御品·千之味 (振萬廣場)

营业中

休息中

之前試過公司開party叫過千之味外賣刺身同壽司，一直念念不忘覺得唔錯。今次終於經過，去觀塘分店試試。地點都唔難找，就係宏利金融中心對面，有好大既招牌，好易見到，從振萬廣場正門入，行到最入面，左手邊就係。叫外賣自取，門口會有個QR code俾你嘟，嘟完就自助落單，好方便。叫左:10件壽司餐+飲品吉列炸蝦卷4件五品刺身(各3件)total都係300蚊左右，超級抵!!門口個姐姐服務仲好好，係咁問夠唔夠，主動俾多d 豉油wasabi同餐具好啦，價錢咁抵，味道如何呢!一試!嘩!得喎!!!!刺身新鮮!飯軟，唔會好似其他連鎖咁又硬又乾!推介!下次黎觀塘可以一試，佢其實都近海濱公園，食完可以去行一轉添。

放工買外賣返屋企慢慢嘆先。成日車經過都見到呢間近觀塘碼頭既🍣千之味，隔離條友成日都話要試。呢度用QR code 落單，落好之後，拎埋個QR code 入去比錢就得，之後第一陣就拎得，都幾快手。我地叫左個套餐，一個丼飯同一個炒飯，款款食物賣相都好吸引。刺身拼迷你三文魚粒粒海膽丼套餐拼5件壽司，揀左火炙壽司同配野飲，仲+28蚊追加沙律、螺肉同吉列炸蝦。刺身身有三文魚、甜蝦、帶子同北寄貝。炸蝦好香口，炸粉唔厚，好脆個套餐真係好豐富。個角切魚生飯都好多餸，大大粒蟹籽、吞拿魚、三文角、甜蝦、帶子同蛋粒等。呢度啲刺身真係唔錯、色水幾靚，新鮮。蒜香三文魚帶子炒飯，驚喜我鐘意，炒飯粒粒分明，香噴噴唔油膩，三文魚帶子多，勁多蟹子鋪係面。🤤

觀塘都有千之味，即刻去食下！最平既飯，火炙三文魚同三文魚各有3塊，厚切好正，仲有一大堆蟹籽，送飯一流。口感就好好，食材新鮮，不過味道就啖左啲，需要豉油吊下味。沙律齊醬足料，螺肉正常，小食都多選擇，有2件花之卷、兩件雞翼同兩件餃，刺身各2件、2件赤蝦。。。都算係幾抵食，雞翼脆身，餃子🥟餡都好味！

係觀塘辦妥事後，見對面有間日本料理#御品.千之味，於是乎買回家跟家人分享😊。 外賣都是用QR code, 見好多選擇，有壽司、定食 、刺身、烏冬、小食同埋有套餐，都幾抵食喎。🐠油甘魚、帶子刺身色澤鮮明，新鮮厚身。赤蝦🦐壽司，蝦晶瑩剔透，肥美又甜，爽滑口感😋。🍙鰻魚反卷，鰻魚正常發揮，壽司中間包上芝士， 令味道更有層次。 🍲和風小食冷麵，螺肉、蟹籽同青瓜鋪滿整個碗，撈勻在冷麵上，配合豉油同麻醬非常之好味，冷麵爽彈份量都足，飲品我叫了包烏龍茶是隨餐附送的。感覺溫馨的是外賣會比個冰包放入袋中，有足夠的豉油同wasabi。故去開附近一定會再幫襯！ 御品千之味
觀塘店地址：觀塘榮業街2號振萬廣場地下G號舖日

Just found a new place for sushi at home. Top reasons to give this place a shotelivery with $300 spending: not bad for party sushi Great prices, we got $888 and $88 sets and it was enough to satisfy 7 peopleDelivery came with a cooler bag so we were good while waiting for everyone to arriveDelivery for an area that is not serviced by other delivery chainsSalmon sushi and sashimi were the original highlights but I was actually impressed by the salad. The variety was decent and there were several

