御品·千之味 (深水埗) (已結業)

原本想去另一間食海膽拉麵，但打去話今日已經轉左做蟹粉拉麵⋯⋯咁就上OpenRice 睇下有冇地方食海膽啦，咁就揾到依一間食評唔差嘅~御品。千之味其實初初入去有少少卻步，因為食飯時間都冇乜人我同老公各自叫左個定食～御品海膽丼及A4和牛石板燒串食定食我第一眼望到海膽，感覺好少，但食落好多，另外d吞拿魚碎同大大粒魚子都一樣好鮮味到和牛定食，真係勁抵食，A4和牛，一口牛粒，牛脷有個石板可以自燒，半生熟好正，d牛真係幾正喎但定食內有的焼物就一般般總括來說，依間小店嘅食物質素，份量及價錢，去第二道真係未必搵到，一定會再encore

今日同朋友仔一齊嚟到深水埗搵食行過見到千之味呢間細細間嘅日本壽司店！見到門口份menu都幾吸引，即刻入去試下！見到d壽司價錢好抵食！三文魚、北寄貝、鰻魚都只係18蚊2舊！😱我地叫咗三文魚、劍魚腩、油甘魚、帶子、甜蝦同北寄貝！所有嘢都好新鮮！甜蝦好鮮甜！三文魚好肥美！油甘魚好香！帶子好大隻！真係物超所值呀！🦐🐟🦑食日本嘢點少得我最愛嘅海膽，呢度仲有蟹膏蟹肉壽司添！海膽好大一片☺️好滿足蟹肉絕無欺場，唔係用蟹柳架！🦀卷物方面我地叫咗火龍卷同三文魚海膽卷！火龍卷賣相100分，真係成條龍咁上枱🐉滿滿蟹子加上炸蝦真係好好味！海膽三文魚卷每舊都足料，鐘意海膽嘅朋友千祈唔好錯過！我地仲叫咗蟹子沙津，35蚊大大碗！超抵玩！🥗🥗食飽飽仲有甜品雪米糍送👍🏻👍🏻👍🏻

今日放工喺深水埗附近搵嘢食，行過呢間千滋味，係食日式丼飯嘅，係深水埗都比較少見日本野，一於就試吓。我叫咗一個北海六式丼，丼飯送埋味增湯同埋沙律。沙律仲要有兩款，分別係孩子沙律同埋中華沙律。六式當分別有海膽、赤蝦、吞拿魚、三文魚、油金魚、馬刀貝、玉子粒同埋青瓜粒。雖然每一種魚生都只有一片，但係每一年都係厚切，而且非常肥美。而且海膽嘅份量都唔少，撈埋飯一齊食勁正。食嘅時候店員專登提醒我哋，呢度嘅豉油分咗兩款，一款係食刺身用，一款係食壽司用。

一連四日復活節開始，放工約左朋友去深水埗食飯。入到呢間日式小店，好彩仲有一張卡座比我地坐，店內唔算大，但坐得舒服！壽司點左甜蝦、帶子、劍魚腩、油甘魚、北寄貝，三文魚，款款都好新鮮又鮮味，甜蝦既size 仲好大隻！👍🏻海膽軍艦，大大件海膽又鮮味，好味！蟹肉蟹膏軍艦，鮮甜既蟹肉再配上濃郁既蟹膏，食落好滿足！火龍卷，外型好有氣勢，食又好味，裡面既炸蝦勁香，外面勁多蟹子，食落好豐富！三文魚海膽卷，每件既海膽份量好多，新鮮好味！蟹子沙律（配沙律醬），份量多，青瓜絲好新鮮又清甜，配上蟹柳蟹子＆沙律醬，簡單但好味！臨走前，服務員仲送雪糕糯米糍，有甜品食埋，真係好滿足！而價錢方面亦十分合理，唔貴啊！

又要為旅行做足準備到深水埗買電話卡， 經過這間日式食店，心血來潮入去食壽司。 入到店內地方不大，但光線充足。 因為午餐食得太少的關係唔想再諗食咩，所以一於點了一個御品壽司拼盤$258， 一個拼盤有 15件，方便又快捷，再點多一碟蟹柳玉子燒$38。御品壽司拼盤～ 總共有15件，包括有三文魚兩件，油甘魚，鯛魚， 甜蝦，赤蝦，吞拿魚，帶子，墨魚，左口魚，海膽，魚子，吞拿魚蓉，龍蝦沙律，辣味三文魚各一件。 咁多件入面我最欣賞是海膽壽司和帶子壽司， 味道新鮮甜美。蟹柳玉子燒～ 如果玉子可以做得再軟熟一點比較好吃。好開心有甜品送！整體而言刺身壽司都算新鮮，價錢屬於平價親民。

