微辣大排檔 (已結業)

今晚微辣大排檔，聽個名就聽得多，終於有機會試下。兩個人唔食得太多所以我哋嗌咗蛇羹、羊腩煲、鵝腸、仲有兩個甜品。 我覺得佢啲食物就普通，冇話特別好食，特別唔好食。但係佢個裝修、設計、同埋擺盤係都有特色嘅,好靚！打卡影相一流！但特別要推介佢個甜品炸龜公！開頭我唔知咩叫炸龜公，上到嚟嘅時候一咬，原來係炸龜苓膏 ！將龜苓膏 切開一舊舊同椰絲一齊炸左，再點埋椰奶，入口第一係椰絲香味，第二係椰奶甜味，最後係龜苓膏嘅苦味， 口感煙煙韌韌好好食。連唔鍾意食龜苓膏嘅我都食咗三舊。 我哋見每枱都嗌咗雞蛋仔我又試咗一客，粒粒都好飽滿，入面仲有煙煙韌韌嘅餡料。正呀！嚟大排檔竟然唔係食小炒係食佢嘅甜品，我都算係特別。#hkfoodie#hkol#easyeat_the #yummyfood #mychoices#hkig #hkfoodie #eatfamous #eatright #eatwell

男小編係微辣粉絲，由微辣主理嘅大排檔好近屋企，收工就同佢食咗餐便飯。冰鎮素咕嚕肉冰鎮並無令肉質變硬，反而入口特別。食落唔似素肉，咬落頗為爽嫩，而且咕嚕醬不會太過搶味！一上枱仲會噴煙添(⁎⁍̴̛ᴗ⁍̴̛⁎) Yelo咖喱大雜燴咖喱濃郁，有齊陳皮魚蛋、豬皮、蘿蔔、鮮魷魚，一整盤來得豐富，辣度適中，咀唇只帶點點麻痺(´▽｀)特別鍾意嘅豬皮，超級入味又彈牙 咪走雞上碟之後一定要米走眼！職員先會為佢淋上米酒，再點火做出火焰效果，夠哂吸晴。打開荷葉一陣雞味連酒香飄出，連上蒜頭、香蔥、木耳、金針菇的香氣，令肉質飽有肉汁之餘，仲好嫩滑。雪糕雞蛋仔食完一大輪咸食之後，當然要叫返個甜品啦。雞蛋仔皮脆內鬆軟，口感勁似蘊藏住麻薯一樣，蛋味勁香，配上雪糕的冰凍口感，冰火二重奏。加入埋士多啤梨醬同新鮮士多啤梨粒，味道相當討好。💡小編當日好好彩，仲撞正微辣嘅雞wing，hugo。餐牌如下

之前行街都有留意呢間餐廳，門口既裝修好有特色，今晚朋友提議決定一試。餐廳除左裝修有懷舊茶記風，連餐具都精心設計過，好有心思，打卡一流。是日晚餐叫左4樣野。🌟1.咪走雞 一上枱係一個雞頭大盤，打開之後有荷葉包住成隻雞，餐廳會準備手套隔熱同打開雞。雞肉入味又夠滑，份量幾多，可以3-4人share都得。🌟2.椒絲腐乳通菜 份量好多，通菜唔老，有腐乳香。🌟3. 發記大香腸發記大香腸上枱係有個架吊住，好得意，真係似燒味鋪咁。餐廳有準備膠剪俾客人剪開條腸，方便人多share。🌟4.懷舊蟹膏蝦多士即叫即焗蝦多士，賣相好靚好吸引，食落味道更出色。多士夠熱夠脆夠香口，蝦肉又多，佈滿多士面，加埋蟹膏醬，味道好夾好出色。👍🏻

微辣嘅片大家都看過不少，搞怪另類確實令人發笑😆見到佢哋搞嘅茶餐廳，裝修中已經十分期待🙏滿有香港懷舊特色嘅裝置：油麻地小輪、麻雀枱、地鐵站…勾起許多港式舊日情懷!在此你可以選擇點心、茶餐廳食物、煲仔飯雲吞麵、少茶、各適其適…任君選擇😊

