御品·千之味 (深水埗) (已結業)

星期六五點幾 book 竟然book到即晚食，實在太開心,但點知原來係有伏味。兩個人叫左三樣野，一個天丼，海天丼同蟹子沙律。食完先知呢到出名係壽司，兩個丼認真麻麻地，呢個天丼真係差，首先蝦一夾起就自動斷左，證明啲蝦肉好霉死左好耐。而帶子已經炸到老哂韌哂，變左瑤柱。再黎就係海天丼，普普通通囉，但188蚊真係唔值。刺身冇鮮味最後可以讚既係蟹子沙律，料足。呢間鋪好似唔係好夠人手 侍應好忙，入到黎落完單都冇水冇餐具，服務態度都一般般。

今日放工, 臨時同同事講起想食燒肉同壽司, 於是一行四人就去咗呢間好多人推薦嘅日本餐廳😙我哋叫咗個燒肉拼盤, 一碟壽司拼盤同一堆小吃, 有天婦羅蝦, 炸雞翼, 吉列蠔同炸餃子個烤肉係以爐端燒嘅形式上枱, 有一塊小小嘅石板, 上面有一小塊肥豬肉等我哋當係油咁揸, 好有日式風味唔使解釋咁多, 齋睇相都能夠知道啲肉有幾高質😁油脂豐富入口即溶就唔使多講, 仲要塊塊都厚切, 滿足感level up!😍個人最鍾意佢嘅牛舌非常新鮮有質感, 煎完出好彈牙😋👍🏻另外壽司拼盤包括嘅款式都非常豐富, 而且非常新鮮值得一讚👍🏻銅錢兩者相比之下小食就變得冇咁吸引, 並唔係因為做得差, 而係前面果兩味實在係太正🙈

上朋友屋企懶得落街食，於是用外賣app睇下有咩餐廳。見到呢間有幾款唔同嘅壽司拼盤，又有海膽，就於是試下。叫咗兩款各48件嘅壽司拼盤。裡面都有齊晒大路壽司選擇，好似三文魚，北寄貝，蟹籽，甜蝦，熟吞拿魚等。味道一般。底下飯團唔會太硬口又唔會太散，面頭嘅海鮮都ok唔錯。另外叫咗兩大版海膽，4個人食，每人食半版。份量唔太多，海膽本身都幾好，唔會太腥或太臭。用app外賣都算快，等咗20-30分鐘都就送到。餐具都齊，仲有小碟仔比我地裝食物添！

我地到左一早拎左飛，點知有對情侶一到就沖左入店拎位，結果等左20分鐘先有位，入到去見到搶位對情侶一早已經食緊，非常不公平！！一早拎位冇得入，反而遲到的可以先吃！

平時好少去深水埗，本來為左試附近一間新開既餐廳，但實左多人，就轉食另間日本野～見價錢平平地，openrice又多like，就試一試啦～食日本野點少得刺身，分別點左三文魚腩刺身～$68﹑帶子刺身～ $68三文魚腩刺身有４件，帶子刺身有６件。刺身一上台，隻眼發光，冇諗過咁既價錢有咁高質！三文魚腩件件都厚切，好新鮮，有油香帶子刺身６８蚊竟然有６件，相對三文魚係薄啲既！刺身最緊要都係新鮮，帶子鮮甜好味！刺身雖然好食，但唔飽肚，都係要叫幾件壽司既～咁我就點左三文魚海膽卷 (4件)～$68﹑油甘魚壽司(2件) $35三文魚海膽卷一口一件，海膽唔腥都算鮮甜既～其他壽司就普通，正正常常但我就唔多講喇～仲點左一份小食，牛舌～$32得３件有點小貴，不過真係燒得幾好食既！上台仲好熱，要擺一陣先食到～外面燒得有少少脆，入面好冧

