彩

营业中

休息中

.連麵都有得揀嘅沾麵💛等等先！唔係平時揀粗定幼麵喎而係揀小麥、黑胡椒、紫菜麵等等～「彩」嘅麵條溝左唔同嘅食材入去整仔細留意麵條仲會見到食材嘅小顆粒食落有嗰種食材嘅味道，都幾特別同新奇～.湯底唔錯㗎，唔係杰撻撻好油個種但係依然夠晒濃味😍😍😍雖然面頭有一層油，但係食落唔會太油膩！蝦味噌湯係食過咁多間拉麵/ 沾麵店嘅第一名🏆原味豚骨湯都唔錯，亦唔會太咸不過相對蝦味噌湯就失色少少 p配料有叉燒、糖心蛋、筍、紫菜等（全部都好高質！）紫菜仲印住舖頭嘅名，好有心思🥰.不過唯一要彈嘅係麵係微溫，冇得選擇凍食搞到冇咗沾麵本身冰火交融嘅口感🥺同埋可能有啲人唔鍾意個啲咁特別嘅麵（例如👦🏻小編）.原味豚骨湯 $78蝦味噌湯 $88———不專業評分💯食物指數 🍴: 💛💛💛💛🤍環境指數 ⛱: 💛💛💛🤍🤍抵食指數 🤑: 💛💛💛💛🤍推薦指數 👾: 💛💛💛💛💛———📍彩 aya元朗建德街26號益利大廈地下14號舖西環石塘咀屈地街16號金陵大廈地舖———👉🏼 #ewhk元朗 #ewhk西環 #ewhk日本菜 #ewhk黃店#元朗美食 #元朗黃店 #西環美食 #西環黃店 #黃店 #黃色經濟圈 #黃店推介 #黃店地圖 #美食

〖 元朗篇 -- 彩aya 〗⁣⁣⁣⁣⁣💛 元朗高質拉麵店 🍜⁣⁣⁣⁣🦐 蝦味噌湯沾麵 (柚子麵) -- $88⁣🍜 黑蒜油味沾麵 (黑胡椒麵) -- $83⁣⁣⁣⁣⁣🥺 彩aya嘅沾麵真係好出名，hku人一定食過佢嘅西環店，好可惜我未能喺quit u前食到🤦🏻‍♀️不過原來近在眼前嘅元朗都有分店架！🙈⁣⁣🧐 聽講要等位，所以6點幾就尼到，直接有得入去坐🙉叫咗網上最多人推薦嘅蝦味噌湯，配返當日嘅special麵底: 柚子麵，同埋黑蒜油味，配黑胡椒麵。⁣⁣🦐 首先講個蝦味噌湯，真係勁香勁濃嘅蝦味。🥰 而黑蒜油湯就較蝦湯濃味，再加埋上面邪惡嘅炸蒜👻，簡直係絕配。炸蒜仲要可以任添，我都唔知自己食咗幾多了🤦🏻‍♀️⁣✨ 佢啲湯同其他沾麵店比係無咁杰，但係每條沾麵一樣夠哂味，食起上尼仲清爽啲無咁heavy~ 真係幾特別架🥰 ⁣⁣🥚 每碗湯入面當然仲有隻流心蛋同拉麵不能少的筍和半肥瘦叉燒😋⁣⁣🍜 至於個麵底，黑胡椒麵係食得出少少胡椒味嘅，但係個當日special嘅柚子麵，我同朋友也完全吃不出任何柚子味🙉🙉⁣⁣💰 人均消費: $80-100 ⁣⁣~ • ~ • ~ • ~ • ~ • ~ • ~ • ~

拉麵同沾麵都咁鐘意~就去朝聖下睇睇質素如何👀會分開麵同湯去比較嘅 揀左小麥麵同黑芝麻麵 一樣係200g🍽🤤原味豚骨湯🤤 ($83)食倒有少少柚子皮幾清新🥰不過鐘意再濃d嘅豚骨湯 不過不失啦 唔算好出色🤨👖褲評: 8/10🤤蝦味噌湯🤤 ($93)蝦鮮味好重！！依個好特別而且比原味再濃d同個麵好夾🤩爭住食依個湯😎👖褲評: 8.8/10😛小麥麵>黑芝麻麵(是日special)😛食落分別唔大 係咀嚼到第十幾啖先試倒 黑芝麻味淡淡地 都係鐘意小麥香配沾麵🤓見倒其他人都嗌原味多 叉燒得2塊 不過勝在夠多麵 真係好滿足喔😚另外餐廳入面有陣up味 真係有d臭 希望可以改善下🤢性價比: 8.3/10服務: 8.2/10環境: 6.9/10🔔小tips: 1️⃣喺蝦味湯落蒜係錦上添花🤩2️⃣食到一半冇湯可以免費向廚師加湯架！🚩彩aya🚩