這間餐廳位於觀塘，距離地鐵站路程需要十分鐘左右，未必是最方便的，但我最喜愛這間餐廳的原因，全因為他的人情味和堅持，現在香港已經十分少見，絕對支持，努力的走下去。餐廳主打的就是日本料理，我這天中午過來購買的更是抗疫套餐，價錢合理大眾化，性價比十足，但味道絕對一流。第一就是照燒雞飯，而第二就是日式牛肉飯。照燒雞不太鹹，味道不錯，最重要肉汁鮮嫩，絕對是香港人的最佳選擇。另外，日式牛肉方面，值得讚賞的就是份量十足，當然肉汁豐富，最重要不油膩，絕對是拌飯的最佳選擇。

🍣🍤🍣🍤高質外賣壽司🍣🍤🍣🍤1️⃣吉烈炸蝦卷 (8件) HKD 68 吉列炸蝦卷首先賣相已經十分之吸引， 紅紅橙橙的蟹子鋪滿曬飯卷外面， 長長的吉烈蝦卷由頭去到尾，蝦的大細亦絕不欺場， 外面炸皮厚薄得宜， 就算拎到返屋企都仍然香脆， 食落去蝦十分之鮮甜。2️⃣火炙盛盒 (25件) HKD 284 這個火炙盛合真的不得了， 適合唔係太食得魚生嘅屋企人， 有時火炙反而會更加吊返起海鮮嘅鮮甜味， 配合少少燒香嘅味道， 令人回味無窮。 三文魚鮮甜， 鰻魚肉質鮮嫩， 左口魚邊口感細緻， 熟蝦一如既往的肉質緊緻， 配合上面嘅芝士， 令到味道更豐富一層次， 而且料和飯的比例適中， 飯嘅甜酸味適中。(火炙三文魚腩、火炙芝士三文魚、火炙芝士鰻魚、火炙左口魚邊、火炙芝士熟蝦 壽司 各5件)3️⃣御品‧壽司拼盤 (15件) HKD 258好多款式，全部都新鮮好味，最愛海膽同帶子，海膽好甜唔似其他店甘會腥，帶子軟淋口感好正！(有三文魚、油甘魚、白身魚、赤蝦、吞拿魚、帶子、墨魚、左口魚、魚子、吞拿魚蓉、龍蝦沙律、辣味三文魚，海膽）

前兩天家人生日，媽媽決定罷工一日，買日式外賣當晚餐慶祝！雖然店面離屋企有點距離，但吃時仍然保留到食物質素，性價比高，已經mark好聖誕🎄開party時一定要叫！——————————🔹角切魚生飯 $60識食當然揀角切魚生，一次滿足你幾個願望～三文魚、吞拿魚、油甘魚、大蝦、玉子及青瓜，款式多，份量足，推薦！🔸雙色三文魚丼 $60丼飯蓋有三文魚刺身及炙燒三文魚，加上滿滿的蟹籽，口感同樣豐富～最欣賞三文魚全厚切，無論刺身還是炙燒，都是大塊又厚身！🔸火炙丼 $78火炙三文魚及火炙左口魚，另有赤蝦及玉子各兩件，最推薦赤蝦刺身，肉質彈牙飽滿，入口鮮甜，左口魚油脂豐富，但就略嫌帶微腥，如果火炙刺身再多一款就更好了！🔹壽司餐 (10件) $98今日大廚發辦的十款壽司，剛好都是家人喜歡的：三文魚、吞拿魚、油甘魚、赤蝦、鰻魚、玉子、蟹籽等，另外還有味付螺肉及玉米沙律，款式夠曬多樣！刺身鮮味清甜，熟食亦是不錯👍🏻🔸照燒雞扒飯 $55這款是專門為最近胃不舒服的👨🏻而點，雞扒燒得焦脆香口，肉質嫩滑，調味亦恰到好處，👨🏻都覺得滿意～🔹餃子、辣味雞翼 +$28餃子和辣味雞翼各有兩件，味道沒有太大驚喜🙈但整體煎得不乾柴

