德福閣

营业中

休息中

只需百多元的酒店下午茶自助餐，這天找來大食的朋友一齊來嚐嚐其水準。一進餐廳，嘩，好熱鬧好多人！這難怪，因其價錢真的很划算！熱食的款式挺多國化的，中式的有炒麵、蒸包；西式的有加倫壁腸、墨西哥卷、日式的有茶碗蒸、關東煮等；甜品及凍盤選擇亦不少。打頭陣當然要吃點沙律，薯仔沙律及螺絲粉沙律很不錯，調味很夠；水果類（哈蜜瓜及西瓜）爽口甜度夠；凍盤的青口及蜆肉很鮮甜；熱食的個人較喜歡墨西哥卷，裡面的肉醬辣辣的跟墨西哥卷很夾；茶碗蒸配上海鮮蒸，蟹腳的肉質爽口，蛋漿咸度適中。甜點類，如朱古力噴泉、楊支金露、芝士撻也做得很不錯，當中即叫即製的班戟最有驚喜！班戟的配料有：菠蘿、士多啤梨、香蕉、忌廉、花生醬、花生椰絲，醬料則有士多啤梨醬、芒果醬及煉奶，可由客人自選，熱辣辣的呈上碟，班戟皮薄身亦帶點q彈，裡面的忌廉融化在水果中，味道很讚！百多元的價錢吃到此質素很不錯！難怪這裡會人山人海了。

之前喺旺角返工,都知道旺角度,有間叫德福閣嘅餐廳,佢係一間喺酒店入面嘅餐廳,專做平價抵食嘅自助餐,有lunch有dinner嘅buffet。因為今日咁啱中午出旺角交收,所以就同太太book咗德福閣嘅午餐自助餐,貪佢平平哋,唔使諗又有好多嘢食。仲要有美國生蠔食😍。真係食佢5-6隻都點到一半成本啦。自助餐時間由1130時至1430時,原價$250,而家仲做85折,只需要$216.6。(此價格為星期六,日及公眾假期,仲包了加一服務費)餐廳環境都算寬敞,如果事先預約仲可以book到 窗邊位,不過我哋遲book,所以就被安排咗去一啲比較中間嘅位置。由於餐廳主打抵食,所以只係一個長方形嘅吧檯上面有唔同的食物, 包括熱葷冷盤凍點甜品糖水 豆腐花等等。熱食有椒鹽三文魚頭腩,士多啤梨骨,陳皮鹵水浸鴨腿,荷葉飯等等。美國生蠔同魚生拚盤區沙律吧熱食區甜品凍櫃美國生蠔隻隻都肥美大件上湯浸莧菜及麻婆豆腐豬耳,芽菜等星期六,日及公眾假期都係$220度,非常抵食,食物質素都ok㗎,又可以坐成兩2個幾鐘,唔錯嘅選擇.佢其實仲有下午茶自助餐仲低,不過食的野就有小小分別。

之前同屋企人食過呢度既dinner buffet 覺得cp值都幾高個次見到平日lunch buffet都有生蠣任食，所以呢日休息就約埋中意食生蠣既美女同我一齊黎試試lunch buffet既質素如何先lunch buffet 就12點開始，用左信用卡折實後每位成人HKd$158，我地12點鬆啲去到都經已坐滿左半場！！！開始之初，都係冷盤沙律區最受歡迎除左有生蠔之外，隔離就係各款不同既沙律！！等我都食返份生蠣同沙律先生蠣雖然唔係話超级鮮味同creamy，但個質素絕對係對得住個價位熱莗方面既選擇同款式亦唔係話有十分多，但款款試少少都經已好夠飽熱莗整體既質素都正正常常，仲有即煮既自選沙嗲湯粉添甜品方面都係有齊朱古力噴泉、蛋糕撻點同糖水生果呢d大路既選擇而1點鐘開始仲有現場即製既自選班戟添，熱辣辣既pancake配上雪糕是不敗的飲品都係任飲既，除左有coffee or tea，仲有橙汁同維他命添總括黎講，呢個價位有呢個質素，cp值同晚市一樣都不賴啊