網上見到呢間沾麵店好出名，所以今日特登嚟試吓，不過地點真係好隱蔽，係一條唔起眼既橫街入面，連門口都冇太大嘅標誌，爭啲以為自己去錯咗地方。餐廳有幾款湯底可以揀，有豚骨，黑蒜油同蝦味增，我叫咗豚骨沾麵，試下最基本嘅湯底，面底方面都有得揀，分別有小麥面，黑胡椒面同埋伯爵茶面，有選擇困難症嘅朋友真係搞唔掂🤦🏻‍♂️講講嘢食，佢哋嘅份量其實非常多，如圖所見碟面真係好大碟。湯方面，餐廳只係用咗一隻普通嘅瓷碗裝住，食到後面碗湯就會唔夠熱。值得一讚嘅係佢哋好有心思，將餐廳logo印咗喺紫菜上邊，增加賣相。至於湯底，味道10分鮮明濃郁，加上有唔少油係面，配搭麵條嘅時候會特別順滑，可惜麵條嘅掛湯能力唔夠，可以喺下面嘅圖睇到，叉燒方面就非常林好食，食材有經過嚴選。總結來講，其實湯底都好食嘅，麵底有多款選擇都好有創意，不過作為一間沾麵店，我認為有幾樣野需要改善一下，包括能夠保持溫度嘅裝湯器皿同埋掛湯能力 。

推介指數：8.5/10💞今次其實唔係我地第一次探訪依間本身已經好出名既拉麵店，但對上一次係去左佢地既本店 - 香港大學站個間，不過食物一樣高質！👍🏽👍🏽👍🏽此店係以食沾麵為主，只做三款湯底，包括有豚骨，黑蒜油以及蝦味噌。而麵款則有小麥，黑胡椒以及每日限定。我地食過幾次麵分別遇到唔同既特別限定款，例如伯爵茶，菠菜什至咖啡等等。值得一提既係，佢地既配菜例如紫菜，荀同蛋都十分出色！🤤🤤🤤盡顯日本主廚既執著同認真。另外佢地依到有幾款市面上比較難搵既日版果汁梳打同汽水提供，十分有趣！我地今日就試左信州白葡萄梳打同埋抹茶可樂，十分特別呢🥰🥰

.元朗好出名嘅一間沾麵黃店💛，平時堂食等位都等好耐，因為疫情問題今次就買外賣返屋企食啦。佢每日都會有三款唔同味道嘅麵底同湯底俾你揀，不過通常味道都係離唔開果幾款，例如小麥麵，黑胡椒麵同埋伯爵茶麵。而湯底今日就係豚骨，黑蒜油同蝦味噌湯。伯爵茶麵底加蝦味噌湯底 $93其實平時都經常性食依個組合，伯爵茶麵講真就算唔點湯都係食唔出伯爵茶味，但因為之前食過黑胡椒味呀檸檬味呀，個味道太出，食落味覺上有啲怪，所以比較建議揀小麥或者伯爵茶依啲無咁濃味嘅麵底。麵條質地彈牙，唔會一夾就斷，浸埋落個蝦湯底度食，都幾掛湯㗎。至於佢個蝦味噌湯係十分濃郁，鹹味偏重，但係佢係依間餐廳最出色嘅湯底👍🏻😎。仲有，不得不提嘅，係佢嘅荀，鮮甜爽口，唔會有陣味，都係好多人大讚嘅。至於流心蛋，都係做到日本餐廳正常水準，係唔錯嘅，不過豬肉就只有兩塊，味道普通。點都好啦，因為佢個湯底同個麵底夾埋一齊食真係好出色，佢暫時都仲係香港嚟講數一數二嘅沾麵餐廳。🤩記得可以就自備餐盒/餐具啦💚