今日帶阿媽來深水埗行吓，帶佢參觀油麻地差館同埋附近嘅布市場，行到攰就喺度附近搜尋食店，就搵到呢間超級近嘅日本餐廳，因為太攰了所以都唔好周圍去，咁就比我搵到間平靚正日本餐廳！首先叫咗個粟米蟹子沙律，$42，分量比我預期大好多，所以呢個價錢絕對抵食，蟹子都鋪滿整個沙律！fresh!蔥花吞拿魚卷，即叫即做，紫菜仍然是脆的！魚生也很新鮮，吞拿魚茸我最鍾意食嘅魚生，配壽司飯口感一流！壽司拼盤15件，他們有拼盤選擇，對於我來說唔使諗咁多是10分好的，樣樣都有啲又新鮮！每一舊份量都係大大件，刺身也是大大塊！壽司飯的醋味剛剛好，帶出魚生嘅鮮味！特別係甜蝦，海膽，同芝士蟹子，直情想再叫多一客，不過比阿媽撳住左，兩個人食三碟嘢已經超級飽！價錢真係好抵食！

之前有朋友介紹呢間「千之味」啲魚生好新鮮，所以今晚約咗喺深水埗返工嘅朋友一齊嚟食晚飯，原來呢度夜晚都有好多好抵食嘅套餐！想食魚生刺身都有好多選擇！最勁係呢期好興嘅石版燒都有！A4和牛6件都只係加$88！ 抵食！不過因為我想食壽司，所以決定散叫啦！御品千味卷$98呢個真係啱晒我心意，一碟有齊晒我最想食嘅蔥拖羅、三文魚子同埋海膽😍個三文魚子真係非常澎湃💕重點係非常新鮮！非常新鮮！非常新鮮！有圖有真相！真係每一粒都非常飽滿，味道唔會死鹹！三款都好鮮甜💕推薦辣味三文魚卷$48賣相非常精緻、顏色繽紛，辣醬好惹味，三文魚肉質肥美似近腩位！配搭上青瓜絲， 口感好清新！御品半熟牛扒$88睇餐牌嘅時候已經比呢碟吸引住😍上到枱果然同圖片相符，外面燒得香口而內裡耐呈現鮮嫩嘅粉紅色😍入口肉汁豐富，不過最好都係趁熱食汁煮牛肉手打湯烏冬配溫泉蛋$78汁煮牛肉唔會好鞋口，而且個手打烏冬真係超級滑又彈牙！好好食！最欣賞係個溫泉蛋仲有秘製嘅醬汁！估唔到呢間位於深水埗嘅日式料理餐廳都會有咁用心既製作同埋食物真係好新鮮！下次有機會會再嚟試吓套餐💕

大食妹好鍾意食日本野，對日本野嘅要求亦都幾高下今日呢間御品。千之味，大食妹真係極力推介，好好好味店內座位唔算好多，容納到十幾個人左右，所以想食最好就卜左位先黎，如果唔系好大機會要排隊大食妹卜左位，夜晚八點半都要等十分鐘先有位咖<迷你蟹肉丼刺身壽司餐$118> (好味:4/5) (抵食3.5/5）四款壽司都好正，食壽司最驚食到唔脆的紫菜，小店好有心，件件壽司的紫菜都系新鮮香脆ge 特別要讚下油甘魚壽司，肉質結實爽口，魚脂均勻，魚味鮮甜，高質刺身件件肥美鮮甜，用料靚反而個蟹肉飯遜色左d，蟹肉、蟹膏味啖，唔算特別<迷你吞拿魚蓉丼刺身壽司餐$128> (好味:4/5) (抵食:3.5/5)火炙壽司別帶一番風味，三文魚的油脂用火燒完更加可以浸入飯團內，好食吞拿魚蓉丼勝在吞拿魚夠多，每啖米飯都可以送到吞拿魚，真心正呢個價位食到咁高質的壽司，好心覺得真不過略嫌份量帶略細，男仔可能唔夠食

深水埗區沒太多特色餐廳， 路過發現這間日式餐廳，價錢合理，座位也不算擠迫， 所以嘗試光顧。想不到小小的餐廳，食物款式亦很多， 有刺身、壽司、卷物、 炸物、刺身、沙律等。三文魚腩壽司 $20/2件花之戀 $48/3件三文魚腩很肥美及新鮮; 三文魚味道亦相當不錯。鰻魚壽司 $18/2件特長鰻魚壽司 $58/1件特長鰻魚真的很長，比筷子還要長，超級好吃; 令普通鰻魚壽司變得遜色。串燒拼盤 $238拼盤共有10款，包括牛舌、香蒜一口牛串、蕃茄豚肉串、雞翼、雞軟骨串、蝦、帆立貝、冬菇、雞髀菇及翠玉瓜。我最喜歡的是一口牛及蕃茄豚肉串，串燒很香很惹味。御品半熟牛扒 $88牛肉質感軟硬適中，容易入口。用餐後會送上甜品，挺好的。

