御品·千之味 (振萬廣場)

营业中

休息中

平時好少網上/電話叫野食，驚送到黎質素會好差。但今日壽司癮起，又WFH，壽x郎離屋企太遠，而且要排好耐，見千之味係網上評價唔錯，一於試下網上落單。屋企有個奄尖老人家，海鮮類嘅野，就算其他人話唔腥，佢都會話好腥，所以第一次食都唔敢全部嗌海鮮類。Whatsapp聯絡嘅職員同送送貨哥哥好有禮貌，就算我網上落完單，係whatsapp改收貨時間，態度都好好，送貨亦好準時。細妹拎完上屋企，我好驚訝會提供埋保溫袋，仲有一大舊冰，所以壽司同刺身啲質素都keep得好好，好新鮮，連個奄尖老人家都冇話啲魚有腥味，仲食得好滋味我媽話可以encore4個人食，每人160蚊左右，送埋到屋企樓下，抵呀下次可以嗌多啲野食添呀

受肺炎疫情影響，最近不少人都傾向/必須留在家中，朋友介紹下試左千之味外賣到匯。今次係慶祝仔仔生日，朋友專登揀好食又抵食壽司，重點外貌又靚仔，打卡一流！慶祝當然食豪啲，揀左千之味壽司盛G $468共25件，第一眼比吸引既當然係拖羅，仲有五件，肥美，入口細嚼慢慢溶化，其細膩餘韻更為持久。其實這盤千之味壽司盛G每件都質素高，魚生及全部以厚切處理，賣相新鮮吸引，紫菜到來口感仍然脆、巨大三文魚籽、濃味的海膽、免籽吞拿魚蓉爆蔥、珍寶帶子壽司口感屬腍滑帶微爽一類吞拿魚蓉壽司爆瀉海膽壽司🍣另外點了千之味壽司盛D $468共45件，赤蝦比牡丹蝦更大隻！油甘魚 比其他店好食😋千之味壽司盛G $468

好姐妹生日，當然要食返餐好嘅。壽星特別order要食壽司。醒起有間性價比高嘅餐廳，千之味。之前已經試過壽司蛋糕外賣，今次就簡單啲，嗌盛盒啦！三文魚控嘅我哋嗌咗刺身，一上枱有啲驚訝，好大盆！刺身厚薄適中，雖然唔係腩位。但都算肥美，入口帶點三文魚嘅油脂香味。講明三文魚控，又點可以錯過盛盒H，入面全部都係三文魚壽司。分別係三文魚腩、辣味三文魚、火炙黑椒三文魚、花之卷等等。一盆壽司就有齊各式各樣嘅三文魚。最後再嗌咗盛盒E ，玉子、鰻魚、北寄貝等等。壽司質素整體嚟講都算中上，呢到仲有外送服務添。

新年返屋企一大班人食團年飯，食厭雞鴨鵝，一於買啲壽司去加餸。千之味原來都開咗好多間，今日就去咗觀塘分店。嗌咗港人必食三文魚刺身（$438）原本仲驚唔夠食，點知份量都好多，一盆約50片。刺身切得有返咁上下厚度，咬落去有口感之餘味道都幾鮮甜。新鮮有三文魚味。呢個價錢都幾抵食。另外再嗌多左壽司盛盒E $218 入面有啲貝類同熟食壽司。飯嘅軟硬度適中，夾落去都唔易散。原來呢到仲有壽司蛋糕，但係要早一日預訂。下次有朋友開生日派對都可以揀呢到！

