德美壽司

营业中

休息中

呢到叫野食 啲野食非常快就上枱 所以可以食少少 唔夠先再叫 如果唔係就成枱都係野食 搞到無位食野😂😂燒牛舌 $43牛舌燒得好 出面有少少焦脆 咬落爽脆彈牙、肉汁爆曬出黎🥰🥰魚子蔥拖羅茸飯 $142味增湯＋沙律呢個都係經常食既 成個飯既配料都好夾 食完非常滿足😚牛油果沙律 $47比起以前細份左少少 但性價比仍然都係好高🤣洋風鰻魚班戟 $62呢個係每次黎都必叫！ 不過今次失準左少少 芒果酸左啲 都可能係唔當造 所以先搞成咁～味淋雞泡魚干 $60第一次叫 味道好惹味 一口接一口 好容易上癮 而且魚干燒到好淋 勁容易咬開！🤩🤩

食過德美好多次都係夜晚去 今日第一次去食lunch 發現佢嘅lunch set超級抵食 有主食沙律麵豉湯仲有甜品魚子蔥吞拿魚腩茸飯 ($93)吞拿魚腩茸新鮮無筋 撈咗生鵪鶉蛋增加滑 最驚喜係下便嘅飯撈左啲菇 配埋青瓜絲同蔥花超級夾 極上壽司定食 十貫($150)德美嘅刺身不嬲都唔差 新鮮 厚身 帆立貝同油甘魚最正！辛味櫻花天婦羅卷 ($80)其實都覺飽 但又貪心想試多樣 估唔到咁大件 啲飯嘅份量其實都有碗半 出面係薄薄一層天婦羅炸粉 最出邊嗰層飯有d煙煙韌韌咁 卷入面係甜玉子 上面有辛味角切魚生幾惹味 成件塞入口有唔同口感好特別

德美壽司有好幾間分店，之前試過另一間分店，記憶上都唔錯， 嗰時係外賣自取有九折，另外其中一間分店喺厚德街樓上， 晚市去到，超級多人，座無虛席， 連吧檯都已經full咗，等咗一陣先入座手機落單方便快捷，要留意嘅係，晚市有最低消費每人$120加州卷$49大大件， 入邊有蟹柳甜蛋和青瓜 而家天氣開始轉涼，除咗壽司之外，想食啲熱嘢，所以叫咗三文魚茶漬飯$53， 初頭以為好細碗，但係份量都ok， 煙韌嘅珍珠米配熟三文魚牛肉炒烏冬$83，好大碟，醬汁甜甜地， 口感濕潤，有很多牛肉

【尖沙咀】德美壽司位於尖沙咀厚福街嘅德美壽司，價錢親民，料理款式多，又坐得舒服，非常適合同一班朋友嚟聚餐。今次我都唔執輸，帶埋幾位朋友仔一齊嚟豪食。星期一7點30左右嚟到，基本上唔洗點等位。 ✨三文魚、帆立貝刺身兩款刺身都好肥美。✨海膽花之戀，海膽鮮甜美味，一次滿足兩個願望。✨池魚，新鮮，肉質爽口。✨秋刀魚，秋天當造魚鮮食材，呢個時候食到嘅秋刀特別肥美，唔點豉油食，更突出魚油甘香之味。✨火炙左口魚，油脂重，入口即溶。✨鵝肝壽司鵝肝煎至外脆內軟，咬落口時鵝肝嘅油香迅間滲入整個口腔，係當晚最想encore嘅料理。✨牛油果軟殻蟹卷牛油果新鮮而且係有少少油香味個隻(唔係cheapcheap無味牛油果），軟殼蟹好大件啊，有驚喜！✨日式煎餃子食嗰時餃子皮已經有啲淋，味道正常，不過不失。✨土佐豆腐酥脆內嫩，都係不過不失。✨鰻魚朴葉飯朴葉，係朴木嘅葉，有啲類似我哋嘅荷葉飯。呢個飯偏爛，因為個飯本身濕氣重再加埋飯爛，出嚟嘅效果非常怪，我地咁多個都覺得唔好食。附送甜品係紅豆糕。⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🐱總分：✨✨✨✨✨✨✨(7/10)💰人均消費：$230📍地址：尖沙咀厚福街8號H8 5樓⋯

