彩虹甜品屋 (已結業)

食左個海底椰涼粉，同食左dd彩虹!!海底椰涼粉好難食，Ｄ汁冇味又少．．．食落去好似生吞涼粉咁！千其唔好食涼粉．．．．不過Ｄsales都ok...

今日去到，首先嗌左個雲石豆腐花加粟米，後再嗌左個紫晴湯丸。等左都几耐，在豆腐花遲遲未到之際，後嗌的湯丸到左先，食第一粒，咬左三咬，竟然有圥蛋黃係湯丸入面，頓時所有享受甜品的美好心情即時沒有了。雖然咁樣係可以證明佢地既紫晴湯丸係自家製作，但無理由會做成咁，證明煮奶皇的人很不小心。差！該公司要清楚明白蛋殼已經屬於係垃圾，比客人食到即係代表給客人食垃圾。當湯丸上台之時，個店務員態度一般咁問，你仲嗌左d咩呀，我話係：熱雲石豆腐花加粟米呀！佢先即刻同我講落左架la，粟米要烚。係個一刻，我係感覺到佢唔記得我張單，落漏左，所以先再問番我嗌左d咩，成個過程，由我第一次落單到第二次落單，再由第一個食物上台後被問嗌左d咩，都係由同一個員工服務我同我朋友，點解個員工可以咁冇記性架！另外，我在等候食品上台期間，見到個收銀一邊食餅一邊做野，行為十分不專業，即使佢要食佢都唔應該比客人見到，應該番入去廚房食或者其他員工休息處食，咁佢攞餅乾的手又沒有洗就攞客人的食物上台，咁係咪代表好不衞生呀？！而豆腐花亦做得過稀，完全無口感，芝麻味同豆腐亦不平均，水準比之前差很多。恐怕以後都會甚小再去食。ps.我係該鋪內亦有填寫意見

好似話大埔最好食...但係失望喎...食左糖不甩．．．比較硬, 我覺得佢真係整得唔好食...跟住最好味係豆腐花...好滑紫晴．．．一般....紫芽MOCHI就都OKAY....

以前開張既時候的確幾好,唔錯架但係而家真係唔同曬價錢太貴,又唔多好食款式係幾多,不過唔好食點都係假啦...有時真係太多人,迫住要坐係出面佢間鋪入面成日都有陣怪味...但坐係出面就有時有陣臭咪lo...相信去過既人都會好明白...服務態度算幾好... 不過成日都走單...

星期二叫左個楊枝金露，佢都算係求其中之求其，唔夠凍就加左兩粒圓冰粒上面，如果我即刻食，就會唔夠凍唔好食，如果我等個兩粒冰溶左先食，仲會更難食，因為尼間鋪頭既楊枝金露就已經好淡，無咩芒果味又無咩奶味，d 冰溶左之後就不能接受咁制，芒果粒份量亦都偏小，完全唔值要$19蚊一碗，如果加個雪糕球就會好食d，因為奶味會重左，會香d，但就更加唔抵食。本身楊枝金露要19蚊，加個雪糕球要5蚊，即係總數24蚊，超級唔抵食，係第度大把好食過尼度既都只係20蚊度，so...決定以後都唔會再食尼度既楊枝金露，同埋都會同曬我所有既fd講，尼度既楊枝金露不外如事，不試也罷！

我在上址食過不同的甜品,都無一樣覺得好味~~~雖然老闆是一個更新的青年,我們都應支持他,但他們的食品怪怪誕誕的,一D都唔好味而且的價錢一D都唔平唯一可取的就是他們對客人的服務

有晚同老公來買外賣試下,因為見佢係大埔區最旺既糖水鋪,點都有o的奇望,咁o個晚我負責看車,買野食呢個重任就交比老公啦,點知佢落完單後上返車等既時候,我問佢買左o的咩野,佢話:彩虹同新彩虹.吓 我話咁咪應該差唔多?到之後佢負責看車我去等外賣,足足等左差唔多十分鐘先有,因為實在太好生意啦,到我取外賣時順便問下姐姐仔新舊彩虹有咩分別,佢話一樣除左新彩虹多左椰果之外???跟住即刻開始,一打開都知佢係扮松記既幻彩明珠,但生果種類唔夠多,唔夠新鮮,切得太大粒.總括來講都係松記抵食及好食!