今日難得成家人都可以約出嚟食飯，去咗微辣大排檔食，雖然個名係大排檔，但其實佢入邊嘅格局係行懷舊風得來又靚靚仔仔，好多打卡位。除咗散叫之外，其實都可以考慮吓套餐，感覺都幾抵食。不過我哋今次就散叫，食咗自己最想食嘅嗰啲先啦重頭戲係隻雞，店員佢一送到嚟嘅時候會即場用火燒一燒隻雞😜隻雞勁滑勁嫩，用個鉗輕輕咁一夾就已經撕咗啲肉，食到入邊嘅時候我哋先發覺原來佢裏面仲有依個黑木耳（？）同埋菇 另外佢仲有濕紙巾膠手套鉸剪同埋鋏準備咗俾食客菜好香好清甜，一d 都冇整到老曬，好唔錯咖喱大雜燴裏面有蘿蔔，豬皮，魷魚同埋魚蛋。食落都幾辣下架好彩我哋一開頭都有叫嘢飲，值得一提嘅係我以杯檸檬沙冰，解渴得來，最緊要係分量爆燈有成1L咁多，真係好誇張。而且價錢仲冇特別貴過其他飲品另外我哋仲叫咗個雪糕窩夫，擺盤都幾唔錯，雪糕要襯快食先唔會融。窩夫煙煙韌韌咁樣，配埋酸酸甜甜嘅草莓醬同埋士多啤梨碎，幾好食仲有，其中有個店員好正，好傾得，點餸嗰陣揸唔到主意，仲會俾啲意見，欣賞

一星都俾多…（完全對唔住個價錢無論食既，飲既服務都唔掂！！）先講講服務 12:30落單 （米酒雞1隻）等到13:07 大家 Order咗既野已經食完得返半碗飯硬晒涷晒 叫服務員過來跟跟單 態度敷衍 算 再隔左一陣 又有另一個小兄弟行過來同我講 你果隻雞要再等多5個字先可以送上 我話：吓？！ 我已經等咗7個字囉 飯都涷晒 咁我唯有同佢講 取消埋單喇.. 另外收費方面 我三個大人帶住兩個細路仔 一個兩歲 另一個四歲 竟然都計5位茶錢 我就真係覺得幾搞笑🥸再講食物品質 味精真係好重 中午食完之後 渴喉到宜家四點幾😓 熱奶茶20蚊杯仲衰過維他紙包飲品..重結黎講依間野淨係得門面靚 食物同服務都好曳 唔會幫襯第二次 仲好意思收10%服務費 請埋班00後靚仔 果啲服務態度同嘴臉不敢恭維….

睇到同事打咭相好靚，原來係沙田城市廣場第三期嘅微辣大排檔影，今晚叫埋阿女去睇吓！餐廳冰室及大排檔合二為一，內有有多個澳門及香港元素打卡位。餐廳齊集多間米芝蓮美食，由小食、車仔麵、鑊氣小炒都一應俱存。重有生猛游水海鮮，即劏即煮。米酒雞（原味）：一上枱我同阿女都嘩一聲，好大窩！窩內有很多蔥頭蒜頭，還有用荷葉包住嘅雞，侍應首先將米酒點火，之後倒入窩內，窩內立即燃亮火光，一殺那，待酒精散去就熄滅，換來的是香氣撲鼻而來，打開荷葉是一隻雞，將雞切開，雞肚內滿是金針雲耳，雞和配料吸收晒酒香，有濃郁的酒香味，雞肉嫩滑入味，金針雲耳爽口。冰鎮素咕嚕肉：咕嚕肉比真肉還好食，皮脆肉鬆化，加上酸酸甜甜嘅醬汁，越食越開胃，用冰底墊住上檯，散出陣陣煙霧，真的色香味俱全！Yelo 咖喱大雜燴：用砂鍋上菜，仲加左個 爐熱住食，大雜燴有豬皮、魚旦、魷魚、蘿白，咖喱醬汁香噴噴，每一件材料都好入味，豬皮和魚旦彈牙，蘿白林甜。北角雪糕格仔餅3.6牛奶草莓，份量十足，格仔餅蛋味濃，草莓和草莓醬酸酸甜甜，配香甜嘅雲呢拿雪糕，好好味！

裝修好有特色既微辣大排檔YouTube睇就睇得多 食就第一次啦每一個位都岩晒打卡 如果朋友鍾意影相就啱晒🎈米酒雞一打開會先幫你落左啲酒好大隻雞 肉都好嫩 好多肉 咪道夠濃 岩晒用黎送啤酒🎈懷舊蝦多士我真係好中意食蝦多士呢個蝦多士仲有埋蟹膏配炸得好鬆脆 👍🏻🎈發記大香腸幾特別，就咁掛住一條影完相之後就可以慢慢剪落嚟食呢個除左食落好香之外 打卡都一流❤️🎈椒絲腐乳炒通菜夠鑊氣 腐乳炒通菜真係無得輸佢有椒絲但又唔會話好辣好惹味