御品．千之味 又平又抵食，而且係良心店，值得支持！晚市沒有堂食，外賣買返屋企食，就最岩！外賣自取抗疫Set，最平幾十蚊就有啦，買滿$300仲包送貨，真心抵！親子丼 $78三文魚刺身厚切又大大片，肥美鮮嫩！三文魚籽夠鮮甜！三文魚刺身3件 跟餐加$20三文魚控必加！飲品 跟餐送壽司餐（10件）$103包括有三文魚兩件、油甘魚、白身魚、赤蝦、吞拿魚、蟹籽、熟蝦、玉子、鰻魚！真係夠晒豐富又好味！花之卷2件 跟餐加$20絕對係必加item!飲品 跟餐送火炙三文魚腩壽司（2件）$28火炙左口魚邊壽司（2件）$28辣味三文魚沙律軍艦(2件）$22壽司質素唔錯，食材夠新鮮，正！

無計喇，又無得晚市堂食～依加好多餐廳都做掋食嘅抗疫外賣優惠，包括今晚去咗嘅呢間位於觀塘嘅日本餐。佢哋嘅定食真係好掋，午餐同晚餐餐牌一樣，但午餐價錢平啲。份量大大份，而好多餐都配沙律同螺肉小食。豬軟骨飯定食（$78）- 啲豬軟骨煮得又腍又入味。鰻魚飯定家（$105）- 饅魚份量唔少，蒲燒汁撈飯食好味。吞拿魚蓉飯（$88）- 啲吞拿魚蓉好新鮮，吞拿魚都好肥美。辣味雞翼（+$20） - 有三件，唔算太辣，好juicy。全部晚餐都包飲品，真係性價比高！

想試千之味好耐，這天去開觀塘終於可以食到！意想不到款式極多，有壽司、刺身、卷物、軍艦、小食等，更有多款刺身丼，重要的是價錢親民。落單後即叫即製，食物賣相佳，毫不馬虎，每件都很新鮮，且比想像中大件。三文魚色澤很靚而肥美，脂肪均勻又新鮮。三文魚腩肉質更嫩滑，啖啖魚油，十分美味。大赤蝦壽司啖啖肉，爽口彈牙，鮮味爆燈。火炙左口魚壽司輕輕炙過後肉質保持嫩滑，滲有啖啖魚油香。赤貝好大塊，不像一般壽司店的細塊到連飯都未能覆蓋。三文魚海膽卷好有創意，配搭得好，海膽份量夠多又creamy，每一啖都大滿足！

這天觀塘收工後，便過來日本料理 #御品千之味 購買抗疫套餐，因貪佢價錢合理，食物選擇又多，食材新鮮。 刺身配迷你角切魚生丼，刺身有帶子、甜蝦，北寄貝&三文魚，三文魚肥美，帶子、甜蝦，北寄貝鮮甜爽口。仲有5件美味壽司。角切魚生口感軟綿，加$28配有沙律、螺肉，另選配新鮮肥美嘅赤蝦，晶瑩剔透爽滑口感😋。套餐包咁多嘢食超抵又好滿足。壽司冷麵餐，包5件壽司，唔會有雪味，燒三文魚🍣、燒三文魚腩、白身魚都無筋肥美，鰻魚冇骨，熟蝦肉質彈牙，整體都唔錯！將蟹柳、蟹籽同青瓜撈勻在冷麵上，配合配上的麻醬，加埋脆卜卜嘅蟹籽，好開胃又好味，麵爽滑而且份量足夠。油甘魚壽司，色澤鮮明的魚，新鮮厚身好好味👍。可樂飲品隨餐附送的。

