御膳

营业中

休息中

專程黎到觀塘工廈食私房菜聽閒系高質既一一一無散叫，叫左六人餐🥢六位用 （套餐 1）麻辣鹵水拼盆 (可走辣)-偏咸一一一金銀蒜蒸龍躉腩（或花雕蛋白蒸龍躉球）-乾身左啲一一一大肉蟹２只可選花雕雞油蛋白蒸，避風塘炒，薑沖炒，胡椒炒，四川香辣炒-招牌避風塘炒，讚只蟹本身都好正，又夠火候，蒜都炸得出色，夠野味，無得彈👍🏽一一一蒜蓉粉絲蒸大蟶子皇6只(或流沙黃金大海蝦6只)-用金銀蒜，有heart，帶得出鮮味，蒸得又岩岩好，正既一一一士多啤梨骨-有啲藥水味感覺一一一潮州鹵水鵝半只-只鵝估唔到咁出色，肉質半肥瘦，入味唔會咸一一一蒜蓉炒時菜(無影)一一一蟹油銀芽炒面-正常發揮，夠鑊氣一一一菠蘿鳥(水果拼盤)-賣相一流，夠創意一一一每位$4056位用，免加一

今晚點了士多啤梨骨和花雕蛋白蒸龍躉加碗白飯。餸的味道正常，但白飯竟然係又凍又硬的隔夜飯。我反映給樓面姐姐知，竟然比我聽到廚房話如果想食熱嘅飯最少要等15分鐘幫我蒸返熱碗飯，聽到佢好似想返蒸碗隔夜飯俾我（而廚房同樓面講嘅時候仲好似我想食熱飯要求太高），我馬上取消咗碗飯。講真佢啲餸味道唔差，但係一碗熱嘅飯都提供唔到比客人真係唔會再返轉頭，畢竟差不多水準嘅餐廳附近都有，這間不了！#想食餐餸和飯都熱嘅晚餐真係要求太高#兩餸飯都熱過佢

早排新聞有單爆疫餐廳，我誤以為就係呢間，之後朋友講起先知唔係！讀音一樣，但寫法唔同！招牌都唔同！😆呢頭講完個頭就有人話去食嘞～🤤呢個前菜應該係每枱必食！滷水夠入味！麻辣惹味～🔥打開味蕾簡單而美味☺️哇！巨蟹座駕到！勁大隻！烹調方法可選，上次揀花雕蛋白蒸，今次試薑蔥～惹味！啖啖肉～上次蟹用花雕蒸蛋白底，今次就蒸龍躉～～上枱個陣酒香撲鼻～蛋白好滑加魚又好滑～小心滑～士多啤梨骨都係每次必食嘅～酸甜開胃～啲豬肋骨大大件～肉質腍～👍🏻厚身花菇/鵝掌隻隻入味，調味適中！

Book咗今晚同爸爸媽咪食私房菜，一行四人，我就食得多，我爸爸媽咪未食過⋯⋯開頭爸爸問我呢間係咪之前報導嘅中招私房菜，我同佢講呢間絕對唔係，嗰間叫「御善」非「御膳」，但大家都係觀塘區好容易混淆什菌大蜆豆腐湯呢個湯，我爸爸飲左三碗佢話個湯好夠味，又有什菌、蜆，好鮮甜麻辣滷水拼盤（豬腸、雞絲青瓜、牛肚）我地四個都喜歡麻辣，呢碟麻辣度好啱，恰到好處，另外豬腸牛肚夠林身，我爸爸媽媽都食到大肉蟹我地選擇用薑蔥炒，未上檯已陣陣薑蔥味撲鼻，蟹鉗仲好大隻，蟹肉好鮮甜，我媽咪連薑蔥都食埋花雕蛋白蒸龍躉球原來花雕酒蒸蛋白係咁正，蛋白、龍躉球都好滑，我好欣賞，一試難忘士多啤梨骨每次黎呢間食，都好期待呢碟餸，佢嗰種酸度恰到好處，士多啤梨醬包住一字骨，肉質又夠林，餘韻無窮上湯浸時蔬食咁多肉，梗係上番碟蔬菜啦⋯⋯花菇扒鵝掌4大隻鵝掌、4大粒花菇，首先鵝掌花菇夠林、入味，父母非常欣賞，鵝掌好黏口，好有膠質蟹油炒麵面質爽身，配蟹油黎炒，香味滿溢⋯⋯芒果布甸食埋甜品先叫做完美我加左花奶，凍凍地放入口，實在幸福啊今晚我地傾下講，開心渡過，爸爸仲講埋下次媽咪生日都喺呢度食