今日放假一天，去左TST玩，晚飯係將軍澳呢間德美壽司食。其實佢唔係淨係得壽司食，有生有熟食。主餐牌有薄切刺身，空運直送刺身，其他刺身，壽司，卷物，手卷，丼物天婦羅，燒物，串燒等壽司壽司有我最鍾意食嘅三文魚,鰻魚同帶子，而且三文魚亦都幾肥大，都食到佢幾新鮮嘅.野菜牛肉鍋一上枱已經聞到香噴噴，食指大動。牛肉肉味都幾重但不肥膩👍，配上甜甜地嘅壽喜燒湯底，野菜種類多，有大蔥、娃娃菜、冬菇、豆腐和粉絲最後仲叫左個燒三文魚頭，燒得夠香夠脆又唔會太干

今晚搵食到德美壽司。呢度算係尖沙咀地段少數又唔貴又好味嘅日式餐廳，環境相對地熱鬧，有啲似居酒屋風格，同三五知己一齊飯聚就最適合。菜單方面都應有盡有，真係好想每個種類都試吓，可惜我個胃同銀包一樣咁細XD最後點咗壽司、串燒、天婦羅、石頭鍋飯。壽司盛合 美池魚、帶子、三文魚、車海老、油金魚、赤身、三文魚子、鰻魚、京葱拖羅蓉小卷。每件都鮮味十足，唔係連鎖店貨色或者腥腥壽司。串燒牛舌幾乎每次都會點，最欣賞係皮脆肉彈牙，牛味夠濃，只係太細份唔夠喉。溫泉蛋天婦羅軟綿綿嘅流心蛋外層包住脆口嘅天婦羅炸粉，唔油膩，蛋味香濃，手工一流。廣島蠔石頭鍋飯我自己嘅食法係將南瓜、里芋、紫薯等野菜連同醬油完全攪勻融入鍋飯當中，別有一番風味。而蠔嘅肉汁鮮味都有留在鍋飯入面，相當出色。餐廳服務都好周到，加茶收碟時間掌握得好，最後甜品三色糕係餐廳送嘅，紅豆、椰汁、抹茶，上面有芒果醬，好滿足。

朋友推介德美壽司好耐, 今日去尖沙咀決定一試，地點向厚福街H8五樓, 朋友話不論魚生同熟食都好有水準, 於是叫左以下幾款有魚生飯／串燒／ 卷物／軍艦1) 德美海膽魚生飯 $172 - 呢個價錢食海膽真系算好抵, 仲要海膽新鮮甜美唔會有腥 ， 仲要記住個飯系唔使$200， 仲要跟左個味噌場同沙律， 真心推介(2) 串燒: 叫左黑豚串$51， 燒雞翼$25同雞腎$25， 黑豚肉爽口同好有豬肉味, 可以一試🐖(3)卷物／軍艦:  介辣八爪魚軍艦有兩件$33，介辣加八爪魚非常岩味， 中意介辣味的人必試,而蔥拖羅茸卷$96覺得系全晚重點，拖羅茸在卷內及卷上面都有， 真系大滿足🍣朋友果然好介紹，兩人埋單都不過$450， 勝價比高 ，必定要再黎試埋其他野，早ｄ黎等位， 或者可以外賣自取返屋企慢慢食， 仲要有九折真心抵。

德美壽司愈開愈多分店，好吸引！當然要食下！😬😬1.三色魚生飯，配沙律、味噌湯 $132三色魚生飯有三文魚、油甘魚同帶子刺身，刺身份量、厚度都足夠。三種刺身都夠鮮甜，唔洗點豉油Wasabi都好好味😋。白飯有少少醋味，中間仲有個流心蛋，蛋黃漿撈飯食真係一流！😋2.蟹子沙律 $53唔細碗！蟹子、蟹柳份量都好足夠。一個人咁樣食，埋單只係$204，都已經好夠飽，真係大滿足！😋外賣自取仲可以有9折優惠添！😀

