影片
更多
2022-06-12
325 浏览
星期六行沙田嘅時候，見到佢新開就打算試下。佢分兩邊，一邊係做車仔麵，另一邊做大排檔小菜。我見大排檔小菜好似冇咁多人所以揀咗試吓，點知就係一個惡夢嘅開始。首先我叫咗泡椒鳳爪，蒜香乾炒牛河，避風塘魷魚，乳鴿，同一支藍妹。首先講吓個泡椒鳳爪，佢一啲都唔辣，但係有一浸酸味，泡椒鳳爪一啲都唔入味。好似純粹白灼鳳爪雪凍咗之後浸入去嗰啲汁俾你。完全唔好食。（1/10分- 不需要試）第二係蒜香乾炒牛河，個乾炒牛河真係浪費咗佢師傅嘅功力，其實佢係有鑊氣，可惜調味好差，連基本嘅豉油都好似唔夠咁，牛肉就一啲好鞋，一啲就還可以。（5/10 分 - 餓先考慮叫）第三就係避風塘魷魚，配料同賣相都幾吸引，食落去都香脆。（7/10分 - 都可以試）第四係炸乳鴿，佢個賣相都可以，連埋個磅嚟擺好似都幾得意，可惜個乳鴿炸到咗哂火，又乾又難食，另外因為佢原隻上，我搵侍應希望可以將佢一開二，點知個侍應同我講話成隻乳鴿就咁食，將啲肉汁迫返落去啲蝦片度，再食返啲蝦片會好好味，但其實啲蝦片一嚟到嘅時候我食咗一片，啲蝦片臨到你即刻想吐返出來，真係超核突，都唔知啲下邊擺咗幾多個鐘。個侍應答完我之後我同佢反映啲蝦片係淋嘅，佢就笑而不語咁樣
首先我叫咗泡椒鳳爪，蒜香乾炒牛河，避風塘魷魚，乳鴿，同一支藍妹。
首先講吓個泡椒鳳爪，佢一啲都唔辣，但係有一浸酸味，泡椒鳳爪一啲都唔入味。好似純粹白灼鳳爪雪凍咗之後浸入去嗰啲汁俾你。完全唔好食。
（1/10分- 不需要試）
第二係蒜香乾炒牛河，個乾炒牛河真係浪費咗佢師傅嘅功力，其實佢係有鑊氣，可惜調味好差，連基本嘅豉油都好似唔夠咁，牛肉就一啲好鞋，一啲就還可以。
（5/10 分 - 餓先考慮叫）
第三就係避風塘魷魚，配料同賣相都幾吸引，食落去都香脆。
（7/10分 - 都可以試）
第四係炸乳鴿，佢個賣相都可以，連埋個磅嚟擺好似都幾得意，可惜個乳鴿炸到咗哂火，又乾又難食，另外因為佢原隻上，我搵侍應希望可以將佢一開二，點知個侍應同我講話成隻乳鴿就咁食，將啲肉汁迫返落去啲蝦片度，再食返啲蝦片會好好味，但其實啲蝦片一嚟到嘅時候我食咗一片，啲蝦片臨到你即刻想吐返出來，真係超核突，都唔知啲下邊擺咗幾多個鐘。個侍應答完我之後我同佢反映啲蝦片係淋嘅，佢就笑而不語咁樣走咗。
最後一樣叫咗一支藍妹，餐牌上面冇寫到去大定細，$48 一支，$120三支。佢嚟到之後我真係啞咗，細藍妹賣$48，佢憑乜嘢呀？如果飲一打藍妹咪成$480蚊？
最後我另外攞咗兩杯水，佢侍應俾咗兩杯好大嘅水我哋，但係兩杯水都好似啱啱100度煲滾，嗰啲水蒸氣仲勁過隔離食緊煲仔菜。另外佢啲碗碗碟碟都好多油漬，估計佢都係用洗碗機洗碗，但係冇清酒啲餸菜就咁擺落去用洗碗機沖洗，抹咗兩張濕紙巾都仲係覺得好污糟。
總結我真係以為去咗食食神，啲魚蛋辣啲，杯嘢飲多冰啲，支管粗啲，杯野多冰啲，超失望。無下次。
张贴
