彩虹甜品屋 (已結業)

水準不斷下降....令人覺得愛心甜品只係經營策略黎芝麻wo唔夠滑連綠豆沙都唔識整,好似飲緊水咁不過感覺上去果度食野d人大部份都唔係為左食野只係為大家吹下水咁

大家好!本人於大埔區居住已超過十二年，日後本人會為自己曾光顧過的食肆(特別於大埔區內)一一品評，而彩虹甜品屋正是我第一間品評的食肆，請大家多多指教! 雖然本人「幫襯」彩虹甜品屋只有一年，但自從試了第一次後，便對這間食肆留下不俗印象，每一個星期都會「幫襯」。首先本人想簡單介紹這間甜品屋，相信它對大埔區居民來說，可算是無人不曉，而不論平日或假日，一到大約晚上八點，彩虹甜品屋均會是座無虛席，而且愈夜愈旺。值得一提的是，其實區內算是有不少甜品店，但除了彩虹外，其他的都辦得不太成功，生意普通，可見彩虹的確是有其「把炮」之處。 現在該是時候談談它造的甜品了!本人最喜歡的便是一道叫「雪香」($18)的甜品，請大家先試試從這個名堂，猜猜它究竟是甚麼東東?當初正因我連它的「底細」也不清楚，所以光顧了甜品屋良久，才願意點它一試。待服務員端出後，恍知原來是雪糕西米露，而雪糕味道還任君選擇，本人最喜歡的便是荔枝及芒果。這款「雪香」製作頗精巧，品嚐時碗中雪糕漸溶，為每一啖放進口內的西米露，添上幾分有層次感的香甜，而最令我欣賞的，正是西米露中還混入少量大粒西米和椰果，大粒西米煮得雖然熟透，但一

上次老婆仔肚餓喎．．～＊我答應過請佢食糖水／／．．就出街買糖水啦﹏我屋企周圍冇乜糖水．．得許留山呀．．呢ｄ但係諗起間ｒａｉｎｂｏｗ～就去買個外賣　２個ｌｅｍｏｎ西米露　可能是細個就喜歡食的關係吧．．就買回家了出貨很快　　不會令客人等太耐番到屋企拎出來就覺得冇買錯．．～ｓｉｚｅ都ｏｋ～　女仔可以當ｄｉｎｎｅｒ咁食．．ｄ　ｌｅｍｏｎ　好新鮮～又食個時食極都有．．唔係得幾塊咁﹏同老婆仔２個開開心心就食左個糖水~過左一個月　番學後有一次上聖經堂．．ｍｉｓｓ擋左１ｄ信了神後的人既經歷咁．．就係開ｒａｉｎｂｏｗ個男仔啦～　哈哈”佢後生個時好鐘意飛車同屋企人關係係個時間又變壞左到而家佢有一個自己的糖水小店～　希望佢可以煮更多幸福的糖水給人食啦～＾＾

平時兩三家人就至鍾意去彩彩佢架喇。１１點幾三架車出，　約十多個人啦，一齊去食，例牌呀姐開檯俾我地。講真環境真係唔話得地唔得。　成日見到ｄ蚊。　雖然我都俾蚊咬慣…呀姐落親ｏｒｄｅｒ呢我就覺得好煩。不過，　十幾人的ｏｒｄｅｒ真係唔易落…　呢樣野可原諒。成日都係食舊彩虹。　同新的分別係舊係涼粉底而新係西米加椰果。冇話邊樣好食ｄ，　睇個人喜好。但係紫晴真係唔話得！　好好食，　好奶皇！上次第一次食椰皇…　我叫紫晴但係佢俾左芝麻！　冇話唔好食，　不過呢始終有少少心理因素…其實芝麻都好好味，　比出面好好多！　但都係紫晴ｗｉｎ！椰皇燉得好香！　好好食！　但係好難食得曬一個，　有少少漏…

ｄ野食唔係特別好食．．．但係呢～去ｏ個度食野覺得好正啊個ｆｅｅｌ！！

我都係大埔大既...以前都會去彩虹食甜品, 但係而家冇啦, 因為佢地d糖水都冇特別, 而且一定冇位, 反而有次咁啱經過發現大埔墟開左間叫陽光甜品, 佢地最主要做到價錢平同水準ok , 我叫左個什麼水晶涼粉,((唔記得))味道ok....口感好好...唔錯唔錯

因為同朋友踩單車由大圍踩到去大埔中心附近時已是中午時份,非常倦和熱之餘亦非常口渴,但又唔想食飯,所以去左食甜品.我地食左好多碗甜品,本來想食豆腐花,但未整起,要等成個幾鐘先有,所以我地叫左其他野食:檸檬可樂0者喱($9):呢個味道幾好,不過雪得唔夠耐,有d散.彩虹($19):我貪佢有涼粉底,d黑珍珠都幾好吃,我覺得好吃過西米.生果有西瓜,芒果,蜜瓜,都好新鮮.翠香($18):主要係蜜瓜西米.深涼($18):有西瓜5 舊,椰果,西米,好甜,但朋友話d水有d澀.阿姐們服務態度好親切,有問詳細答.大熱天時食冰凍甜品,嘩~正~~

