德福閣

营业中

休息中

之前喺旺角返工,都知道旺角度,有間叫德福閣嘅餐廳,佢係一間喺酒店入面嘅餐廳,專做平價抵食嘅自助餐,有lunch有dinner嘅buffet。因為今日咁啱中午出旺角交收,所以就同太太book咗德福閣嘅午餐自助餐,貪佢平平哋,唔使諗又有好多嘢食。仲要有美國生蠔食😍。真係食佢5-6隻都點到一半成本啦。自助餐時間由1130時至1430時,原價$250,而家仲做85折,只需要$216.6。(此價格為星期六,日及公眾假期,仲包了加一服務費)餐廳環境都算寬敞,如果事先預約仲可以book到 窗邊位,不過我哋遲book,所以就被安排咗去一啲比較中間嘅位置。由於餐廳主打抵食,所以只係一個長方形嘅吧檯上面有唔同的食物, 包括熱葷冷盤凍點甜品糖水 豆腐花等等。熱食有椒鹽三文魚頭腩,士多啤梨骨,陳皮鹵水浸鴨腿,荷葉飯等等。美國生蠔同魚生拚盤區沙律吧熱食區甜品凍櫃美國生蠔隻隻都肥美大件上湯浸莧菜及麻婆豆腐豬耳,芽菜等星期六,日及公眾假期都係$220度,非常抵食,食物質素都ok㗎,又可以坐成兩2個幾鐘,唔錯嘅選擇.佢其實仲有下午茶自助餐仲低,不過食的野就有小小分別。