同朋友仔喺尖沙咀行完街想食壽司，佢就建議試下食德美，餐廳環境舒適闊落，坐低慢慢傾計都得。✨明太子茶漬飯冬天天氣咁凍，食返碗熱騰騰既茶漬飯成個人就會暖翻哂！🥰🥰明太子濃郁咸香，配上清清地既湯底，兩者加埋岩岩好唔會過咸。飯選用左珍珠米，粒粒分明有咬口，如果飯量可以再多一啲就更好了！✨牡丹蝦壽司、甜蝦壽司、花竹蝦壽司自己好喜歡食蝦，所以特意點了這set以蝦作為主題的拼盤，拼盤包括三款壽司和一件唐揚蝦頭。牡丹蝦夠新鮮一啲都唔腥，肉質爽嫩。花竹蝦口感爽彈，食到鮮甜味，咁多蝦壽司當中最喜歡這件！估唔到蝦頭都可以成為一道菜，蝦頭炸到好脆身，食落香口惹味，有驚喜！最後是甜品，食落似是椰汁紅豆糕，甜甜地味道也不錯！

之前係尖沙咀番工，午餐成日都會去德美，之後轉左office 無得食，今日過開尖沙咀就去回味下😊 一出lift 就見到日式嘅設計，即刻舒解左無得飛日本嘅情緒。 枝豆 唔知點解我好鍾意食枝豆，看似普通，但係又唔係每間日本餐廳都會整得好食。 哩度ge 枝豆唔會太咸，又唔太淡。👍🏻👍🏻魚子蔥拖羅茸飯 哩個係我嘅首選，勁粉嫩嘅拖羅茸，食落口好豐厚嘅感覺，每次都會引唔住order. 三色魚生飯 有三文魚，油甘魚同帆立貝，款款魚生都係厚切，色澤均勻，有新鮮嘅食材，就已經贏曬👍🏻 豚肉炒雜菜唔會太油，豚肉份量都好多！ 因為性價比高，成日都要排隊，我每次都會book 定先去。 今次去仲見到外賣自取有9 折，咁係屋企都可以食到豐富嘅魚生飯🥳🥳

聽過德美這間壽司店很久，前排終於有機會約朋友去。晚飯時間都幾多人，好彩book了位，等一陣就ok～除堂食錢合理外，他們外賣原來都做緊9折！個人覺得他們的熟食的確不錯，幾用心製作。🦪廣島蠔石頭鍋飯面頭的廣島蠔非常大大隻，味道好香好creamy ，飯撈了好多燒蔬菜，有南瓜、芋頭、蕃薯粒，款款香甜，口感好好。旁邊還起了些飯焦呢～另外韓式泡菜豬肉鍋🍲酸酸的、少辣，入面多菜 ，有粉絲、泡菜、金菇，還有肥瘦均勻、薄片彈口豬肉，味道不錯！另外可以+$10要埋豆腐，+$20亦有幾大份量嘅烏冬，撈湯食入味+彈口仲有即點即整的蟹肉蟹子軍艦～夜晚去食仲有甜品送😍

尖沙咀厚福街8號H8一直都有好多美食，今日想食壽司，就選擇黎德美，原來外賣自取有9折。呢度係掃QR code 手機落單既。今晚要試新野，揀左啲完全未試過嘅菜式，包括兩刺身同一客飯。日本空運直送真蠔 $59 另加一廣島真蠔拳頭咁大，又肥又多汁。上碟前已經配以少量柚子汁去腥味。日本空運直送石垣貝刺身 $68 另加一石垣貝一貝切開兩片。味道鮮甜，口感爽脆，食幾多碟都唔會覺食濟。果然空運直送，同海邊食差唔多。鰻魚朴葉飯 $100 另加一鰻魚朴葉飯大大盒绝不欺場，原條鰻魚一共十塊，鰻魚好厚身，咬口一流。日本樸葉陣陣清香，同我地荷葉飯差不多。配蛋絲同一大盒珍珠米飯，適合兩三個人分享。仲跟一碗味增湯。今晚我最鍾意既係石垣貝刺身！

