微辣大排檔 (已結業)

竟然係商場裏面見到一間大排檔，裝修行霓虹燈風格，門口亦都好多人排隊，所以我決定排埋一份😂內裏裝修別具風格，有老香港情懷😊蒜香乾炒安格斯牛河～牛嘅質量非常好，絕對冇韌嘅感覺，而且肉味非常濃郁，每條河粉到平均上色，本身已經非常夠味，算是色香味俱全！豆豉鯪魚油麥菜～一向油麥菜都有佢獨特嘅味道，調味非常成功，豆豉鯪魚同菜嘅味道加上大排檔嘅鑊氣，配合得天衣無縫！香煎陳皮魚餅～魚肉拌上相陳皮再壓到薄薄一片，香煎兩面，的確非常香口！沾上蜆介醬更有漁村風味。冰鎮素咕嚕肉～熱嘅咕嚕肉大家都食得唔少，呢個充滿眼球享受同新鮮感覺嘅素咕嚕肉，真係令人大舉拇指！素肉一樣可以非常鬆脆，而炸漿亦都非常薄，極力推介！

買咗外賣，一個車仔麵揀一個韭菜豬紅蘿蔔大腸小食，拎走之前個經理明明對過晒，一返到屋企打開，$48的小食去咗邊呢？辣汁去咗邊呢？亞家蔥又去咗邊呢？點解可以比漏咗咁多嘢㗎 ！大家買外賣時記得check清楚。講返啲食物，冷熱唔講因為買外賣。湯，係味精湯。麵，係無味的。豬肉餃係OK的，條香腸冇乜特別，但手打墨魚丸，咬落已經知道唔新鮮，同凍肉舖冇分別。小食，收咗錢但冇俾我。辣汁，佢幫我走咗。蔥，佢幫我走埋。一定冇下次！

裝修咗好耐嘅微辣大排檔終於到開咗，終於嚟試吓有冇澳門風味～～豬扒包餐 （好似成五十幾蚊😂）唔知係我太多年冇去澳門定點，點解豬扒包淨係得塊豬扒同包🥲 記憶中嘅豬扒包好似有洋蔥同汁，仲有個包係勁硬嗰隻，但呢度款包唔硬，同時又冇汁，只係夾塊豬扒喺包🥲 原來冇咗洋蔥會失色不少🥲🥲🥲微辣車仔麵牛筋做得ok,清甜蘿蔔浸過糖水甜得奇怪，車仔麵全部都係清湯加一匙羹自選嘅醬料，冇腩汁😂 冇喺澳門食過車仔麵，唔知係咪都係咁架呢😂總結：裝修幾有特色，食物同價錢不成正比，俾嘅係俾新城市廣場租金同品牌，如果想食平啲去隔離商場會更好🙈

等咗好耐嘅微辣大排檔終於開，得閒緊係要試下咩料啦。入到去見到啲裝飾幾好，好多白色衫嘅人仔扮大排檔，仲有米之蓮嘅大利來，緊係心諗唔錯啦。行到門口想攞飛，安心都做埋，都冇人問我幾位，有幾個員工望住我，我又望住佢，都唔行過嚟😂終於有人招呼我。問我食大排檔定車仔麵，問完個朋友，話想食大排檔，就入咗去。嘩，不得了，啲裝修都幾落重本，又麻雀枱，即刻想啤啤佢🤤睇完個餐牌，發現原來嗌完小菜，冇得食車仔麵，問完個員工先知原來分開，同朋友傾完覺得晏晝食得小，決定去食車仔麵，唯有下次先食大排檔☹️坐到出去，雖然好暗，啲歌又大聲又嘈，不過環境算唔錯，有啲逼都叫行到。掃完QR code見到啲餸名幾有趣諗住應該幾多啦，嗌咗個豬紅，墨魚汁腸，牛腩，試埋個微辣汁。上到嚟賣相ok。不過食落真係差得遠，豬紅食落有啲奇怪既味，同埋啲嘢食整體好咸😅杯咖啡甜到呀媽都唔認得，仲要聽到隔離枱個姐姐都係咁話好咸🫣感覺上唔覺得有網上講到咁吸引，可一不可再。不過有一個位好需要改善，因為我見唔到收銀位啦，咁咪舉手想員工幫下我，點知舉咗一陣都未有人理我，成班白色衫好似發緊夢緊，好奇怪，微辣係咪專登請啲後生仔😳食餐飯留意咗好耐 全部望落又MK又

一坐低見到啲碟好油衛生欠佳啫啫田雞煲好難食細到喊 唔係正常size嘅煲醬汁好甜 食唔到田雞味蠔餅少腥油到要用酒沖入口冰鎮素咕嚕肉個皮淋嘅…冰黎做咩素肉好大浸麥皮味大排檔無大啤$120/3細樽…

去年底微辣大排檔的招牌首現在沙田新城市廣場第三期一田百貨公司旁邊一個舖位的圍板上，以為很快開張，那知因為疫情，延期又延期，至今年五月下旬終於開幕，足足半年。我們是街坊，近水樓台，上星期我倆老偕兒子立即去嘗新。餐廳保留大排檔特色，但陳設較似冰室，整潔光猛。我們去得早，可以坐卡位，座位設在一個仿渡海小輪的房間內，買票、上船、賞兩邊窗外維港景色，很有意思！我們剛坐下，侍應便遞上一張紙條，印有枱號及QR code，我們用手機掃描一下，便彈出菜單，根據介紹，食品是包括五間港澳米芝連級的美食，林林總總，我們也不及細看，就點了一個六餸車仔麵、兩個豬扒包套餐，一菠蘿，一豬仔，包薯條餐飲，另再單點一個豬扒豬仔包，非常豐富。六餸車仔麵 — 幼麵底（$12），牛孖筋、上湯花膠、南乳豬手、（$15@），韮菜素豬肉餃（$14），梅菜豬肉丸（$13），再加通菜（$10），滿滿一碗，湯清甜，餸美味。尤其是南乳豬手，入味軟滑，好吃。豬扒包 — 菠蘿包略帶甜咮，比豬仔包更好吃。豬扒入味但稍乾。薯條香脆，咖啡夠濃夠熱，有大排檔風味，很好飲！埋單二百多元，值價。下次一定再來試試其他美食。