深水埗不嬲都多野食平靚正😍 今日就同朋友試間平民價日本餐廳🙈～.御品壽司🍣拼盤 $98 因為選擇困難，最後我地簡佐食拼盤唔洗諗😍 一共有10件：三文魚2件、油甘魚、鯛魚、吞拿魚、玉子、鰻魚、蟹子、熟蝦、甜蝦、赤蝦🍣 魚類唔會太乾身同有腥味 而且好厚肉 飯身都好煙un唔會散抵讚👍🏻 我至愛既蝦類全部都大大件 勁鮮甜😚 佢有兩種豉油可以點：左面係甜豉油，右面係略帶昆布湯既豉油 兩種點法都有唔同風味🙈.鰻魚卷物/吞拿魚卷物我地唔夠喉仲嗌多佐兩條卷物 味道都好唔錯 我平時唔食開吞拿魚都接受到 細細件鰻魚都依然好有味🙈.吉列炸蠔 4件 $52真係新鮮炸起 而且唔會話太多炸粉 都大大件 成件都係蠔肉黎😍 點埋沙律醬都幾和味～.照燒雞扒湯烏冬 $78雞扒好細心地已經有切好 塗上少少日式燒汁啖啖肉咁食 湯底清清地仲要有溫泉蛋食☺️ 我地仲加佐少少昆布豉油更加入味🤭 烏冬都幾滑幾爽口 .總結，服務態度幾好👍🏻 仲要有雪米糍做飯後品😍 而且佢有勁多平民定食set可以簡 尤其是燒肉勁吸引😚 下次可以一試 小區日式黎講都性價比幾高👍🏻

今日帶男朋友去深水埗食日本野－御品•千之味，去到門口發現原來之前佢同同事食過lunch～話都幾好食！佢有好多唔同款既日本料理，食物上得好快呀！送野食黎之前，服務員向我地介紹佢有2種醬油－左邊黑色果個較甜，主要係食壽司用；右邊白色果款係鹹d，主要用黎食刺身。但係因為我好鐘意食食物既鮮味，所以我自己落多d甜既醬油，溝左dd鹹果隻，味道不錯！第一樣就食帶子刺身～好大粒，好鮮味同d肉好夠實呀！跟住食左芝士炸蝦卷，呢個配搭真係好夾，好好味！然後成碟壽司就黎左喇，我地叫左蟹柳、火炙三文魚、火炙左口魚邊同蟹肉蟹膏軍艦、海膽軍艦。佢既火炙壽司整得好出色！軍艦類都好味，不過火炙就更勝一籌。之後，就係燒物同炸物類，我地叫左鹽燒雞翼、炸餃子同天婦羅海鮮烏冬。鹽燒雞翼我覺得好香口，都唔使落七味粉已經好夠味！炸餃子就正常味道。但天婦羅海鮮烏冬都幾特別！因為佢係蝦、軟殼蟹、帶子同鰻魚天婦羅！隻軟殼蟹勁大隻，男朋友食d腳食得好滋味～佢唔食鰻魚，所以我獨享鰻魚天婦羅，好好味！同埋最後就係炸新鮮既帶子。碟海鮮天婦羅係抵既，烏冬既湯底如果配以魚湯烏冬就真係完美了～最後，服務員奉上雪米糍作總結，開心！食左咁多野，埋單先4百

今日同友人去完西九龍，但唔想繼續商場食飯，就過了對面晚餐深水埗區好多小店，今晚就諗住食日本菜，行行下就搵到一間，門口有小燈就推門入了店內裝修簡單，但食物款式眾多，睇晒成個menu先再慢慢諗店員比左張order紙，可以慢慢寫慢慢揀幾好點完菜仲提醒，有2支豉油，白色個支食刺身，黑色個支先係食壽司，好貼心呢芝士炸蝦卷味道配合得剛剛好，好欣賞芝士都有燒過，再炸蝦配上魚子，真的值得再叫特長鰻魚壽司一上枱嘩然，忍不住比對，鰻魚仲長過對筷子啊，友人說味道非常之好，不可錯過但呢個時候，店員突然發送甜品，糯米磁一粒芒果味道，既有上枱了就照食吧串燒併盤最期待之一的食品，有蝦，磨菇，牛舌，雞翼，帶子，雞軟骨，雞肉串，翠肉瓜，雞肶菇，啱晒我選擇困難既人，一次過滿足晒所有願望牛肉定食作為最後一道菜剛剛好，有沙律，小食，甜品，可選味噌湯或罐裝飲品，牛肉與洋蔥味道配合很好，配飯吃一流追加了雞翼竟然外皮脆卜卜，好好味啊今晚晚餐都叫有驚喜呢

