微辣大排檔 (已結業)

本身唔係微辣fans， 都俾微辣大排檔嘅門面吸引左入去(*¯︶¯*)彷懷舊設計嘅裝修超級靚，將大排檔搬入商場真係吸引左唔少好似我哋咁怕污糟嘅人幫襯！叫咗碟麻辣鴨腸做我哋既頭盤 辣度恰到好處 配埋芫荽食一流酥炸豬大腸 賣相有創意 俾埋鉸剪我哋自己剪黎食 有得食又有得玩值得一提佢個大腸醬好出色豪Dee本色玩食字 其實係蠔餅 真係有大排檔水準 好酥脆蠔仔好juicy秘制三啫台山肥蠔煲 入面有7隻蠔 真係又肥又多汁 三啫汁味道濃郁 下次再試一定會叫碗白飯送飯蟹油豉油王炒麵 特登俾樽蟹油 俾客人自己調節份量 非常特別 味道都唔錯 最後配埋一杯 鴨屎香珍珠奶茶 入面啲珍珠四方形大大粒 好Q彈2叫左咁多野食，食左捧住個肚走，都係叫左$500，性價比好高！

睇戲前係呢間新開嘅大排檔醫醫肚。大排檔都好大,置身當中,當過咗澳門一遊😂😂QR code 點餐,隨時翻查紀錄,方便永無甩漏。嗌樽維他奶懷舊一下先,蘋果汁冰凍酸甜,夏日解渴之選。🥤炸魚皮香脆無腥味,就咁食或浸一浸湯底都一樣好正!🐟超喜歡外面香脆,裡面鬆軟嘅奶油豬。呢個漢堡包用咗烤青椒、蕃茄片同生菜中和免治豬肉嘅油膩,酸酸辣辣吾錯。瑞士雞wing幾大隻,若果中間都入味,就更好啦😅自選車仔麵,有多種配料,梗有二三款啱口味。吸咗麻辣湯底嘅公仔麵,保持爽口質感,豬紅口感嫩滑,同蘿卜係孖寶。

叫左米酒雞+三個餸。(半法式體驗)首先上個三個餸先，食完第一個岩岩好上第二個，食完第二個到第三個，同普通大排檔一次過上哂有d分別，但見到入面都坐滿左人出面都有人等入座，呢個上菜速度都可以理解。但除左第一個冷盤上黎要凍嘅之外，其餘兩個餸上黎個陣面個陣都係凍嘅，可能樓面唔夠人同埋致敬食神嘅乾坤燒鵝(外凍內熱)。(港式體驗)落單起計25分鐘都食哂3個餸，再等多10分鐘但隻雞都未上，咁就催左一次。之後再等多15-20分鐘都未到，咁就諗住由佢啦嗌埋單同取消隻雞。跟住唔駛半分鐘，隻雞就上黎。隻雞係大同感覺係一道要花時間嘅餸。btw，隔離枱係我坐低嘅時候落單，佢上隻雞嘅時間我冇特別數，不過係佢地上嘅第一道餸。服務員大致上都ok，有禮貌，語氣態度都係親切有活力，香港餐廳有呢個服務質素絕對係bonus!除左一位男員工。態度就正正常常，唔串又唔nice咁(有比較有傷害，冇比較冇問題咁)。一開始就係佢負責俾飛同叫人帶我地入去，之後見到佢入樓面幫手。問題就黎，我真舉手埋單個陣得佢望過黎，佢俾左反應我地但之後5分鐘都冇見過佢，唯有叫過第二個幫手。啤酒三枝100-150蚊，睇落正常餐廳價，但佢係細枝裝，所以建議飲

碰巧微辣部份區域正進行拍攝活動, 怪不得食客坐得密密的。由於顧客實在太多, 不便四周拍照, 眼觀佈置蠻吸睛的, 唯枱與枱之間的空間感不足, 除非被安排坐卡位, 否則感覺頗有壓迫感。微辣採用qr code自助落單, 十分方便。想簡簡單單吃碗車仔麵, 但很多材料都沒有供應, 有點失望。自選車仔麵1) 牛筋丸 $102) 牛百葉, 美味聊齋, 番薯粉 每款$123) 清湯, Yelo咖喱汁, 鍾意加蔥4) 思男絲襪奶茶 (凍, 少冰) $245) all + 10%湯底選了清湯加咖喱汁, 咖喱味道不濃。番薯粉彈牙, 唯不索湯, 味道淡淡的。酸齋有咬口, 酸甜開胃。牛筋丸爽口但不彈牙。牛百葉得2小條, 份量少得令人懷疑。思男絲襪奶茶 (凍, 少冰) 茶味算濃, 味道中規中矩。整體來說, 車仔麵並不便宜, 3餸1麵加飲品連加一需$77, 想多叫幾款餸也要三思, 而且餸的份量略少, 吃罷並不滿足, 性價比不高。離開時巧遇微辣霍哥拍攝完出來, 有幸與他合照, 倒是意外收穫。