今日喺深水埗附近收工, 做完野梗係要食番d好野, 所以就同朋友去左依間「千之味」食日本好東西因為之前黎過, 知道有咩好吃, 所以好快就揀好左首先有個蟹籽沙律, 當前菜小食咁食, 我地order時講左沙律醬另上, 店員都有做到, 好細心! 成個沙律既份量都多, 味道就保持水準, 食完好開胃跟住就叫左唔多款既壽司, 因為依度d火炙壽司好好食, 所以我地叫既幾款都係火炙既, 當中最好食係火炙芝士鰻魚! 岩岩燒起, 熱辣辣擺入口好正!除左壽司, 我地仲叫左兩款反卷, 分別係芝士炸蠔卷同軟殼蟹反卷, 兩個反卷既樣有少少似, 外面都係有好多好多既蟹籽粒, 不過入面既「涵」就唔同既! 兩個黎講, 我比較鍾意食軟殼蟹反卷, 因為軟殼蟹炸得好脆, 成舊擺入口時, 軟飯再加脆卜卜既軟殼蟹, 口感好夾, 而且味道都係一流最後我地仲order左一個南瓜天婦羅! 南瓜本身已經好甜好好食, 炸左做天婦羅唔會好油! 鍾意炸物既朋友千祈唔好錯過!

今日嚟到平民食堂深水埗，或者深水埗好多美食都係三個字就可以講曬，平靚正。不過，朋友突然想話食日本嘢，咁就啲頭痕啊，因為平時喺深水埗都好少食日本嘢。只好亡羊補牢上openrice睇下啦，最後見到御品幾多好評就嚟呢間餐廳度試下。首先一嚟到就整返碟刺身食下先，三文魚同甜蝦都夠新鮮，魷魚就碎上，不過都彈牙嘅。其次我哋都揀咗啲壽司，由於我哋好鍾意火炙壽司，就叫咗一半都係，由於啱啱燒好就攞出嚟，所以真係外脆內軟架。吉列蠔呢個值得推薦，同上面一樣啦，啱啱炸起，炸粉係好薄嘅，非常鬆脆，加埋沙律醬就真係絕配喇。三文魚冷麵。我覺得呢個就有啲失色。醬汁唔係好夠，所以就一般啦。其實間餐廳都算幾平嘅，味道唔錯，大家要多啲支持小店啊。

今日朋友心思思想食刺身同壽司，咁啱係附近行街，就即刻介紹朋友帶佢過去食值得一讚個海膽軍艦，係大大塊既加拿大海膽黎架好鮮甜，龍蝦沙律及芥辣八爪魚軍艦都唔錯～炙燒三文魚腩超肥美，魚油出哂出黎北寄貝刺身食左一半先記得影相個赤身刺身係藍鰭吞拿魚黎架，通常出面食吞拿魚都唔係真正既吞拿魚（冇咩味道），而藍鰭吞拿魚個味道一食就知係真正既日本吞拿魚個八爪魚刺身都好出眾，好厚，口感好彈同好有肉汁仲有叫串燒，唔記得影相，番茄豚肉串燒得好香口野味，串燒牛舌就一般，但總括都好滿意，呢次我可以用我張vip卡有8折

早兩日，同sis經開深水步，順便向西九附近覓個食，行過見到係呢度有小妹至愛的劍魚腩，即時唔諗入去試試。原來呢度有放題亦有點餐，可惜時間尚早，未係咁餓所以決定點餐叫壽司，仲要豪點劍魚腩！講開壽司，我地發現桌上有兩支豉油，店員話一支係點壽司一支點魚生(其實可能一支點其他野，只是focus左向劍魚腩身上)。講返魚生壽司，除劍魚腩，三文魚，北寄貝及八爪魚，魚生都幾新鮮及算係厚切(起碼厚過元x及爭x囉)，而且我最鍾意qc壽司係咪扇形，咁呢度都ok，所以都唔錯。食完壽司，再order左個三文魚冷麵，芝麻雞翼，枝豆同埋又一重點介紹 - 燒蠔！燒蠔堅有驚喜，兩隻大大隻，只是$35，真可encore。可能有枝豆，邊食邊講，唔覺唔覺就同sis吹水吹左兩粒鍾，先發現都好多人來食放題，好彩我們來得早。之後埋單仲有雪糕糯米糍送。以上開飯食評，只係本小姐個人食後感