朋友去完旅行後話好想食刺身，所以我就推介左黎呢間OPENRICE評論唔錯、位於深水埗區既日式小店，晚餐有定食、散點、丼飯，價錢亦唔算貴。每款套餐中包含麻醬蟹子沙律、帶子群邊、味噌湯/飲品(可選汽水式烏龍茶)、甜品係雪米磁。沙律菜新鮮、群邊爽口。我個人比較中意食壽司多過丼飯，所以點左個壽司餐 $108內有三文魚、油甘魚、鯛魚、吞拿魚、蟹子、熟蝦、玉子、鰻魚同大赤蝦壽司共10件，另外仲有一件三文魚吞拿魚蓉手卷，食材豐富，份量足；全部魚生都無解凍唔夠既問題，亦無怪味或腥味，但欠缺魚既鮮味。個人覺得味道唔差，但又唔能夠叫好，只能夠講以$100既價錢食到11件壽司加手卷，非常抵食。朋友為刺身而來，所以點左個迷你吞拿魚蓉丼刺身壽司餐 $128本身朋友對呢個價位既刺身無抱太高期望，殊不知味道唔錯、每款都有鮮味、有驚喜!!水炙壽司同丼飯樣子唔差，雖然我無試到，但朋友表示味道尚可。火龍卷 $65入口首先有脆卜卜既蟹子，之後試到脆口既天婦羅，蝦味慢慢滲出黎，整體味道唔錯，可以一試。估唔到豉油都有份刺身同壽司豉油兩款，後者會甜D。

之前同屋企人慶祝生日只局限於荃灣區，今次想衝出框框⋯因為搬左泥附近⋯留意到lei間店⋯之前都有諗過試下⋯中午人流唔多⋯但都預先book左位⋯我地點左一份十件壽司既lunch set同埋一份烏冬配6件壽司（無記錯的話🙈）既lunch set⋯再配其他散叫既壽司⋯烏冬不錯的⋯麵質細滑彈牙（唔記得影低🙈）⋯沙律無咩特別評語⋯同出面食既差唔多麵豉湯不錯⋯感覺唔似味精湯⋯父母都幾鍾意⋯打咭免費送既刺身⋯好有驚喜⋯厚切新鮮且有魚油香⋯送既都唔馬虎👍🏻火炙左口魚裙邊⋯都好新鮮同有魚油香⋯剩食d飯都魚油香味⋯不過略嫌薄同細塊左dd⋯⋯煎餃⋯見到都覺得好油⋯無想食既意慾⋯但老豆說不賴⋯😅忘記左叫什麼壽司⋯大概味道比較平凡忘記左⋯黑松露三文魚壽司⋯媽咪同另一半讚不絕口⋯但我就覺得剛剛免費既來的厚切刺身更勝一籌⋯⋯油甘魚⋯好新鮮⋯味道不錯⋯另再encore火炙左口魚裙邊😂Lunch set壽司⋯個卷物不錯丫⋯整體也很鮮的⋯但蝦鮮甜度一般⋯吞拿魚也一般般⋯因為生日有優惠⋯散叫的另外有折⋯但lunch set就無折⋯但整體都算優惠⋯比去大型連所壽司店化算⋯而且食物質素不錯⋯父母同另一半都說可以encore的😊

📸#tagnshare深水埗篇. - 又嚟到呢間平靚正既日式小店食壽司啦😋侍應細心介紹兩隻醬油既食法。花多眼亂既你可以揀御品壽司拼盤（$178）有15款壽司，都唔錯架! #啲蝦好肥美#加埋先三百蚊爽-🙋🏻‍♀️高妹小編.- 👇🏻地址👇🏻.御品·千之味 (深水埗)深水埗荔枝角道390號C號地舖-#hk #hongkong #hkig #hkfood #hkfoodie #foodpics #foodbloggers #香港吃貨 #uhkfood #foodig #香港美食 #相機食先 #hkfoodieblogger #hkfoodblogger #LikeForFollow #FollowForLike #HK #Mood #HongKong #LikeForLike #FollowForFollow #手機食先 #Likes4Likes