星期六下午茶 $128+10% 3:15~5:15pmOKIBook & 報紙廣告有10%折扣定咗枱 但安排坐嘅枱 係枱面較細嘅枱 另有2張大枱面嘅 吉咗到尾坐邊邊 唔夠冷氣 有嘢咬種類多選擇 飽肚冇問題甜品~ 雪糕 啫喱 雜果 芝士蛋撻 ……火腿片 壽司 熱狗 法包 青口 蜆 滷雞亦 豬肉腸 印度薄餅肉碎卷 炸薯條皮旦莧菜 炒麵炒米輪流提供仲有關東煮滷旦 蘿蔔好入味甜淋 蒸籠南乳汁五花腩 & 饅頭 ……即做粉麵檔廚師會提你寫紙 灼菜要另外寫"菜"字講咗少啲麵 都係大大碗 湯水少麵重鹼味肥牛 水尤魚 都合味道冇蔥提供沙嗲湯底 ~ 深色咸味 唔香清湯~ 可以 都係米粉多多 湯水少魚片& 墨魚丸 口感好粉好實今次冇粥食 食物有啲膩 ……碗仔翅 好味但多多笋 少肉少冬菇少木耳少= 接近冇馬蹄露 ~ 甜點蚧腳蒸旦~太太咸 蚧腳尾段 有啲黑點荷葉飯 ~飯軟熟 味香再有得揀 都係建議食午餐閒時幫襯午餐 非常滿意夠食($158)因午餐 有生/熟蠔 燒豬排骨間中有焗牛扒 羊腿 牛脷 黑椒 燒汁 都係有水準……

是日同HONEY食德福閣食晚餐buffet，因為貪佢在旺角，加上現在做緊「蠔」情海鮮自助晚餐~同埋價錢都是350蚊內一位，以有蠔食來說，真的好平~上到去，職員貼心地給左卡位我同HONEY坐，見到好多不同款式的熱葷美食，凍肉，多款精美甜品，真的見到樣樣都想食~~當然我同HONEY最大TARGET是，生蠔!!!!是日有美國生蠔同埋法國生蠔~蠔都有兩款，真的好超值~美國生蠔同埋法國生蠔都重海水味，美國就CREAMYD，法國生蠔就蠔味重，一口氣食左4隻~~三文魚刺身仲要是腩位，真的好幸福，惠顧自助晚餐，每位敬送「椒鹽風沙大虎蝦」一客，真的好大隻，香口無比~~凍食同埋長腳蟹都好正，長腳蟹都拿左兩次來食，一到晚上8點，職員說有火焰田螺看，真的又食又看SHOW，好開心，火焰田螺好重酒香味，仲會有即焗梳乎厘同埋軟心芝士撻，另外仲有即製PANCAKE，以甜品作為完美的句號~~自助餐仲會有即磨咖啡、茶、汽水、果汁同埋免費啤酒任飲，另外都會有雪榚任食，地點方便, 環境又舒服! 值得一試!

記得之前同屋企人黎過食dinner buffet，質素唔差選擇都幾多，呢排天氣熱放假諗唔到去邊，就決定食下buffet過下日晨沿酒店大堂樓梯直上，映入眼簾既係幾米長既自助食物吧。剩係甜品都有十幾廿款有生果有蛋糕有中式糕點，仲有養生黑豆豆腐花。坐低時未夠11:30，已經見食客蠢蠢欲動排哂隊等拎野食，原來係排今期主題既生蠔同刺身估唔到brunch有新鮮海鮮食，有驚喜！見住隔離枱個男人每碟都七八隻，拎左成十碟都有，相信味道一定唔差。沙律吧都好多配料選擇，岩哂中意食草既我特別係芝士粉可以任加，正呀！前菜冷盤類賣相十分精緻，中式西式日式應有盡有。先食沙律開下胃～～豆腐好嫩入口即化，同芝麻醬絕配中華海藻酸甜爽口，相當開胃，茄子就略為唔夠淋、淡味左啲。等左幾round好唔容易先拎到刺身，可想而知有幾搶手魚生大大片夠厚切，食落都新鮮，未至於好鮮甜，中規中矩啦。自助餐必拎既燒牛肉，口感偏向結實有咬口，個人認為熟左啲，如果再多啲肉汁同血水會更好食。另一款配合主題既熟食——芝士焗蠔，加左忌廉同芝士焗香，入口更creamy，怕海水味唔食生蠔既人都岩食我同朋友一致認同煮得最好味既熟食～香甜惹味既士多啤梨骨，食落

