彩

营业中

休息中

相信所有元朗人對彩都唔會陌生，甚至乎區外人都會聽過呢間沾麵由日本廚師🇯🇵所開，味道有相當水準，平時夜晚都會有條人龍係出面等位沾麵除咗可以揀湯底，連麵底都有得揀味道🥳我同朋友揀咗一個蝦味噌湯（$88），一個黑蒜油湯🧂（$83）；一個要黑椒麵底，另一個揀咗今日sepcial (檸檬🍋）其實唔同麵底食落分別唔算大，係檸檬食落清新少少🌿，主要都係食湯底🤔兩個湯底既味都好濃，食落傑傑地，而且麵條掛湯力強🍜，食落啖啖都係濃湯既味道🤩如此高汁之作，除咗元朗本地人之外，區外人都記得要入黎試吓呀😚------------------------------⭐️菜色推介：大推🦐蝦味噌湯！！！（$88）湯底真材實料，蝦味好鮮好濃，真係好似飲緊蝦湯咁🤤🤩

朋友住元朗成日都叫我過去同佢食彩，今次終於可以一睹佢既廬山真面目。係香港要食到高質素既沾麵唔易，彩算係其中一間。佢有兩款固定既麵底可以揀，同埋一款每日special既，而當日既special係紫菜味既麵，我地見幾特別就叫左黎試。碗麵既分量都唔算少，質地幾彈牙，配埋個湯底好夾好惹味。而湯底亦都有唔同選擇，今次叫左個原味豚骨湯既沾麵，湯底入面都幾多材料，味道上比較濃郁有少少鹹，不過配沾麵食就啱啱好。舖頭既位唔算多，所以如果撞正食飯時間可能都要排一段時間先有得食。以食沾麵黎講彩既價錢合理，味道高質而且分量都滿意，下次有機會再入元朗揾fd會再黎食，大家如果沾麵癮起都可以去食下。

話說我人生第一次食沾麵就係食彩食過佢三個湯底最愛蝦沾麵日日都會有一款特別既麵底。有時係伯爵茶有時係紫菜，全部麵都係自家制係日本食過幾間沾麵始終都係覺得彩最好食佢塊豬肉唔韌，好軟熟個蝦湯好濃郁雖然會口渴，不過始終都係好好食不過一個麵睇落唔多食落次次都飽到想嘔好好食記得睇清楚開鋪日子，唔好摸門釘佢隻溏心蛋好好好好食以前間都見到個日本人老闆。不過佢宜家好似去左港島個分店大家試一試先知我無誇大食完好食inbox me

身為沾麵控﹐一直都好想試呢間係元朗好出名嘅沾麵 ﹐終於可以試一試係咪真係咁好食喇 今次我同男朋友大概8點左右去到彩 當時條隊都唔算多人 等了一張台就可以入得去 ( 真係好好彩)  ﹐但餐廳冷氣好似唔夠大 所以我見都有風扇仔 但對於大汗嘅我倆 就好想轉場食過其他野 但又難得小人排隊同埋真係想試 ﹐所以就繼續坐 然後叫野食  呢個蝦味噌湯沾麵 $88 麵底就叫左黑胡椒味 ﹐但麵底就唔算太重黑胡椒味 但偶爾都會食到啲黑胡椒粒 相比起出面 我就覺得麵底都算大份   至於 最重要嘅湯底 湯底就比較濃郁 相比起出面嘅就無咁咸 至少起碼飲左兩啖湯底 都唔覺得需要瘋狂飲水 (不過呢個因人而異) 湯底入面都有 配料有 : 叉燒 ﹐溏心蛋 ,筍﹐海苔 。 叉燒好容易入口 至於溏心蛋 亦都算流心  ( 但因為掛住食 無影到溏心蛋 )  。整體嚟講 :呢度價錢唔算貴 味道亦吸引 所以會有encore 

成日聽到有人話呢一間係全港最好食嘅沾面店當然要來朝下聖嚟到有一樣野令我十分欣賞就係佢嘅面底應該都係自己打既會混入唔同嘅香料造成麵條仲每一日唔同款我當日試嘅就係花椒麵值得一提嘅係佢嘅份量真係好多我諗女仔兩個人可以食一碗

