弘 CHIRASHI (已結業)

其實講真，宜家真系特別多日本料理，簡直滿街都話自己嘅日本料理最正宗。今日給大家推薦一間心水鋪——弘 CHIRASHI。佢嘅門面唔算話好大，但系店內環境整理，走道通暢，唔會太擠，而且光線充足，座位都夠多，每張枱都系細細張，兩個人坐著剛剛好，如果多人，還可以拼桌，都幾方便！重點介紹呢度嘅野食！我先點咗呢度嘅招牌——弘丼 六本木，價格為$ 188，唔算非常貴，但系超值，因為佢有超多魚生，品種都幾多，而且魚子特別大粒，入口即溶，好到味道無得頂！蜜瓜泡沫系我比較推薦嘅一款飲料，蜜瓜味嘅飲料唔多，呢度呢間野嘅蜜瓜泡沫卻做得特別好，價格都唔貴，只要$ 38，甜甜的，泡沫幾豐富，飲起身幾有feel嘎！仲有呢款魚生特別要推薦，薔薇二段丼，價格雖然有D貴，但系都系物有所值，超乎你想像，只要$ 268，就可以見到豐富嘅魚生，而且擺設就好似一朵花，好鬼靚嘎！

排左30分鐘, 都係值得既!!有TUNA, 甜蝦, 仲有海胆, 海胆好CREAMY, 有啲腥味都無, 只有海水味, 甜蝦好新鮮, Q彈, TUNA入口即溶, 夠嫩滑日本飯醋比例剛剛好, 吾會太酸, 飯質好IN UN, 好快畀我清晒LU~~

最近雙層松葉蟹飯在fb和ig瘋狂洗版，愛海鮮的我當然不甘示弱立即孖埋為食朋友一齊去試試。大約一星期前訂位，當晚到達也等了約十分鐘才可入座。弘位於灣仔道的馬路旁，位置方便至極。巨峰提子梳打🍇我們像大鄉里般，見到會發光的提子梳打都咄咄稱奇。細看下發現其實是一顆像冰的燈，確實盞鬼荔枝啤酒，味道偏淡，易入口，女士最愛三人份的剌身拼盤刺身尚可，但略嚴不夠凍。牡丹蝦和帆立貝可能雪藏耐了，味道偏淡。另外海膽不知是什麼品種，非常迷你，吃下感覺口感似啫哩，幾特別主角來了，松葉蟹二段丼！立即相機食先📸📸📸整個飯分了兩層。最頂的是蟹蓋蒸蛋，然後第一層是沙律，第二層是蟹肉炒飯，中間還有一杯黑松露魚子帆立貝。松葉蟹新鮮，蟹肉鮮甜，每條蟹腳都脹卜卜十分肥美，食到停唔到手。但個人認為炒飯稍微不夠熱，如果再熱小小便更加prefect了蟹蓋蒸蛋，味道甜甜的，帶點蟹羔苦澀味道，正正常常沒驚喜

今日男友話有朋友介紹呢間幾好食就去試下去到門口已經有幾pair人等位我地第5 pair平時我唔會咁等位食野，但見佢啲poster影到啲刺身飯好好食，搞到我都好有耐性咁等等左半粒鐘度終於入到去首先，環境超迫岩岩兩張兩人枱走左，我地同另一pair人入去基本上枱之間既空位係唔可以過到一個人要我zip左入去，另一pair人先可以坐埋隔離張枱，4個人坐好再移番開張2人枱，變番2張2人枱可見係幾咁迫Order時燒野waiter唔會幫你一次落埋要自己另外tick紙叫左呢個飯唔記得名總之係$158既兩層刺身飯 同另一個炙燒刺身飯。。。。。真係估唔到咁伏啲刺身一啲都唔新鮮，無咩鮮味。。仲衰過我尋日lunch食既一壽司lunch set見呢度咁多好評，究竟係我要求太高定好多人其實都係影張相放IG就得-.-我已經唔係一個對食要求高既人lol呢間野真係性價比極低，講完😓