今日和同事去觀塘聽講座，還以為要入夜才可回家，點知….早完了成個半鐘，正! 同事心血來潮話要去我屋企參觀下，咁就順便買埋收賣，邊食邊傾。就在附近見到一間日本店的大型餐牌，我倆都是日菜愛好者，一於試下。店子門口擺放了多大大塊的餐牌，主要是套餐組合，有手打烏冬套餐、丼飯套餐、定食套餐、迷你自選魚生飯餐等等，仲可追加小食，都幾多選擇。正想點餐之際，店員就請我掃QRcode，原來係電腦化落單。細閱一翻，下單表設計得好清晰細緻，方便易用，讚！******************見迷你自選魚生飯餐相當豐富吸引，就在五款飯餐中揀了迷你厚切鰻魚丼配刺身拼壽司 ($128)，要再豐富一點，加配埋沙律和螺肉($8)，兼追加赤蝦刺身 ($20)，仲奉送飲品，大滿足！迷你厚切鰻魚丼份量都好足，兩件鰻魚都挺厚身，底面都燒得金黃，沾滿甜甜地的鰻魚醬汁，烹調入味。肉質相當嫩滑肥美，伴着粒粒圓潤的米飯同吃，吸收了魚油香和甜甜地的鰻魚汁，很滋味。所配的刺身有三文魚2件、北寄貝2件、甜蝦1件和帶子1片，再放埋追加的赤蝦刺身，睇落就更豐富。肥美的三文魚色澤亮麗，油脂分佈平均，肉質柔軟油潤，鮮味十足；帶子就味道鮮甜，質感柔軟

🈲️ 🈲️ 🈲️晚市又禁堂食，最好就係買外賣，上次食過呢間嘅壽司唔錯，今次就揀佢啦😋壽司冷麵餐 $78壽司有5件，三文魚、白身魚、北寄貝、蟹籽、芥辣八爪魚🐙冷麵份量好多，配埋胡麻醬好好味😋燒汁牛肉飯定食 $78阿囝一睇嘩咗一聲！燒汁牛肉勁多，肉唔韌，食到勁飽迷你火炙三文魚腩丼 $118可以揀火炙壽司5件或者壽司拼盤5件仲跟埋刺身，啱晒我呢個為食鬼🤭刺身新鮮完全唔腥！值得一試！追加咗沙律&螺肉 $8同炸餃子🥟3件 $20每個餐仲包嘢飲真係抵到冇朋友

餐廳：御品·千之味 (觀塘)地址：觀塘榮業街2號振萬廣場地下G號舖千之味刺身壽司專門店 @sushi93885690 喺香港開咗9間分店，既然佢哋撐香港人，喺獨立媒體 @inmediahknet 落廣告，我都唔執輸要撐吓佢哋💪今次去咗近觀塘碼頭嘅振萬廣場分店，呢間店原來開咗一年幾，真喺要刻意去搵先會搵到佢哋🙈，而佢哋主打過百款壽司、刺身🍣，仲有唔少日式丼飯、定食、小食，無論堂食定外賣都有唔同嘅選擇，見大部分人都喺叫外賣為主🥡，而外送嘅訂單仲喺最多，究竟點解會咁呢😮？問清楚店員，原來佢哋基本上全港都送貨🚛，最平消費滿$300就已經免運費👍，唔同地區唔同收費，大部分九龍新界地區都喺最低消費就可以免送貨費用，仲唔收加一😍，難怪咁多人爭住叫外送啦，成為VIP會員仲有唔少優惠同折扣添🤑✝️雙色三文魚丼 $65呢個丼飯有3件三文魚、3件三文魚腩同蟹籽，三文魚腩上面仲有啲炙燒過嘅芝士🧀，勁吸引🤤，亦可以揀多飯少飯，晚餐$65嚟講都幾抵食✝️壽司餐 $103呢個餐有三文魚兩件、油甘魚、白身魚、赤蝦、吞拿魚、蟹籽、熟蝦、玉子同鰻魚各一件，整體嚟講都算新鮮，喺平時比較常見嘅壽司款式，唔算太大驚喜😗✝️火炙壽司餐

