影片
更多
2024-12-06
298 浏览
今日專程黎食Bookmark左好耐的彩羽壽司家，好期待。揀了樁這個餐，前菜先上分別高糖蕃茄，黑梅貝，伴仙人掌，仙人掌口感特別，蕃茄味道清甜，黑梅貝即日本的東風螺，煙靭爽甜，用鮮味盛宴序幕。過場來個魷魚味脆片，先試原味，沾上沙律醬再試，另外一番風味，對脆卜卜嘅嘢毫無抗拒之力。茶碗蒸有大蜆，新鮮野菌，再加上新鮮嘅柚皮調味，有淡淡柚子香。真鯛先上，上面有新鮮嘅梅肉，鯛魚嘅同梅嘅味道好夾，唔使點豉油。跟住係大分縣真蠔，size 適中，肉質肥美，黑醋酸汁提鮮，一下就滑咗落口入邊。煙燻火炙鰹魚，師傅首先喺你面前用火槍將魚皮燒香，再加上小小嘅Wasabi，之後就係攞泡泡槍為鰹魚添上煙燻，成件事頗堪玩味。壽喜燒牛肉鍋，用嘅係A5和牛，仲有新鮮日本蔬菜，跟一隻日本生雞蛋，喜歡嘅可以攞嚟點牛肉食，幾片真係唔夠喉。套餐升級了鮟鱇魚肝泡芙，泡芙鬆軟，鮟鱇魚肝夠Creamy，幾創新的配搭！日式串燒有特大虎蝦，爽滑彈牙，勁Juicy嘅五花腩，同埋鮮冬菇，擺盤精緻，就好似一件藝術品咁唔捨得食。深海池魚壽司肉質鮮甜。火炙大拖羅，入口即溶，要喺口腔入邊溶晒佢先捨得吞落肚。秋刀魚卷入邊包住紫蘇葉，喺呢個秋冬嘅季節食肥美嘅
揀了樁這個餐，前菜先上分別高糖蕃茄，黑梅貝，伴仙人掌，仙人掌口感特別，蕃茄味道清甜，黑梅貝即日本的東風螺，煙靭爽甜，用鮮味盛宴序幕。
過場來個魷魚味脆片，先試原味，沾上沙律醬再試，另外一番風味，對脆卜卜嘅嘢毫無抗拒之力。
茶碗蒸有大蜆，新鮮野菌，再加上新鮮嘅柚皮調味，有淡淡柚子香。
真鯛先上，上面有新鮮嘅梅肉，鯛魚嘅同梅嘅味道好夾，唔使點豉油。
跟住係大分縣真蠔，size 適中，肉質肥美，黑醋酸汁提鮮，一下就滑咗落口入邊。
煙燻火炙鰹魚，師傅首先喺你面前用火槍將魚皮燒香，再加上小小嘅Wasabi，之後就係攞泡泡槍為鰹魚添上煙燻，成件事頗堪玩味。
壽喜燒牛肉鍋，用嘅係A5和牛，仲有新鮮日本蔬菜，跟一隻日本生雞蛋，喜歡嘅可以攞嚟點牛肉食，幾片真係唔夠喉。
套餐升級了鮟鱇魚肝泡芙，泡芙鬆軟，鮟鱇魚肝夠Creamy，幾創新的配搭！
日式串燒有特大虎蝦，爽滑彈牙，勁Juicy嘅五花腩，同埋鮮冬菇，擺盤精緻，就好似一件藝術品咁唔捨得食。
深海池魚壽司肉質鮮甜。火炙大拖羅，入口即溶，要喺口腔入邊溶晒佢先捨得吞落肚。
秋刀魚卷入邊包住紫蘇葉，喺呢個秋冬嘅季節食肥美嘅秋刀魚別有一番風味。
大大粒嘅貝柱軍艦壽司，唔捨得一次過食，唯有逐粒慢慢食。北方四島產嘅海膽大大粒，夠晒鮮甜，用嚟做軍艦壽司簡直係一流。
最後我哋加錢食咗呢間店嘅鎮店之寶：彩羽太卷，佢就係日本食到的龍珠卷!!!師傅喺你面前紫菜飯上面放上海膽，大拖羅，中拖羅，青瓜，同埋橙紅色嘅蛋黃，再慢慢捲上，最犀利嘅地方係師傅嘅刀工，每件都有完整嘅一個蛋黃，絕對唔會切爛，見到佢就忍唔住一啖放落口，無論係視覺同味道都係一流。
跟住仲有一碗奶白色嘅魚湯暖一暖胃。
甜品居然係我最愛的日式刨冰，師傅先將大冰塊放到刨冰機內，然後用手飛快攪動機器，刨出細冰，再淋上蜜瓜味糖漿同埋煉奶，同埋一整片新鮮蜜瓜，又香又甜，極度滿足呀~
結帳嘅時候先知道，因為我哋係Open rice 訂位，全單八折，真係好驚喜，而家唔使返日本都食到龍卷，絕對會再回頭。
张贴