之前已食過德美壽司，近排開始轉涼，急不及待點了兩款鍋物，另外在自助落單時各追加了一份烏冬（$30@）。野菜牛肉鍋（$78）一上枱已聞到香噴噴，食指大動。牛肉份量多到你唔信，牛肉味都幾重但不肥膩👍，配上甜甜地嘅壽喜燒湯底，野菜種類多，有大蔥、娃娃菜、冬菇、豆腐和粗粉絲，喜愛吃時用烏冬沾上面頭的窩蛋吃，好滋味！風味海鮮鍋（$98）呢個湯底無牛肉鍋果個咁濃，湯底清甜，海鮮配料都多，有海中蝦、帶子、魷魚、蜆、魚鮫、蟹柳同獅子狗及一些配菜。最後還送上一份甜品-三色糕，由綠茶、牛奶、紅荳組成，配上甜甜的香芒汁，為這頓晚餐畫上完美句號😎

之前都係同同事黎食午餐，好抵食，宜家外賣自取９折優惠，不過ＯＴ完好夜又拎返去又遠，都係堂食算。🥢自家製燒腐皮餃子🥢 $50腐皮勁脆，椰菜豬肉餡，菜肉比例各半，一定要蘸酸酸甜甜既醋，好開胃。🥢三式壽司🥢 $92有海膽壽司、三文魚子壽司、蔥拖羅茸壽司，一定要食海膽，好新觧，好甘甜，入口即溶！🥢牛肉炒烏冬🥢 $83原本係想食刺身丼飯，但係見左右兩枱都叫左呢個烏冬，份量好多好似好抵食，但係忘記左今日一個人黎食，完全食唔哂啊！用左比較瘦既肥牛，唔老唔鞋，烏冬就用左讚歧烏冬，好有嚼勁，仲有椰菜紅蘿蔔菇菌絲，味道就偏甜左少少，一個人食會有少少膩。

網評几好試下先#個樣好新鮮飯後感：🙃🙃🙃1/吾明點解第一樣野係上烏冬，本身啲牛肉未完全熟透，雖然無話要食咩野先，但我覺得食咗熟野先食刺身壽司好怪喎！🥶🥶忍住無食，最後啲湯變得勁少，牛肉變左全熟，烏冬變左一餅野，同埋個牛肉烏冬好普通2/ 蒸旦，偏硬吾夠滑身，但足料，冬菇粒，豬肉粒，蝦，仲有粒吾知百合定白果嘅小東西，係味道都ok，旦味吾太重3/ 壽司有驚喜🤩平時食開千両同壽司郎，第一件試左魚子先，啲紫菜係脆嘅，魚子新鮮係爆汁，飯係手握！正....😍😍吞拿魚蓉食到魚油，飯吾係大大舊，相反刺身大過舊飯1/3，其他都新鮮，不過本身麻麻地熟蝦同帶子，吾識評4/ 本身以為黎晒先post相，佢突然比左碟野我，原來係甜品，剛坐低見隔離台係抺茶正方形果啲（吾知叫咩，但我吾中意食痴笠笠嘅嘢）我個甜品係牛奶加左芒果醬吧奶凍其實我都吾食奶又吾食得芒果，食親都胃痛同皮膚敏感，但個樣几吸引都試左，都好食喎！奶味都好夠，係芒果汁有啲吾襯🤫🤫🤫🤫🤫🤫🤫🤫最後，呢個吾係廣告，自費個人午餐節目$100食物同價錢成正比😌😌😌😌樓下原來有廣告牌