影片
更多
2006-02-12
7 浏览
素聞深水土步耀東街有檔大排檔好出名,今晚就同老婆去一試!八點幾去到坐到滿晒,不過剛好有一檯埋單所以唔駛等.如果怕環境污糟o的就真係唔好o黎,不過小弟素來只追求食物質素,環境一於好少理.叫左一湯兩食送:胡椒豬肚湯- 好大碗,夠四個人享用,材料包括豬肚,咸菜,胡椒粒同蔥菜,用料足飲到最尾直頭有辛辣味.o者o者雞煲- 非常之夠火喉之作,食大排檔最緊要鑊氣,呢煲雞完完全全反映出來,雞件肥美不過略油,當中加入了一些豬潤,好味程度比起雞有過之而無不及.豉椒炒蟶子- 蟶子新鮮很大隻,完全無沙炒得入味,水準之作連兩汽水及白飯,埋單$13X,抵食!
八點幾去到坐到滿晒,不過剛好有一檯埋單所以唔駛等.
如果怕環境污糟o的就真係唔好o黎,不過小弟素來只追求食物質素,環境一於好少理.
叫左一湯兩食送:
胡椒豬肚湯- 好大碗,夠四個人享用,材料包括豬肚,咸菜,胡椒粒同蔥菜,用料足飲到最尾直頭有辛辣味.
o者o者雞煲- 非常之夠火喉之作,食大排檔最緊要鑊氣,呢煲雞完完全全反映出來,雞件肥美不過略油,當中加入了一些豬潤,好味程度比起雞有過之而無不及.
豉椒炒蟶子- 蟶子新鮮很大隻,完全無沙炒得入味,水準之作
連兩汽水及白飯,埋單$13X,抵食!
张贴