彩虹甜品屋 (已結業)

十分應同舒力奇，上個月朋友介紹去試下，menu我試了芒果西米，芒果夠新鮮但不夠凍，西米好淡又沒有奶味，叫他們加些奶，也不太願意，老實講menu不見太有特色，價錢又不太平，服務又差，舒力奇我應同你，因為我都有此遭遇。

這間店鋪d野都算ok，唔算難食，但亦不算係好好食，因為好食過尼間既多的是，比尼間難食既亦都唔少。食品質數係一個關鍵，但員工服務態度亦是一個帶來客人既原數；今日去到食野，叫左個芒果唔知咩野，服務員問要唔要加椰汁，我地話加，點知只得一滴，其份量極小，香味唔夠，芒果亦過熟，有小小難芒果味，同埋芒果有根，我覺得佢地唔應該用芒果較近﹙定﹚既部份來給客人食，因那部份是有很多根的，很難食。其收銀態度亦都很傲慢，成日都用一d好似睇唔起別人既眼訓去周圍望，我今日見到這個姓蒙的收銀為左要倒一杯茶給自己喝，竟然要客人等佢來收錢，客人足足等了約莫成分鐘，佢都未出現，直到客人不耐煩，掉下錢就走了，佢才拿住佢杯茶走出黎，太傲慢la，當我要結賬時，總數45蚊，佢一口：45蚊！跟住就攞左我張錢，跟住就找錢比我話：拿！係整個過程入面佢一眼都沒有望過我，亦連半句多謝亦都冇向我講過，佢要知道我至係客人，係我係尼間店鋪消費緊，尼個收銀係必須向我講多謝，並且需要用誠懇既眼神及態度對待我，我對這個姓蒙既收銀的工作態度甚其不满，請這間店鋪的老闆留意一下她的工作表現，如果我是這間店鋪的老闆，我必不容有如此的員工繼續留係店內工作，既已

唔鍾意食太甜既, 黎呢到至啱, 我覺得仲好過滿記

有好多種甜品同許留山唔同之處就係le間野d甜品健康d!

幾乎每次入親大埔都要食"彩虹"o既糖水, 有時仲特登外賣出香港o忝。"彩虹"o既糖水款式多, 味道不太甜, 價錢又大眾化。必食推介: "糖黐豆"﹑"小氣o者喱"細細一碗"糖黐豆"已經有齊紅豆﹑眉豆﹑西米﹑馬豆糕﹑涼粉﹑芋頭粒同椰汁...等多種材料, 大撈一番, 熱食凍食都勁正。"小氣o者喱"食落好似飲緊玉泉忌廉汽水o禁, 很有嚼勁, 吞落喉嚨果時仲feel到好"据"o忝。

點解好似新界區等別出名糖水架呢?我自己住大埔當然要搵返一d"地道"既野食啦，而彩虹確實做得幾成功，淨係睇人流咁往就知啦。當然要食物都得先可以成功啦，可能由於人流多，因此生果都較為新鮮，而且每隔一排就會推出一d新款式，值得一讚。我覺得如果鍾意品嚐甜品既你或者想試試新一代甜品既你都值得去一去。

最初見佢在電視上又送甜品給小朋友, 又送給醫護人員, 咪慕名去食下囉於是上次響大埔返團契之前同女朋友去食, 食左個彩虹, 即係有多種生果伴西米及涼粉, 果然冇令我失望, 食完一點也不口乾, 味道好清甜, 唔會點Feel到砂糖的味道, 價錢都算超值.縱使它在大埔昌運中心一個隱蔽位置, 但生意竟比大集團好, 就知它的厲害.在此講一句, 之前有食家提出過連大埔工業村的人都走去食, 唔好話大埔工業村, 就連我住香港島都走去食呀.

原來彩虹甜品屋最近有新甜品，新嘗試，有蘆薈o者哩，加其他配料，好正架，我食過之後都幾特別，幾清甜，又健康，真係晒怕肥的人。現在大時大節，一家人食湯圓就唔少得架啦，但如果食過彩虹甜品屋的湯圓，就更加有叫外賣返屋企的衝動，但效果一定無堂食般好，因為浸水浸得耐，D皮漲晒，口感唔夠好；但依家彩虹新產品：生湯圓，未煮過的湯圓，由彩虹出品，必屬佳品，請大家放心。生湯圓中，我最愛就係紫晴湯圓，因為你食過堂食的話，你就會覺得好正囉。紫晴湯圓係用一D紫米(黑糯米)磨碎，同外曾的粉皮撈埋一齊，包奶皇餡，加上薑湯作湯底，絕對係頂級享受，又能驅寒，正!!!我唔係吹水，我帶過我D朋友，同事呀，同學去，個個都只係得一個反應，有讚無彈，你話死未？晚晚食完飯之後個段時間，一定爆膨，但D人客肯去等位先抵死喎，梗係啦，平均一碗野都只係$10，食兩碗當食飯都得啦。我有個朋友，台灣返泥，食完都讚不絕口，台灣都叫做多野食啦，但佢都話好食過台灣D糖水小食，你話服未？其實我覺得開飯啦應該去訪問下佢地，因為佢地真係好叻呀!!!短短兩個幾月就攪到這個田地，你話可以點講？

能夠有一間，在開業短短一個多月內有好評如朝的甜品屋，RAINBOW DESSERT是也。店舖位於大埔中心，客戶卻可遠至兩里外的大埔工業，西非利呀~~

我晚晚都食，試o下"太極"，溝o左d芝麻豆腐花，灰灰地，好似雲石咁，好得意

最近大埔開了一間甜品屋，叫"Rainbow Dessert 彩虹甜品屋"，真是一間非一般甜品屋，它與其他類似點舖如"佢留A"等等的有非常大的差別，甜品單上有著新舊甜品，有凍有熱，集中西甜品特色，其中有蜜糖燉蛋，更是最近寒冷天氣下的熱賣甜品，往往很早便暫停供應，價錢更時平極，有興趣真的要嘗嘗啊。