因為朋友ssss既關係，賴生今日托福帶到屈小姐去到近期好紅既弘食極上海鮮二段丼! 一入到去，職員都幾好招呼，細心介紹番個極上海鮮2段丼既特色同食法，而最特別係個極上海鮮二段丼係會因應時節而有無料追加既海鮮，而今期係白鳥貝，馬刀貝同粒貝，的而且確，無料追加既材料係當造並新鮮的，口感爽得黎超有咬口!但係呢…呢間都算係中上價既日本菜，不過環境就有點嘈吵(因為客滿而坐位與坐位之間比較近)，係比較難傾計的，要傾就要大聲d囉……所以都係集中食野算啦!對於個極上海鮮2段丼，有讚有彈…要讚既係…1) 職員細心介紹同講解點食2) 個海鮮丼係跟季節先有加料既，今期係白鳥貝，馬刀貝同貝粒，而上期係松葉蟹3) 用料都算新鮮，冇雪味4) 上層推介 : 海膽，吞拿魚，三文魚腩同帆立貝，而馬刀貝同白鳥貝都正!5) 下層要推: 溫泉蛋，充滿蛋味+超流心彈既係…1) 用料未算係最好既野…可能係條魚最靚既位，但唔係最高級果種魚2) 對於一個男仔…份量比較細3) 下層蟹膏太鹹，而且食完有點腥結論係 : 性價比不足(因為要$288一個的)，但可以嘗試的#多謝朋友ssss#無言感激

海鮮二段丼 Sashimi Donburi🍱🍣$158; 7.5/10🍴呢個刺身丼入面有: 三文魚、藍鰭吞拿魚赤身🐟、赤蝦、油甘魚🐠、海膽、三文魚籽、蟹籽、蟹肉🦀、青瓜、蛋🍳海鮮丼非常之豐富而且上下兩層都有飯跟🍚最好食係赤蝦，好大隻好鮮甜😍🍤🍤其他刺身質素亦都唔錯，不過呢間d海膽真係好唔掂😐😐 有怪味，唔多新鮮😭同埋個人唔太鍾意魚生飯係暖🙈🍱唔差不過個人覺得gimmick > quality😝 未必有下次🙈

忙起上來真係無啖好食、最近忙足一星期、手頭上的工作己七七八八完成、係時候輕鬆一下。今日豪小小、慢活小小、享受一頓豐富午餐。外面氣温三十幾度、隔鄰枱那位肥仔嚷著快給我凍飲、話快中暑了、我心想有冇咁誇張。不過點杯凍飲、涼透一下都好嘅！店員推介了招牌特飲、日光日白會發光！橙色加藍色、攪拌後變成綠色加橙色、感覺有兩杯飲品、好抵呀！味道酸酸甜甜的果味、清涼透心。極上二段丼推加無料加送粒貝、白鳥貝和馬刀貝、餡料豐富了、值得一試。賣相壓軸全埸。上層多款魚生、如北海道海膽、蟹蚶、三文魚、帶子。。。等等、味道鮮美、讚不絕口。海膽最得我心、濃郁甘香的味道停留在口腔內久久不散。下層是三色飯、蟹杍疍飯、葱花碎吞那魚和蟹膏、一次過有三種口感、好滿足！中間是温泉蛋、嫩滑流心、可口滋味。食過美味中午飯過後、充滿能量、可再努力工作了。

父親節同爸爸食知道爸爸鍾意食從松葉蟹，見有電視節目介紹過衣間食，即刻book位試一試， Book咗六點鐘但我哋五點九去到竟然都仲未開門，但係已經見到排晒長龍，好在一早book左位如果唔係要喺門口唔知等幾耐，入到去鋪頭雖然唔係太大但啲位好闊落唔會話太迫，見到餐牌諗都唔諗就點左個松葉蟹丼同刺身丼，真係好好味啲刺身同松葉蟹好新鮮，仲叫咗個牛肉定食拼烏冬，啲烏冬好滑同好彈，可以一試，衣餐飯爸爸食得好開心

太太細心安排下，偷偷帶我去弘食蟹過生日😘所以book曬位，但去到都要等10分鐘。今晚主力食蟹！太太說明現在松葉蟹合時得食，所以二話不說就點秋葉蟹二重丼。等了段時間，侍應送上了一個隻蟹，睇落活生生的。秋葉蟹二重丼上層是蟹蓋蟹膏蒸蛋加麻漿沙拉，蒸蛋看起來不錯，可惜蟹膏太少，未能滿足。下層更加吸引，蟹腳、蟹肉炒飯、弘字涼蛋、帶子魚子，蟹腳十分鮮味，食的時間花費了一點時間，但每次都成條真蟹柳地食下去，十分滿足。可惜食完蟹腳，炒飯卻涼了，想信熱食會更好。弘字涼蛋…廣告物品…算吧，帶子魚子新鮮，正，所以太太的海鮮丼亦不錯。另一特點，飲品：密瓜梳打，一個字：靚，味道不差，在場亦有其他飲品，如自製啤酒等，相信要下次先可以嚐到啦。