家住大埔，卻是頭一次來這裡試甜品，因為看過很多食家和雜誌給它很不錯的評價，所以昨晚跟家姐來試。甫坐下來看一看餐牌，起初以為係記的分店，因為款式實在太相似，想了很久，最後要了一個蘆薈喱同鮮雜果紫米露。味道同賣相真的不是咁好，喱好淡(看顏色似可樂味，但卻吃不出是甚麼味)，只有幾粒蘆薈；紫米露加了忌廉奶很香滑，但生果切得太大舊，要分幾啖才吃得完，味道不過不失。

朋友住在附近,帶我去試.款式係幾多,但係價錢都唔係好平囉.試了湯圓,個皮幾薄,饀料都有好幾種.有一隻比較特別,係花生餡,但係個皮係有香蕉味.個配搭都幾特別.仲有一個係紫米皮包奶黃,都ok.蕃薯糖水,普通.服務麻麻,有部份伙計冇咩禮貌.

一間以老板娘的名字來命名的甜品店!我返左大埔一間響大元村的教會咁耐, 時常經過彩虹甜品屋, 時時都咁墟陷, 雖然我教會一眾教友團契後有另一聚腳點--昌運中心的豆漿大王.可能因為昌運中心租金平, 附近有吉之島, 又係大埔的市中心, 加上甜品又特別, 至有咁多人幫襯.個人推介:1. 雪糕涼粉--將涼粉拌雪糕來吃, 因為涼粉本身味道較淡, 拌以雪糕可以令涼粉清甜.2. 糖不甩--軟硬恰到好處, 不像有些甜品店整得像湯丸般.仲有要注意佢地的營業時間喎, 星期日是主日崇拜(該店的老板及老板娘都係虔誠的基督徒)會下午才開門, 星期一也好像是休息的.

呢間甜品相信係大埔區都唔會冇人識gar啦. 坦白講, 招呼真係好殷勤, 不過甜品類型未見好有驚喜. 喜愛食湯丸類型食物o既人就有福啦, 佢o地都有好幾款. 有個好似叫杏沙芝麻湯丸gae, 其實就係檑沙湯丸杏仁碎版, 幾得意law. 紫米皮奶黃湯丸都得呀. 不過呢到就係好多好多人, 一定要等位!

網友靚靚應該唔係大埔區居民,這間店的位置是在大埔市區,反而火車站那邊不能叫大埔的市區...我只吃他們的新彩虹,認為比彩虹吸引,它有植物種子作底,爽爽o地,很有趣,再加上透明珍珠,生果跟芒果汁,清甜解暑,好味.還有檸樂o者喱,吃下去感覺還在冒泡一樣,檸樂味也恰到好處,可以一試.但價錢就比較貴,外賣還要加1元,感覺"呃稱".

真係好食, 好淸甜, 唔係剩係"撈o黎撈去"...... 紫晴湯圓食到令我有番屋企feel, 好warm. 我個friend個婆婆&媽媽都好鍾意食, 真係老少咸宜呢. 除左生果之外, 淸甜龍眼肉放入喱度, 實在係淸新之作呀!! 我次次去親都要叫兩份不同口味甜品先至有大滿足呀! 不過真係隔"涉"左點, 到火車站後又要行好一段時間, 如果開間o係市區就好喇!!服務呀... ok o咼. 唔覺好差o丫...

呢間甜品店0既款式夠晒多，所以亦都好出名‧每逢夜晚或者消夜時間就特別多人，d位仲多到排出去門外。另外d買外賣客都唔少，真係不妨一試。

昨天第一次去試,可能期望過高,覺得不是大家說得那麼出色,不過每個人口味不同,此僅是個人意見。自己試了「彩虹」$18,我不大喜歡吃"果"和"大西米",偏偏「彩虹」就是果汁底,加上大西米、黑珍珠及涼粉,再配上果、西瓜、蜜瓜。賣相一般,不大夠凍,算幾多料,但不算很抵食,因為以大埔區來說,$18一碗,算ok而已。不過,之前有朋友評論說這裏服務態度不好,我不大覺得哩!我詢問服務員有關甜品的資料,她們都幾詳細回答。