平時成日睇微辣，難得佢係香港開左間微辣大排檔，一於試吓！嗌左好多小食，想特別點評幾樣食物俾各位網友睇下，亦都係必試！微辣十全大寶車仔麵$138: 揀左幼麵，超級豐富多料！仲要有鮑魚+花膠食！嗌左微辣，都真係幾辣下，每條麵都掛上微辣嘅精華，完全刺激到我嘅味蕾！特別點評其中一個食材，有微辣大香腸，超級巨型，食落去黑椒嘅辣味令我更加不禁咬多幾啖添呀！豬扒包$38: 塊豬扒仲大過塊麵包，而麵包亦都茶左牛油並且輕輕烘過，咬落去麵包非常鬆軟，而豬扒嘅質感唔會太鞋太乾，亦唔會太淋好似其他茶餐廳落得太多肉鬆粉。話晒係澳門特式菜，所以呢個必嗌！生菜魚肉湯：巨多生菜，絕對可以中和返之前食得太多嘅飽膩感，而魚肉應該係手打的，因為食落去好煙韌好有鮮魚味。鹹牛肉芝士炒滑蛋包+薯條+飲品：鹹牛肉份量岩岩好，唔會覺得太鹹，而蛋都亦都炒得好滑，夾埋個豬仔包一齊食，層次感非常豐富！總括依然，呢間澳門網紅新開嘅餐廳真係幾高，佢分左冰廳+大排檔小菜area，下次有機會一定要黎試吓！

最近見沙田呢間微辣大排檔新開人流唔算多，就一於叫個外賣車仔麵試下。🤭🤭首先去到外賣處落單，原本職員掛住聊天中，但見到有人都好快過黎詢問要啲咩。👍🏻👍🏻落好單之後等大約5-8分鐘就已經拎得，送餐職員都好有禮貌不錯。😆外賣🥡包裝很有特色幾靚，十分有創意😹😹👍🏻👍🏻其中一個原因我也是因為包裝而去嘗試這間車仔麵。今次點選了魷魚蘿蔔同埋梅菜豬肉丸米粉試試，湯底味道一般未去到話好好食，梅菜豬肉丸其實等同於梅菜肉餅一樣😹😹其他就都係冇乜特別，餸嘅份量又有啲少，價錢比起一般車仔麵貴。而味道又未給其他車仔麵好食，總括下次唔會食車仔麵，但可以嘗試其他食物☺️

最近網上頻道微辣於沙田新城市廣場開設了餐廳，於是便決定一試其風味。進店後發現都是以香港作為主題，原本還以為微辣來自澳門，會以澳門風味作招來，原來都在食物當中。說回食品，選擇都算不少，客人可透過手機下單，簡單又直接。餐點食品名字都用上了微辣一眾網絡紅人，是fans的話更覺親切。選了「食豪Dee十全大寶車仔麵」，因為該餐已包括了多款星級美食，有鮑汁鮑魚、上湯花膠、瑞士雞Wing、沙嗲魷魚、Rachel愛豬手、滷水大腸、發記豬肉餃、微辣香腸、梅菜發記豬肉丸及清甜蘿蔔頭Roberto。麵底選了番薯粉及應景的微辣辣汁醬汁。用上網紅名字給予新鮮感，在份量而言就是斤兩十足。鮑汁鮑魚不算大件頭，勝在夠味且彈牙。上湯花膠有4大片，沾滿湯，口感不錯。瑞士雞Wing就像真人雞Wing一樣夠軟易入口。沙嗲魷魚算正常爽口。Rachel愛豬手夠軟身。滷水大腸夠味濃。微辣香腸就不是微辣般輕鬆，可說是中至大辣。清甜蘿蔔頭Roberto亦算清甜，沒真人那般多鹽花。另外還選了豬扒豬仔包配薯條及齋佢老味(美味聊齋)。豬扒豬仔包大小適中，豬扒是帶有小骨的原件豬扒，食的時候要小心一點。美味聊齋味道夠開胃，而且口感不錯，相比一些