見到openrice咁多好評 lunch就同個friend去左試叫左個兩層既海鮮丼$288點知黎到其實好細 味道麻麻 啲飯係䁔既刺身得三文魚好味 其他吞拿魚 帶子 海膽都好一般 同元氣嗰啲差唔到 下面嗰層有pat屎色既蟹膏 仲要腥腥地 (無影到) 見到個丼咁小 唔夠兩個人分就叫多左個三色丼$108都係一般 油甘魚仲要酸酸地 一啲都唔好食另外叫左兩杯乳酸梳打 一杯菠蘿 一杯提子過左10分鐘 佢話無哂菠蘿 咁好啦 轉做提子點知黎到佢用cocktail d lowball杯黎裝但menu係用大好多既高身杯 Order時完全無解釋清楚之後問佢點解同圖差咁遠佢就咁話 我地轉左杯 份量無變 落少左冰所以先睇落細杯左😅😅 總之服務麻麻 刺身麻麻 唯一賣點係食完可以post ig 相

丼一向不是我杯茶, 一星期不吃也可以, 甚至一個月不吃也沒有問題, 但見到你又post, 佢又post, IG和Facebook也見到它的踪影, 觸動了我為食的心, 一於約埋超愛吃海鮮的好友來試試。店子門面搭建成小屋般, 瓦磚頂鑲了木板招牌, 配上灰泥磚牆身, 滿有日本色彩。店外還貼了大大張招牌菜式的海報和擺放了設計精美的餐簿, 吸引了不少途人駐足細看。甫進內裏, 環境光猛, 前方設有兩排長沙發座, 後方則設有五六張二至四人枱和一個壽司吧枱, 地方不算大, 枱與枱之間距離較小, 大家都要坐得親密一點。每枱均放了餐簿和推介菜牌, 馬上細閱。來到此店專誠試二層丼, 但究竟選邊款好呢? 二層丼有極上海鮮二段丼、二段丼、蟹極二段丼, 還有期間限定的薔薇二段丼, 四款也很吸引, 選兩款又擔心份量太多, 的確很傷腦筋, 還是由友人動動腦在當中挑選一款吧!******************************其實友人根本不用考慮, 二話不說便選了一客蟹極二段丼($288), 皆因她一向鍾情於松葉蟹。嘩! 用了原隻北海道松葉蟹，擺放得滿有霸氣，佔據了大半張枱，真是橫行霸度。其分兩層，上層蟹蓋是雞

最近弘的雙層二段丼呃like指數急升，趁著金牛座的朋友生日，我們便達位於灣仔的弘，晚上7時多已到達已經滿座，想吃的話記得訂座。水蜜桃香檳 $68/2 杯賣相優雅的香檳用來慶祝生日乾杯就最適合，水蜜桃味道香甜，梳打水中不斷有氣泡湧上，不知怎地我覺得好浪漫。蟹極二段丼(HKD288)為了二段丼而來當然要點，有4款選擇，最後選了期間限定的松葉蟹二段丼。上層的蟹蓋是釀入蟹肉、蛋汁和豆腐燒製而成的，金黃色松葉蟹蟹蓋有有焦香，可惜放涼了，可能是我不停拍照的緣故，如果熱一點會更美味。蟹蓋下層是清新爽口的沙律菜，配上胡麻醬料，非常醒胃。吃畢沙律菜便是第二層，下層是蟹腳和炒飯，中間竟然藏著三文魚子和輕輕被火灸的帶子。帶子口感鮮嫩，加上黑松露和晶瑩剔透而充滿鹹鮮的三文魚子同食，鮮味十足，絕對是意料之外的美味。蟹肉炒飯帶有陣陣海水味，充滿著鮮甜的蟹肉，而且炒得乾身。最細心是蟹腳已經剪開，再配上蟹腳專用的叉匙，讓客人方便食用松葉蟹厚實的蟹肉。海鮮丼 $178朋友點的是海鮮丼，有藍鰭吞拿魚腩、帶子、海膽、油甘魚、赤蝦，賣相雖然不及極尚二段丼，但味道同樣鮮味。肥美的藍鰭吞拿魚腩入口中溶，油香甘潤，在口腔內歷久不散