星期五嘅七點去咗呢間小店度食飯，已有不少人排隊，餐單簡單清楚，只賣沾面，沒有其他小食。店舖環境，店內大約只有十個位置左右，所有位置也對着是廚師，座位算寬闊，女子放袋只在背脊也不會太過擠擁。服務方面，店員一早在門外已詢問吃什麼，我點了最普通的豬骨湯底及當天特別推介的紫菜麵。排了大約10分鐘便有位置，大約咗坐了5分鐘左右便上菜，速度非常快。食物方面，面嘅份量對我來說大約八成飽，叉燒有兩塊，筍有七至八條，流心蛋一大粒。湯底方面，個人認為有點偏鹹，麵質爽彈，個人應為湯底不夠熱。配料整體上都不錯。價錢方面，最普通的大約$78 ，價格合理。

我食咗彩都兩、三年啦，佢係元朗出名既沾麵店，唔少元朗美食Facebook group都有介紹，而我都係常客。價錢唔貴，原味由七十幾蚊起。我最鐘意既湯底係蝦沾麵，而麵除咗固定既小麥同黑胡椒，仲有一款每日special，例如有青檸，雖然好有創意，但一般係講個味都唔突出。變相叫咩湯底都冇乜所謂，主要都係食到下蝦嘅濃郁湯底。另外佢叉燒都幾稔，唔會好難咬。食到咁上下，唔夠湯，可以免費加！唯一唔好係冷氣大，湯底好快涷...

前排好興食沾麵，呢間久仰大名既沾麵係元朗開左一段時間，有好朋友都有推薦所以就諗住去試試佢。呢間拉麵舖店面細細間，由日本人主理，好似去左日本咁，bar枱圍住open kitchen，我地7點去到都已經要等位。等既時候，店員已經比定單我地叫定先。我同個frd都揀左是日限定既伯爵茶麵配蝦湯底。好意外地，d麵睇落份量唔算多，但都食唔曬，麵身好結實，咬耐d都食得出茶味。湯底好濃郁，仲配埋有招牌彩字紫菜同流心蛋，可以話無得輸。人均大約80-100左右啦，唔算貴，但因為多人等，所以想坐耐少少都唔得，但都值得一去。

男朋友介紹左好幾次，終於的起心肝來試試。餐廳下午會落場，6點再開。入面只有10個座位，我地6:01分到，啱啱好只有2個位剩，唔洗等。餐廳只提供沾麵及飲品，餐牌一眼睇哂湯底我選了黑蒜油湯，麵底就選了黑胡椒。男朋友選了原味豚骨配小麥麵。當日的special 就係羅勒。湯底係黑黑的，配上兩塊日式叉燒及溏心蛋。湯的味道好濃好惹味，唔會好鹹，但唔係好夠熱，平時我好怕蒜頭，但呢個我覺好香，個人好鍾意。麵就有少少失望，較硬身，而且冇咩黑椒味。男朋友的豚骨湯，有D驚喜，味道不比黑蒜油差，湯底都好濃，叉燒好林，溏心蛋都好出色。整體都幾不錯，但我地兩個返到屋企都覺得個胃有少少唔舒服，好似消化唔到，可能對我地黎講，個麵真係有點太硬。

哩間沾麵係元朗相當出名，兩年前排左成個鐘隊先成功朝聖，估唔到而家變到唔洗排隊都食到🤪(聽講冇咗日本師傅質素下跌😅)佢地主打沾麵，麵底同湯底都各有三種選擇，麵底可以揀小麥、黑胡椒或者是日限定，個日去食係柚子🍋覺得怪怪地所以我地都係揀番小麥同黑胡椒😂湯底就有得揀原味豚骨湯、黑蒜油湯、蝦味噌湯🍜我地揀左原味(有2塊燒豚肉、香筍、香蔥、配一隻糖心蛋)味道唔錯但略嫌個湯唔夠熱，好似只係暖暖地咁，而且食完有啲口渴🤥試完之後我同朋友都係覺得好似以前日本師傅係度坐陣嗰時好食啲咁🤧雖然整體味道唔差但就無咗以前果種驚艷，以前食完係會想即刻再食多幾碗啊🙈遲啲諗住去西環分店try try，希望可以食返以前嘅水準啦🤫

