微辣大排檔 (已結業)

不時會係YT睇微辣大排檔😂今日終於去沙田食啦！餐廳入面好多打卡位，有澳門特色亦有香港本土特色嘅裝潢。仲有大電視可以一邊睇微辣大排檔👍🏻✪ 何伯爆屎渠 (酥炸豬大腸) ⌫ 💲109叫咗兩款IG-able嘅菜式😂其中一款就係「何伯爆屎渠」清乾淨嘅豬大腸灌入咗秘製醬汁。職員係我地面前剪開最底端，醬汁即刻流曬出嚟。之後再自己剪需要食嘅長短～脆皮炸大腸煙韌，夾雜油香，皮脆肉嫩，好正。✪ 紅燒沙田友乳鴿 ⌫ 💲69@兩隻乳鴿擺咗係街市磅上面，好有玩味。原隻乳鴿自己剪開。外皮薄脆。我用手撕開，好豐富油脂，鴿肉一絲絲，好滑唔會好鞋，唔錯呀👍🏻✪ 好食豪Dee (蜂巢潮式蠔餅) ⌫ 💲129蠔餅炸得黃金酥香。蠔仔大大粒，沾點魚露更提味。✪ 北角雪糕雞蛋仔 ⌫ 💲59味道有抺茶/士多啤梨。我地揀咗士多啤梨。士多啤梨醬淋上雞蛋仔上，味道酸酸甜甜。旁邊仲有雲呢拿雪糕。一啖雞蛋仔一啖雪糕，冰火交融。【 微辣大排檔 】📌 沙田沙田正街2-8號新城市廣場第三期2樓A216號舖