彩

营业中

休息中

之前行過都好多人排隊，琴日（六）19:00前去到，就可以3分鐘內入座。.座位感覺比一般拉麵/沾麵鋪開揚，除左因爲櫈後走廊寬，仲因座位同廚房之間既只係1米5都唔夠既矮牆。矮牆好唔好就見人見志，個人覺得雖然油煙會直接迎面傳出黎，但坐喺度都可以望住師傅煮好一碗麵，feel good。不過店內音樂頗為大聲，尤其播band song 時汁都震埋，就算客人想細聲傾計免得嘈到其他客人都唔得，食麵食慢D都會覺得耳仔痛。.與同行人各叫左一款沾麵，我既係蝦味噌小麥麵，同行人既係黑蒜油黑椒麵。2款汁都夠濃味，料足，但偏油膩，不過食完後飲一杯水就足夠。有一個弄巧反拙既缺點，就係紫菜上打左「彩」字既窿。明白咁係《彩》既特色，但紫菜已經得一塊，面積仲少比一般細一半，加埋無左「彩」既部分，紫菜量太少，唔係死罪但十分可惜。.小麥麵正常好食，黑椒麵感覺有少少兀突，似為落而落，同湯汁唔夾。不過如果平日都中意食麵落黑椒既人應該幾適合，因黑椒打入麵團內一定灑落湯面平均。而麵既硬度無得選擇，對於偏好硬麵既我黎講一定係太軟。不過無特別愛好既同行人都覺得偏軟。.總括黎講只係一般。味道ok，口感ok，店面ok，服務ok，無野差，但除

朋友特等黎元朗食呢間沾麵，嗰晚大概8點，前面排左10個人，勁好彩我地4個係最後一檯客，超開心！其實我地幾個都係第一次食，係門口已經聞到好香嘅豬骨湯味！🐽小小嘅舖頭，我諗最多只可坐大概10人。店員會係排勁隊嘅時候落單，店員好用心向我地講解每一款湯底同麵底。湯底可以揀好常見，但呢到連麵都有唔同嘅味道，好新奇。當日嘅special係黑芝麻。⚫️店裡面放左幾枝特別嘅汽水，其中櫻花味可樂🌸同靜岡可樂（綠茶味🍵）最為少見，我地叫左枝綠茶味（$22），雖然係綠色，但飲落同普通可樂差唔多，餘韻會有少少茶味。🍜豚骨湯配小麥麵（$78）🥢湯底超濃厚！味道偏鹹，唔可以就咁飲。🥢叉燒肉質鮮嫩，有陣被煙燻過嘅味道。🥢小麥麵屬粗麵，有質感，而且同其他店唔同，呢到嘅麵係熱嘅！♨️🍜蝦味噌湯配黑胡椒麵（$88）🥢蝦湯味道好鮮，反而無豚骨湯咁鹹🥢淡淡嘅海鮮味加上黑胡椒麵，估唔到又幾夾喎！🥢每碗麵都有「彩」字紫菜，靚得黎仲好有日本feel！😽-成日覺得拉麵正過沾麵，因為成碗食到最後都熱辣辣。不過彩嘅麵係暖嘅，所以個人黎講覺得唔錯！會再黎食，希望下次唔使等咁耐啦！💓

經常路過都見到好多人排隊，所以一直都未有機會試，今晚難得無人排隊，一於去試下。店舖位於後巷，大約只有10個座位。見到只有元朗店限定的蟹味噌湯沾麵，一於試下。蟹味噌湯沾麵麵的味道有3款選擇，有小麥、黑胡椒同埋羅勒，第一次食就試下傳統的小麥味先，麵的質地較硬身，有點難夾開，因為第一次食沾麵，不知道沾麵的質地是否這樣。蟹味噌湯的蟹味非常濃郁，除左有蟹柳，仲有蟹膏。紫菜非常有心思，有「彩」字圖案。另外仲有叉燒和流心蛋。

話說早幾日聽朋友講話，元朗有一間食日式沾麵嘅拉麵屋幾好，咁今日入開去元朗就梗係搵呢間鋪頭去試一試啦，果然不負眾望，今日小編order左一個原味湯底，另外亦都聽咗老闆娘介紹食佢哋今日嘅特別麵櫻花蝦味嘅麵，兩者配合得唔錯，湯底睇落好似好油，但係食食吓又覺得唔係想像中咁肥膩，亦都同個麵配合得好好，啲蛋同埋塊日式叉燒都好高質，朋友果然冇介紹錯呢間日式拉麵店，小編會encore的，大家入開去元朗都不妨嚟到呢間拉麵店試一試啦。

