彩

营业中

休息中

以前一直都係食開拉麵🍜🍜，第一次接觸沾麵就係因為彩。仲好記得以前鋪面有好大塊藍色布寫住個「彩」字。之後因爲某啲原因結業了一段時間，知道佢會開返都好開心，不過就一直都冇時間再試。今次再嚟元朗食，位置不變，去到都係大排長龍，等咗掌個鐘，鋪面少咗塊「彩」布。今次我就叫咗個蝦沾菠菜麵$88賣相雖然同以前食過幾乎一樣，不過食落口麵質就比以前淋好多，而且食落去好濕，令到麵沾落湯嘅時候，湯汁掛唔到上麵度。相信係個麵煮完之後脫水唔夠耐或者個力度掌握唔夠。至於湯比以前鹹好多，蓋過咗其他配料嘅味道，食落去會令你不停想飲水。整體感覺都比以前失色不少🙁好味嘅沾麵回不去了😭😭😭