影片
更多
2022-11-19
55 浏览
上次嚟過食車仔麵，今次夜晚嚟試吓小菜，今次坐入啲嘅位置，全部都係打麻雀嘅裝飾，好有氣氛入面返地鐵嘅景都好好笑，尤其Hugo同埋阿丞嘅地鐵廣告，不得了～懷舊蟹膏蝦多士：呢個好鍾意！一碟有四件蝦多士，當時上面有滿滿嘅蝦滑，再加埋甲羅燒一齊食，口感好豐富發記大香腸：朋友係發画嘅fans ，指明要order呢樣，成條腸咁樣吊出來又幾搞笑，好濃黑椒味，仲可以點茄汁同埋芥末一齊食椒絲腐乳通菜：夠鑊氣，上枱熱辣辣，即刻叫兩碗白飯嚟送飯咪走雞：冇諗過係咁大個煲，揭開塊荷葉就係全隻雞，啖啖肉，細細力撕開就離骨，加埋孜然粉好好食，入面仲有金針雲耳，炸蒜頭蔥頭，索哂啲精華～嘢飲就叫咗鴨屎香珍珠奶茶，同埋藍蝶青檸梳打見到隔籬枱食啲煲仔嘢，同埋炸乳鴿都好似好正，仲要放喺一個好懷舊嘅磅上面，勁啱打卡，希望下次試吓
上次嚟過食車仔麵，今次夜晚嚟試吓小菜，今次坐入啲嘅位置，全部都係打麻雀嘅裝飾，好有氣氛
入面返地鐵嘅景都好好笑，尤其Hugo同埋阿丞嘅地鐵廣告，不得了～
懷舊蟹膏蝦多士：呢個好鍾意！一碟有四件蝦多士，當時上面有滿滿嘅蝦滑，再加埋甲羅燒一齊食，口感好豐富
發記大香腸：朋友係發画嘅fans ，指明要order呢樣，成條腸咁樣吊出來又幾搞笑，好濃黑椒味，仲可以點茄汁同埋芥末一齊食
椒絲腐乳通菜：夠鑊氣，上枱熱辣辣，即刻叫兩碗白飯嚟送飯
咪走雞：冇諗過係咁大個煲，揭開塊荷葉就係全隻雞，啖啖肉，細細力撕開就離骨，加埋孜然粉好好食，入面仲有金針雲耳，炸蒜頭蔥頭，索哂啲精華～
嘢飲就叫咗鴨屎香珍珠奶茶，同埋藍蝶青檸梳打
見到隔籬枱食啲煲仔嘢，同埋炸乳鴿都好似好正，仲要放喺一個好懷舊嘅磅上面，勁啱打卡，希望下次試吓
张贴