6月7日上中午12點左右，我哋諗住試吓啱啱開業嘅呢間微辣，諗住外賣。落個車仔麵叫四五個餸，講咗幾次先落到單，一份車仔麵落單用咗15分鐘左右，跟住豬扒包落單又用咗10分鐘。出去等嗰時，見到入面企咗四五個員工企定定唔做嘢，企晒喺度冇人去執外賣，直到我哋去問然後先有人肯執外賣，我哋叫咗微辣汁車仔麵，點知執外賣又話返到去見到冇微辣汁，係一碗清湯但係清湯係一碗水一啲味都冇，蘿蔔好硬好難食未熟，牛柏葉熟到好硬咬唔入，一啲味都冇，牛肚有陣騷味好難食好臭，$59一碗車仔麵唔知食咗啲乜嘢。仲衰過譚仔衰過其他車仔麵店。豬扒包剩係得豬扒同個包個包一啲都唔脆，豬扒係凍嘅好硬好鹹。一成澳門豬扒包都比唔上，究竟食咗啲乜嘢？普通麵包店都好食過佢哋好多。好彩其他嘢食都冇得叫，如果唔係就嘥晒啲錢以後唔會再食.

朋友想試微辣大排檔我們懷住期待既心情去食，去到新城市廣場行左好耐先搵到，由於太多人我們只有企係度等派飛，入到座位坐我覺得坐得好逼但真係好肚餓，即刻叫野食先套餐賣哂只能散叫由於我唔想食包，所以我叫左車仔麵全部都係散叫的，食物來得好快我開始食啦，粗麵我覺得好硬其他食物只能夠說普通，最恐怖雞翼係有毛既....食飽緊係快的走人人生第一次食咁貴咁普通既車仔麵，我同朋友一致評分2分，唔好食但又未去到好難食，裝修一般十分滿分來講兩分，座位太逼一分，味道兩分，飲品2.5分，上菜時間5分，整體我只會俾三分，有啲伏伏地....

聽朋友講微辣開咗實體店，女友係辣粉，所以陪佢黎食下。中午一點到達，人山人海，幾經辛苦終於拎到張籌，等入場中要一贊門口帶位的哥哥，俾咁多人圍住都逐一解答客人的提問。雖然多人排，但都唔算等太耐，順利入場。坐低後，餐廳用二維碼自助落單，面版易用，眼見隔離婆婆都用到，女友點咗個自選5餸面配微辣汁同鐘意加葱，我就微辣芝士漢堡配薯條。完全想像唔倒微辣搞笑拿手啫，原來整車仔麵都係有要求，湯底正常，豬皮有咬感入味，咖哩魚旦係用陳皮魚旦做，羅白食落好清甜無根，最重點係嗰微辣辣汁，少少辣不過好香，唔知師傅用咩方法整到咁好食。芝士漢堡係用免治豬肉做去買溶化左嘅芝士，問左店員原來果汁唔喺現成，喺自家特別調配配襯免治豬肉令口感食落唔肥膩。總結：兩個人去朝聖主題餐廳連加一200左右，收費完全合理，何況食物質素比我想像中在水平之上，樓面侍應著住的制服很有懷舊感覺

一田大減價買完野搵野食， 微辣開左幾日心思思想試， 但大排長龍， 又要趕番屋企餵主子， 於是買個外賣包裝好有特色同精美， 貓貓聞到都即刻衝上枱聞我地選擇左車仔麵同豬扒包豬扒包同澳門還原度有90%， 豬扒煎得香， 有肉汁， 係個包皮可能因為外賣有少少林， overall 係好好食車仔麵選左微辣湯， 好喏味， d餸都煮得好好味， 特別推介陳皮魚香， 好香好好食整體而言價錢好正常， 話哂新城市， 起碼好食過一期永X 先， 之後會再試其他新食物， 睇黎呢度會成為我另一個主要食堂

都等左好耐 期待好耐 開張第一個星期五黎試下 都知係茶記野 都心中有數想食咩 諗住好多人 但落完order野食好快到 menu好多大利萊野食 要食都唔使係到食 所以 一定飛！於是叫左車仔麵 老實講 係貴 但黎到碗麵 一睇 好足料 我叫左豬紅 魷魚 大腸 份量都多 特別豬大腸 件件都大同肥 非常滿足 反而麵量少 佢有個微辣辣汁 必揀！佢會大大匙放係匙到 要自己撈 放心 唔辣 好香 俾個小提示 唔好叫雞蛋仔 因為得好耐 隔離枱個到話食完野 由頭到尾成45分鐘都未到 不停催 都食得無癮 最後 員工態度非常好 以為好忙會燥底 點知無 仲好體貼 因為我想要杯水 因為個杯好靚想影下相 點知無哂杯 後尾有杯到 之前個waitress隔即拎兩杯水黎 抵讚！