身邊朋友很久以前已跟我說過深水埗這家日本小店食材很高質，今日終於約到帶我來食了。三文魚腩剌身 $68五大件的厚切三文魚腩，油脂紋理非常平均，入口柔軟化開，滿滿魚油味。火炙壽司拼盤 $108超喜歡吃火炙壽司的我叫了這個令人滿足的拼盤。燒三文魚壽司有黑椒、芝士及原味三款，燒過的三文魚油香味十足，潤滑著整個口腔。另外還有燒三文魚腩、鰻魚、蝦、帶子及左口魚。值得一讚的是壽司飯大小剛好一口，而且軟韌適中。店家還有提供壽司專用鼓油，味道較剌身鼓油清甜。御品藍鰭吞拿魚四式 $108沒想過竟然可以在這區食到藍鰭吞拿魚!(左至右) 舌拿魚蓉、大拖羅、中拖羅、赤身見到這片大拖羅就想起日本水產市場吃的剌身，同樣豐腴，油脂分佈於一處，放入口是就有幸福的感覺，鮮味加油香溶化於口中。聯燒雞中翼 $22燒雞軟骨串 $20店內還有其他串燒小食，燒得香脆。整體很滿意的一餐，會再來哦。

同男朋友繼續係深水埗覓食，係openrice 見到呢間小店評價不錯，即管嚟試試。可以透過openrice 訂枱，仲可以加分呢。但時間不太適合，只好打電話去book。睇睇menu,有Set,亦可以單點，選擇不少。定食有好多不同組合，價錢都好吸引。所以一早鎖定了要叫定食。每款定食除了主食外，都有沙律，小食，甜品，麵豉湯或飲品。我選擇了G 餐「迷你吞拿魚蓉丼刺身壽司餐」沙律：蟹子蔬菜沙律，蟹子份量雖然較少，但生菜新鮮，好甜好爽脆。小食：螺肉，味道同平常食到的一樣。吞拿魚蓉丼：有點失望，吞拿魚蓉顏色灰灰暗暗，曾向侍應反應，但佢表示，當日的魚蓉係咁樣。好彩食落冇怪味，只是欠缺鮮味。刺身：非常有驚喜，有兩塊厚切三文魚，食落油份充足，似食魚腩咁；兩塊北寄貝同兩塊帶子都好鮮甜；甜蝦亦好爽口。壽司：五件火炙壽司，每件都份量夠，連好有要求的男朋友都話好食。甜品:雪米糍一粒(維記）男朋友叫的係「燒汁牛肉飯。刺身定食」。牛肉份量不少，唔肥，而且醬汁濃味。呢個定食一樣好好味。佢地仲有燒牛，串燒同其他質素同價錢較高嘅刺身，下次一定會再試下。

今日去深水埗睇電腦，就去附近睇下有咩食，原來有間高質壽司店。呢度有和牛定食、又有吉烈牛定食。不過由於天氣好熱，我都係揀番刺身類散下熱。😓吞拿魚腩定食 $128 - 有個細我吞拿魚腩飯，蓉做得幾好，好蓉，但係略嫌實了少少，與飯混合有少少困難。另外有幾片刺身，新鮮的。 仲有5舊火灸壽司，幾好味，燒得刺身入面仲新鮮的，相對我比較喜歡呢5舊壽司，其中左口魚背食到魚油味，不過如果厚番少少會好d。 定食有埋前菜、沙律、糯米糍👍🏻 呢個價錢有咁多野食都可以接受。