朋友轉了在灣仔上班說新近試了一間日本餐廳名叫 - "弘"魚生新鮮而且價錢不太貴想帶我去試試~~~好, 我們就選定平日放工早些去避開人潮~ 坐叮叮直接過去再行約3數分鐘就到了~交通算便利, 而且吃飽後可以去銅鑼灣行街街添~ 內裡位子不算太多, 但二人坐都OK舒服~這店主打二層丼款式有很多, 包括最多人點的這個極上海鮮2段重丼價錢約三百元, 但就有二層滿滿的丼上面鋪滿海鮮和魚生, 還有蟹膏蟹肉看着真的口水直流所以就點了這個來試~ 材料方面分別有三文魚, 北寄貝, 藍鯺吞拿魚大腩, 三文魚籽, 帆立貝, 蟹鉗, 海胆, 青瓜, 疍, 青葸伴 藍鯺, 吞拿魚腩蓉,蟹膏~份量十足, 材料豐富! Order了就很快送上來了!~丼是分二層, 上層有大大叠的新鮮海胆海胆入口全無腥味而且有淡海水的感覺入口綿潤, 真的很好味~而其它的吞拿魚和魚生都很有水準魚生入口就已感到它的甘味芳香了~ 大大件的魚生叫人回味!另外那個蟹鉗都很好味夠大隻蟹肉又鮮!下層則鋪了叫人期待的蟹膏蟹膏入口沒有咸味苦味非常新鮮呢~佐以粒粒圓潤的珍珠米來吃就更滋味無穹!另外可以再吃旁邊的青葸吞拿魚腩沾些醬油就更能帶出魚肉的鮮香~ 輔以

本身嗜蟹，當中偏愛清蒸的煮法，清蒸能保持蟹的原汁原味。最好就是預先拆出蟹肉／預先剝殼，品嚐的時候無需出動五指山，保証食得有儀態。朋友知道我的喜好，特地約定在銅鑼灣附近的日本餐廳嚐蟹。横過街市，再過一條馬路，就到達餐廳了。於牆壁旁邊座位就座後，方知蟹已沽清，要稍後日子才會到貨。　唯有選另一款＜二段丼＞。　 極上二段丼 ２層的二段丼，配味噌湯及前菜。 蟹鉗甜蛋，再配上不同款式刺身。每塊刺身都充滿光澤，看得見的新鮮。排在碟子數一數。 海膽 厚身帶子：只能用鮮來形容吧！加點檸檬汁，提升其鮮味吧！ 貝類：不知道這叫什麼名字。 馬刀貝：没有沾醬油，較脆身&清甜赤貝：没有馬刀貝的脆身，但味道較濃一點。 間八刺身：在三款魚類刺身中（好似鯛魚刺身）看來油分不多，味道可能是最清淡，放在最先品嚐。爽脆的口感，慢慢地咀嚼，會體會到其鮮味。 三文魚：已界花，沾上醬油後，花紋更明顯。看到橙及白色的分佈，肥美就不用多講了。 吞拿魚腩：看到這塊刺身，很似五花腩。以白色脂肪為主，夾雜著少少粉紅色，要排至最後品嚐。無需牙力，只要慢慢MUI就OK了。 來到這個三色飯　　　３種顏色：三文魚子蛋絲，吞拿魚，及蟹膏。 取出中間的

在某早上報紙介紹過呢個松葉蟹丼，覺得好型好正咁，今晚一家人黎試下佢先。先叫了一個松葉蟹丼飯，成隻蟹上甚有霸氣！滿滿的蟹膏很鮮甜。蟹蓋下層有沙律，清清口腔減低油膩感。下層係蟹肉炒飯，冷炒飯說實話有點腥。蟹腳鮮甜，但不容易食，食到成身水，沒有紙巾抹手，對整個丼感覺一般，gimmick居多，不過影相呃like很成功。再黎極上二段丼，賣相超靚！一大堆海鮮鮮味十足，刺身下亦有少許飯，飽肚之選呢。下層係三色飯，有蟹膏，蛋，同吞拿魚蓉，中間仲有溫泉蛋。當中最正係魚蓉，綿滑鮮甜，好好味呀！加了一份極丼，這個飯相對較少，但好多刺身，海膽新鮮鮮甜，吞拿魚腩好肥美。還有一客灸本海鮮丼，輕輕火灸過的刺身同樣肥美，對生野有抗拒的朋友可試一下這味，灸過半生不熟，同時有兩種口感。價錢不算大眾化，味道ok，唯店內有點迫及冷氣不夠，不太適合大伙人了。順帶一題，店員很有禮貌，勤添水。