御品·千之味 (振萬廣場)

营业中

休息中

夜晚我又想偷懶唔煮飯😬決定叫外賣返屋企食刺身配迷你吞拿魚蓉丼 $118迷你吞拿魚蓉丼都幾大份，吞拿魚蓉幼細香滑，口感軟綿綿，刺身有北寄貝三文魚各兩片同帶子甜蝦各一，三文魚厚切肥美，帶子鮮甜，而🔥火炙壽司🍣，就有三文魚、三文魚腩、左口魚、熟蝦同鰻魚，左口魚係我大愛，真係好鍾意❤️壽司🍣餐(10件) $98有油甘魚、白身魚、吞拿魚、赤蝦、熟蝦、蟹籽、玉子、鰻魚同三文魚兩件蟹籽入口爽脆，鰻魚冇骨，赤蝦肉質彈牙，整體都唔錯！唔會有腥味同雪味！仲要包埋嘢飲👍🏻厚燒玉子 $30有4塊，都幾厚身，唔會太甜又有蛋香味每個餐+$28仲有沙律，螺肉同小食 花之戀兩塊三文魚包住醋飯再加埋脆卜卜嘅蟹籽，味道豐富吉列炸蝦🍤拎到返屋企食，炸蝦仲係脆，蝦新鮮整體性價比都唔錯，下次想食壽司🍣有多一個選擇，買滿$300以上仲包埋外送，大家有機會都去試下

男朋友係觀塘附近返工，咁岩收工想買外賣返尼食，觀塘工廠區又有間新既外賣壽司店，於是叫佢買啲返尼。餐牌有好多選擇，有串燒、拉麵餐、丼飯餐、壽司餐，亦有散叫壽司揀，我地比較想揀自己鍾意嘅壽司所以散叫，因為感覺係即叫即整會更好食☺️壽司分別叫左三文魚x6、赤貝x2、帶子x2、海膽x2、芥末八爪魚x2、鰻魚x2、三文魚子x2、甜蝦x2，total:$306。咁大盤壽司先呢個價錢真抵食過大間壽司鋪果啲，而且食物質素幾高、件件都好新鮮，發現左有質素外賣店下之可以繼續😃

三文魚雙色飯$45三文魚可以簡生或者熟，咁我呢就揀咗生既三文魚！全部都好肥美！🤣🤣咁就會有蟹子同三文魚飯🤣真係好好味😂全部野都係自己落單！都好方便🤣LUNCH TIME 食三文魚雙色飯只係45蚊！仲有得揀嘢飲或者湯！喺觀塘區40幾蚊真係好抵既日本野！如果係夜晚食嘅話就會加多20up😂所以LUNCH真係好抵！叫嘢食嘅話係scan QR code，多飯或者少飯、三文魚生定熟都係自己簡！係一個好貼心嘅小舉動😍通常最多人嘅時間就係12:30左右，就要等位🥺所以如果要食嘅話就要早啲去啦😍在可以加多$28轉做set，咁就會有多個小食，因為加埋都係70幾，又未到真係好貴既！所以都係視乎個人意願🤣

我同同事嘅新飯堂！呢間💛壽司刺身店有超級抵食嘅午餐，$40就食得飽，學生價仲要只係$30！自從返觀塘之後我都成日食呢間餐廳，已經變成咗飯堂喇😆😆 以下係我食過幾次嘅經驗😆餐牌一 🦐 迷你魚生飯餐🍣 迷你三文魚粒粒海膽丼 （$118）包括🐠 刺身：三文魚兩件、北寄貝兩件、甜蝦一隻、帶子一片🍣 壽司五件：（可選火炙）壽司：三文魚、油甘魚、墨魚、赤貝、赤蝦火炙：三文魚腩、三文魚、鰻魚、左口魚邊、熟蝦🥗 沙律、螺肉仲可以用$28追加小食添！個「迷你丼」其實都唔迷你😆 都幾大個！三文魚好肥美，仲有啲鮮甜嘅海膽🥰 刺身超大塊超厚！壽司都好有份量，火炙壽司好香🥳追加小食方面，赤蝦超級大條同甜！炸餃子同雞翼$28都係超級抵食，大推！餐牌二 🍱 午市套餐🐥 照燒雞扒飯 （$40）首先觀塘$40食到個飽肚嘅lunch已經夫復何求，佢嘅飯仲要係好味嘅珍珠飯，照燒雞扒都正常，啖啖肉😋 仲有飲品送！🐡 角切魚生飯 （$45）$45一個魚生飯都係癲咗咁抵，仲要唔少料㗎，目測有五種魚生左右，我會加埋甜鼓油同少少wasabi食，超正～ 粒粒魚生撈埋啲飯食仲令我食多咗白飯😙Lunch仲唔洗加一！