一向都知道深水埗美食種類繁多，而且價錢任君選擇，絕對係我地呢d美食愛好者既搵食地方😊今次一行4人，朋友介紹呢間位於深水埗既日式小店，原本去到店面，都唔敢抱着太大期望，但一坐低已經即刻覺得自己低估左間店。佢地連食刺身同壽司🍣既豉油都非常講究，店員會在食物到之前為你解釋返邊食物應該用邊隻隻豉油😎真係令人好impressed 佢有幾個晚飯套餐，但我哋決定散叫。清酒🍶煮蜆略嫌酒味不足，但整體都算新鮮同夠份量既。火炙壽司拼盤經過火槍燒過，魚既油香十足，口感嫩滑，入口即溶，是我既最愛火炙的理由☺️半熟牛肉雖然分量唔多但價錢唔貴而且牛味重，燒得十分嫩滑，配合埋個燒汁，絕對驚喜😋蒜香三文魚帶子炒飯蒜香味十足，落口感層次豐富，炒飯都唔會太乾，用料扎實佢地其中一個推薦菜式火龍卷，其實就係炸蝦🍤卷😂，食落唔油膩，仲幾滋味添啊串燒方面，我哋只係叫咗牛舌，但其實佢仲有好多選擇，大家可以按自己嘅喜好再散叫，但我哋已經好飽，所以冇特別再嗌其他串燒。整體來講，如果同朋友嚟開深水埗，不妨考慮一下呢間日式小店，價錢合理又質素不錯！

今天來到深水埗，好多地方賣東西，人流好旺盛，我走去西九龍買衣服，又去街市看一下新鮮雞，聽說好出名，走累了，要找東西食，其實我已經看到一家好想食了，就是御品·千之味。之前有朋友帶我來食，我就是食了這個，上癮了，三文魚冷烏冬(胡麻醬)，烏冬當然是用最好食的稻庭烏冬，78塊你看上面的三文魚跟魚子，多到爆滿，一整碟都是滿滿的東西，真的是又便宜又好食。還有燒三文魚頭，真係好大一個頭，有一個手掌這麼大，肉質滑嫩，不會有腥味，好多好多肉，非常非常好食。蒜香三文魚帶子炒飯，上面的三文魚子好似不用錢的，給了好多好多，三文魚都只是一邊既然看到好像用了一整個三文魚放下去，多到爆，還有不起眼的帶子，其實都有好多，只是拍不到。最後叫了一個燒翠肉瓜，爽口清新好舒服，最後食這個最合適。

深水埗呢間日式料理已經食過好多次，睇見佢都搬左幾次舖，最好既係越搬越近我屋企，今日又帶朋友一齊黎食，之前見佢做過甜蝦一蚊一隻任叫，之後又見到三文魚放題，姐係只要有三文魚既都包括在內，而家黎食就係正常定食，我見佢都有特別野既，有個熱石牛肉，Ｄ肉好靚好高級，不過今日我地只想食日本野，所以就冇叫熱石，只叫左烏冬同飯。深水埗黎講呢間都算大間，好快就會坐滿人，仲要你西九龍商埸附近。首先叫左個汁煮牛肉手打烏冬(配溫泉蛋)，有小小可惜隻蛋爆左，咁我就順手放落去同烏冬一齊食，原來咁樣好食Ｄ，湯底看似清淡，但其實都好濃郁，好香豬肉味，烏冬滑溜彈牙。在叫多個牛，御品半熟牛扒，果然係半熟，入面仲好紅好正，完全可以做到外熟內生，肉質非常嫩滑。我朋友好鐘意食黑松露，所以每次見到黑松露就會食，今次有黑松露三文魚帶子炒飯，呢間比起出面個Ｄ黑松露特別多，起碼有一舊海膽咁大，我朋友心滿意足了。我就最鐘意食蠔，明太子醬燒蠔，呢到既蠔都算平，$35已經有2隻，仲要蠔肉好大粒，又多汁，真係想重覆又重覆叫十幾次。最後仲有鹽燒鯖魚，燒得岩岩好，令到肉質非常滑溜。總括呢間野真係性價比好高，值得推介。