微辣大排檔 (已結業)

微辣大排檔裝修有舊式大排檔風味，我哋張枱仲有麻雀🀄️造型，相當特別！有啲牆上仲有霓虹燈裝飾。懷舊蟹膏蝦多士仲有甲羅燒，蝦多士一份有4塊。多士炸得香脆，面上有好多蝦膠，真係好耐冇食過呢個懷舊嘅菜式。甲羅燒有蔥及蟹籽，撈埋一齊食。發記大香腸，香腸大大條原條上。然後有個架串住條腸，可以自己剪。有黑椒味又有少少麥味甜甜辣辣。咪走雞用大煲裝上，打開煲蓋店員會點火，成隻雞非常完整，自己用鉸剪剪。雞肉夠林有少少米酒香。一大隻真係好飽！椒絲腐乳通菜，味道唔會太濃，少少辣又幾香。

一直都有睇開微辣既Youtube，知道佢地係沙田開餐廳，就一直都好想試，今日夜晚收工搵埋個朋友一齊去潮聖下果然環境同食物質素都無令我地失望當日大約7:00pm到，已經有好多人，間鋪都好大，好彩都唔使等，一入去環境好復古懷舊feel好正，安排咗中間位置，隔離仲有大大個痴哂麻雀既圓柱添，好過癮今次就試幾個佢地既招牌貨冰鎮素咕嚕肉🍍🍖如果無寫素肉係完全唔覺，同埋一咬落去係外脆內軟，醬汁又甜甜酸酸超開胃，好好味Yelo咖喱大雜燴🥘平時睇開微辣，我最鍾意就係Yelo，所以就叫咗，原來大雜燴入面有蘿蔔、陳皮魚蛋、土魷魚、豬皮，當中我就最鍾意豬皮，入哂味仲浸哂啲咖喱汁，一咬就爆哂汁咪走雞🐔我估係呢度皇牌，見隔離幾張枱都有叫，果然跟人叫係無錯，一上枱個雞既造型唔打卡唔得，仲有職員會係你面前加米酒添，荷葉包住全隻雞，有哂酒香，仲好滑好多汁再打開雞肉入面仲有金針雲耳，配菜都一樣入哂味，隻雞都唔細隻所以都好抵食，推介🧇🍵最後仲叫咗甜品雪糕格仔餅，有得揀士多啤梨定抺茶味添，半溶既抺茶雪糕加埋格仔餅，食完好滿足，飽到上心口，哈哈

服務態度有D差，曾經試過星期日中午十二點度想去食，當時見到都唔算多人，都好多枱，咁就在門口攞抬，嗰員工係後生女仔嚟，佢就問我哋幾位，食乜嘢，因要分食車仔面，同小菜兩個區域，咁我就揀咗食車仔面，我五個人，有老人及小童，個女仔就話你哋可唔可以坐卡位，咁我就問佢喺邊D，我想睇睇，咁當時就有一個好似好勁扮哂嘢嘅男員工走埋嚟，都係後生仔嚟，懶係話事人咁，就話你哋五個坐卡位得啦，咁我同太太門口望下，就喺入口左面個區域，見D卡位都比較窄，係4人卡位，咁我哋就話唔想啦，嗰個男嘅就懶勁咁同個女仔講佢執張枱俾我哋，就將三張雙人枱泊埋，個男嘅就係度張D枱好大力咁推到呯呤嘭啷，又揼櫈，我見咁咪走囉，佢就用聲線高幾度好威咁同我講「走嗱，多謝哂喎」，其實我都冇同佢嘈，或者唔禮貌咁同佢哋講嘢，由開始我問個女的，都感覺唔係幾好，後來個以為自己好型咁對我哋男員工，D態度仲衰幾倍，其實冇位，或者唔想招呼我哋都冇所謂嘅，咪食第二間，不過俾人用D惡劣態度對待，都好嬲囉，又唔係冇位，都唔知點解要我哋五個人逼埋一齊坐四人位，唔坐就要俾D咁嘅人用惡劣嘅態度對待，因我有小朋友在場，亦都唔想同佢嘈，其實我都是住在沙田區，都經常喺新城市