Lunch 不知道吃什麼的時候，突然想起碼頭嗰邊振萬廣場有間新開的日式壽司店，就決定今日Lunch 食壽司😜自選迷你魚生飯，迷你火炙三文魚腩丼，其實不迷你🙈😂😂 火炙三文魚腩，油脂比例豐富，帶有焦香味，好好味。還有鮮甜的刺身，三文魚，帶子，北寄貝和甜蝦刺身等…又有5件大大件壽司，蟹籽沙律和螺肉，都只$118 …又真係幾抵🙈$88有十大件壽司🍣，三文魚夠鮮夠甜，白身魚爽口鮮甜，蟹籽好足料..其他赤蝦，熟蝦也好好味😋套餐還有蟹籽沙律和螺肉和汽水一罐，另加$28多4大件剌身😙肥美鮮甜的海膽花之卷🤤🤤🤤🤤

去開觀塘碼頭附近有間千之味食日本餐廳，佢地都好方便可以用手機即時落單。外賣套餐都可以堂食 5點前午餐都幾抵呢度每個餐都可以揀一款飲品 炸餃子手打烏冬 $55手打烏冬彈牙軟滑，份量一樣夠多，有配菜量的木耳絲、粟米夠爽口，餃子有4隻呢個份真係夠晒飽肚，抵食。壽司餐(10件) $88有三文魚2件、油甘魚；白身魚、赤蝦、吞拿魚、蟹籽、熟蝦、玉子、鰻魚熟蝦大大隻好鮮味仲啖啖肉，玉子壽司甜甜，三文魚肉質嫩，肥美又甜同新鮮、吞拿魚蓉飯 $78吞拿魚蓉飯份量都好足、魚蓉幼細連有香蔥帶出鮮味，入廿口感細膩淡淡鮮味。燒汁牛肉飯 $40牛肉片配上牛肉汁，加上洋蔥入口咬下去很有口感，而且肉質緊實不鬆散，我仲加左飯所以仲抵食。照燒雞扒飯 $40切開一條條雞扒好咬口有醬汁，壽司飯口感很綿軟，照燒醬汁甜味配飯一齊好滋味真係抵食又高質午餐，魚生刺身同壽司飯都好有水準御品千之味觀塘店地址：觀塘榮業街2號振萬廣場地下G號舖

喺社交平台啲群組度發現到呢間舖頭，轉做外賣壽司，見開party就即刻試吓啦。叫咗一個派對套餐同埋一個散叫嘅拼盤。五盤嘢食加埋千二蚊有找。嚟到嘅賣相都好靚，仲俾咗大量豉油同Wasabi。味道都唔錯，好過成日叫嗰啲大型連鎖店外賣。送貨速度又快，又有會員制度。

食材味道都不錯，但是要加一就不值。枱布都冇張，服務都係一般快餐店級別。外面好多同級價錢收加一嘅日本店舖，坐得舒服好多喎。雖然有兩小時泊車優惠，但係都未必會再嚟了。

今日開完會，我諗起一樣野。係啦！原來我肚餓！咁突然之間想食刺身，咁就去呢間！我一見到個價錢，嘩！咁平好唔好食架！出面又落雨，算啦就呢間！因為人多，所以我坐咗上吧枱。同埋我個人認為，去食日本野，一定要坐吧枱！🤣🤣咁就點餐，用QR code 落單，操作十分簡單！點左個四色丼，有三文魚、甜蝦、油甘魚同墨魚！刺身十分新鮮，並不會有雪了很久既感覺！飯既溫度適中，還有飲品送，有汽水同茶，選擇亦都頗多，餐廳環境也十分整潔。我相信有人唔太喜歡食生冷野，這間餐廳還有亦有熱食選擇！這個餐廳能照顧到不同客人嘅需要，適合一家大細來光顧。

話說有人接朋友放學，所以就嚟咗呢度試吓啦。見到個水牌好抵食呀！樣樣都好想試！選擇困難症又發作啦。朋友就我咁嚴重啦，一野就決定到食物，佢揀左雙色三文魚丼午餐只係$45,抵到爛啦！而我就貪心啲啦，揀咗個自選魚生飯餐，有三款迷你刺身，三文魚甜蝦帶子，再加個拖羅蓉壽司飯，然後再嚟多五件壽司。成為$108.咁多嘢食其實真係好抵又好滿足。我以為咁平啲質素會差，事實又唔會喎。佢只係個環境比較擠迫，但CP值高！同埋仲包埋汽水飲品一罐。呢間可以encore!

