微辣大排檔 (已結業)

好耐都無黎沙田行街，唔係好熟行情，行完行之後朋友帶左我黎新城市廣場既微辣大排檔食晚飯。餐廳裝修都幾特別，有啲玩味感覺又有少少懷舊復古既感覺。餐牌選擇都幾多，花多眼亂，選左好耐先決定到。首先試左2碗招牌車仔麵，私心推介豬血同豬大腸，水滷得幾入味！仲有雞翼好正，忟得好淋，夠香，一定要散叫食先夠喉！小食試左澳門豬扒包，大大舊，二個人食剛好！豬扒唔會煎到太乾，讚！另外玻璃魷魚同豬手都唔好錯過，魷魚食落口感好爽，豬手夠淋，調味夠，yummy!最後要介紹既係佢地既芝士薯條，波浪薯仔配濃厚車打芝士真係無得輸！

成日睇微辣，估唔到香港會開微辣大排檔！餐廳裝修好有特色~打卡一流😆原來佢有分食車仔麵定大排檔，排隊時會問你食邊間，今次去食下午茶😎所以揀咗冰廳果邊~微辣車仔麵(自己揀餸)麵底最平11蚊~啲餸亦都幾有特色, 10蚊起！味道還好~ 湯底方面可以揀微辣、沙嗲、麻辣、咖喱。豬扒包餐 (有豬扒包、野飲、薯條)可以+$4轉菠蘿包皮，菠蘿包皮好香，好味。豬扒勁大塊同好厚肉！普通包就正正常常，豬扒都一樣好大塊！我嗌咗瑞士雞翼，超級難食，大家可以唔好嗌。霉霉爛爛又唔熱🥴🥴

一直有睇微辣，藉着他們的聲名試下幫襯新開的微辣大排檔。入門口前，侍應問你想食車仔面定午市套餐，原來兩個唔同區，亦都唔可以跨區點單（好奇怪）。諗住今次試下午市套餐，點左個雲吞撈面，但原來只係配例湯，冇其他飲品可以叫⋯⋯。想要飲杯凍檸茶都冇☹️。黎到個雲吞面，嘩，得兩粒（唔係護肝保廣告個d⋯⋯兩粒⋯兩粒），仲要冇咩味。埋單仲要茶錢收$10/位再加一，雖然無限供應，但茶記咋喎，又唔係咩人參烏龍泡茶。伏！咁下次仲試唔試車仔面呀⋯⋯😩

雖然唔係微辣嘅粉絲，但次次經過一田都見到微辣大排檔大排長龍，加上睇咗Menu都算岩食，所以今次就一試佢嘅手勢啦😆入到去發現佢嘅裝修好有心機，你食唔同嘅嘢食佢會安排你去唔同嘅位置，今次我哋去食茶餐廳嘅嘢食，所以佢編排左我哋坐渡輪嘅位置，好特別🤣二話不說即刻嗌佢哋嘅嘢食，首先叫咗一個豬扒出前一丁常餐，豬扒勁大塊，出前一丁嘅味粉紅麻油都分開上，非常貼心，唔食咁鹹嘅我可以落半包味粉就算啦🤣除餐就會送滑蛋同埋奶油豬，滑蛋非常之滑，奶油豬非常鬆脆，但又唔硬，非常滿意👍🏻之後另一樣煮食就係車仔麵啦，佢哋個車仔麵好多選擇，牛腩同埋牛筋都係唔錯嘅選擇都好好食👍🏻重點係湯底同埋配料選擇多，最欣賞佢蔥同埋辣菜圃可以任加👍🏻👍🏻之後再嗌左啲小食，首先係一個芝士薯條，薯條用波紋薯條，識食嘅人都知道薯條係波紋薯條最本土同埋最好食😎而且薯條炸到非常之脆，芝士醬陣味亦都好夾薯條👍🏻之後我叫咗個花生奶醬多，真心非常之抵，係我唯一一樣記得價錢嘅嘢， $12 ，大大塊🤣🤣🤣淨係入嚟食呢樣做下午茶都抵，啲醬料都俾得好大方，正！仲有叫咗個鹹牛肉炒蛋芝士脆豬，綜合晒我喺上面提及炒蛋同埋奶油豬嘅優點之外，鹹牛肉同芝士嘅味道好出👍🏻

星期六晚市食飯同小朋友坐低左想試煲仔飯落單個陣侍應小姐話星期六無煲仔飯，無竹昇麵，話師父星期六唔開工連雞蛋仔都話賣哂😅5份之1主餐牌嘅食物，星期六晚市都係唔供應，餐牌亦無寫明大家想食就係門口問定先

