建榮特色桑拿菜火鍋店

营业中

休息中

今天約咗朋友去屯門既建榮特色桑拿菜火鍋店晚餐，我們六時半就入座，當時的顧客不多，我們被安排到冷氣房裏邊舒服的用餐，待我們差不多八時結賬出來的時候，竟發現外面沒空調的座位都已經全部坐滿客人，證明這店的賣點是真材實料的美味小炒。海皇雜菜煲 : 超級大的一煲，足足比其他酒樓啲雜菜煲大一倍以上，材料十分豐富，有鮮蝦、魷魚、魚柳、蜆、蟹柳、菇及多種蔬菜，而且用料非常新鮮。冰淋醬烤骨: 其中一樣菜牌上有手指公圖案的推介菜式，表面有一層薄薄的透明糖衣包著的排骨，甜甜地十分之好味又好送飯，外脆內軟，裏面的肉又夠腍易咬。酥炸牛坑腩 : 酥炸生蠔就試得多，酥炸牛坑腩比較特別，以前都沒有在其他地方試過，再加上同樣是菜牌上的推介菜式之一，所以點了試一下。外皮香脆，內裡的牛坑腩夠腍身，而且分量也確實很多，確是帶給我們一種食牛腩獨特的體驗，但對於我們只有兩個人來說食到最後其實覺得有點滯其實，如果有四、五個人的話，份量就剛剛好，有機會的話推介給其他朋友多幾個人過來一起品嚐。

屯門工廠區地道大排檔🐚豉椒炒蜆$108滿滿一盤炒蜆，上菜夠晒鑊氣香濃撲鼻，份量簡直超值食極都仲有，新鮮嘅炒蜆食落去無沙十分乾淨，每一隻都好好肉地，入晒味唔會空殼多過肉！再加上豉椒汁再配飯一流！🦑椒鹽鮮魷$108金黃香脆嘅鮮魷，外皮炸得剛剛好唔會好厚粉，咬落去每一件都充滿椒鹽味，魷魚用咗扁條狀，食落去口感更加有層次咬口，加埋金黃外脆內軟，每一口都有滿足感！🔴招牌咕嚕肉$108招牌不能不試呢一個餸，香噴噴嘅咕嚕肉，真係賣相已經好吸引你去即刻食，再加上伴碟新鮮嘅燒菠蘿，甜味滿分夠開胃，再食埋啖啖肉嘅咕嚕肉，外皮剛剛好脆卜卜，配合埋甜酸味控制得一流，醬汁濃度啱啱好唔會令到你食落去太粘口，最後咬開肉汁令到更加好味！🍚🍚建榮特色桑拿菜火鍋店 (屯門)屯門建榮街32號建榮熟食市場地下C6號舖

朋友唔講都唔知，原來屯門站行十分鐘左右有個熟食中心😯一向都覺得熟食中心嘅小菜零舍有鑊氣🫢 今晚就黎試下😁估唔到禮拜日晚沿途行過去都好靜，但轉完個彎黎到門口就好似去左另一個世界咁，勁熱鬧！仲有唔少檯一早俾人預約左😮呢度除咗小炒之外都有火鍋，不過小炒先係我地既首選🤣兩個人點左三樣野～❤️籠仔豉汁蒸白鱔飯💰1️⃣0️⃣8️⃣份量好多👍白鱔味道鮮甜，肉質實淨而嫩滑💯飯底仲加雞蛋炒過黎，好有誠意😯米飯粒粒分明，配埋啲豉汁好正！😋❤️魚肚蝦乾浸時蔬 💰8️⃣8️⃣勁大碟😂 面頭舖左勁多一粒粒既魚肚，好足料👏🏻蝦乾軟硬度岩岩好，鮮味浸晒落個湯底度，所以個湯底幾清甜，而且唔覺有味精😙菜心顏色嫩綠，有適當油分入口好滑👍⭐️中式牛柳 💰9️⃣8️⃣我最中意既甜酸汁😍 牛柳夠淋夠滑，送飯一流！呢度有室外亦有室內冷氣位任君選擇，充滿大排檔風味😊店員服務亦相當好！樂於推介唔同菜式，見我地隻碟墊左好多骨仲好似酒樓咁幫我地換過隻碟😯😯 下次同屋企人黎試多啲款式！😋

嘩嘩嘩！好想食小炒好耐了！今次約埋朋友去試吓屯門大排檔！人氣小炒餐館！成日見到好多人食！今次終於一齊人去試吓😂《建榮特色桑拿菜火鍋店》呢間人氣小炒餐館！好似只做晚市丫！而且都非常多人我哋幾個人叫咗菠蘿咕嚕肉，呢個係店家推介，佢哋話用上新鮮嘅菠蘿🍍椒鹽九肚魚，惹味，脆口，別有一番風味辣子炸大腸，份量超大！爭啲食唔晒！炸得剛剛好！唔會乾！保留到大腸嘅濕度👍🏻仲要月辣子炒！正吖啫啫雞煲，豬潤厚切！真係第一次見。😍😍全部都非常入味！送飯一流！！

