細條之餘，鋪滿整個飯，令你每一啖飯都好有滿足感。4, 燒雞翼脆口，咬嘅時候，肉汁飽滿，調味恰到好處。5, 黑豚串黑豚肉嫩口夠稔。6, 德美海膽魚生飯招牌德美海膽魚生飯，大大隻海膽真材實料，魚生新鮮，整體材料豐富，物有所值。最後送三色糕甜品非常好食，千祈唔好錯過，綠茶、奶、紅豆再夾埋芒果醬真係好夾。

尖沙咀有間日本餐廳向來都大排長龍，一直都好想試。剛好晚上到尖沙咀，我就去嚐一下😋。到步約七時半，已經座無虛席了！我們坐在壽司Bar，一邊看着師傅製作壽司🍣、一邊看着餐牌，最後叫了以下菜式：🐟🍚德美海鮮魚生飯 $172+🥣味增湯+🥗沙律店只先送來味增湯+沙律，味增湯好濃，青瓜沙律好清新😚。之後來了德美海鮮魚生飯 ，份量很多，有三文魚🐟、蟹棒🦀、蝦🦐、海膽等等，相當足料，而蛋上更有「德美」的字樣，感覺用心，吃完大滿足😌。🥢加洲卷 $49叫了一份加洲卷，很欣賞師傅分了分別給我們二人份量🥰。加洲卷包裹着青瓜、蟹柳等材料，外面有蟹子，感覺很Fresh，而且也覺得裡面份量十足呢😙！🥢鍋燒烏冬 $70以$70的價錢來說，鍋燒烏冬確是很豐富，有天婦羅蝦🍤、蛋🍳、蟹柳🦀、菜🥬、冬菇🍄、雞肉🐓、金菇，而清清的湯底也不會令人感到很口渴，而有種鮮味，配上烏冬令人食指大動🤩。埋單$320!以尖沙咀的日本餐廳來說，性價比也是很高呢，終於明白為何會這麼多人排隊！🤣

收工趕時間但又想食好啲，趁未到繁忙時間幫襯下德美壽司。原來外賣自取有9折優惠，真係唔可以錯過。海膽魷魚壽司魷魚爽滑彈牙，配埋鮮嫩既海膽，呢個配搭真係好正！燒雞軟骨賣相呈金黃色，食落爽口，香氣四溢。厚燒玉子呢個寫住德美既厚燒玉子係餐廳既signature之一，大件到一啖咬唔哂，玉子幾滑，凍食都幾特別。蒜片金菇炒椰菜估唔到係咁大碟，無論金菇定椰菜都好大塊，連埋蒜片炒到好香。三文魚茶漬飯想食得清淡少少，所以嗌左個茶漬飯。米飯吸收到湯既精華，都幾唔錯。蕨餅蕨餅煙韌得嚟甜甜地，最後食到個小小既甜品，正！

今日收工約左朋友系佢位於尖沙咀厚福街附近的公司食飯，後來上左去厚福街H85樓德美壽司🍣，我叫左一份野菜牛肉鍋，怕細份，所以加左碗鳥冬，嘩，服務員💁送過來時讓我有些驚訝🙀，原來好大鍋，旁邊一碗烏冬都系好大碟，自己一個真系食唔使，里面d牛肉好強，牛肉好淋，唔會硬，特別d湯好鮮甜，價錢好抵食；另外朋友又叫左一碟立魚湯稻庭烏湯，d魚湯好濃好鮮甜，份量都好大份，兩碟四個人都夠食，下次會繼續到德美食

早排想食日本嘢，朋友就推介我食「德美壽司」，話幾抵食而且都有幾間分店，例如觀塘、紅磡、大埔、沙田、將軍澳～上次我哋就去咗尖沙咀H8嗰間分店試吓喇～ 當日係平日夜晚6點半左右，唔使等位可以直入～坐低之後，店員就畀咗餐牌同QR code我哋，揀完就可以直接網上落單～•🥢 壽司盛盒 美 $228佢哋總共有2款壽司盛合，「美」呢款係平啲嗰款，包括咗吞拿魚、油甘魚、三文魚、池魚、帆立貝、熟花竹蝦、三文魚子、鰻魚同埋拖羅茸卷，總共9款壽司，仲有2件火灸咗「德美」2個字嘅玉子😋 啲魚生都切得算厚身，大部分都新鮮好食，質素唔錯🤤唯獨是吞拿魚赤身爭少少😬雖然無筋，但比較腥～•🥢 海膽軍艦 $69軍艦唔算好大件，但每件上面都有1.5-2片海膽，而且啲海膽食落都幾鮮甜，無腥味，質感亦都好creamy👍🏼•🥢 帆立貝刺身 $76呢個帆立貝刺身真係超級推介！🤩每件都幾肥美厚身，味道非常鮮甜😍🤤•🥢 燒牛舌 $43牛舌厚薄適中，有咬口得嚟唔會好韌，而且燒得好香，上面灑咗少少黑椒同鹽調味，咬落好juicy！🤤•🥢 溫泉蛋天婦羅 $50呢個溫泉蛋天婦羅就係貪得意叫嚟試下，可以一試，但未必會再叫第2次🤣 啲蛋炸完仲係半

