德福閣

营业中

休息中

朋友介紹旺角仕德福酒店的自助餐‎價錢親民又多選擇，今天就約了四位閨蜜來試試，順道交換聖誕禮物。平日中午每位 $138 再加一，以為食物跟價錢成正比，怎料第一眼望見餐檯，各種食物，琳瑯滿目，由沙律、日式冷麵、壽司、生蠔、沙律蝦及多款前菜小碟等，真是比預期多。 德福閣供應任食生蠔，美國生蠔的海水味較弱，但非常肥大飽滿，入口 creamy，而且不斷供應，如果不食生蠔的朋友也有選擇，德福閣有提供美國芝士焗蠔。 熱葷方面有南乳烤雞、日式海鮮蒸蛋、麻辣肥牛、鹽燒豬腩、臘肉炒菜、蓮藕炆腩肉及燒排骨等，味道不錯，尤其麻辣夠香，蓮藕炆腩肉夠入味夠火候。還有滑雞臘鴨蒸飯、冬菇雞粥及肉絲炒麵，麵炸至脆卜卜，配豆板醬，正宗做法，誠意可嘉。即製湯麵可選清湯或叻沙湯底，叻沙湯底很惹味。 甜品選擇豐富，即製班戟可選香蕉、提子乾、忌廉、朱古力醬等，我就加了杯朱古力雪糕，好美味喔。 以一百多元來說，這兒真是抵食又不少選擇，若果你是生蠔控就更加滿足了。

初時對德福閣有點陌生, 當到達時發現, 上次是媽媽帶我來食自助餐的。門一開已被眼前的朱古力噴泉及雪櫃的甜品所吸睛; 男職員憑度非常友善及快捷安排座位...我的自助餐開始😋"美酒芝士焗蠔" 酒味應已經全部蒸發, 大大隻的蠔肉加埋殼內焗至微脆的配料, 今次較少食蠔的我, 竟然連續食了4至5隻。不知何時, 女服務員已放了一碟加送的好大隻大頭炸蝦配薯蓉, 驚喜在連蝦頭都好脆, 差不多食了半個蝦頭。 另外山楂紅棗炆豬手, 椒鹽泥鯭, 鹽燒豬腩好好味。重點一定要食生蠔, 肥美外完全無海鮮的腥味, 超滿足的美食, 餐廳擺滿好多較剪方便食蟹鉗, 感到好暖心。佛手瓜中湯, 雜菌忌廉湯好香濃。晚上約8點燈暗了, 發現廚師火中煮火煞蛋糕, 香燈酒味蛋糕超好食; 燒菠蘿, 魚生, 壽司...好多選擇。差點忘記食最愛的甜品, 朱古力噴泉生果, 棉花糖; 日式和菓子, 雪櫃內的多款甜品, 一次吃晒佢,雪糕食左紅豆同朱子古力味。 之後一杯維他命水及雪糕。今次食到晚上9點幾; 一定會再來, 下次帶媽媽一齊狂吃。

今日難得可以同男朋友出全日街拍下拖，所以早一星期就上網訂左呢間酒店既自助餐。上網睇既食評大部分都係讚讚甘今日就一於試下啦，Openrice coupon同滙豐卡都有85折咖。所以300蚊以下就食到既自助餐，仲有生蠔長腳蟹喎，抵啦！我地6點3就去到啦，酒店都吾試難搵既，洗衣街公園旁邊一直行係你既右手邊就到啦！入去酒店，左邊有樓梯，上去就見到，因為搭𨋢等好耐。其實都係上一層，行上去仲快餐廳用餐區吾會好大，食物區係中間。由於座位吾多，吾會好多人搶，爭，迫，亦無fill吾切既情況！餐廳入座就送炸蝦🍤食物方面就繼續睇下面啦👇🏻👇🏻👇🏻凍盤區：生蠔，凍蝦，青口，蜆，長腳蟹生蠔雖然吾係即開，但每一隻都好大隻！手板甘大咖！食落係無海水味，但蠔肚身脹卜卜咖！一啖成個口滿哂平時啲生蠔甘瘦，食一打都未滿足。呢度，我食左4隻已經好滿足呀。。。真係好！大！隻！凍蝦我覺得一般，好多都霉咖。所以吾食也擺。長腳蟹就味道較淡，吾會好咸，但好新鮮，啲肉係離殻既。不過都吾算好大條，細細條甘。。仲有蜆青口甘沙律位:無羅馬菜，得西生菜🥬，有紅菜頭，粟米，車厘茄甘，仲有火腿，沙律小杯等等常見既沙律，吾算好特別熱盤：魚，田螺薯蓉，