今日同朋友去咗沙田行街，行到去新城市廣場有啲肚餓，即刻上OpenRice望吓附近有咩推介，無意中發現一間叫微辣大排檔都幾吸引，所以即刻去試吓，個名咁似我平時上網睇微辣，原來都有關係，今日喺條柱度見到六毫子嘅相原來都有關係，因為喺條柱度見到六毫子嘅相片。感覺都幾親切。餐廳裝修得好整潔，好有格調，有啲懷舊風情feel，餐牌仲係用微辣主角名去創作🤓阿姜至愛冰鎮素咕嚕肉 ，咕嚕肉非常特別用冰鎮住，😙原來用冰鎮可以令到咕嚕肉口感特別爽，味道酸酸甜甜，食落去同真嘅咕嚕肉冇乜分別，用素食製造感覺特別健康，而且一啲油膩咁都冇。真係好特別，好值得推介😍Yelo. 咖喱大雜燴,咖喱煲入邊有魷魚，魚蛋，蘿蔔，豬皮，全部都好入味，加上用明爐一邊煮一邊食特別香特別熱辣辣，我自己最鍾意食就係豬皮，因為朔晒啲咖喱汁，口感爽口。米酒雞，店員會將酒加落去點火將個香味迫咗出嚟，雞肉非常嫩滑，新鮮香甜嘅雞肉味，加上少少酒精嘅香味，味道好有層次，而且仲好好食。呢個簡直係必食嘅推介🤩北角雪糕格仔餅，外脆內熱嘅格仔餅上面放上雪糕，雪糕慢慢溶化。入口又凍又熱，味道又香又甜😙

微辣係港澳youtube 界都算係數一數二😎估唔到而家仲撈過界搞埋餐飲🤩 KOL 始祖親手打造嘅餐廳 緊係要去朝拜下啦😎去到門口已經覺得好有舊香港味道👍🏻 睇得出設計上都花左好多心機 而唔係就咁利用自己嘅名氣招搖作幢😏 餐廳入面分左好幾個區域配以唔嘅裝潢🤩 有輪船主題⛴ 舞廳主題🕺🏾💃🏼 麻雀館主題🀄️ 當然都唔少得經典嘅大排檔裝潢啦 結果緊係打卡打到d 人走曬咁濟😹驚喜嘅係餐廳唔止得個樣🤭 野食味道都好ok👍🏻 一次滿足晒食好野影靚相兩個願望🥳👉🏻 冰鎮素咕嚕肉💰HKD1️⃣0️⃣8️⃣咕嚕肉伴有乾冰 上碟時白煙彌漫🌫 放入口有啲吞雲吐霧嘅感覺😂 估唔到嘅係原來呢個係素肉黎🙈 都係食完再睇返先記得起🤣👉🏻 米酒雞💰HKD1️⃣9️⃣8️⃣呢個米酒雞上碟成個雞頭蓋放左係到成隻angry bird咁樣😂打開蓋就見到原隻荷葉雞🐔 職員仲即場點火燒燒佢🔥 剩係睇都已經回晒本🤭👉🏻 Yelo 咖哩大雜燴💰HKD1️⃣0️⃣9️⃣港式大排檔又點少得港式咖哩呢😚 呢個咖哩有齊經典豬皮 魚旦 蘿蔔 而且仲好火辣辣🥵 岩晒鐘意食辣嘅朋友👉🏻 北角雞蛋仔 （綠茶雪糕）💰HKD2️⃣6️⃣雖然每樣野嘅份量都好多 不過食甜品係另一個胃黎嫁嘛😝 北角雞

食物溫度不夠服務速度極慢 叫左三次汁檯上蛋糕都係無人汁落單伙計甩漏 order2個煲仔飯 落少一個 滑蛋牛肉又無落其實成間餐廳客人唔夠三成 但服務都可以咁差真係得個風 搞唔掂 又貴又唔抵

今日開咗咁耐今日終於來一試呢間網紅大排檔，環境都幾舒適座位都好多，我裝修都好設計玩味！我哋點咗呢度每日限量嘅咪走雞，一上枱一大煲好香酒味，佢有用荷葉嚟包住隻雞，隻雞啲肉都好嫩滑，入面仲包住有唔少配料，隻雞都幾有創意！另外有點咗呢個懷舊蟹膏蝦多士，多士炸得好鬆脆，啲蝦肉都好大件，蟹膏鮮甜咸香，兩樣配埋一齊食真係好夾！仲有點咗條呢個發記大香腸，味道好咸香，有些少胡椒味，同平時食到嘅腸仔有好大分別，呢個食得出有油腸香，口感少少似食腊腸！佢嘅份量都好大條，夠曬4-5個人食！我哋點咗個椒絲腐乳炒通菜，鑊氣好夠，份量都幾多下，呢個送飯簡直一流。