之前同過朋友嚟，坐得舒服，今次再度光臨。6:30左右到，兩個人好快就坐低。限時一個半鐘，兩個人都OK嘅。人多啲就可能比較趕時間。用QR code落單，落完單後都好快就有野食，壽司上得好快。7:30後開始越來越多人，D位都坐得舒服，有足夠空間。員工服務好好，人手足夠，唔會覺得佢哋太趕。即使夠鐘都冇特別催。整體都非常滿意。兩個人食超級飽，仲有個海鮮煲冇影到相。海鮮煲就一般般，麵豉湯加啲海鮮，再加啲菜同粉絲。正正常常，唔係特別突出。呢個魷魚真係好好食

啲壽司唔覺得新鮮或好味，個擺設亦都唔漂亮。啲天婦羅雖然熱但係有啲硬感覺似用微波爐翻熱，啲炸蝦裏面有好細隻，好似啲雪藏蛤蟆麵豉湯同蒸蛋質素差過元氣壽司，麵豉湯太鹹，沙律放啲急凍三文魚仲係冰嘅，壽司醬都係過分鹹。啲鯖魚乾爭爭咁，又多骨，不過都已經係四個餐裏便較為最正常嗰個。好多人，仲要排隊，都唔知點解。非常之差應該係食材差/或者太多人食冇乜心機去準備，又出錯嘢，叫飯轉烏冬，又係比番飯我哋。響超級市場譬如Market Place , city Super買壽司都高質素過佢。要用QR code點菜，有一個set搵唔到叫個Staff幫手，佢叫我自己搵，我話搵唔到先搵你，佢好唔願意咁搵到之後，話嗱呢度咪有囉以後唔會返去食

今晚係尖沙咀行到攰，見到有招牌有間幾得意既名，叫德美既日式料理餐廳。於是我哋就去一試。我哋簡單點左幾款。首先，有三式魚生飯。刺身新鮮好味就不在話下。厚切刺身令魚味油脂更易從肉中滲透至舌尖。刺身肥美無渣。刺激味蕾。店家配上溫泉蛋，令滑溜既蛋醬沾滿白飯。蛋香加魚油香，雙倍滋味。口感甚佳。仲有沙律同湯一起而另一個日式醬油牛肉鍋。好正宗既日式風味。而日式醬油濃郁甘甜，正好帶出肥牛鮮美。而牛肉份量十足。配著疏菜及溫泉蛋食，飽滿度十足。最後，我哋仲叫左個冷面做收結。因為前面食左好多層次豐富既美食。想黎個簡單冷麵收尾。但蕎麥面本身富彈性既口感，令我停唔到口。加鵪鶉蛋的正宗食法，為鰹魚汁提升，令麵更易沾上蛋漿，口感更佳。整體而言，食物質素甚好，令我都幾鍾意

位於寶琳有德美壽司既分店😋😋 係商場轉彎位就會見到佢既蹤影😜 先前已前食過幾次黃埔店😋 覺得都幾好味。❣️#活鰻魚朴葉飯定食 💰$110 一開蓋就聞到好香既鰻魚味不過鰻魚偏薄，份量嚟講就唔算太吸引 ~ 而味道係不錯的‼️ 食既時候都要小心有短骨 😋 飯上鋪滿左蛋絲同鰻魚汁，幾啱送飯😝❣#油甘魚泡菜鍋定食 💰$90泡菜辣味夠惹味，湯底有點微辣，油甘魚份量好多，都有4-5舊😊 魚肉幾滑😋 配菜有娃娃菜、冬菇、豆腐同紅蘿蔔塊 ~ 不錯❣#燒雞翼 💰$25開邊雞翼，燒得好香😜雞翼底有好多黑椒，味道不錯😋🔺🔺🔺🔺🔺🔺🔺🔺🔺🔺🔺🔺🔺🐷味 道 : 🟡🟡🟡🟡⚪️🏠環 境 : 🟢🟢🟢🟢⚪️💰抵 食 : 🔴🔴🔴🔴⚪️‼️性價比 : 🟣🟣🟣🟣⚪️❣️整體評分 👉🏻 7.5/10-📍德美壽司 (將軍澳)將軍澳貿業路8號新都城中心1期地下99-100號舖🔺🔺🔺🔺🔺🔺🔺🔺🔺🔺🔺🔺🔺#hkfoodie #hkig #hongkong #hkfoods #foodie #foodpics #foods #hkfoodstory #hkfoodguide #hkfoodie #foodies #foodphotogr

平日放工去德美，都係要排隊，等左大約30分鐘有位。餐廳內面不算很大，但坐滿客人，十分熱鬧。看看餐牌，價錢比一般壽司店偏貴，單點左數樣壽司，三文魚口感略厚，食落有滿足感，其他的亦好有鮮味。另外叫左個蠔石頭鍋飯，蠔有點過熟，飯亦偏甜，感覺壽司比較好食一點。