今日與好友共聚，一齊嚟到呢間位於觀塘工廈內嘅「御膳」，品嚐下私房菜！😉🥢雜菌龍骨湯 ～ 材料十足，湯滿有魚味嘅清甜 🥢茘茸百花卷 ～ 外層炸得好鬆脆，茘茸軟綿綿 🥢麻辣鹵水拼盤 ～ 滷水豬雜醃得好入味，加埋少少麻辣好滋味 🥢薑蔥炒肉蟹 ～ 一上枱已聞到香噴噴嘅薑蔥肉蟹味，一絲絲蟹肉超，濃郁薑蔥令蟹肉更加惹味 🥢潮州鹵水鵝 ～ 鵝肉大大片，肉質淋淋哋，配埋鹵水汁，味道好夾 🥢花雕蛋白蒸龍躉球 ～ 蛋白滑滑、微香花雕令龍躉魚肉鮮味更突出 還有上湯浸時菜、蟹油銀芽炒麵、香芒布甸，呢餐真係食得飽飽又滿足

食物質素和味道一般，不會介紹其他人去幫襯，簡直搵笨。吃了花膠、crab、士多啤梨骨、等，味道和用料強差人意。地方環境實在令人不敢再去，最佳嘅都係個甜品同埋炒麵。我幫朋友慶祝，簡直係敗興而返。網上正平是不能置信。希望多啲人唔好俾中伏。

今次又去到觀塘食私房菜，一開始以為呢間御膳係有確診嗰間私房菜，但原來確診嗰間係「御善」而唔係「御膳」。 一嚟到就上咗個頭盤，麻辣鹵水拼盤，有牛柏葉、豬大腸同涼拌雞絲青瓜。鹵得入味，口感煙韌。 之後就有避風塘炒蟹，因為師傅本身有輕輕敲碎蟹殼，令炒嗰時都十分入味，而不會過龍。 再嚟就係蒜蓉粉絲聖子，彈牙鮮甜，而粉絲加上蒜蓉同啲汁一齊食，送飯一流之後就到斑球炒西蘭花，斑球油脂豐滿，而西蘭花爽口，每一啖都有魚油香士多啤梨骨，甜甜酸酸嘅士多啤梨醬沾上一字骨，十分嫩口，而且士多啤梨醬都好夾。蒜蓉炒白菜仔，鍋氣十足，而且唔會太多油蟹油炒麵，平時都好鍾意炒麵，加埋蟹油去炒，聞落都好香。正！

今日試了觀塘區一間私房菜，水準超高👍🏻什菌龍骨湯😍湯鮮味到不得了，完全沒有腥味，加上什茵，滲出鮮甜的味道羌蔥大肉蟹🦀非常有「鑊」氣，🦀️大大隻又新鮮，啖啖肉，配以炒得香噴噴的蔥，令人垂涎三尺茘茸百花卷🌹炸得好香脆但不過份油膩，芋頭香到不得了麻辣鹵水拼盤🎊金錢肚、手撕雞、豬大腸全部醃得很入味，少少麻辣，就算不食得太辣也會覺得很好吃潮州鹵水鵝🦆鵝肉嫩滑，不會太多肥肉，鹵水完全入哂味花雕蛋白蒸龍躉球超有❤️思，花雕酒的香味滲入蒸得剛剛好的蛋白之中，再加上滑嘟嘟的龍躉，天衣無縫的組合，完全突顯廚師的功夫👍🏻蟹油炒麺不是普通炒麵，加了🦀️油，香噴噴上湯浸時菜🥦叫了浸時菜，淸淸地，也十分好吃布甸🎊加個布甸做甜品，為此餐劃上完美句號