微辣係澳門youtube KOL，主打笑片，娛樂主題片段，大部分青少年港人都應該唔會陌生今次係香港開咗餐廳，落咗好多gimmick，例如餐牌玩食字等餐廳用香港懷舊為特色背景，亦都加咗不少微辣演員照片poster，都幾搞笑🤣冰室有車仔麵/豬扒包等選擇上面湯底係沙嗲，有一匙羹嘅沙嗲醬材料係幾多，每樣配料都最少2-4舊有平有貴嘅食材有鮑汁鮑魚，亦有上湯花膠咁大舊，有兩大塊，先$1x蚊，其實係幾抵食南乳豬手亦都蚊得幾冧👍🏻可以一試以上係咖哩湯底十分推薦手打墨魚丸🦑🥰麵底第一碗揀咗岀前一丁，第二碗揀咗油麵芒果沙冰🥭略覺得太甜，但整體味道不道，用新鮮芒果，而唔係用汁溝岀嚟麻辣牛肚少少辣，幾惹味😍

好少去沙田新城市果邊行街諗起好耐冇行吓一田行完後開始肚餓要搵食原住超市位電梯一上去就見到一間食店叫做"微辣大排檔"即刻睇吓有咩食見到寫住澳門大利😱更係有豬扒包,仲有香港最出名車仔麵,雞蛋仔,菠蘿包唔單止港式食物會照顧d 西人🤣就係Burger仲可以有套餐最好嘅係照顧埋d 素食者有素食Burger 🍔🍟👍🏻可以不同類人一間攪掂晒所以唔洗諗就入咗去同埋都好耐冇食車仔麵又冇得去澳門食野座底後發現係用QR Code 落單咁啱有卡位😬係渡輪主題設計👉🏻豬扒豬仔包😋豬扒鬆軟個包好脆👍🏻如果用無骨豬扒仲好希望有代改善個盆好特別如果叫套餐啱啱好放埋薯條汽水👍🏻👉🏻自選車仔麵(仲有好多汁選擇)當然試佢微辣汁真係少少辣啱啱好👍🏻酸齋好好味😋鮮蝦腐皮卷😋有鮑魚仔同花膠瑞士汁雞翅👉🏻絕味蓮藕😋好入味爽脆👉🏻韮菜豬紅豬腸蘿蔔👉🏻油菜(有腐乳汁,腩汁,蠔油選擇）有手工啤酒可選三支優惠有冰杯提供👍🏻👉🏻咸檸檬雪碧用玻璃樽👍🏻用埋不銹綱杯👍🏻

這天來到了微辣大排檔坐了非常有特色的麻雀枱特色之處是麻雀枱是頂腳的全程雙腳不能屈曲😅坐得有點辛苦下單叫了幾道小菜先來了放在磅上的紅燒乳鴿十分驚喜可是乳鴿沒有斬開進食時略嫌有點麻煩再來了一道蒜蓉開邊蒸蝦正正常常、不過不失但只有六隻蝦餐廳冷氣有點凍全程起了雞皮滿心期待暖暖的水蟹粥可是下單後過了一小時左右店員才來告訴我們沒有水蟹粥😅都不知是沒有水蟹還是沒有粥😅總括而言餐廳環境不錯店員也有禮貌但食物就……

相信大家對微辣大排檔都唔陌生☺️今次佢地第一間大排檔就開係沙田😍 平日晚上去到 都滿座咁制😱 好多人好熱鬧😂 去到先發現原來成間餐廳分開兩個area 一邊主打大排檔小菜 一邊主打車麵 😚 今次因為得我同男朋友去 食得唔多 所以簡左 車仔麵 🤡 場內環境設計都好80年代😜 仲好多澳門特色😻🥰 如果想打卡既一定可以影餐飽😙 勁靚😍🥰 勁想要 場內位置好多 仲有高枱位置❤️ 雖然想食車仔麵 但黎到澳門餐廳 點可以唔食豬扒包🤭 利來記 一啲都唔陌生🌶 一上桌 第一個反應係超大塊豬扒 仲大個我塊面😂🥲 個包勁軟熟 （之前係澳門食過好硬身）豬扒都係簡單調味 唔會太heavy 😝唔厚 唔un 🤪 記得係無醬咖☺️ 男朋友堅持要食奶油豬🥹 但有驚喜😝個包好香脆 好軟熟 ！ 牛油煉奶份量岩岩好😜 招牌玻璃辣魷魚 🦑 唔會好辣 魷魚好爽口 唔會比辣汁搶過鮮味 😋 到重頭戲啦～ 車仔麵 可以自由配搭超多款餸 😻 難得黎到 緊係要簡返啲微辣特色菜😙 我個碗叫左 瑞士雞wing （好重口味嘅瑞士雞翼）微辣香腸 （係麻麻辣辣既香腸 超大條 好彈牙 好食！）白菜發記豬肉餃 （皮好薄 仲要餡料好足）大腸 （滷味 爽口