臨到聖誕 特別想大食一餐😋 今晚少少哋食住個平平哋嘅buffet先 hahaha😝 見到德福閣出咗個冬日美食海鮮buffet 有生蠔松葉蟹😙 好似又平又抵咁 就同朋友去食餐飽飽先😙去到餐廳見到裝飾已經好有聖誕氣氛 可以坐窗邊望下街景😛 食物既種類唔算話十分多 當然不能與高價buffet去compare啦😙 但當晚見到刺身生蠔都係不斷refill 食到最後都包唔洗同人爭😙✋️三文魚刺身非常厚切😲 高價buffet都未試過咁厚！😲 識揀梗係揀魚腩位置 魚油多又肥美 超好味呀😋😋 生蠔係職員係入面開咗 然後攞上枱既！ 食落唔腥 但海水味不濃🤔 要落啲檸檬汁同佢自家制嘅醬汁/辣椒仔 幾好味😛 生蠔嘅size都幾大 食落好滑！$300既buffet cp值算高了！😙😙😝不過我覺得焗蠔就唔夠生蠔好食 焗蠔無咁大隻😛 同太多忌廉啦 冷盤仲有好多cold cut同沙律 選擇都幾多元化 連巴拿馬火腿都有😙燒牛肉 包都好靚 近邊位牛肉味會濃啲！熱盤我就無咩點食 專攻dessert😛即焗梳夫里 好有蛋味 最適合配vanilla雪糕 食既時候比較易塌🤔即製pancake香蕉🍌朱古力忌廉無得輸😋 香蕉好甜 加埋忌

太耐無食自助餐喇，見到呢間德福閣價錢好合理，就約左朋友黎食喇！星期六嘅午餐時段可以由早上11:30食到下午2:30！3個鐘真係好足夠而且酒店係旺角真係好方便，食完落去就可以即刻shopping喇11:45左右去到，見到已經有好多人開緊餐，由於就快聖誕，餐廳都佈置左聖誕裝飾，好有氣氛食食下仲越黎越多人！我諗一定要book位先可以食喇食物主要放在一張大長枱上，很集中，老人家出去拿食物都好方便，唔駛走黎走去餐廳食物種類都ok, 我個人認為主打應該係生蠔同焗蠔！兩款蠔都好大隻好肥美！而且仲有廚師不停refill, 完全唔駛驚唔夠食我眼見就算只係被人夾左幾隻，都會即時fill返幾隻，真係越食越有沙律吧甜品嘅種類都有好多！螺絲粉沙律，海鮮蒸蛋，火腿，三文魚刺身，生蠔，焗蠔，日式茄子蒸蛋夠滑生蠔大隻肥美焗蠔熱辣辣，芝士味濃冷盤日式茄子有木魚絲係面，配合日式醬汁好好味三文魚超厚切雲耳，臘味炒西蘭花椰菜花，麻辣蘿蔔肥牛，燒雞，中華沙律，沙拿美腸配蕃茄雲耳酸酸辣辣，好開胃西蘭花及椰菜花用很多臘腸臘肉黎炒，好香口麻辣蘿蔔肥牛，睇落普通，食落麻辣很惹味估唔到自助餐都食到麻辣風味沙拿美腸較咸，配蕃茄片一齊食，好