今日黎到德福閣食dinner飲品基本有汽水，咖啡，茶食物有基本既生蠔，刺身刺身得三文魚，八爪魚同埋劍魚質素一般，款式太少（不過大多酒店都係得三款左右）生蠔好大隻，成隻手咁大雖然唔腥，不過無海水咸。個人比教想要有海水咸佢唔係即場開，係廚房開好一大盤拎出黎。初初好快比人清晒，不過過左半個鐘已經無左個熱朝🤣🤣蟹腳正常水準，有鮮味。有海水味。不過好快比人清晒。到左8點已經無左fill up（其實影響不大既，其實我七點入座八點前都已經好飽）壽司水準低，飯黏得好實，好少款。得三至四款仲要一d都唔吸引熟食唔吸引。有飯，河粉，炸魚荷葉飯係熟食入面最好食泰式河粉唔好食炸魚已經凍晒，焗蠔好得人驚。。。粒蠔好細粒不特止，芝士係用芝士粉. 個cream好難食總括大多熟食都係唔吸引甜品有朱古力噴泉，朱古力唔香梳乎厘中上水準奶tart水準唔錯價錢30x一個人。值唔值就見人見智我就唔會再黎食職員服務麻麻。雖然收碗碟好快，換食物都快不過職員成日禁電話🤦🏻‍♂️無人排隊佢行走左去第二度🤦🏻‍♂️酒店黎講都算唔可以接受

今日去左德福閣食buffet，地點方便，係旺角既酒店裡面，住客好多，食客都好多。假日brunch buffet 既時間係11:30-2:30，都已經好夠時間食，buffet 選擇都不少，不錯。有冷盤、涼拌、沙律、壽司、魚生仲有生蠔。熟食七味三文頭腩、士多啤梨骨、美酒芝士焗蠔等、仲有豬骨湯豆腐蜆盅，細細盅有一隻蜆兩粒豆腐，豆腐超滑，推薦。大排檔即製既湯麵係沙嗲肥牛雜錦湯麵，可選米粉或油麵，湯除左沙嗲仲可以揀清湯，餸就有肥牛、青口、墨魚丸、水尤魚同魚蛋片，任均選擇。另外大排檔仲有燒牛肉，即場切片，都幾腍，牛味都幾好。甜品都有好多，有杯裝雪糕、蛋糕，布甸、啫喱、即製pancake，仲可以自己裝飾，排靚佢，我每樣都有食少少，味道都唔差。

今日一家四口去左旺角仕德福酒店食brunch buffet，呢到buffet 好平，見阿媽有對buffet 好有興趣，咁就訂左今日去。星期日既brunch 超多人，全部滿座。呢到好光猛，令人好舒服。重點當然係食物，種類都好多，有中、西、日、甜品。最估唔到連生蠔都有，不過我就無食到。仲有即點即煮的湯粉，自己拎左tick tick 紙填好交比職員，我就揀左沙嗲湯底既米粉，裡面有肥牛、水尤魚、墨魚丸同魚蛋片，不過太大碗，食完仲可以繼續食其他野。一點之後可以食即煎pancake，餡料一樣可以自選，我就是揀左香蕉同花生醬，花生醬估唔到咁夾，好濃又好滑的口感。除左pancake 仲有好多其他甜品、雪糕、生果同朱古力噴泉，吸引的拎左好多款，都好不錯的。飲品仲有咖啡、茶同蘋果汁，咖啡味道就一般，蘋果汁好味，茶加新鮮檸檬就係熱檸茶喇。

平平地想食自助餐有乜選擇⁉️以前喺廣華街返工，都會諗下去德福閣食lunch buffet，今日終於實現我哩個夢想😂 去左食七月份 烤肉「蠔」情自助午餐🤤 星期一至五仲有95折優惠，百幾蚊就食到生蠔自助餐，真係勁抵呀！-老實講，百幾蚊齋食蠔已經回本，出面依家一隻生蠔平極都要十幾廿蚊，所以真係超值蠔食😂😋！仲有好多冷盤，例如壽司、雜錦凍肉、莎樂美腸、日式冷麵等等，選擇超多，啱哂貪心既我👍-熱葷都不錯的，最特別既有白酒汁芝士焗蠔🤤 仲有士多啤梨骨酸甜幾開胃，加上有即製粉麵同埋大廚即切中式叉燒！真係包羅萬有👍👍-甜品方面，一定要提一提有大廚即場喺你面前整班戟，仲可以自由配搭多種鮮果，幾有驚喜😊👍另外仲有黑豆豆腐花食，其他地方好少見~-原本百幾蚊既價錢真係期望不高，但估唔到都有幾有驚喜~ 留意平日去都全場滿座，所以一定要記得book定位啦！