本人住大埔.....所以間唔中都會去彩虹食甜品彩虹除左"豆腐花"同"雲石豆腐花"好食之外...其他的冇甚特別....另外紫晴湯圓都可以一試.... 奶黃餡既湯圓並唔差~

今次我去左上水間舖食左一個「紫晴湯圓」，好正!好好味呀~又熱又滑，d 奶黃好好味呀。食完好滿足。大家一定要試試。

今晚(1月8號)放工去左大埔行,突然想食糖水, 就黎左呢度喇,叫左"鮮芒果黑珍珠", "鮮雜果黑珍珠"同"彩虹" ,好味呢, 但落單位學員姐姐好似聽唔到我地講野咁,不斷要我地重覆講我地要既野, 跟住d野拎黎又有d 亂,麻煩呢!但整體上好好食, 後來食多個"擂沙湯圓",熱熱的, 好好味!

上星期四, 23/12 晚都未到平安夜諗住唔係太多人去食la... 去到果然不是太人多, 叫左幾樣野唉...我friend 想要:花生糊..無, 花生湯圓..無, why樣樣都無又唔係好多人, 算la..芝麻湯圓都好, 佢俾粒我試唉..點解d皮咁粉o既又唔煙un"唔好食.我先生要左一碗紅白,即紅豆沙豆腐花, 佢話唔夠甜"唔好食" 另一friend要左芒果涼粉而我要左招牌貨彩虹, 都係一般ok, 普通貨仔.可能真係人氣太勁,人太多,d野就開始唔掂..

我最喜歡吃新彩虹，因為有我最喜歡的黑珍珠(種籽西米)和椰果，又有很多水果，例如：蜜瓜、西瓜、芒果、哈蜜瓜等，水果片片都是甜的，其他甜品店做不到這個水準(我曾吃過很酸的芒果西米靈)，加上芒果汁和奶伴吃，真係冇得頂呀！如果你不喜歡吃種籽西米，可以吃彩虹，用涼粉代替了種籽西米。芒果布甸也是我另一推介。不過我覺得傳統的糖水就不太突出，可以不試。

有日諗住去買碗戶頭西米露外賣，點知等左好耐，我見人地遲過我黎果d都有，咁我就問佢啦，點知個呀姐就話佢地要時間"筆" 我真係啤一聲，跟住食落去真係一般過一般，咁又唔算難食，但都要成十三蚊，我覺得唔抵law 。

剛開始吃的時候..都覺得很不錯的...就算人多..很迫..都覺得ok後來..呢間野..比左d..9折卡..給我..我心諗...有左9折卡..買外賣會平d..又唔駛迫..唔駛等...點知...每次用親呢張卡..既時候..收錢那個女人..總是..擺出一個看不到的樣子...好幾次都係咁...講到明我有9折卡...佢都係..裝出一個睇唔到同埋黑面既樣子...仲...扮晒野..計番我原價....。...有一次...其他職員都同佢講話我有9折卡...佢仲係..計..我原價..仲收左我原來既價錢...同佢追番..佢就即刻..好唔願意...退番個差額..話要等收下一張單..先開機比番我..(但不是有禮貌對我講)..結果..等極..都..冇單收..而外賣既糖水都出埋黎...呢個女人...先至..好唔願咁..叫其他伙計..."拿...比番d錢佢"..真係每次買親都好..激氣...9折卡..係..你間野..比人既...點解..要比人,,用d咁既態度對待...加上那個女人..不要老闆..每次..都裝一個..傲慢既樣子出黎...因為..咁樣..我已經..半年..冇去呢間野..買任何食物...味道..其實都尚可.

Rainbow 晌上水開0左間新分店,聽講話有好多種類0既甜品,所以咪去試下啦其實食物0既水準就已經係一般喇,但係最差都唔係呢樣,而係佢地0既服務態度呀,真係差到無比呀。我地一行三人食0左四個糖水,由於我點0左一個椰皇0既糖水,食完之後總係覺得個口有酸酸地0甘,所以咪同一位四眼妹妹講：可唔可以俾杯水我呀。點知個四眼妹妹轉身同另外一位店員講：話想要杯水喎,食完糖水仲要杯水。我見佢地好似並無任何行動,0甘我咪拎張單去算帳囉,但同一時間四眼妹妹就拎0左一杯只係得三分一水埋哩,跟住就同我地講：我地呢度係無水供應,只係會俾一次嗟,如果下次要水就要俾錢買蒸餾水喇。我當時真係覺得無名火起呀,我晌你0既舖頭消費,我只係要求一杯水嗟,你有權話唔供應但係就唔應該叫我下次要俾錢去買水囉,我真係覺得佢地好有問題囉,連之前話無得供應水0既麥當勞同家鄉雞,現在都會提供水呢樣野啦。始終都係講劉德華話果句：今時今日0甘0既服務態度點得呀!!!!