早前上網睇到旺角有間食自助餐又抵又幾多嘢食，仲有11月份生日嘅客人仲可以有生日蛋糕一個🎂(每6位或以上顧客惠顧，可享一位生日客人免費🤤)，於是今日就約埋朋友一齊去試下。🍽🤗餐廳位於旺角豉油街仕德福酒店，原來都幾多人食，全場爆滿，好彩一早上網訂左位啫。😄😄😄海鮮同刺身種類都好多，有我至愛嘅生蠔同長腳松葉蟹🦀。生蠔每日新鮮運到，隻隻鮮甜又肥美，正👍！仲有藍青口、凍蝦🦐、大蜆、日式刺身(三文魚、鱲魚、八爪魚)、煙三文魚拼鮫魚🐟。其他仲有煙鴨胸🦆、各款凍肉、鹵水鴨、沙樂美腸伴鮮茄🍅、燒菠蘿🍍伴凍蝦配乳酪汁、芝麻味螺肉🐚、自助沙律吧🥗、中/日式冷麵、雜錦壽司🍣、亞洲小食、淮山杞子浸鯇魚🐟、法式薯蓉田螺、人參紅棗燴牛腩、吉列墨魚餅拼多春魚、麻辣煮蜆、香茅豬扒🐖、洋蔥煙肉芝士焗蠔、海鮮焗釀扇貝、泰式炒河粉、臘味糯米飯、當歸杞子蝦米浸冬瓜、金銀蛋肉鬆浸芥菜等等。除左以上食物之外，仲有大廚即切燒牛肉🐂，同埋好少食到嘅即製米紙焗雲吞碗仔翅盅，好好味，我自己都食左兩盅！😅😅另外每位客人都會送一客吉列虎蝦伴鳳梨酸甜汁🦐🍍，金黃又鬆脆，加埋鳳梨酸甜汁，酸酸甜甜，味道相當唔錯！食完主食，當然唔少得甜品啦，甜品種類

約了友人到旺角後才慢慢坐下來想想吃什麼，要抵食、自助餐仲要酒店級數，最緊要坐我舒服， 簡選了《德福閣》。地點位於旺角地鐵站E2 出口步行10分鐘內。 我們吃下午茶時段，所以人也挺多但有秩序地排隊，最怕就是推撞，影響食慾！ 食物有海鮮 青口、蝦！ 鮮甜又厚肉，吃了幾轉！湯就有蜆+ 豆腐～有多種配料粥配料選擇，個人喜愛雞同魚啦，粥底又夠熱！ 甜品選擇也有很多而個人喜愛楊支甘露，仲有果肉！ 還有提供麻辣—豬紅等... ！ 辣度正常！如是者，2小時的用餐就過了！ 太快了吧！

一分錢 一分貨。平係有原因。試一次就夠了。冇野食。全部平價野。係有新鮮生豪但吾多好味。食到有殼。而且一出就比人拿灑。而焗生豪係將啲細豪屎擺落重用嘅生蠔殻入面加白汁同芝士焗。有下欄的炸三文魚骨。街市買十元一大袋。仲有炸朱扒。咖哩雞塊。鴨片。中菜。有沙律bar。有紅菜頭。粟米粒。罐頭蜜桃.甜點西餅冇樣好食。有雀巢雪糕杯. 超淡味芝士蛋糕。有個朱古力噴泉點生果及餅乾🍪 飲料款式好少只有咖啡機同溝糖水嘅橙汁。