早排我朋友話好耐冇見想約食飯，問佢有咩好推介，佢就推薦左呢一間，所以我哋就聽咗佢講，去咗呢間度食。------------------------------我哋嗌咗個四人A餐，有海鮮有肉又有菜又有麵，幾吸引。麻辣滷水拼盤全部都好入味，辣辣地咁，同埋啲牛肚唔會好鞋咬，冧冧哋咁幾好食。😋呢個湯係用咗東星斑去整嘅湯，個湯好有鮮味。我哋好快就飲晒個湯。🤩🤩蒜蓉粉絲蟶子食得出個蟶子好新鮮，蒜蓉粉絲蒸基本上都一定好好食。😌😌士多啤梨骨呢一次係我第一次食士多啤梨骨，甜甜地咁，仲要有啲士多啤梨粒添，幾好食，同埋啲肉唔會鞋，幾正。🥰呢個斑球炒西蘭花好好食，勁快俾我哋清晒。啲魚肉一啲都唔會霉，超好食。😋😋避風塘炒肉蟹呢個炒肉蟹超級惹味，而且肉質非常彈牙，食得出好新鮮。🤩🤩食咗咁多海鮮同肉，梗係要食返啲菜㗎啦。個菜炒得幾好，唔會炒到淋晒。😙😙蟹油炒麵呢個蟹油炒麵唔錯，我哋仲用咗避風塘炒肉蟹嘅炸蒜嚟餸住食，就變得更加好食。😍😍最後仲有個甜品😍😍------------------------------最後想同大家講關於我嘅瘀事，咁大家唔會好似我咁瘀🙊我朋友話食呢間御膳嗰陣，我勁大反應，因為我記得觀塘有間私

一年一度父親大人生日，問他今年想吃什麼，他想都沒想就答道"上年果間呀！"。吃過翻尋味的意思嗎，好吧，立馬致電訂座四位~香芒沙拉大蝦球先上枱的是一味開胃菜，香芒沙拉大蝦球~主角炸新鮮大蝦，肉彈味鮮，外皮脆脆的跟特調醬汁十分搭。下面是一片香甜的芒果和什果沙律，最下層還有新鮮沙律菜，口感層次豐富，又靚又開胃。什菌大蜆豆腐湯然後喝個湯水清清味蕾。蜆肉飽滿，湯頭很是鮮甜~薑蔥大肉蟹個頭很大，啖啖肉的肉蟹，足夠四人分享。我們選的薑蔥炒非常惹味，你也可以選擇胡椒炒或是蛋白蒸。生煎東星班 12兩通常都是吃蒸的，煎的也有另一番風味，肉質細嫩，很是香口。白胡椒爆炒鮑魚鮑魚又嫩又彈，咬下去啖啖肉非常滿足。白胡椒爆炒很惹味，好像很辣但其實又不是很辣，這種感覺...刺激過癮！百花雞 半隻百花顧名思義就是蝦膠，釀到雞件上。雞件已去骨，整件吃下去，滿足實在。上湯浸時菜蟹油炒麵芒果布甸前菜是香芒大蝦沙律，結尾來個芒果布甸，一個完美的首尾呼應。順帶一提，這家御膳並不是較早前多人中招那家呢，店名差不多而已，容易混淆~

今晚舊友聚會，約在觀塘工廈中嘅御膳。原本朋友打黎約飯局時，我仲意為係之前新聞 話嘅感染群組嗰間，跟住朋友急住解釋，唔係呢間，係同區另一間。餐廳係專做私房菜，即係廚師會睇當日最靓最鮮嘅食材，所以質素一定有所驚喜。什菌大蜆豆腐湯--簡單鮮甜嘅味道，而且湯料十足，只可惜未算是大蜆。香芒沙律大蝦球--朋友話呢度係招牌菜，佢每次黎都必點，事實真係唔錯,豐富嘅沙律，配搭薄粉但又炸得香脆嘅大蝦球，加上師傅秘製醬汁好滿足。姜葱大肉蟹鑊氣十足，炒得夠乾身又唔太咸。生煎東星班通常新鮮魚都會選擇蒸，而師傅選擇做生煎，鎖住鮮甜肉汁，外皮香脆肉質依然保持嫩滑白胡椒爆炒鮑魚嘩，成隻匙咁大，白胡椒汁掛住做個點綴，都ok百花雞--呢度我好期待，因為通常喺電視飲食節目先睇到，平時酒樓都好少做，因為多工。但同想像中有所出入。只可以話係欣賞師傅嘅功夫。上湯浸時菜蟹油炒麵--外表普通嘅炒麵，食落真係有蟹油嘅香味，好味芒果布甸總括樓面同事服務有禮，餐廳環境衛生，出菜快，我會再來