上次嚟過食車仔麵，今次夜晚嚟試吓小菜，今次坐入啲嘅位置，全部都係打麻雀嘅裝飾，好有氣氛入面返地鐵嘅景都好好笑，尤其Hugo同埋阿丞嘅地鐵廣告，不得了～懷舊蟹膏蝦多士：呢個好鍾意！一碟有四件蝦多士，當時上面有滿滿嘅蝦滑，再加埋甲羅燒一齊食，口感好豐富發記大香腸：朋友係發画嘅fans ，指明要order呢樣，成條腸咁樣吊出來又幾搞笑，好濃黑椒味，仲可以點茄汁同埋芥末一齊食椒絲腐乳通菜：夠鑊氣，上枱熱辣辣，即刻叫兩碗白飯嚟送飯咪走雞：冇諗過係咁大個煲，揭開塊荷葉就係全隻雞，啖啖肉，細細力撕開就離骨，加埋孜然粉好好食，入面仲有金針雲耳，炸蒜頭蔥頭，索哂啲精華～嘢飲就叫咗鴨屎香珍珠奶茶，同埋藍蝶青檸梳打見到隔籬枱食啲煲仔嘢，同埋炸乳鴿都好似好正，仲要放喺一個好懷舊嘅磅上面，勁啱打卡，希望下次試吓

不時會係YT睇微辣大排檔😂今日終於去沙田食啦！餐廳入面好多打卡位，有澳門特色亦有香港本土特色嘅裝潢。仲有大電視可以一邊睇微辣大排檔👍🏻✪ 何伯爆屎渠 (酥炸豬大腸) ⌫ 💲109叫咗兩款IG-able嘅菜式😂其中一款就係「何伯爆屎渠」清乾淨嘅豬大腸灌入咗秘製醬汁。職員係我地面前剪開最底端，醬汁即刻流曬出嚟。之後再自己剪需要食嘅長短～脆皮炸大腸煙韌，夾雜油香，皮脆肉嫩，好正。✪ 紅燒沙田友乳鴿 ⌫ 💲69@兩隻乳鴿擺咗係街市磅上面，好有玩味。原隻乳鴿自己剪開。外皮薄脆。我用手撕開，好豐富油脂，鴿肉一絲絲，好滑唔會好鞋，唔錯呀👍🏻✪ 好食豪Dee (蜂巢潮式蠔餅) ⌫ 💲129蠔餅炸得黃金酥香。蠔仔大大粒，沾點魚露更提味。✪ 北角雪糕雞蛋仔 ⌫ 💲59味道有抺茶/士多啤梨。我地揀咗士多啤梨。士多啤梨醬淋上雞蛋仔上，味道酸酸甜甜。旁邊仲有雲呢拿雪糕。一啖雞蛋仔一啖雪糕，冰火交融。【 微辣大排檔 】📌 沙田沙田正街2-8號新城市廣場第三期2樓A216號舖

一、八點半去到，上完所有嘢就同我地講last order啦，所以好快我地又叫左一份蝦多士，但好耐都未見上來。後尾我地比左錢，但冇check收據，直接收埋係個袋。跟住大概九點半我朋友起身行去同佢地講仲有份嘢未到，但佢地話我地冇落單，我先睇番張單真係冇蝦多士。但我地明明對住一位戴眼鏡的男士服務員落單，佢地話問左所有人，冇人承認我地有落單🙂咁算啦，冇落單冇俾錢二、等我地食完飯個staff來執嘢我地先見到有份辣椒粉。因為我同朋友坐隔離，但個辣椒粉放係我地對角方向。明明個度又冇人坐，而且個盆雞咁大盆，真係唔知放係度做乜？又冇人同我地講。兩張相係我同朋友分別影嘅，完全睇唔到辣椒粉三、因我冇認真check收據，我都有問題。我之後先發現我地落左雲吞湯竹昇麵，但張單係蝦子撈竹昇麵，兩個根本唔同口感，仲以為呢間餐廳湯麵要自己兑，點知一個晚上出左咁多錯誤其實食物味道冇咩好講，不過當晚人又唔算多，我地又唔係落好多次單，落左好多嘢，都可以出咁多錯，真係好失望。唔知餐廳如何培訓員工，體驗真係好差