武漢肺炎爆咗之後， 有d同事都唔敢食魚生， 呢排少咗unknown case, 再加埋夏天咁熱， 食魚生飯真係一流， 我終於可以叫呢間千之味喇~ 佢order夠$300 就送貨， easy job, 好容易就可以超額完成！！！佢送貨都好準時， 電話打嚟話5 mins到就5 mins到， 落到樓下啱啱好有得拎~ 我地真係瘋狂咁叫~ 佢個角切魚生飯超抵食， $45 包烏龍茶， 其他飯都好抵食見到都開心， 佢d魚生好新鮮， 全部都好好味，引到附近嘅同事都心心眼， 個個都話下次要join我地order, 真心好食又抵食， 正到爆

午餐時間來吃，最好早一點來排隊，因為坐位不多，但是等位的人卻是非常多，建議最好外賣（ 好似可以用whatsapp先落餐）。這間💛餐廳價錢不貴但是食物水準卻得不錯。第一次來吃，不知哪款是招牌菜所以我和食伴隨便各自點了一款。三文魚🐟冷麵：三文魚切粒上數量都鋪滿整個碗，三文魚亦算新鮮，還配上大大堆蟹籽。冷麵的份量亦算多，很飽肚。唯一 美中不足是醬汁太少，我不知道可否向店員再要多些醬汁，但是，我加上檯面上的昆布醬油，估不到他的昆布醬油比平時的刺身豉油更加好味，撈在冷麵亦非常夾。燒蜻魚飯：碟蜻魚一上枱，立即芳香撲鼻，引至口水流，而且味道甚佳。只可惜鯖魚比較薄身，但以四十元午餐來說，這份量應該是差不多吧。如果🍚不夠是可以要求加🍚。🍚會灑上白芝麻添口感。飲品是隨餐附送的，可以選擇麵豉湯或者在門口的雪櫃內選取飲品，包括紙包飲品及汽水。不過，餐廳位置比較偏遠接近觀塘碼頭😅另外， 落單是要掃code所以記得要帶電話啊。

其他分店一直都好多人，都未有機會懲罰佢，見佢最近開喺振萬廣場，不過呢度其實比較偏🥲雖然黎到無咩人，打算叫外賣返去夜晚食！門口有自助落單，好方便，自己拎張QR code嘟完就可以直接落單，喺網站落完單就可以拎返張紙比店員，比埋錢大概等15分鐘。叫左個御品 壽司併盤 ($258)🍣有15件，包括三文魚 x 2、油甘魚、白身魚、甜蝦、赤蝦、吞拿魚、帶子、墨魚、左口魚、海膽、三文魚籽、吞拿魚蓉、龍蝦沙律同辣味三文魚除左軍艦拎到返去紫菜會腍晒之後，大部分都唔錯，特別係海膽有少少驚喜，因為望落去個樣好似麻麻地，唔係好乾身，但食落口係幾濃郁幾滑😋另外散叫左3款壽司，分別係三文魚腩 x 2、赤貝 x 2 同埋左口魚 x 2，每款$20。而且壽司夾起黎食啲飯唔會散晒，但又唔係實的的果種👍🏼即是咬開一半都唔會爛晒外賣仲配有冰袋，行遠少少都唔怕🤣當然唔少得豉油同wasabi，佢既wasabi少少已經好夠辣。最欣賞佢仲附有幾個細小嘅豉油碟，即使去野餐都好方便

千之味係全港唯一一間港九新界都送嘅外賣壽司店，好食又抵食之餘仲好有心嘅舖頭❤️❤️市區住宅$300就免運費，基本上一家人一定啱叫👍🏻👍🏻👍🏻之前叫過幾次外賣，不斷食過返尋味，魚生好新鮮時，壽司飯嘅調味同口感都啱啱好。火炙又惹味，整體係一間非常好食嘅壽司平民壽司舖。今日想食壽司就再叫咗千之味，真係好方便，網上落單已經可以揀一個鐘頭以後嘅時間。食咗個全部都係三文魚嘅拼盤，因為屋企人真係好鍾意三文魚，魚生肥美得來又滑身，真係好正🔥🔥另外見到有星期一至五超級特價嘅便當餐，又嗌左個丼飯食埋，哈哈飽曬😍😍

吞拿魚蓉丼飯，食落幾新鮮、幾鮮味！三文魚壽司有隻灸燒過，有魚油香幾好味！刺身都幾新鮮厚身，唔錯唔錯！仲有包埋沙律做前菜，幾清新開胃！雖然係遠咗啲但係絕對會再幫襯！