最近工作十分忙碌好耐都冇見過小鮮肉老公🥳所以我哋決定慶祝一下食好啲～去食個平＋抵的下午茶buffet！～呢間酒店喺旺角地鐵站隔離非常方便！一入到去就見到一個裝滿晒蛋糕甜品櫃！每一件蛋糕都細細件～非常精緻！熱食大約有四至五款～而且不斷會轉新款😍竟然有乾燒伊面食🥳人妻就最喜歡澱粉質～炒得乾身唔會太油膩～竟然有北京填鴨食～將餅皮配上鴨肉青瓜同醬汁！😍幸福就係這麼簡單囉⋯⋯小鮮肉老公就見到有熱狗食～配上青瓜蕃茄＋大大條腸腸⋯⋯下午茶就這麼簡單🤗想食粥仔的話亦都可以在粥位，寫低喜歡的配料，轉個頭去攞就得架啦⋯⋯小鮮肉老公好識食揀咗蠔仔魚片！大約有五粒蠔仔非常多，10分鮮味😝水果吧非常新鮮～最好食絕對係個西瓜西瓜🍉好好味最開心係有新鮮嘅葡撻出爐～真係熱辣辣新鮮焗起架！拍得住知名麵包舖焗出來的！撻皮做得好好～鬆化，層次分明，蛋味香濃，甜而不膩😘😘😘雪糕區係一杯杯的雀巢雪糕，又乾淨方便👅而且仲有好多味道選擇架！總括來講❤️今次實在太幸福而且又平！工作咁辛苦一定要對自己好啲～呢啲平靚正嘅酒店一定要食多啲

星期六晚二人食自助餐，生蠔新鮮大大隻，供應快，長腳蟹腳初頭適中大，但中段時蟹腳比較幼，蝦甜而爽，仲有樽裝可樂任飲，可以沖檸樂，有即焗梳乎厘，但每次得十幾個，要食就要排定隊，熟食吸引力一般，只係食左少少熟食，豬扒有點硬，環境乾淨舒適，雖然地方不算大，但枱與枱距離不會很近，亦不會很嘈，服務態度很好，收碟很快，用匯豐卡埋單折左五百幾兩人，可以食到生蠔+蟹腳已經覺得很值。但酒店沒有停車場，如架車找位泊車就有點麻煩。

其實我早在三年前，就曾經跟細佬，在旺角「豉油街」旁邊的中型酒店「仕德福酒店」閣樓的自助餐餐廳「德福閣」裡面，食過一次自助餐。不過我當時還未在「開飯喇」開始食評生涯，所以食完一次也不代表什麼。直到最近，我本來曾經想透過「開飯喇」的網上訂座系統，在星期日晚上食一次自助晚餐。怎料「德福閣」在「開飯喇」的訂座設定裡面，竟然要求食客先交「按金」，然後才能訂座用膳。結果那時我放棄了訂座，翌日還刻意前往「仕德福酒店」，詢問「德福閣」門口負責處理訂座的店員，結果「德福閣」店員才發現，原來訂座本來是不需要先交「按金」，只是一時手誤，設定出錯而已，「按金」只適用於集體多位訂座。「德福閣」店員還刻意問我，需不需要現在即時訂座。當時我婉拒了「德福閣」門口店員的好意，之後事隔一星期，我再次進入「開飯喇」，發現「德福閣」相關的訂座「按金」要求，終於都被取消，我亦都終於能夠成功訂座。當晚我選擇了，訂一位「仕德福酒店」「德福閣」晚上六點三十分的晚餐自助餐。「德福閣」的侍應安排了一張雙人餐檯給我，當然食酒店自助餐，也甚少聽聞酒店自助餐餐廳，會有「搭檯」。不過，「德福閣」餐廳的樓面奇就奇在，竟然掛了一部電視機，電視機竟然

德福閣 超抵食 有生蠔 $138Openrice & 信用卡都有折扣 呢個價錢邊度有蠔食咁抵 真係咁抵凍盤 沙律 pancake 甜品 生滾粥 都有今次仲有羊脾 手快有 手慢冇錯過咗燒排骨 都靚 飽咗冇試……熱葷雖然唔多 豬扒牛扒咖哩雞都齊金銀旦扒芥胆 ~ 頭盤芥菜腍旦香 但第2盤芥菜未腍未入味 炆冬瓜~ 杞子香 清清地解油膩生蠔大隻 鮮今次出得很密 唔使爭雖然任食 都唔敢放肆 都驚肚痛嘅食咗半打都享受嘅 返到屋企都冇肚痛但到尾段出啲生蠔就唔靚 又黑又瘦冇客攞留到尾 好頭爛尾！?焗蠔~ 細隻細蠔合併 麵粉厚 淡味蠔仔新鮮 都好味但尾段攞咗1隻焗蠔 聞倒一陣惡臭尋找惡臭來源 原來係焗蠔個売底深綠色一堆積物 似發毛咁 嚇親忘記影相 抱歉 (唔睇好過睇影響食慾)即時畀男侍應睇 侍應即時話會通知大廚真係要注意 幾好都冇用1粒老鼠屎影響1煲粥所以係負評

