廣東人小廚 (已搬遷) 新店位置

屋企樓下竟然有咁懷舊的炭爐邊爐！正啦......滑牛好味，夠軟身，點滾都唔會老！！2個人埋單$220，湯底：豬骨，食左雞塊、雙並牛丸+芝士腸、生菜、桂花龐、可樂一罐招呼好，員工態度好！

住在河畔附近，成日晚飯時間經過都好旺，再者又係用炭爐，終於同老婆，姨仔走左去試試。叫了醉雞鍋75蚊半隻，湯底同d雞肉都好得，唔似係雪藏雞。但戲玉的話，真係同樓上食評的一樣，手切肥牛同牛柳粒，自己認為138咁大碟之餘，味度又好，在九龍出面都好難找得到。由於得三個人，再叫多碟怕食唔哂，齋叫了碟牛肉粒68蚊。食完個個都好滿意。還有昨晚有花蟹，叫了兩隻試試，估唔到蟹仔細細但非常好肉，雖然兩隻蟹都是60蚊，但老細好像大酒樓一樣，攞住兩隻蟹到我們處，問這兩隻好唔好。這樣的熱誠，難得。鱔片也是我的至愛，38蚊有好多塊，大大塊切功一流，抵讚，因本人好怕d鱔片細細塊，剩係得d皮，無肉食。清菜我地叫左豆苗，放落醉雞湯，好掂，食完第二碟，再叫時老細話這碟我嘅，雖然只係18蚊，但就已經冧哂。還有x妹大啤3枝，忌廉2礶，田雞，魚頭雲免加一，總數520蚊。各人都超滿意，特別是姨仔話，有得邊打爐及邊食煙，Very good. 決定好快再黎。

呢日收工到河畔吃飯，見平日食開的地方對面開左間廣東人小廚，新開張就試試佢虛實，行過來試下﹗店鋪新開當然新淨光鮮，絕大部份食客都坐在門外位置，有小炒火鍋煲仔飯等供應。來到驚見呢度竟然有炭爐邊爐，有睇開我食評既朋友都知我對炭火邊爐有情意結，本來諗住今晚食小炒都按奈不住要打個炭火邊爐﹗起爐先知不是用炭而係用一舊圓形的煤來生火，煤也過癮沒太大所謂﹗光頭老闆見我坐低係咁影相都好SOCIAL行過來同我打招呼，又叫我地影得靚0的，仲介紹有咩好食。睇餐牌食物不貴，邊爐料幾十蚊有交易，佢推介蕃茄薯仔牛粒鍋，再加多碟佢話最靚既手切肥牛及一碟靚蜆，蔬菜方面就點左個雜菌拼盤。寒夜漫漫有個煤爐滾住確係暖洋洋，$58既牛粒鍋湯底有蕃茄薯仔粟米及蘿蔔，仲有十幾廿粒牛粒，湯看色水已知是清雞湯開出來，試過果真如此，湯底牛粒味道反而幾好，當然此家邊爐不能與我的心水餐廳荃灣豬骨張作同日而喻。牛是打邊爐最重要的一環，手切肥牛$100碟，睇番賣相就唔多似係手切，如此薄切似機切牛多，肥牛色水紅潤紋理亦勻稱，輕灼之下入口腍滑，香而有牛味，還不錯，味道應是安格斯牛片。肥牛片之外老闆仲俾左幾粒牛粒我地試，厚切達到2cm，大粒非常，淥佢

一餐好耐無食到既早餐d野睇得出無落味精a餐通粉個湯鮮甜又清多士好大份個奄列就同普通差唔多好多野食連凍飲都係22蚊老闆態度友善,仲會黎吹下水d待應一坐低d用具就好快到而且上食物時好小心唔會整瀉d野