又到左星期五慰勞自己嘅時候, 呢間自助餐出名平靚正, 之前食過尖沙咀分店, 原來旺角更出色😋生蠔有美國同法國兩隻選擇, 兩隻都好新鮮, 個人比較喜歡美國蠔, 貪佢飽滿啲同海水味重啲😁長腳蟹亦偏大隻啖啖肉, 但鉸剪要自己喺出邊拎, 不過好處係可以拎兩把唔使兩個人share一把🙈熟食方面試咗西冷牛, 海鮮蒸蛋, 芝士菠菜焗蠔, 吉列魚柳, 士多啤梨骨同鴨腿, 水準都唔錯👍🏻甜品方面最欣賞佢個焗疏乎厘😛即場製作好新鮮, 而且唔會偏甜😋食飽差不多想走之際, 忽然燈光一黑😦原來係有壓軸好戲火焰田螺😂好好彩我哋就坐係師傅表演嘅地方旁邊, 可以望住佢倒啲酒落田螺到着火嘅一刻😛順便即刻拎返份返嚟試吓, 可惜酒味好重我就覺得麻麻地🙈

前幾日同同事喺旺角做嘢，行過豉油街見到呢間酒店餐廳做緊自助餐優惠，食個中午自助餐都唔使$200 ，一於入去試吓。入到去見到竟然仲有生蠔食，老實講$200嘅價錢可以有生蠔食都已經好抵，即刻攞幾隻試吓先，蠔嘅size都真係算大，入口肥美，海水味唔算勁，重金屬味就勁啲，值得讚師傅都洗得幾乾淨，冇乜蠔殼老實講食完兩三輪蠔都有啲飽飽地，不過佢都有好多熟食，食咗南乳炸雞髀都唔錯，肉質嫩滑甜品亦都有好多，推薦楊枝甘露，味道唔錯。生果亦都有好多選擇，性價比都真係好高。

前幾日去咗德福閣食buffet，我地鍾意依度環境夠近，仲要價錢好實惠，所以我哋又約埋一齊食。仲每人送左一隻大蝦俾我哋，呢隻蝦好大差唔多有一隻筷子咁長，連個頭都有膏，蝦肉好爽口彈牙。呢度仲要有好多熟食可以揀，而且每次嚟都有唔同嘅選擇，最緊要係呢度refill得好快，每次嘢食都熱辣辣。好似呢個牛扒咁牛肉味好重，而且味道夠晒鮮嫩。甜品方面就有雪糕同埋蛋糕等等...不過我最鍾意食呢度嘅梳乎厘，熱辣辣而且空氣感又重，好香蛋白味添。

香港人吃自助餐最在意就是要吃到回來，所以許多人認為buffet有生蠔供應，就等於值回票價，上週末我就來仕德福酒店的德福閣品嚐「蠔」情海鮮自助晚餐。餐廳環境開揚，不過座位之間就排得有點擠，走出走入取食物時就不太方便，星期六收費成人每位$323已包加一，以酒店buffet 來說，價錢亦不算貴。冰鎮海鮮有美國生蠔、法國生蠔、松葉蟹、藍青口、凍蝦、大蜆、青口等，全晚無限refill，供應量足。生蠔肉身肥大飽脹，肉質厚實爽滑，過足蠔癮。凍蝦和蟹腳肉質未算得上是最新鮮，不過亦算厚肉。每位只限一客的椒鹽風沙大虎蝦，剛剛炸起熱辣辣，外皮雖然略厚，但十分酥脆。除了冰鎮生蠔外，還有其他以蠔入饌的熱盤，例如即焗菠菜芝士焗蠔、鮮茄醬焗蠔和雙重芝士焗蠔，肯定可滿足各蠔迷。其他熱盤亦有不少海鮮，例如千島醬焗青口和沙嗲鳳梨炒蜆。而我個人就比較喜歡雜菌醬油蒸多寶魚，不會蒸得過了火候，可說是老少皆宜的菜式。士多啤梨骨亦是值得推介，排骨炸到酥脆，內裡肉質鬆化，將士多啤梨入饌，酸甜中多添幾分天然水果甜香。海草粉吉列魚柳伴青芥辣沙律汁以炸得金黃的麵包糠外層包著嫩滑的魚肉。熱騰騰的日式蒸蛋軟軟嫩嫩，猶如豆腐花般彷彿吹彈而破。吃