上次朋友大食會已經試過「千@味」外賣壽司🍣，食材新鮮，質素不錯，今晚收工經過振萬廣場見到有分店，就外賣返屋企食，壽司種類繁多，唔知點揀，又想食刺身，又想食壽司🍣，就揀老板精選每日新鮮刺身食材嘅壽司盤，滿足晒😁😁御品·壽司拼盤（15件）$258三文魚🍣2⃣️件，油甘魚，白身魚，甜蝦，赤蝦，吞拿魚，帶子，墨魚🦑左口魚，海膽，魚子，吞拿魚蓉，龍蝦沙律，辣味三文魚🍣，剌身新鮮，色澤鮮明，可以一次過食齊不同刺身口味嘅壽司，價錢仲好抵食😋😋七味雞翼(4件）$48香口，辛辣入味，雞翼肉質嫩滑😋😋

千之味嘅丼飯一直都係出咗名大大份夾抵食，等到佢喺觀塘開咗鋪頭後因為就腳咗，所以偶爾都會幫襯吓。今晚叫咗三文魚粒粒海膽丼，海膽唔只大份，而且鮮甜唔苦，粒粒三文魚好新鮮，兩樣加埋送飯一流。唯一可惜之處係冇叫少飯，所以飯有啲多，最後好易食晒啲海膽同魚生，搞到冇野送飯好dry。如果細食又或者想叫小食試，揀少飯就唔怕浪費食物了。燒汁牛肉烏冬都好好食。洋蔥煮到好淋好索牛肉汁，連牛肉加汁好食到送到白飯（雖然叫咗烏冬）。烏冬軟硬適中，非常唔錯。右下嘅散叫嘅鰻魚反卷 中間包住芝士，口感好豐富。小食雞翼餃子同散叫 吉列炸蠔。吉列炸蠔岩岩炸起熱辣辣，食到隻蠔肥美又多汁。跟餐味噌湯就還好，另一個加點嘅甜蝦同三文魚刺身都幾新鮮。附上餐牌，性價比咁高嘅日本菜真係好少有，唔怪得平時會咁多人排隊食。

又到午飯時間🥢， 觀塘中午真是很多人， 今天唔想吃茶餐廳， 決定到御品·千之味買外賣返公司慢慢食， 位於觀塘榮業街2號振萬廣場地下G號舖。 這間日本餐廳有幾間分店🏠， 菜式種類多， 有壽司、丼飯、烏冬、冷麵、刺身和日式小食等等。 今次我們點刺身配迷你吞拿魚蓉丼加壽司拼盤$108、照燒雞扒飯$40、赤蝦$28、波子汽水$10、辣味螺肉＋沙律、火炙左口魚邊壽司$28、海膽軍艦$48、帶子壽司$35。 ⭕刺身配迷你吞拿魚蓉丼加壽司拼盤🍣🍱 ～ 刺身有三文魚、帶子、北寄貝和甜蝦， 四款刺身都新鮮， 鮮甜美味的吞拿魚蓉，拌飯吃特別滋味。 還有壽司五件， 最喜歡赤貝壽司爽甜口感。 ⭕照燒雞扒飯🍱 ～ 返到公司溫度還是熱辣辣的， 非常好👍🏻！ 雞扒厚切大塊肉質嫩滑，$40真是抵吃。 ⭕赤蝦🦐 ～ 加$28就有兩大隻赤蝦， 甜美新鮮，值得一試。 ⭕辣味螺肉＋沙律🥗 ～ 螺肉和沙律這兩款都不錯， 相信螺肉更是大眾喜歡的日式小食吧！ ⭕火炙左口魚邊壽司🍣 ～ 炙燒令到左口魚邊的味道更加香， 增添風味。 ⭕海膽軍艦🍣 ～ 入口即溶鮮甜美味， 絕對不能錯過。 ⭕帶子壽司🍣 ～ 帶子口感肥美， 抵食又大件。整體

今日想買外賣回家食，但又想健康啲，去千之味試下，門口已見一排餐牌，有刺身、壽司、定食、手打烏冬、和小食，好多選擇，外賣都可用QR CODE 落單，叫了兩個抗疫壽司餐(10件) $88，好抵。有兩件三文魚、油甘魚、白身魚、吞拿魚、赤蝦、熟蝦、蟹籽、玉子和鰻魚，赤蝦大隻肥美，好鮮甜，油甘魚，魚香味濃。另外散叫了份火炙左口魚壽司$28，外賣都有配菜，係青瓜絲，左口魚油份多加魚油香味，好食，再加一份三文魚刺身$98，厚切，油脂好多，好香。壽司餐包了飲品，選定可自助去取。等取外賣時，見原來有壽司蛋糕訂，好吸引，好過咁悶，成日食忌廉蛋糕咁悶，而且價錢$268 起，好抵喎。