疫情嚴峻，晚市暫停堂食，窩夫在觀塘工作後去御品‧千之味外賣晚餐。點了一客五品刺身($168)，五款刺身分別是三文魚、甜蝦、油甘魚、帶子和墨魚，窩夫特別喜歡厚切的帶子，鮮甜無比，三文魚和油甘魚都很肥美。刺身以外，還點了幾款壽司和飯卷。窩夫很久沒有吃過腐皮壽司($12)和軟殼蟹了，沒想到軟殼蟹飯卷($48)帶到回家，裡面的炸軟殼蟹仍然香脆。海膽軍艦($48)很足料，海膽非常鮮甜。芥辣八爪魚軍艦($22)的芥辣八爪魚多得要滿瀉，不只份量足，味道也很好。窩夫今次選擇散叫，但其實有些套餐很抵食很吸引，下次要試試118元起的迷你魚生飯餐。不吃魚生的朋友也有很多熟食選擇，惠顧300元起可外送全港，疫情下安坐家中亦可享受美食。

疲情又嚴峻左，於是決定今日買外賣食，去千之味買，貪佢又抵又多選擇，有刺身、壽司、定食、手打烏冬、和小食，先用QR CODE 落單，叫了壽司餐(10件) 再追加3件三文魚刺身$20，仲包一罐可樂$93。店員服務態度都非常好，問我會唔會好遠路程，遠可給予冰袋，好細心。壽司餐有兩件三文魚、油甘魚、白身魚、吞拿魚、赤蝦、熟蝦、蟹籽、玉子和鰻魚，赤蝦肥美，鮮甜，油甘魚味鮮，追加的三文魚刺身夠厚，魚油香味濃。再散叫了兩件炙燒左口魚壽司$28、特大赤蝦壽司、鰻壽司魚$18、加州反卷$38，再叫多份帶子刺身6件$68，帶子超鮮甜，真係好新鮮，壽司餐包了飲品，可自助去取，我拎左罐可樂。

良心日本料理《御品．千之味》價廉物美，分店愈開愈多！觀塘店位於觀塘工商區，收工買返個靚外賣返屋企慢慢嘆就Fit晒！外賣自取抗疫Set，幾十蚊就有交易！滿$300仲要包送貨，性價比極高，係停晚堂食其間嘅恩物！御品．千之味卷 $98濃郁厚肉嘅海膽、鮮味十足嘅三文魚籽、肥美軟綿嘅吞拿魚腩蓉，三款美味食材堆得滿滿，真係未食先興奮！下層係6件青瓜小卷！三文魚刺身 $58紋理漂亮，甜美中帶一點點三文魚嘅油香，好新鮮！墨魚壽司 $15/2件三文魚腩壽司 $20/2件芥辣八爪魚軍艦 $22/2件火炙左口魚邊壽司 $28/2件天婦羅炸蝦壽司 $28/2件吞拿魚腩蓉軍艦 $30/2件壽司質素頗高，壽司飯微酸中帶甜，食落特別開胃！用料新鮮之外，估唔到天婦羅同埋火炙都同樣高質！一個價錢有兩件，真係好抵食！

呢兩個星期無咗六點後堂食，收工之後我去咗呢間壽司店買外賣，今次係第二次幫襯，希望質素依然唔錯。壽司店嘅位置係工商業大廈裏面，位置都比較入，但就食咗好抵食，好多壽司或者拉麵餐都係幾十蚊而且份量好足。今次叫咗壽司烏冬餐，包埋罐汽水$88，加$20有多兩件花之戀壽司，抵食！個湯烏冬係手打烏冬，拎到返屋企食都唔會太林，而且烏冬質地唔錯，比較幼細，絕對唔係用普通貨。而壽司都幾大件仲有成五件，包括三文魚、油金魚、北寄貝、蟹子壽司，絕對食落新鮮既！另外花之戀壽司另加$20有兩件真係超抵！甜蝦刺身$58五隻，唔算大隻但絕對係新鮮同鮮甜，必食！散叫壽司：油甘魚、三文魚子壽司同帶子壽司，食落都保持到新鮮，而且每件都大大件咁。最正係三文魚子壽司，魚子粒粒都咁大粒，好正！呢餐叫咁多野食都唔洗$300，絕對可以成日幫襯啦！