諗住去試新舖，其實都唔新，5月23日試業，(檔主：Manager話仍在試業中)。門口睇餐牌，雖然舖頭得一個名，但侍應講明是兩個老細，要諗清楚食咩先好入去。諗住食下D特色野，揀咗入面個間，落單想叫雞蛋仔(個機壞咗)，、煲仔飯(又話無窩蛋牛.....)，兼夾所有點心都無。終於叫了沙田雞粥+竹昇麵($128)，雖然有點貴，但都叫有點特色，睇下佢質素；另外叫了個煲仔肉餅飯。侍應先來個例湯，一飲，D味精勁到飛起，唔使飲。再來一碗雞粥又係味精粥，碗粥不少雞皮送贈，雞肉就少少。竹昇麵得一個麵餅，未煮透，無剪開，撕極都撕唔開，用了不少時間，食到我都無哂心機；記起點解好似有野未黎，就係耐到都唔記得既煲仔飯。翻查「安心」記錄，入去13:50，離開時14:44都未食到個煲仔飯。眼睇見隔離枱遲過我地來，都一煲、二煲上枱；起初諗住先食一、兩樣再叫，食完個粥、飲完個湯，唔使諗。茶錢：每位$10, 再加一，每人$58、只係食到兩啖粥，幾啖麵，埋單$178重要去第二間食過！......

今日經開沙田食午餐，選擇咗微辣大排檔，經過因為比裝修吸引咗，入到去裝修擺設好有心思，用心，每張枱好特別，我叫咗黯然銷魂飯，好大份，味道一般，正常叉燒飯，細心位有薑蓉榨菜做配料，老火湯好足料，另外叫咗個雲吞蝦子撈麵，呢個好味，雲吞好大粒新鮮，蝦子味道恰到好處，辣醬做得好出色，唔係太辣有豆豉味👍🏻👍🏻👍🏻

今日經過沙田新城市行街發現咗呢間微辣大排檔就係之前好出名澳門KOL微辣所開設嘅一間冰室型嘅餐廳，入面裝修好有特色有唔同嘅風格，今晚嚟到呢度食夜晚，餐廳座位劃分好似有唔同嘅區域主題都幾啱打卡影相。由於呢間係澳門人所開嘅所以佢都有唔少澳門大利來記豬扒包嘅選擇但因為我哋想試一試其他款式所以要咗雙層新豬肉漢堡包配芝士薯條同凍鴛鴦，呢個係啱啲素食人士因為豬肉係採用植物油都較為健康都可見佢嘅雙層肉都揸得好酥脆大大嚿，加上熱熔芝士賣相一流，個薯條都配上濃厚芝士醬，熱辣辣大大碟，份量超級多。另外佢呢間都有主打車仔麵，我哋要咗個十全大補車仔麵，真係好誇張，有豪華嘅鮑魚花膠沙嗲魷魚豬肉餃等，10幾樣唔同嘅配料，湯底有微辣湯。仲有都叫咗佢有其他地道懷舊小食，韭菜豬紅、炸魚皮、陳皮魚蛋同咖喱魷魚，極度推介炸魚皮，香口好食。

微辣大排檔 愈做愈大 跳出youtube 開真正既大排檔 有車仔檔 、小食、冰室類 同 大排檔之分 今次揀左車仔麵 冰室 電子落單 十分之方便食豪Dee十全大寶車仔麵鮑汁鮑魚，上湯花膠，瑞士雞wing，秘製沙嗲魷魚，Rachel愛豬手(南乳豬手) ，滷水大腸，白菜發記豬肉餃，微辣香腸，梅菜發記豬肉丸，清甜蘿蔔頭Roberto 配左油麵 + 微辣辣汁 + 好鐘意加蔥 + 辣菜脯 揀套餐 仲有菜 同飲品 腐乳菜心思男絲襪奶茶黎到真係好大碗呀 同朋友share 岩岩好因為佢好多份量都兩件起 所以呢個價錢都ok 呀 味道方面 每樣送都吾錯 好有港式車仔麵既味道 配埋微辣辣汁 湯頭幾match比較特別既係鮑汁鮑魚、上湯花膠、白菜發記豬肉餃，微辣香腸，梅菜發記豬肉丸呢d係出面食唔到 豬扒菠蘿包大利豬扒包 冇咩人唔識 而家唔洗去澳門都食到 好開心呀朋友揀左菠蘿包面 配埋熱辣辣既豬扒 不錯 另外再叫左d 小食 佢既小食 $2-3x 但全部份量都幾多多人share 更好齌佢老味(美味聊齋)我食車仔麵都鐘意叫埋酸齌呢個味道都唔錯 面唔會過酸/ 甜 麻辣雞腎唔算好辣 但有麻味 泡椒無骨鳳爪酸酸辣辣