好耐無同阿媽去食Buffet，上網check到呢到野食唔錯又有生蠔，最緊要係唔貴！而且喺旺角，可以行陣街再去食~準時黎到，枱唔算好多，所以唔會好多人拎野食。冷盤都唔少，佔左4分1食物區。有燒牛肉，另外嗰個係雲吞碗仔翅。熱燻都好多款式。影左部份野食，蠔好大隻食落滿哂成個口，魚生超厚超大件亦好鮮甜，芝士焗蠔好香同忌廉味重，中湯西湯不過不失。另外仲有淮山杞子浸鯇魚甜甜地大啖肉，吉列多春魚夠脆夠香口，人蔘蟲草花牛腩夠腍夠入味，豉椒炒蜆香而不辣夠獲氣。之後進攻甜品，有即製Pancake，餡有香蕉或雜果。甜品櫃就每款拎左樣，除左啫喱類有少許藥水味，其他都好好味。梳乎厘唔大杯，所以我都食左半打。到8:00會有個火焰香蕉糕，限量供應所以好快無哂。

好耐冇食自助餐喇! 新鮮感又返曬嚟~~好開心今次搵到間性價比極高嘅自助餐!!! 係時候同大家happy share下先buffet六點半開始, 我哋早咗嚟, 六點三可以先入座, 等到六點半就可以出去拎野食喇!! 時間方便呢度好好喎, 可以由六點半食到九點半, 唔使好似有d自助餐咁分兩節時間, 要趕住食完就走, 可以多d時間慢慢食吹下水~~食物種類好多....黎個非常吸引嘅凍盤先啦~呢個價錢都有蠔食丫, 係蠔丫真係超值!!仲有長腳蟹啦, 青口, 大蝦...刺身就有三文魚, 八爪魚等~仲有其他冷盤.... 呢個雲吞碗仔翅crossover好特別, 味道都得喎 長腳蟹好新鮮, 大大隻, 肉質夠結實 每人一隻吉列大蝦, 幾大隻呀!炸粉薄薄的, 蝦肉爽口彈牙 燒牛扒肉質軟腍, 有牛肉嘅甘香!到女士們至愛嘅甜品喇.....種類好豐富!! 除咗蛋糕之外仲有好多日式甜品, 例如和果子~ 好多杯裝嘅甜品....mousse & jelly....生果方面就有新鮮嘅菠蘿啦, 哈密瓜, 西瓜....另外有專人炮製pancake!!裏面可以夾水果, 干果, 忌廉等餡料...醬汁就有士多啤梨汁, 芒果汁同埋煉奶

呢度既自助餐認真抵食，皆因呢度晏晝係有生蠔食架，d生蠔真係好肥美，所以基本上一出黎就好快俾人夾哂架啦，建議各位早d入黎開餐，唔係就真係走寶冷盤既茄子同蝦大家都萬勿錯過我就樣樣拎左d黎試，餐前小食有木耳、肚腳、中華沙律等等，隻生蠔我就鍾意加d辣汁一齊食除左有鮮甜既生蠔之外，仲有香煎三文魚、豬扒、雞扒、蜆、芝士焗蠔呢度竟然有生滾粥食架，配料選擇好多，有雞肉、牛肉、皮蛋、蜆肉、魚片等等最後一碗美味既生滾粥就完成啦，我就鍾意加埋d薄脆甜品區都好驚喜以呢個價錢有生蠔食，真係認真超值