見呢間沾麵咁出名決定去試下，門面冇寫招牌有啲唔明顯難搵，排隊排左好耐下。不過個麵質幾特別，幾硬同彈口，叉燒肥得黎幾香口當日麵底可以揀羅勒，好似係香料黎，幾特別。得閒可以試下。

店子仍然得那十個位 人龍一樣繼續長🕴🏿🕴🏿🕴🏿🕴🏿🕴🏿🕴🏿可想而知這小店的實力👍🏿🌟😍這裹的#沾麵 除了好吃 還有手打出來的人情味🍜.濃濃的櫻花蝦湯底 想直接飲一啖然後將一注注既麵放入湯裏面浸一浸 每一啖麵都索晒啲湯 先開始食我覺得呢個就係沾麵既精粹同拉麵唔同 因為湯底會比較濃而麵質亦都會保持爽嫩其實每次經過 都忍唔住想入去食返碗!🤤

彩依間沾麵一早略有所聞，但因為唔係幾就腳。今日咁岩出元朗，所以決定黎試試～～星期日夜晚大概7：40到，唔洗等位，直接有得入座。湯底有原味豚骨、黑蒜油湯同埋蝦味噌湯3款，麫底就有小麥、黑胡椒、是日special紫菜3款，最後愛麗絲揀左最愛既蝦味噌湯同比較有興趣既黑胡椒麵底。湯入面塊紫菜都幾有心思，雖然浸完落湯都已經淋左一半，食都係一啖食入口，但佢竟然係空心既「彩」字～～筍幾爽脆，叉燒半肥瘦適中，冇燒香過，不過夠稔身，都有肉香味。溏心蛋流心效果值得一讚。麵既份量比一般舖頭少，亦冇得揀份量，唔加底得180g，不過食完都有七成飽既。胡椒麪令我有少少失望，麵條雖然混有胡椒粒，但就食唔出有胡椒味。湯底既蝦味都幾香濃既，未到驚為天人既好食個人認為都有少少咸，因為沾麵湯底一定比一般拉麵湯咸既。最後食完麵就加左熱湯再試飲一下，味道都係咸左少少，所以只飲左幾啖咋～之前聽過好多人對彩有好高評價，但今日一試，又覺得未到非食不可既level，後來先聽聞原來日本師傅好似走了，所以可能導致食物水平稍稍下降吧？

由最初至少排一個鐘先入到食到而家唔使點排隊，彩嘅沾麵喺我心目中一直係香港嘅頭幾位水準都唔會點走樣，佢哋嘅每日新鮮自製佢哋嘅麵每日新鮮自家製，每日都會玩下唔同花臣整下唔同口味，試過比較特別嘅有薄荷味、伯爵茶（太多不能盡錄😂😂）但常駐軍黑椒口味始終都係我嘅至愛，今次就點左蝦味噌湯配黑椒味，但今日個麵就發得唔係好夠，以致麵餅有小小痴埋一舊😅😅半肥瘦叉燒不過不失，蝦湯就保持到水準，蝦味香濃😋😋

今晚屋企突然無飯食, 醒起有間彩沾麵成日都話想試下, 就去睇下有無位, 因為有次都想去, 去到見排長龍, 門口個牌仲寫住無嵇再排, 因為無晒麵. 但係今次好出奇地去到就有位, 排都唔使排.見到有蟹味噌湯沾麵 (元朗店限定), 就揀左佢, 因為未佞過, 麵底就揀最傳統既小麥, 穩陣D. 等左一陣就有麵食, 塊紫菜都幾特別, 有個”彩”字係上面, 都算有heart既, 不過D蟹肉就有D hea囉, 好似超市買個D蟹柳咁, 又無蟹味. 個湯就好濃味, 麵質就ok喇. 個人黎講, 覺得沾麵比較黏口, 都係純正既日本拉麵比較好味.臨走時見到有樽黃黃地色既液體, 裡面有2塊檸檬, 唔知咩黎. 可能係醋呱.