#ftf_沙田牌頭食物唔惹少 微辣大排檔澳門網紅新派大排檔，你以為佢剩係得gimmick野同打卡位？咁就大錯特錯啦！呢間嘢，食物味道極巨質素，係減緊肥既都值得一食，甚或乎可能更多！lol富貴咪酒雞 $198⭐️⭐️⭐️⭐️⭐️呢個勁啦！我稱佢為火焰咪走雞，職員先會為佢淋上米酒，就再點火，你可以話佢係俾你影相打卡，但係熱辣辣香噴噴又惹火既香濃咪酒雞就係咁樣誕生，酒香味濃郁，雞肉嫩滑，連蒜頭、香蔥、木耳、金針被火燒完都逼到啲酒香味入晒去！我爸都食過返尋味！懷舊蟹膏蝦多士 $98⭐️⭐️⭐️⭐️⭐️蝦多士脆炸金黃，香脆可口，蟹膏鮮香，呢個配搭同組合簡直係100分，加上粒粒脆卜卜嘅蟹子，口感比18歲卜卜脆更加昇華！發記大香腸 $68⭐️⭐️⭐️⭐️外皮香脆，啖啖肉，咬落去啲汁爆曬出嚟，就咁食已經好香口，鍾意再重口味啲可以點埋辣醬同芥辣。好彩係同老竇去食，如果同心怡對象食嘅話要小心啲，因為真係會爆汁！😂椒絲腐乳通菜 $88⭐️⭐️⭐️通菜新鮮爽嫩，正常發揮，冇乜特別，志在有啲菜食下，但唔係話好突出，不過呢碟餸的確好難好驚艷。哈哈～回頭率🤡🤡🤡🤡🤡性價比🤰🏻🤰🏻🤰🏻🤰🏻🤰🏻#feedtiffood #吃吧孩子 #吃到懷孕

偶然看微辣的時候看到Hugo米酒雞的廣告，就心動去微辣大排檔打卡啦！這次點了米酒雞，真的很不錯，吃下去很軟滑！雞里面的木耳太讚了！非常的入味！！d蒜頭爆的好香，忍唔住食咗好多個！素咕嚕肉真的出乎意料好吃，吃下去：這個真的是素的嗎？也太好吃了吧！口感非常滿足果然阿姜至愛！！再來就是煲仔飯——白鱔田雞煲仔飯，鱔魚好嫩好鮮，飯又香口，真係正！！！因為太飽了沒試到甜品，下次來會試試甜品的！！微辣大排檔，還會再來的，太有意思了，裝潢和菜品都是！

微辣大排檔我就睇得耐啦，終於比我食到～～🤣🤣本身期望不太高，始終覺得KOL餐廳多數得個樣🫢點知好有驚喜！可以encore🫡.餐廳裝修好有gimmick，好有心機諗左唔同既打卡位比大家🤝🏻一坐低侍應都好熱情招待🥹餐牌紙巾熱茶主動擺低👍🏻好搞笑既係佢講左句紙巾呢度！點知紙巾盒上面真係印左依句野係度😂😂.上網睇食評好多人都有叫咪走雞我梗係都跟隊叫黎試下啦😆又真係好好食～啲雞肉嫩到不行～～個豉油汁好入味好驚喜既係雞入面仲有一堆木耳同菇👍🏻增加左唔少香氣🥹🥹.腐乳炒通菜 正常水準 但份量好豪氣😂食極都仲有咁（讚讚）.蟹膏蝦多士大推！！！蝦多士雖然炸過但完全唔油膩乾身得耐係Juicy既🥹🥹仲好有蝦既鮮味點埋個蟹膏黎食真係搞唔掂😂勁好食蟹膏既香濃好夾蝦多士！.發記大香腸個擺盤真係好正😂係一條掛係度既腸員工都好熱心走埋黎幫我地剪👍🏻食落似台灣腸👍🏻好食既！有好香既蜜糖味.總結係野食水準很OK😍同價錢成正比～員工都好熱情有禮值得繼續幫襯😚

微辣大排檔呢其實之前真係集集都有追睇佢哋幾個其實都幾過癮 玩下酒game 吹下水咁估唔到佢哋竟然開咗間鋪 仲要係沙田咁就去試吓佢哋啲野食啦！！！！！！！！🎈冰鎮素咕嚕肉咕嚕肉有啲冰擺咗係底下上碟時啲煙散出黎有一種好迷幻既感覺食完之後老豆講翻先知原來係素肉黎既估佢唔到🎈米酒雞（原味）呢個米酒雞上碟個陣好大陣仗成隻雞樣既蓋然後個煲又好大佢上菜個陣真係嘩左一聲打開蓋就有隻荷葉雞Waiter仲即場點火燒隻雞食落去有陣燶燶地既荷葉味好jeng!🎈Yelo咖喱大雜燴呢個係一個咖喱煲一上菜就點火keep住煲野係熱既食落真係好好辣有豬皮 魚蛋 香料 白蘿蔔 魷魚啲食物簡直係索晒啲汁舊舊都超級惹味 愈食愈食但食落係停唔到🎈雪糕格仔餅(3.6牛奶草莓味)呢個甜品真係冇叫錯食完啲惹味既野叫翻個甜品🍮一流呀