沙田*微辣大排檔*係一間結合多間港澳米芝蓮品牌的餐廳🤩。餐廳裝潢非常有心思。裡裡外外佈滿打卡位。麻雀控必like😍。✨咪走雞雞上枱加入玫瑰露酒再點火。絕對係視覺享受😎。視覺享受完。到味覺享受時間。大蒜薑蔥圍著雞。用刀剪開雞。雞入面包裹著金針雲耳。真心有驚喜❤️。✨冰鎮素咕嚕肉真係唔講唔知原來係素肉。上枱用乾冰墊住。飄著煙呈上。真係唔打卡唔得。素咕嚕肉外脆內軟。做得不錯👍🏻。✨Yelo咖喱大雜燴大雜燴係咩東東？其實係豬皮。蘿蔔。魷魚🦑。魚蛋。好耐都未食過呢啲街頭小食🥹。咖喱味淡淡的。

久仰大名微辣大排檔！仲有幸見到Rachel同霍哥🥹🥹🥹一入到門口，就係搭船去澳門嘅設計幾年冇離開過香港，以前一年總會去一次澳門真係好掛住澳門嘅酒店同賭場🥲🥲🥲再行入啲就係懷舊大排檔風格同時亦有澳門街道路牌嘅元素非常推介米走雞同咖喱大雜燴真係原隻雞上，兩個人食超級飽😅好入味，雞肉又滑！咖喱大雜燴啱晒貪心的小孩平時食一串咖喱魚蛋實唔夠呢一煲就啱晒你，好好食🤭🤭呢份甜品不得了，pancake夠煙韌士多啤梨汁酸酸地好開胃食得晒成塊🤤

懷舊蟹膏蝦多士 $129哇～呢個真係大癲！必點🥹 蝦多士外表炸得相當吸引😮‍💨 未食都已經流晒口水，入口非常香脆🤩 又唔油膩，啖啖嘅蝦味真係融入口中😫 另外，係蝦多士上面配搭埋蟹膏，真係天堂級嘅享受🥳發記大香腸 $79成串大香腸一嚟到已經香噴噴，仲即場幫我地碎上😎 體驗感良好🤔 食落口感好結實，味道都唔錯，再點埋個醬汁，好味！！！椒絲腐乳通菜 $99食大排檔又點少得叫一碟炒得咸香嘅蔬菜呢？🥬 呢碟椒絲腐乳通菜一望到已經知好有鑊氣，腐乳嘅濃烈味道融入通菜中，真係絕配呀🤩咪酒雞 $249店員一托出呢盤咪酒雞，打開蓋後用火槍燒一燒面層包裹住一整隻雞嘅荷葉時，已經氣勢十足、香氣撲鼻🤤 而雞肉嘅味道都絕對唔輸給其香度，廚師除左係雞旁邊放滿洋蔥、京蔥外，仲係雞裡面塞滿金針、雲耳等食材，雞肉入味之餘，仲睇得出廚師滿滿嘅功夫同心意呀🧡 而嫩滑度更加係令人食唔停嘅原因之一，不但雞脾位置幼嫩，就連雞胸肉都一啲都唔嚡烚烚，成盤咪走雞又大又好食，真係食過返尋味😍

茶餐廳必食乾炒牛河係茶餐廳常見嘅菜式，呢個餸易學難煮，第一樣要有鑊氣、又要夠味、又要唔黐底又要乾身不過油。呢碟牛河，係就夠鑊氣，唔黐底，但就太油同鹹咗少少🤏。

中午係沙田搵位食飯並不是容易的事, 經過新城市廣場3期, 見到間好吸睛的餐廳, 睇得出店住花個心思佈置, 好有大排檔feel, 於是便入內試下, 原來都幾大間, 難得有好多位, 唔駛逼😄叫左個黯然銷魂飯$78, 叉燒比較黑, 外型同味道都唔似傳統叉燒, 但食落幾好味, 近似鹵水味, 加埋雙蛋同少少咸酸菜, 好送飯👍🏻😋同事叫左個蒜香乾炒安格斯牛河$88, 夠鑊氣, 牛肉個肉質都唔錯, 有牛肉味😋😋個例湯我覺得偏咸, 反而個茶幾好飲. 下次有機會可以試埋個煲仔飯🤩