以前一直都係食開拉麵🍜🍜，第一次接觸沾麵就係因為彩。仲好記得以前鋪面有好大塊藍色布寫住個「彩」字。之後因爲某啲原因結業了一段時間，知道佢會開返都好開心，不過就一直都冇時間再試。今次再嚟元朗食，位置不變，去到都係大排長龍，等咗掌個鐘，鋪面少咗塊「彩」布。今次我就叫咗個蝦沾菠菜麵$88賣相雖然同以前食過幾乎一樣，不過食落口麵質就比以前淋好多，而且食落去好濕，令到麵沾落湯嘅時候，湯汁掛唔到上麵度。相信係個麵煮完之後脫水唔夠耐或者個力度掌握唔夠。至於湯比以前鹹好多，蓋過咗其他配料嘅味道，食落去會令你不停想飲水。整體感覺都比以前失色不少🙁好味嘅沾麵回不去了😭😭😭

已經唔係第一次幫襯，但今日真係一肚氣，完全black list哩間店！一朝早明明間店得嗰兩個人，都係要等齊人先入，好我咪等囉！點知第二個男人唔齊人又可以入，請問咩玩消法！到我齊人喇！都係要不停地企晌門口等而唔比人入去！咁入面既人又點解可以呢！咁既服務態度唔會建議任何人再幫襯！我真係未試過食一間野食到一肚氣！

><之前經過一翻風波 到開咗西環分店都記唔起最後食個次係幾時難得平日放假 抱着唔會好多人嘅心態去食排緊隊個陣 聞到竹筍個浸獨特嘅味蝦味噌湯($88)麵底有得揀味 有時仲會好特別今次個麵有d黏 硬綁綁 好難夾得開😪有d失望 如何沾麵lol味噌湯飲到有淡淡蝦味 唔錯唔錯叉燒都軟腍最後請店員幫忙加清湯 湯底變得冇咁濃郁可以直接飲用><><><><><><><><><><><><><彩 aya元朗建德街26號益利大廈地下14號舖

平日甚至經元朗，今日終於有難得機會可以一嘗彩既沾麵。呢間店早已經期待而久，係網上好評如潮，好多人都大讚沾麵夠出色，但可能期望太高，我就覺得味道就比較普通。最特別既係有得選擇唔同味道既麵底。黑蒜油湯底配黑胡椒麵底。麵底充滿黑胡椒既香氣，令人垂涎欲滴，食落雖然味道唔重，但滿足到嗅覺上既享受，軟硬度亦剛剛好。而黑蒜油湯底質地濃稠，味道較重，食落膩感十足，唔係太令我享受。蝦味噌湯底配小麥麵底，湯底較濃，但欠奉蝦香氣，一般。

呢間舖頭係元朗內街，如果唔係專登去揾就未必見到。入面得10個位，有4個員工，同日本拉麵店有幾分相似。飲水隻杯係雪過，幾細心。聽閒d麵係自家製，係用心之作。----------呢度係自選1湯底+1麵底湯底選擇：😋原味豚骨湯 $78😋黑蒜油湯 $83😋蝦味噌湯 $88麵底選擇：😋小麥 😋黑胡椒 😋今日special (請向店員查詢) （所有麵已包含海苔，蛋，筍，叉燒。 ）今次小編揀左黑蒜油湯+小麥麵底 $83因為係沾麵，所以湯同麵會分開上。湯唔會太鹹，唔係平時用味精整出黎嘅湯，食完成碗都冇好口渴。小麥麵係幼身，口感偏硬同黏，夾落湯個陣好易會整斷d麵。叉燒肥瘦均勻。蛋係原隻半熟溏心蛋，好食。枱上有三款調味料，分別有炸蒜、檸檬醋同辣椒油。食到最後如果覺得有d膩，可以加檸檬醋，唔會太酸，反而會幾清新。----------🔎彩🚩元朗建德街26號益利大廈地下14號舖

元朗食好西♥️彩沾麵日式裝修格局，平民小店去到門口要排隊先，然後姐姐會岀嚟問要食咩麵咩湯底，再乖乖地係門口等姐姐叫我入去坐我今次就簡左黑蒜油湯底要麥麵🍜湯底好夠濃度，但唔會鹹賣相都十分吸引一碗入面仲有一隻糖心蛋仲有4塊叉燒，佢既叉燒真係無得頂同岀面既差得遠，呢到既叉燒比較厚身但厚得嚟又好軟熟，肉係有肉汁肥瘦剛好肉質食落去都比較滑而麵既粗幼都好適中即叫即煮，好有彈性好味道:🤤🤤🤤🤤🤤返食道:♥️♥️♥️♥️♥️環境道:👀👀👀服務道:👍🏻👍🏻👍🏻👍🏻

想食好耐，終於有機會黎食！一早聽講有特別味嘅麵，未坐低已經決定要嗌special! 今次嘅special 係柚子味，除此之外，仲有小麥同黑胡椒兩隻麵底！餐牌好簡單，正常日式拉麵店咁選擇不多！不過小編不嬲都覺得貴精不貴多！最尾揀咗蝦味噌湯同黑蒜湯！麵好煙韌，真係有柚子味！不過擺落d蝦湯一齊食，就好似有d唔夾！後尾同同行朋友調轉個湯，柚子麵同黑蒜湯相對夾d！但齋睇湯底，蝦湯吸引好多，蝦味都頗濃！下次會食番正常麵底，再嘗試蝦湯！總括黎講，彩嘅沾麵係有一定水準，價錢都適中，正常麵底已經ok，如果咁啱special 都啱口味，不妨一試！小小缺點，可能開放式廚房關係，一入到鋪頭已經有陣好難形容，好似肉腥味嘅氣味！全程係呢個環境食嘢都幾失胃口！不過對氣味唔太敏感嘅朋友仔可以ignore 呢樣嘢！