天氣開始轉涼，即刻同屋企人去食個羊腩煲暖下胃。一黎到出面已經排晒長龍，咁等位冇野做，就四圍行下睇下其他人食咩，發覺大部分食客都有叫羊腩煲，已經好期待。當晚我地叫咗以下幾果餸古法羊腩煲 $388豉汁炒硯 $128咕嚕肉 $108羊腩煲非常足料，除咗羊腩，仲有支竹，甘蔗，馬蹄，洋蔥，薑，葱同埋調味料等等。羊肉唔會太羶，而且肥瘦適中，肉質好腍，但又唔會腍到冇晒質感同咬口。味道方面唔會死咸，加上落咗少少蔗糖，但汁會濃啲同有少少甜味，平衡d。 食到咁上仲有生菜送，正！豉汁炒硯，份量都好大下。料頭都唔會hea, 怱蒜，三色椒，辣椒同大量豆豉。開頭以為辣椒係裝飾品，點知原來都幾辣下。 炒硯都夠鑊氣，唯一美中不足係有d硯未洗得乾淨，仲食到有沙，而且個汁太多，有d水了了。但整體都不錯。咕嚕肉，本人至愛，基本上每次去大排檔都會叫。呢到既咕嚕肉都幾大碟，配料有三色椒，洋蔥，少少蜜桃，整體不錯，但味道我覺得酸咗少少。 咕嚕肉個皮炸得好香脆，唔會太厚粉。舊肉本身就唔太腍身，有幾舊都食都有筋，有d痴牙。不過呢個價錢同份量，都絶對收貨👌

住了屯門九年才第一次到此冬菰亭食肆，其實這裏成行成市有一眾店子可以光顧，尤其在秋冬較涼的日子比較適宜。此店除了開陽的半室外座位還有五六張室内空調枱，是更好的乘涼地方，跟內子兩人撑枱腳試了兩個大路菜，第一是排骨煲，第二是冬菜肉碎蠔仔粥。排骨煲做法似啫啫煲，多葱頭及蒜子，味道不錯而排骨份量很多，只可惜是每顆都骨大(如改用肉排較理想)，不過亦算十分下飯；後來的蠔仔粥很大盤足六碗，有適量冬菜及蝦米令它更惹味，只是肉碎和蠔仔份量一般，同時粥底偏鹹要後加開水才能吃，而米量及濃稠度則較合宜，整體來說在選料及味準方面有進步空間。總結此餐無叫白飯不加一卻是很相宜的$176價格及很飽肚。注意此店有較多人光顧半室外有生風的座位打邊爐。

完全沒禮貌沒服務上另一個新菜，說換細碟變成一碟菜不要了,都唔緊要最慘每個樓面都撞聾的，聽到問多聲會死嗎？我唔會再黎喇，食物質素已經差，而家仲無服務，而且更似不喇喇搵交鬧，我俾錢食飯，唔係俾錢受氣，送錢都唔會再黎，多謝晒了

同老婆搬去酒店住幾日晚上落街食晚飯當晚跑馬 見到呢間野幾多人老婆話好耐冇食打牌檔，就入去試試先講 豉椒炒花甲花甲大隻 冇沙略嫌味道太淡我屋企都炒得好食過佢雜菜粉絲煲其實唔應該叫，鬼叫老婆想食咩最簡單 最易煮既餸菜如果咁都唔好食就慘啦豉汁蒸鱔鱔蒸得剛好，肉質鮮嫩缺點就是 鱔 入唔到味豉汁還豉汁味 魚還魚味搞到食鱔時要附上幾粒豆豉才夠味廚師敗筆之作……浪費左條膳白切咸鵝呢個係全餐最好食既餸鵝肉質感鮮嫩，咸度適中仲特登叫左碗飯 同兩支啤酒全餐總數505蚊，貴唔貴見仁見智呢個價錢 食呢d餸……我唔會有下次但總括黎講，唔怕爛賭既人係隔離嘈嘈閉又或者閣下喜歡賭馬的，不防試下呢間餐廳

疫情期間真係少左好多出街食飯，同老伴有事做要遠征屯門，一心其實想入元朗食飯，點知架車經過工業區時，見倒有好耐冇見嘅大排擋！仲要6:30都有幾張枱食緊，以30度嘅酷天氣黎講，坐大排擋真係有D挑戰自我！不過難得黎到就落車望下個餐牌啦！ 老伴話熱就快D食完快D走～好吧！試一試久違嘅大排擋風味！🦐🍚 籠仔海蝦炒飯   $108 - 海蝦爽新鮮一口嘅大小，蝦頭仲有蝦膏，超正！籠仔炒飯唔油仲好香！份量兩個人食剛剛好！讚 👍👍👍  🦑 椒鹽鮮魷  $108 - 鮮魷好新鮮厚肉，酥炸嘅炸粉剛剛好唔油膩乾身，配有蒜頭碎粒，超惹味！份量好多！🌶️🍆避風塘茄子 $88 – 呢個係佢地招牌菜之一！待應捧出黎時我同老伴都嘩左聲！好大碟！炸茄子炸粉厚過椒鹽鮮魷，但係夾埋 避風塘又真係好好味！真正嘅外脆內軟！呢味餸會令我再想黎食！咁鬼熱加埋罐可樂，埋單先係 $316! 抵食指數 👍👍👍👍👍我比滿分💯    天氣涼D 再來吧！