成日經過沙田見到已經好想試呢間微辣大排檔😇 有睇開微辣應該都識佢哋 佢哋喺香港開咗呢間大排檔 今日終於試到啦😆 Menu清晰 圖文並茂 仲有微辣十大必食推介 唔怕樣樣都想試揀唔到食咩啦🤣好好彩咁坐咗起一個打卡位🤭 係微辣站呀😍 一坐低店員就放低咗兩個杯同埋好有feel嘅水煲 真係好有風味😇同埋唔係普通嘅茶 係earl grey ahh!!! 估唔到大排檔都會配英式嘅茶葉 幾特別～ 米酒雞 $249係咪憤怒鳥黎架😂 一拎上枱係好大個碗 店員打開蓋再將有火嘅酒倒落去 雞同埋酒味即刻出咗嚟 超香！等啲火熄咗之後我哋就切開個雞 熱辣辣 雞肉非常滑身 雞入邊仲有啲雲耳金針 全部都好入味 雞肉就連雞胸都好滑 亦都好易去骨 好好食呀😋 阿姜至愛 冰鎮素咕嚕肉 $109呢個素咕嚕肉竟然都可以打卡😝 上枱嘅時候有啲乾冰起底 有啲煙飄出嚟 咕嚕肉係熱嘅冰鎮完之後又有另外一種感覺 同埋完全食唔出佢係素 酸酸甜甜好好味 Yelo咖喱大雜燴 $109呢個咖喱煲入面係有豬皮、蘿蔔、陳皮魚蛋同埋魷魚 全部都好入味 又唔會好辣 咖喱味好香 同埋佢有火保持溫度 讚😋 北角雪糕格仔餅（抹茶味）$59呢個格仔餅做得好煙靭脆

嚟到沙田見到呢間澳門網台公司開嘅大排檔，一於試吓。餐廳採用懷舊特色嘅裝修，幾個區域都設計咗唔同嘅主題，寬闊又坐得舒服，我哋坐咗去娛樂場所，牆身癡滿晒麻雀，賭枱加飲勝酒杯同大水煲😂菜式名有啲用咗公司幕前角色黎命名，但都有寫返係咩菜式，方便唔認識佢哋嘅客人。米酒雞🐓煲蓋係雞樣嘅造型幾特別，打開後會淋上點咗火嘅米酒，荷葉包住成隻雞非常大隻，餐廳有提供手套同鉸剪方便食用，雞肉好入味，肉質好淋，嫩滑多汁😋懷舊蟹膏蝦多士彈牙嘅蝦肉加上薄脆嘅多士，配搭蟹膏蟹子，特別又好食👍🏼發記大香腸成條吊起嘅大香腸，之後店員會幫忙剪開，黑椒味香脆可口🙆🏻‍♀️椒絲腐乳通菜香濃嘅腐乳味，份量都幾多

喺沙田行街，見到好多餐廳選擇，唯獨係依家微辣大排檔吸引到我嘅眼球，因為佢嘅裝修實在太有特色，充滿「香港味」！而且喺門口睇返餐牌，每一樣食物彷彿都有佢嘅特點，實在太吸引！忍唔住入去探店！懷舊蟹膏蝦多士～非常彈牙嘅蝦配上鬆化嘅多士已經不得了！！加埋鮮味香濃既蟹膏真係令人齒頰留香！發記大香腸～只係呢個造型已經值回票價，大大嘅香腸燒到外脆內軟，而且係非一般原味，係惹味嘅黑椒口味🤟🏻仲可以配搭辣醬同黃介辣，YYDS米酒雞～一開蓋，見到荷葉包裹着一隻雞，侍應先灑了一圈米酒再點火，簡直精彩絕倫，火熄滅後，就可以用鉸剪去將隻雞分件，一定要搭配雲耳金針去食，先可以食到餸菜嘅特點，雞肉非常嫰滑，而且夠味，佢值得成為呢間餐廳嘅鎮店之寶😋椒絲腐乳炒通菜～一餐飯，總要有碟菜，而呢一個菜依然保留着碧綠嘅顏色，而且味道十分惹味👍🏻