星期六下午兩點來到 門口位置剛好未有人龍所以等了一陣已可以入座 店仔細細 位置不多 不過好有日本小店風味門口的牌寫了是日不同口味的麵條 不過身一次來食 都係先試原味 選擇了︰蝦味噌湯+小麥麵底 $88 香濃的蝦味湯汁 仲有原隻半熟溏心蛋湯汁不會太重口味 食畢整碗都無好口渴的感覺小麥麵是幼身的 尚算掛湯 但麵條很黏 夾落湯時會整斷麵條朋友要了胡椒麵 吃了一兩口 聞落很香胡椒味 但食落不會辣 很不錯枱上還有檸檬醋 加在麵條上好清新 而且沒有想像中酸叉燒也不錯 沒有太多肥膏 個人覺得 這間小店的沾麵比其他所謂日本過江龍的好食下次會再試試其他口味的麵條

一直以來都唔係太鍾意排好耐隊，不過睇睇吓啲介紹，每一個試過嘅人都稱讚呢間隱蔽嘅沾麵店「彩」，就忍唔住搵左日相信唔多人嘅閒日去排隊，雖然係閒日，但去到鋪頭外面已經有一條小隊。喺店外邊已經望到店內不大，大約坐到10個客人，而店舖外面有一個彩字嘅布遮蓋着日式風格嘅大門。一到鋪頭裏面，坐上一個好日式風格的卡位，面對着製作沾麵的廚師，然後就可以選擇餐單上嘅食物，同其他日式拉麵店一樣，只係有不多嘅選項，湯底方面有原咪豬骨湯、蝦或者黑蒜油。麵底方面就有小麥麵、黑胡椒麵。我嗌左碗 蝦湯底 小麥沾麵 加左叉燒同流心蛋，佢哋整流心蛋恰到好處，蛋黃流入口唔會有好沙嗰種感覺，沾麵相對平時食嘅拉麵粗啲，夾一啖沾麵再點落個非常濃郁嘅蝦湯底度，入口就唔會午啲濃湯嘅味道覆蓋晒。人均消費都係大約100蚊度，所以係物超所值架！

彩的沾麵最有心的地方, 就是她的麵條, 充滿著Homemade的味道, 不只是自家製如此簡單, 而是在質感和味道上, 告訴食客這只有創辦人砂田先生才能做到的. 麵的口感有著小麥粒的Raw及原始, 但不會令人覺得乾涸; 麵身加上黑胡椒, 淡淡的香辛和蝦湯的咸香很和諧.雖是沾麵, 但並非重型得令人受不了—蝦湯是令人舒服的咸, 不是如一幻般加了大量蝦籽而令人覺得口渴; 湯的質感並不太厚, 就算是不加湯也不會覺得漿起來; 叉燒肥瘦均稱, 沒有炙燒令其油脂感收澰起來.重開了的彩, 依然是細心的, 紫菜上的”彩”字依然清晰, 麵的口感和味道依然令人舒服. 唯一不同的是, 砂田先生少了在樓面, 也許是因為現在更One Man Band, 又要努力擴張生意的緣故吧!

星期日休息日，原本想在家做廢青，但被友人召喚出街加上CHRISTMAS SALE，又是時候要燒錢了，順理成章便去行街街正當在YOHO猶豫食什麼時，友人K突然表示很久沒食日本面，本人有所同感於是友人便順勢強烈推薦此店，反正在附近，便一試吧晚飯時段於1800時才開店，二人1745到埗時已有9人在排隊店內有11個座位，幸運地趕得上成為第一輪湯底有原味豚骨、黑蒜油和蝦味噌，還有元朗店限定的蟹味噌友人表示必試蝦味噌，令本想食黑蒜油的本人轉投蝦味噌懷抱面底方面有定番的小麥、黑胡椒和每日SPECIAL，是日SPECIAL是伯爵茶本人最後揀了伯爵茶麵底蝦味噌湯配伯爵茶沾面（$88)和傳統拉麵店不同，這裡沒有個人口味選擇在日本拉麵世界，麵條種類有分細麵、中太面、太面、極太面這裡的面粗幼度是中太面，口感是偏少少硬，很煙韌伯爵茶麵帶微微茶香，很特別湯底方面，蝦的鮮味和味噌原本就沒有違和感，鮮甜十足湯已有一隻溏心蛋、兩塊叉燒、少量竹荀和蔥絲溏心蛋很高質，叉燒肥瘦適中，美中不足是肉質有點過韌台上有三款調味料，分別是炸蒜、檸檬醋和辣椒油供自行選擇中途本人加了少許炸蒜，令麵湯底增加一份蒜香味食到尾段，濃味湯底難免有