聽朋友介紹嚟到建榮大排檔食宵夜。呢度位置好近屯門市中心，逛完街行路過嚟都好方便。建榮主要係食啲港式嘅飯菜，都幾啱我口味。我同女朋友兩個人點左個羊腩煲，秋冬時候就應該食翻啲滋補野。冇霖到羊腩煲份量咁足，再加埋其他菜我哋差啲都食唔嗮。不過話返轉頭，啲羊腩真係好味，啖啖都係肉,湯汁亦都非常濃郁，羊腩相當之入味，真係開胃。不過因為今次食得飽過頭，仲好好多其他嘢都沒嚐試，下次再帶多幾個朋友嚟食多次，聽聞可以續煲添！

媽咪生日，成家人打算出去食餐飯。來到爸爸公司附近，離進就見到哩間大排檔啦。聽爸爸話平時超多人排隊，今日訂埋乳豬，一家人好好食餐飯。靚仔哥哥喺門口認認真真咁烤住乳豬，望到我口水都流嗮出來。好綵有預定，冇等幾耐就可以食飯啦。壹開始我腫擔心成只豬直接烤會唔會有陣騷味，但喺我真喺錯了！外皮烤到焦脆但係又唔會有碳火味。一啖咬落去，皮同肉之間腫會有肉汁，真喺鮮嫩多汁。連平時好少食肉嘅媽咪都食到停唔到口。怪唔得爸爸會點乳豬啦，壹家人聚會就應該有樣大碟菜啊

終於系這家店我們尋找到了一直想食噶炭燒乳猪！在店門口就可以睇到有師傅系度用烤爐烤，翻轉乳猪完全靠師傅的臂力，而且還要不時刷油搶火，讓麻皮起得均勻且皮色光亮，一隻豬燒烤下來，師傅已經出了一身汗，真系開眼届！要知道這在香港可是難得一見的傳統燒乳，始終是炭燒的香味最令人回味，也保留了皮脆松化的特點。相較於用爐火燒，炭火更容易控制火溫，這道乳猪受熱面均勻，烤出來的味道自然香濃可口。麻皮乳猪皮脆松化，肉嫩飛汁，是真正的色香味俱全。

有這樣一句俗語“無雞不成席”，真正燒雞皮紅，肉質鮮美，皮脆肉嫩，肥而不膩，味道十裡飄香。正宗燒臘店做脆皮燒雞不僅有著漂亮的外表，而且顏色脆皮樣樣都占齊，在吃貨界裏有良好的口碑。這家店入門口就可以睇到掛住一排的燒雞，成品色澤紅亮，皮脆肉滑，香飄四溢，就系流曬口水！所以坐落立刻點左碟燒雞，果然好正，一咬落去雞汁都擠曬出來，滿足曬我食肉獸的胃口。比麥當勞的炸雞好食得多啦，營養又好食，得閒就帶小朋友過來再試一下！

今年的猪肉價格實在太高了，尤其是品質好的部位更是貴得不得了。這時候就想起了猪身上還有一個部位，非常適合這時候食用，就是豬大腸。這家店裏的辣子炸豬大腸我非常鐘意食！豬大腸我們也叫它肥腸，是猪身上一個很特別的部位，肥肥的聞起來有一種很特別的香味。這道菜裡面放入很多很多的花椒和幹紅辣椒，辣椒和花椒都被油炸的焦焦脆脆，配上炸得酥酥脆脆的大腸本身的肥肥的香味這樣不論是聞起來還是吃回來，都是一等一的美感享受。而且吃起來不會很肥膩，清潔得比較乾淨，食得放心！

這家店其实有唔少值得一試的美食，其中生炒白灼鹅腸系我摯愛了！白灼，可能真是粵菜裏最常被誤解的一種烹飪手法了。其實，白灼看似簡單，沒有過多調味，實際上卻遠沒有想的那麼容易，尤其是在食材的選擇，火候的拿捏上，甚至不比重口味菜簡單，很容易一不小心就做老了，或者選材不合適直接做壞了。這家的鹅腸食得出來非常之新鮮，而且烹飪的時間和火候都剛剛好，所以彈牙又爽口！而且腥味都無，洗得很乾淨，下次有機會一定會再來食！