睇開YouTube channel 相信都有聽過微辣今次就為左Gimmick 試佢地的餐廳出品 平日夜晚再加開張一段時間 服務態度OK💁‍♀️今次試左兩個主食 -自選車仔麵和大利來記豬扒菠蘿包 另外試左四樣小食 過一過癮 自選車仔麵試左有幾樣配菜都唔錯可以一試 ✅- 手打蝦 /墨魚丸 - 特式長蟹柳 （真係幾長✨）- 墨魚🦑腐皮卷麵底 、醬配料都可以自選配合車仔麵特色😙- 豬扒菠蘿包 熱辣辣 菠蘿包皮脆口 另外豬扒肉質都嫩滑 同時亦都易切兩人分享冇難度🍔小食方面推介： 泡椒無骨鳳爪 重麻味的鳳爪彈牙有口感 又適合唔太食到辣的朋友仔食的開胃小食✅另外茶飲都可以自選甜度 奶和冰等的份量 Tailor made自己飲開的口感 秘製香滑奶茶的茶底做得唔錯👍🏻少奶更加可以飲得出個茶底 ☕️

微辣有幾出名大家都知啦 今日特登入嚟，一睹微辣的風采。估唔到微辣茶餐廳和微辣大排檔裝修極具香港特色☺️好有風味！睇得出好俾心機裝修，有香港天星小輪的主題。周圍填滿香港著名建築物圖片，好似坐咗喺小輪上邊，一邊享受香港美食，一邊睇海景😉一嚟即刻食咗個豬扒包☺️豬扒大過我份，分量十足$58一個餐，有飲品有薯條🍟，真係超級抵😍豬扒好多汁嫩滑，非常惹味。包皮非常香脆，佈滿牛油香。10分推介。我哋兩個人share食食豪dee 十全大寶車仔麵，分量十足，入邊好多材料啱晒貪心嘅我哋，連啲名貴食材例如花膠豬手都有☺️白蘿蔔香甜美味😍雞蛋仔看似普通的食物，但係可以喺室內茶餐廳舒舒服服咁樣食到，真係好開心🥳而且口感外脆內軟，甜度適中，是值得推介的小食腐乳生菜🥬出奇意外地好食😋 腐乳是香甜的味道。唔會是死鹹味總括嚟講係一間又乾淨又好食嘅餐廳🍴絕對會再次encore希望下次食埋微辣大排檔試吓佢啲小炒

Book mark咗微辣大排檔好耐，今晚終於抽空一嚐呢嗰飄洋過海嘅大排檔～首先一定要講下佢嘅裝潢！好多打卡位，亦都好有舊香港嘅感覺，文青嘅你一定要去睇睇！呢間餐廳就主打車仔麵同廣式小食車仔麵（自選）：我哋揀咗豬腩肉🐖、手打墨魚丸、麻辣豬肉餃、鵪鶉蛋🥚、豆卜、生菜🥬、蘿蔔同瑞士雞wing🐔。麵底：油麵，湯底：Yelo咖哩汁🤤食嗰陣油麵吸曬啲咖哩汁，啖啖咖哩味🤤呢嗰咖哩汁亦都唔係得嗰咸字，係有咖啡味！配料其實樣樣都好食😋但更值得一提嘅係豬腩肉蘿蔔同雞wing~豬腩肉係半肥瘦，食落好嫩滑，切得唔會太厚，所以減肥嘅你食落都冇咩心理負擔🤤🫢蘿蔔又係吸曬咖哩汁🤤所以好好食！本身以為瑞士雞wing會唔搭咖哩汁，但食落又幾搭！芝士炸薯條🍟：有調味過嘅芝士醬配炸得熱辣辣嘅薯條簡直一流！豬扒豬仔包：呢嗰一定要食！烘過嘅豬仔包外脆內軟🤤🤤豬扒仲大塊過隻手掌✋表層有少少酥脆😋入面好juicy🤤係食過數一數二好食嘅豬扒包！原來味豆腐花(涷): 食落比較似豆乳～甜度適中👍食完車仔麵食番個豆腐花幾清爽！