聽講觀塘工廠有間幾好食既私房菜，今次去試試先今次叫左四樣野，有蒜蓉粉絲蒸開邊龍蝦、芝士海蝦脆麵、香芋雞煲同埋清蒸黃皮老虎斑。蒜蓉粉絲蒸開邊龍蝦：龍蝦份量都算多算大隻，而且開曬邊方便食，一叉落去就啖啖肉👍🏻 龍蝦肉質唔會太霉太腍，食落都算彈牙，好食😋芝士海蝦脆麵：脆麵炸到脆卜卜好正，加上大量芝士醬，芝士醬唔會太鹹又唔會太淡，啱曬我依啲芝士控🤤海蝦大概有8隻，都幾大隻，肉質彈牙香芋雞煲：依個真係不得了呀，個香芋整到入口即溶，又腍又入味，好食到一啖接一啖👍🏻再加埋啲雞好滑，值得一試😋😋清蒸黃皮老虎斑：條老虎斑又係好大條🤣即使條魚禁大條但啲肉唔會鞋，個火控制得幾好👍🏻加埋香蔥豉油就梗係好食

自從疫情好轉開放番晚市堂食，開始報復式出街食飯。今次同屋企人黎到觀塘依間幾出名既私房菜，地方舒適得黎食材都好高質，冇令我失望。富貴金龍，好大份，係用左原條2斤沙巴龍躉做，每件魚都炸到外脆內軟，好香口避風塘炒大肉蟹，好耐冇食過避風塘炒蟹，辣辣地再有埋鍋味好正，蟹肉都十分 juicy上湯花龍蝦，龍蝦好新鮮，肉質彈牙爽口，入面啖啖龍蝦肉，完全值依個價蒜蓉粉絲蒸蟶子皇，蟶子超鮮甜，粉絲索哂 d 佢既肉汁，配埋蒜蓉好香好開胃。古法豉油雞，雞肉好嫩滑，份量都幾多下，肉又唔會太肥膩，唔錯荔茸百花卷，賣相已經吸引，好特別，入面有用左芋頭、芹菜同埋新鮮大海蝦做，食落去好鬆化，芋頭味好香濃，值得一試

平時最鍾意去私房菜食，呢度亦成為我半個飯堂，喜歡佢有私人空間，最適合一大班朋友一齊敘吓，飲吓酒食吓飯，今次仲有大有細，點會唔揀嚟呢😁大蜆雜菌豆腐湯大大隻蜆又無沙，魚湯底鮮甜芝士花龍蝦芝士愛好者必定喜歡，芝士味濃厚，龍蝦彈牙爽口，個個都讚不絕口菌皇伴大鵝掌大大隻鵝掌炆得好入味又淋，連埋菌皇一齊食一流香芒沙律大蝦球芒果沙律非常清新，大蝦球好有口感，大小朋友都喜愛金華玉樹雞金華火腿配雞好夾，鹹香十足，雞滑又入味富費金龍每件魚都炸得酥脆可口，仲好Juice，呢個真係好考廚師技巧👍🏻

老公生日想食避風塘炒蟹, 見到這間好多好評就試下, 整體來說啲食材唔得, 好失望.叫咗個套餐$930：雞翼尖（送的, 最好味道這碟）、麻辣手撕雞（一般）、雜菌豆腐大蜆湯（唔新鮮, 蜆肉腥）、 避風塘炒蟹（唔新鮮, 蒜唔脆, 蟹肉食落口梅的）、白胡椒香爆南非鮑魚（一啲凍一啲暖, 唔知佢想點） 、流沙黃金蝦（唔新鮮, 蝦肉又是梅）、蒜蓉粉絲蒸聖子皇（好味道）、炒芥蘭（菜好老）.價錢可以, 味道可以, 服務可以, 但食物咁嘅質素, 唔會再幫襯