今日有同事生日 想有啲儀式感既我哋 揀咗嗌千之味嘅到會 要咗三盒壽司拼盤同埋一盒蟹子沙律🥗上網訂到會嘅流程好簡單 入晒聯絡資料同送貨時間地址等 佢哋將會有專人準時送上 但因為佢哋而家鑒於疫情關係唔會送上門 需要有同事特登落樓接收 呢樣就有少少唔方便啦😅😅壽司會用保溫袋妥妥地包好 唔需要擔心溫度嘅問題 我最推介火炙壽司拼盤 比目魚貝 三文魚腩 燒過之後 油香味最為突出 加上佢哋會喺火炙壽司上面唧上沙律醬或放上芝士 完全係我鍾情嘅口味👅其他壽司表現就正正常常 不過飯嘅比例偏多 如果魚肉可以大返少少就好啦💁🏻‍♀️伴隨蟹子沙律嘅係兩大兜沙律醬 青瓜蟹子蟹柳絲加沙律醬 其實冇可能唔好食😂

開完會又到最多人出去食晏既時間，唔想同人迫🙌肚仔又餓到扁晒😫同事就介紹左附近日本料理「御品。千之味」外賣一齊食🤗呢間餐廳除左定食🍱選擇非常多🙌有魚生丼飯、鰻魚飯、手打烏冬、另外仲有小食🥗壽司🍣炸物及軍艦架😎最重要係價錢相當便宜☺️性價比真係好高👍🍱四式刺身丼定食 $65所有丼都可以選擇少飯或者多飯☺️刺身就有厚切三文魚🍣油甘魚，鮮甜墨魚及甜蝦🍤生薑汁豚肉手打烏冬 $68豚肉鮮嫩肥瘦適中搭配炒熟清甜既洋蔥，廚師👨‍🍳調較嘅醬汁好正🥰另上既手打烏冬口感牙🤗唔錯！跟餐可加28蚊追加赤蝦🥰之餘仲額外叫多一客赤蝦刺身😍赤蝦大大隻🤩新鮮甜美😝小食螺肉 $28同平時食既差唔多😋細細粒甜甜地唔覺意會食好多😂最後點都要叫我最愛既海膽軍艦 $48一客兩件上面鋪滿超鮮甜有海水味嘅海膽😋一啖一件食到好滿足呀🥰🥰總結食日本嘢最緊要就係新鮮，千之味唔會將貨就價質素令你失望😉因為真係新鮮又抵食😎

今日做乖乖女去接媽媽收工,順便買外賣反屋企開餐。原本以為觀塘碼頭冇野食,但媽媽帶左我去振萬廣場買SUSHI, 咁就試試佢啦啦STAFF 好NICE, 仲提供保溫袋加2舊冰比我地裝住我地既48壽司。BTW, 大家如果外賣唔想等咁耐, 可以預先叫定。另外佢消費夠$300就送貨,勁方便。1️⃣ 御品‧壽司拼盤 (15件) HKD 258三文魚2件、油甘魚、白身魚、赤蝦、吞拿魚、帶子、墨魚、左口魚、海膽、魚子、吞拿魚蓉、龍蝦沙律、辣味三文魚，種類十分之多，岩曬咩都想試既朋友，而且SUSHI 十分新鮮,賣相完整本人私心推介: 海膽壽司，十分鮮甜綿滑2️⃣ 吉烈炸蝦卷 (8件) HKD 68十分推薦, 即使經過左30MINS路程,反到HOME 炸蝦仍舊香脆。3️⃣火炙盛盒 (25件) HKD 284火炙三文魚腩、火炙芝士三文魚、火炙芝士鰻魚、火炙左口魚邊、火炙芝士熟蝦 壽司 各5件呢個set 岩曬唔想食生冷野既朋友仔本人私心推介: 火炙左口魚邊,燒過嘅左口魚邊油脂感爆燈，必食。另外火炙三文魚魚腩都係好好食，十分肥美