丫妹一直有追睇微辣youtuber, 得知沙田開咗間港式大排檔, 相約今晚收工特意去食餐dinner。餐廳環境闊落, 裝修佈置富有Hong Kong style。自行scan QR code落單, 食物均以香港特色美食為主, 雖然只係晚市6點多, 但所有口味雞蛋仔、格仔餅、魚肉碗仔翅都已經售罄, 還好仲有港式小食同埋主食供應。【香脆炸魚皮】HK$18魚皮開始有少少潮, 不過表面還是脆的, order咗車仔麵, 浸湯食不錯。【芝士炸薯條】HK$22波浪薯條偏林身, 表面不油, 淋上芝士醬調味。【招牌玻璃辣魷魚】HK$48魷魚份量多, 質地爽口, 沾上鹹鹹地醬汁, 幾正!【麻辣雞腎】HK$38雞腎偏林, 個汁辣辣地, 幾惹味, 而且份量都幾多。【豬扒菠蘿包】HK$38常溫嘅菠蘿包軟熟, 夾著大大件薄身連骨豬扒, 避免一啖咬落去唔會難咬開。而且豬扒表面煎過, 鎖住部份牛肉汁。【花生奶油方塊多多】HK$12每件多士面層搽上花生醬, 平均沾上煉奶, 加咗少少牛油, 入口濕潤得黎, 麵包表面仲keep到少少焦脆口感。【奶醬多多】HK22中層夾住花生醬, 表面平均沾上牛油同埋煉奶, 對比方塊多多,

今晚自己一個, 喺新城市買完野見微辣冇乜人, 諗住食碗車仔麵簡簡單單就算, 點知..😫.入去安排咗坐位之後, 冇menu 都知用電話落單, 搵咗一陣見唔到QR code問伙記先至比張飛我download 個code. 點餐發現有d餸己經賣曬… 可能8點幾算夜啦..咁我是旦叫咗5個餸, 幼麵, 微辣汁, 紅豆冰. 紅豆冰先到, 是沙冰, 椰奶, 普普通通. 點餐8:45左右, 等到9點, 伙記話last order, 要埋單… 末食喎?! 要埋單先.. 咁唯有配合佢地啦.終於車仔麵到…5粒陳皮魚旦唔知做乜咁經貴另外一碟上..姨.. 粗麵來的.. 是旦啦, 都埋咗單.. 心想快啲食完走…嗜一啖湯先… 妖..水嚟既… 冇味… 明明微辣汁格..唔通我2月中咗而家重未有返味覺😨夾一住麵… 嘩… 中伏… 硬柴柴, 似末煮好喎…咁我梗住頭皮同佢地講…我order 幼麵, 唔係粗麵..因為單上面寫幼麵, 咁果位伙記大佬就好似益左我咁, … ‘ok, 我換比你’…. 結果又等咗一陣, 幼麵到… 妖, 又係生勾勾梗班班咁… d餸隨咗粒罐頭飽同咖喱味陳皮魚旦, 其他都冇味既… 車仔麵喺香港國寶級地度食品,

澳門KOL大排檔萬眾期待嘅微辣大排檔，終於試到喇，一坐低店員就俾咗個QR code我哋自助落單。自選車仔麵 $98車仔麵有鮑魚、花膠、雞翼、滷水大腸、發記梅菜豬肉丸、麻辣發記豬肉餃，最特別嘅係發記梅菜豬肉丸，好有梅菜蒸肉餅嘅味道。香脆炸魚皮 $18食車仔麵梗係要配搭炸魚皮，脆卜卜嘅炸魚皮點落麻辣湯底，索晒麻辣汁。麻辣牛肚 $38牛肚好彈牙，食落都唔會好黐牙，而且索晒啲麻辣汁。麻辣雞腎 $38雞腎嘅麻辣味比牛肚更加濃，食落會再辣少少。Rachel愛豬手（南乳豬手） $48店員好細心，食豬手會配埋個骨碟（食飽先有力減肥），豬手炆咗好耐、好淋，南乳汁可以再濃少少。招牌玻璃辣魷魚 $48細細碟，已經有好多魷魚，而且魷魚好彈牙。泡椒無骨鳳爪 $38鳳爪醃咗好耐，有好濃嘅酸酸辣辣嘅味道。原味豆腐花 $18一上碟以為佢上錯菜，原來係用膠瓶裝住豆腐花，味道有啲似燉蛋白，但唔太甜，好啱女仔食。