行過一田見到圍左板好耐嘅微辣大排檔終於開，見入面冇乜人就狗沖去試下啦行到門口，點解冇人嘅，等左5分鐘左右，先知原來休緊息，5點半先開番，唔緊要啦，咪行下一田等多下。5點7左右終於入到去。利申太早唔想食小菜所以食左猪扒包果啲。喂衰鬼又幾靚喎，坐左係度之後。有幾個員工同我對望。等左一輪先知二維碼落單。落完單坐定左知覺得啲歌好嘈。啲野食都黎得好快嘅。啲餸名幾得意就叫左一碗車仔麵同一個包set两杯野兩個人開心share嗌咗個墨魚腐皮卷，猪手，牛根，微辣汁。好L鐘意加蔥。賣相ok。食落就一般。唔太熱同小咸。食到一半黎埋個set咩咸牛芝士菠蘿包。呢個又正喎，包包夠熱，包包微甜同咸牛幾夾，啲蛋又炒得滑。仲有薯條，幾扺食。野飲就set有跟支氣水同叫左杯芒果沙冰。可樂就冇乜特别都係咁。反而沙冰甜左小小但我ok接受到Btw有樣野想講，啲樓面好似盲咁，係咁舉手都冇人理。果時樓面仲多個客，成班好似唔知做乜。好多都好年輕冇乜經驗。埋單要收加一，明嘅始終係新城市。但食車仔麵要收加一但又冇服務。真係更好食都狗也不di.u

那裏的環境十分具有獨特的風采。炸豪，充滿鮮味，既脆又多汁，分量充足。避風塘雞翼, 內有蝦滑，非常爽脆。白飯的份量十分充足，飲品的味道也是頂級的，十分好。總括而言，該餐廳性價比十分之高，如果有機會的話，我一定會再吃一次。

星期六行沙田嘅時候，見到佢新開就打算試下。佢分兩邊，一邊係做車仔麵，另一邊做大排檔小菜。我見大排檔小菜好似冇咁多人所以揀咗試吓，點知就係一個惡夢嘅開始。首先我叫咗泡椒鳳爪，蒜香乾炒牛河，避風塘魷魚，乳鴿，同一支藍妹。首先講吓個泡椒鳳爪，佢一啲都唔辣，但係有一浸酸味，泡椒鳳爪一啲都唔入味。好似純粹白灼鳳爪雪凍咗之後浸入去嗰啲汁俾你。完全唔好食。（1/10分- 不需要試）第二係蒜香乾炒牛河，個乾炒牛河真係浪費咗佢師傅嘅功力，其實佢係有鑊氣，可惜調味好差，連基本嘅豉油都好似唔夠咁，牛肉就一啲好鞋，一啲就還可以。（5/10 分 - 餓先考慮叫）第三就係避風塘魷魚，配料同賣相都幾吸引，食落去都香脆。（7/10分 - 都可以試）第四係炸乳鴿，佢個賣相都可以，連埋個磅嚟擺好似都幾得意，可惜個乳鴿炸到咗哂火，又乾又難食，另外因為佢原隻上，我搵侍應希望可以將佢一開二，點知個侍應同我講話成隻乳鴿就咁食，將啲肉汁迫返落去啲蝦片度，再食返啲蝦片會好好味，但其實啲蝦片一嚟到嘅時候我食咗一片，啲蝦片臨到你即刻想吐返出來，真係超核突，都唔知啲下邊擺咗幾多個鐘。個侍應答完我之後我同佢反映啲蝦片係淋嘅，佢就笑而不語咁樣

一坐低枱上嘅餐碟好多手指模,再問佢攞杯清水,清水上面好多油.之後点咗三碟餸三杯嘢飲,驚喜開始嚟喇先呢個豪Dee本色賣相可以,但內裏好小蠔,之後來過辣子避風塘雞翼蝦,沒有避風塘風味無味無辣,隆重登場🤮啫啫雞煲我未食過啫啫雞煲係用甜酸醬做,三杯凍飲係港式基本嘢凍檸水冇檸味🤔凍檸茶冇茶味😔凍檸蜜冇蜜味