第一次接觸沾麵呢樣野係幾年前係北角一間小店,雖然沾麵好似只係麵同湯分開ge拉麵,但麵會多個過冷河嘅step,所以食係上黎會更加有口感, 唔會浸到淋哂從此以後有沾麵同拉麵揀嘅話，一定係揀沾麵❤️沾麵嘅湯底通常比拉麵濃厚啲，呢間湯底濃得來唔會黐住喉嚨，仲有少少柚子碎，食落更加清新，糖心蛋同叉燒都幾出色，麵底係自家製，好香小麥味，有時daily special 仲有伯爵茶揀🤩雖然開左分店冇日本師傅坐鎮之後，冇以前咁好食，但以呢個價錢黎講依然係性價比高！

元朗一直都有間好出名既拉麵 - 彩AYA但食佢都唔係咁簡單啊 (位置太偏僻 開住GOOGLE MAP都係咁兜路🥺/湯底👇🏻欣賞佢地隻隻湯都好出色 入味/蝦蝦蝦湯🍤🍤好香好香既蝦味 唔係我誇張😂飲一啖好似feel到好多隻蝦係我口度咁 蝦蝦真係好想問下老闆擺左幾多隻蝦落去煲黑蒜油湯同樣出色 好香好香黑蒜油味而且枱頭有炸蒜可以比我瘋狂地落🤩隻溏心蛋一咬就爆蛋漿🤤驚喜 好味👍🏻👍🏻麵底👇🏻小麥麵 其實就係普通既拉麵我就唔太食出有小麥味既 係未我問題呢🥶胡椒麵本想有FF過有啖啖胡椒味辣辣地咁樣既😂但食落其實食唔出同小麥麵有咩分別⋯‼️佢地每日都會有TODAY'S SPECIAL既麵‼️我地去果日就有辣椒麵🌶有興趣搞搞新意思既不妨留意下👀/同場加映綠茶可樂💚但係飲落呢就無綠茶味既...但為左個樽 都可以一試🤣🤣

元朗美食滿天下一直知道部分店舖都係充滿人流今日決定左去彩食拉面以前想食既時候經過都會見到排緊長龍由於天氣熱既關係就打消左排隊既念頭經過app 檢查知道舖頭開11:30今日朝早11:30 就到入席時候只係有兩位客人坐左大約5 分鐘已經爆滿可想而知平時係幾咁多人黎到拉面舖有沾面我多數都係食沾面而今次我選擇左櫻花蝦沾面因為想試下其他口味同埋對於蝦湯情有獨鍾面底係熱既面既質地選左小麥面湯底唔澀但有掛湯效果湯底味道唔會咸但亦未到好濃食到蝦湯既香味叉燒夠軟熟唔鞋亦唔乾溏心蛋同平時食開差唔多整體黎講唔錯

隱世元朗沾麵小店💛每天不同款式味道的麵條====================呢間沾麵bookmark咗好耐，加上每次入元朗國經過都好多人排隊，所以一路無試。難得的日籍老闆撐香港年輕人，咁啱friend子又早收工，終於可以早啲去會一會佢🤣！《黑蒜油湯配菠菜麵 $83》近賞佢枱頭有炸蒜可以俾個客狂落唔嬲😹而且兩塊叉燒都好好味，唔係淨係得肥肉，溏心蛋一咬就爆蛋漿非常可以喔！無估到個麵底原來係大到咁😳190g大食既我表示食唔哂，剩咗差唔多一半，啱哂比我更大食既大食漬食，男仔食就應該啱啱好啦👍🏻.其實當日想食蝦湯底，可惜一早就已經賣哂😭咁唯有轉戰黑蒜油啦！個人認為黑蒜油湯底味道有啲淡（又或者係我重口味、食開濃味野），整體不過不失未至於一試難忘。如果俾我揀，我會揀尖沙咀元祖，不過經開元朗都可以一戰支持下架！.店舖座位較少同少逼，Open kitchen望到靚仔師傅整麵☺️建議早啲去，當日我同friend子6pm去到唔使排隊，直接入得✌🏻

呢間餐廳提供嘅沾麵,係我喺香港食過最好味嘅沾麵。佢由日本師傅主理,湯底濃味麵身彈牙,價錢合理。高度推介畀所有鍾意食沾麵嘅朋友。佢所提供嘅選擇唔多,只有五種湯底,但係每一個都做到好專,同好好味。亦都有三種麵底畀我哋揀。佢每一碗麵都有豚肉,紫菜同蛋,按需要可以加配料。今次我食咗黑蒜湯底,佢個黑蒜味唔係其他餐廳可以比較,濃味得黎又唔會遮咗沾麵本身嘅味道。我個朋友點咗蝦湯底,蝦味真係好用,好適合鍾意食蝦味沾麵嘅朋友。佢好味得黎,仲要好平,每一碗麵大約80蚊左右,所以成日都有人排隊。

最近經濟圈盛行 大眾當然會支持但長久落去實在無法盲撐 經過多人推薦 入元朗試試呢間日本沾麵地方都幾偏僻 未到晚餐人潮已經有人龍係門外 門外等候大約十五分鐘 門外好多昆蟲 夏天嚟既食客最好著返條長褲 而且有陣不明既氣味 等侯期間會有店員為你先落order食開沾麵既一定好驚喜 因為麵既分量好大，似二人份量 即刻試下今日special 係波菜麵食落叉燒夠軟熟 好香 一般沾麵既湯都好夠熱 但呢度既湯熱度不夠 變相即使麵既分量好大 食到尾段因湯涼左而難以令客人繼續品嚐沾麵。而湯既濃度亦都唔夠 總括都係數合格

好耐以前，喺元朗食過由日本師傅主理嘅彩沾麵，因為太好食了！一直對佢哋念念不忘！後來，佢哋因租約問題，一度停業，所以佢哋再開返，我就一直想去幫襯，回味返當時嘅味道～ ​前幾日，終於食到啦！ 因為店子只有約10個位置，基本上次次嚟都要排半個鐘或以上！🤢如果肚餓唔等得嘅朋友就要留意下啦～🤢 師傅好快手，一下就切好一卷叉燒！ 彩嘅餐牌好簡單，湯底及麵底都係三揀一，湯底有原味、黑蒜油及蝦味，麵底則有小麥麵、黑胡椒麵同今日Special（幫襯當日係柚子麵），天口㷫，所以今次就揀咗相對較清新嘅蝦味噌湯及柚子麵底～🍜 從師傅手中接過沾麵，沾麵湯夠熱，散發濃濃蝦味，感覺唔錯！不過，感覺個沾汁比之前食稀好多，坦白講有少少失望。上網睇返，師傅嘅講法係為配合香港人口味，喺春夏時會製作較輕盈嘅湯底……嗯，我都係覺得沾麵如果唔夠濃，好似無咗靈魂咁，食唔慣😭。至於麵底，個味好香柚子味及麥味，雖然掛湯力一般，亦唔算爽口，但個人就好鍾意呢種質感。🤤 叉燒唔算濃味，不過勝在肉質好嫩滑！ 配料方面，叉燒無調味，有少少淡，不過肉質嫩滑，水準ok。糖心蛋好入味，勁流心，超正！另外，佢哋係沾汁上放咗白蔥同柚子絲，提升咗沾

讀大學既時候聽過朋友介紹過依間日本拉麵一直都好想試下但因為每日麵條係新鮮製造既關係每日都係限量供應所以黎左幾次都食唔到今次終於比我試到今次試左佢地個豬骨湯沾麵湯底好香濃而且鹹度適中有時沾麵湯底會過鹹但依到唔會叉燒同蛋都唔錯至於麵有得揀每日特別款式今日係黑椒味可以見到麵條入面有一粒粒既黑椒粒食落帶微微既黑椒辣味同豬骨湯底都幾夾不過間鋪有個唔好就係廁所係正鋪入面可能因為抽氣差成間鋪都有d尿臭味下次去要坐近門口

蝦味噌湯x伯爵茶拉麵湯底好鮮甜，以沾麵黎講唔算好咸亦唔肥膩，成件事好balance 。拉麵麵質唔算掛湯，但好有口感，專登唔撈湯食一條麵，伯爵茶淡淡的但非常特別。但加埋落湯就唔多食到了～最鐘意食到一半就加佢D同炸蒜，多左一份清新既感覺，而且炸蒜又香又脆，好正！總括係好好食，值得一去再去！